ကိုကကြီးဟာ ကုမ္ပဏီတခုက အရောင်းဝန်ထမ်းပါ။ ကြိုးစားအားထုတ်တာနဲ့ ပြန်ရတာဟာ တိုက်ရိုက်အချိုးမကျဘူးလို့ ခံစားမိနေတဲ့အတွက် အလုပ်မှာ ပိုပြီး လျော့တိလျော့ရဲ နိုင်လာပါတယ်။ ဒီလိုဖြစ်လေ လုပ်ဆောင်မှုနဲ့ချိတ်ဆက်နေတဲ့ လုပ်အားခကလဲ နည်းသထက်နည်းလာပါတော့တယ်။
၃၊၄ လ ဆက်တိုက်မှာမှ အခြေခံလုပ်ခစာလောက်ပဲရှိတဲ့ ဒေါ်လာ ၈၀၀ လောက်ပဲရတာမို့ နောက်ဆုံးမှာ သည်းမခံနိုင်တော့ဘဲ သူ့ရဲ့လုပ်ဖော်ကိုင်ဖက် ကိုခကွေးကို အံတကြိတ်ကြိတ်နဲ့ ပြောပါတော့တယ်။ ‘‘ငါ ကုမ္ပဏီကို တော်တော်စိတ်နာလာပြီ၊ ချက်ချင်းပဲအလုပ်ထွက်တော့မယ်ကွာ။’’
ကိုခကွေးက သဘောတူကြောင်း ခေါင်းညိတ်ပြီး ‘‘ငါအရမ်းကိုပဲ ထောက်ခံတယ်။ ဒါပေမယ့် မင်းအခုထွက်သွားရင် အမြော်အမြင် မရှိရာ ကျမယ် လို့ ငါထင်တယ်။’’
‘‘ဘာဖြစ်လို့လဲကွ။’’ ကိုကကြီးက သဘောမပေါက်ပဲပြန်မေးတယ်။
‘‘မင်းပဲစဉ်းစားကြည့်ကွာ၊ ငါတို့ ကုမ္ပဏီက ဘာကို အရေးအထားဆုံးလဲ။ ဖောက်သည်လေကွာ။’’ ကိုခကွေးက သုံးသပ်ပြတယ်။ ‘‘အခုမင်းလက်ထဲမှာ (ကိုယ်တိုင်ရှာထားတဲ့) ဖောက်သည်ဆိုလို့ တစ်ယောက်တောင်မရှိဘူး၊ မင်းအခုထွက်သွားရင် ကုမ္ပဏီအတွက် ဘာမှကို ထိခိုက်မှာမဟုတ်ဘူး၊ အဲဒီလိုဖြစ်တာ မင်းဘက်က နစ်နာတယ်လို့မထင်မိဘူးလား။’’
‘‘ဒါဆို ငါဘယ်လိုလုပ်သင့်တယ်လို့ မင်းထင်လဲ။’’ ကိုကကြီးက မေးပါတယ်။
‘‘မင်း ကုမ္ပဏီကို အရမ်းမုန်းတယ်မဟုတ်လား။ အဲဒီတော့ ကြီးကြီးမားမားကို ကလဲ့စားချေပေးရမယ်။’’ ကိုခကွေးက ခြေဟန်လက်ဟန်နဲ့ (ဆက်)ပြောတယ်။ ‘‘မင်း ကုမ္ပဏီမှာရှိနေတုန်းအခိုက်ကို အခွင့်ကောင်းယူပြီး ကိုယ့်အတွက် ဖောက်သည်ကြီးတွေ နည်းနည်းလောက်ရအောင် အစွမ်းကုန်ရှာ၊ ကုမ္ပဏီရဲ့ တဦးတည်းသော အရေးပါတဲ့လူ ဖြစ်အောင်လုပ်။ ကုမ္ပဏီကို မင်းဟာ သာမန်လောက်ပဲ စွမ်းဆောင်နိုင်တဲ့လူ မဟုတ်ဘူးဆိုတာ၊ မင်းမရှိရင်မဖြစ်ဘူးဆိုတာမျိုး ခံစားသွားပလေ့စေ။ ပြီးရင် အဲဒီ ဖောက်သည်တွေကိုအပါခေါ်ပြီး ရုတ်တရက် အလုပ်ထွက်ပစ်လိုက်။ အဲဒီလိုမှသာ ကုမ္ပဏီက ကြီးကျယ်တဲ့ဆုံးရှူံးမှုနဲ့ကြုံပြီး အခြေအနေမလှတဲ့ ခံဘက်အနေအထားနဲ့ ရင်ဆိုင်ရမှာ။’’
‘‘ဟုတ်တယ်ဗျာ။’’ ကိုကကြီးက ရုတ်တရက် အသိတရားရသွားပြီး ပြောလိုက်တယ်။ အဲဒီကတည်းကစပြီး ဒီအမြင်ကတ်စရာကောင်းလှတဲ့ ကုမ္ပဏီကို တစ်ရက်စောပြီး သင်ခန်းစာရသွားအောင် သူဟာ အစွမ်းကုန် အင်တိုက်အားတိုက် ကြိုးစားလာတယ်။ ဆန္ဒရှိရင် ဘာမဆိုဖြစ်လာရတယ်ဆိုတဲ့အတိုင်း၊ လအနည်းငယ်အတွင်းမှာ ကိုကကြီးဟာ ကုမ္ပဏီတခုလုံးမှာ စွမ်းဆောင်မှုအကောင်းဆုံး အရောင်းဝန်ထမ်း ဖြစ်လာပါတယ်။
တစ်ရက်မှာ ဓါတ်လှေကားထဲ တိုက်တိုက်ဆိုင်ဆိုင် ဆုံမိတဲ့ ကိုကကြီးကို ကိုခကွေးက သတိပေးတယ်။ ‘‘ ကဲအချိန်တန်ပြီ၊ အလုပ်ထွက်မယ်ဆိုရင် အမြန်သာလှုပ်ရှားပေတော့။’’
မထင်မှတ်ထားမိတာက ကိုကကြီးဟာ ခပ်မှေးမှေးလေး ပြုံးရင်းနဲ့ ‘‘ပြီးခဲ့တဲ့ ၃၊၄ ရက်လောက်ကပဲ ဒါရိုက်တာချုပ်က ငါ့ကိုပြောတယ်၊ မကြာခင်ကာလထဲမှာပဲ ငါ့ကို အရောင်းဌာနရဲ့ မန်နေဂျာရာထူးကို တိုးပေးဖို့ပြင်ဆင်ထားပြီးပြီတဲ့။ ရှေ့ရေးဒီလောက်ကောင်းနေတာကို ထောက်ပြီး ငါ လောလောဆယ် အလုပ်ထွက်ဖို့ မပြင်သေးပါဘူးကွာ။’’
|
--------------------------------------------------------------------------------------------------------------
ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事,大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 辞职与升职 ဆိုတာပဲဖြစ်ပါတယ်။
မောင်မောင်
၂၇.၁၂.၂၀၀၉ ည ၁၁း၃၇
ကိုခကွေးရဲ့ အကြံပေးချက်ဟာ ကုမ္ပဏီကို တကယ် ဒုက္ခပေးချင်လို့ ဟုတ်ဟန်မတူပါဘူး။ ကိုကကြီးကို တမင်သက်သက် စိတ်ဓါတ်မြှင့်တင်ပေးချင်လို့ ဖြစ်မယ်။...
ReplyDeleteနောက်တခုက အလုပ်ထဲမှာ များများပေးဆပ်ပါဆိုတာ တခုခု အသစ်ရနေအောင်၊ ပိုသိလာအောင် လေ့လာခိုင်းတာကို ဆိုလိုမယ်လို့ ထင်မိတယ်။ ဒါမျိုးဆိုရင်တော့ များများ ပေးဆပ်ရတာဟာ ကိုယ့်အတွက် ကိုယ်ပြန်အလုပ်လုပ်နေတာပါပဲ။ လုပ်သင့်ပါတယ်။...