တယောတစ်လက်ရဲ့ လေလံ...

     လေလံပွဲမှာ လေလံပစ်သူ အလုပ်များနေတဲ့အချိန်။ နောက်လေလံပစ်ပေးရမယ့် ပစ္စည်းတစ်ခုကို ဈေးခေါ်ဖို့ ယူလိုက်တဲ့အခိုက် သူ့မျက်နှာမှာ လှောင်ပြောင်သရော်လိုတဲ့ အပြုံးတစ်ချက် လက်သွားပါတယ်။ ဒီလို စုတ်စုတ်ပြတ်ပြတ်နဲ့ တယောတစ်လက်ကို လေလံပစ်တာ ဘာများစိတ်ဝင်စားစရာကောင်းလို့လဲ။ ပစ္စည်းအစုတ်တွေစုဆောင်းတဲ့ အဖွားကြီးကို ရောင်းလိုက်တာကမှ ဟုတ်ဦးမယ်ပေါ့။ လေလံပစ်တဲ့သူက ဒီလို စဉ်းစားနေမိပါတယ်။

     ဒါပေမယ့်လည်း အတွေးက အတွေးထဲမှာပေါ့။ လေလံပစ် ကျွမ်းကျင်သူလုပ်နေမှတော့ နောက်ဆုံး မျက်နှာမှာပြုံးပန်းဆင်ပြီး တယောလေးကိုမြှောက်လို့ ‘‘မိတ်ဆွေများခင်ဗျား၊ ဒါကတော့ နှစ်ကာလတွေ ရှည်ကြာလှပြီဖြစ်တဲ့ တယောလေးပါပဲ။ အရင်ဦးဆုံးကြိုတင်ပြောကြားထားလိုတာကတော့ ဒါကို ဘယ်အဖိုးတန်သစ်သားနဲ့မှ လုပ်ထားတာမဟုတ်ပါဘူး။ ဘယ်နာမည်ကြီးဆရာသမားတွေရဲ့လက်နဲ့မှလည်း မထိဖူးမညွှန်းဖူးထားပါဘူး။ ရိုးရိုးသာမန်တယောတစ်လက်သက်သက်ပါ။ အခု ဘယ်သူဈေးစဖွင့်ပါမလဲ။’’

     အောက်ကဈေးပေးတဲ့လူတွေ ကျိုးတိုးကျဲတဲဖြစ်သွားပါတယ်။ ပေးလိုက်တဲ့ဈေးတွေကလည်း ငိုရမလိုရယ်ရမလိုပါပဲ။ ‘‘၁ဒေါ်လာ’’။ ‘‘၂ ဒေါ်လာ’’။ ‘‘၃ဒေါ်လာ’’ အထိအော်လိုက်ပြီးတဲ့အခါမှာတော့ ဘယ်သူမှဆက်ပြီးမအော်ကြတော့ပါဘူး။ လေလံပစ်သူက လေလံအောင်မြင်ကြောင်း တူထုမယ်အလုပ်မှာ နောက်ဆုံးအတန်းမှာ ထိုင်နေတဲ့ အဖိုးအိုတစ်ယောက် မတ်တပ်ရပ်ပြီးပြောလိုက်ပါတယ်။ ‘‘ခဏနေပါဦး။’’

     အားလုံးက လှည့်ကြည့်လိုက်ကြတော့ ‘‘ရှူး’’ကနဲ တညီတညာနဲ့အသံထွက်လာပြီး တိတ်ဆိတ်သွားပါတယ်။ လတ်စသတ်တော့ ဒီမြို့လေးက နာမည်အကျော်ဆုံး တယောဆရာကြီးဖြစ်နေပါတယ်။ အဘိုးကြီးစင်မြင့်ပေါ်တက်သွားပြီး လက်ကိုင်ပ၀ါထုတ်လို့ တယောပေါ်က ဖုန်တွေကို သုတ်လိုက်ပါတယ်။ လျော့နေတဲ့ တယောကြိုးတွေကိုလည်း ညှိလိုက်ပါတယ်။ ပြီးတာနဲ့ ဘိုးတံကိုင်ပြီး တယောစဆွဲပါတော့တယ်။ တဒင်္ဂအတွင်း ခန်းမထဲမှာ နတ်တေးဂီတတွေ လွင့်မျောနေသလို၊ နတ်တွေလူ့ပြည်ဆင်းပြီးတီးခတ်နေသလို လူတွေကို အံ့ဩရှုမောပြီး နစ်မျောသွားစေပါတယ်။

     ဂီတသံက နောက်ဆုံးရပ်သွားပါတယ်။ တယောဆရာက တယောအိုလေးနဲ့ဘိုးတံကို မြှောက်ပြပြီး ‘‘ကျုပ်ဒီတယောအတွက် ဈေးဖွင့်ပါမယ်။ ဒေါ်လာ ၁၀၀၀ ပါ။ ဘယ်သူများ ၂၀၀၀ ပေးချင်ပါသလဲ။’’ အောက်ဘက်ကနေ ချက်ချင်း(၂၀၀၀ဈေး သဘောတူကြောင်း)ပြန်ဖြေပါတယ်။ ‘‘ကောင်းပြီ။ အခု ၂၀၀၀ ပါ။ ဘယ်သူ ၃၀၀၀ ပေးချင်ပါသလဲ။’’ ဈေးသဘောတူကြောင်း လူတစ်ယောက်ပြန်ဖြေပါတယ်။ ‘‘၃၀၀၀ တစ်ကြိမ်။ ၃၀၀၀ နှစ်ကြိမ်။ ၃၀၀၀ သုံးကြိမ်ပါ။ လေလံအောင်မြင်သွားပါပြီ။’’

     အဲဒီအချိန်မှာ လေလံပွဲလာတဲ့လူတွေအားလုံး မချိန်းထားပဲနဲ့ တညီတညာထဲ ဟစ်အော်အားပေးကြပါတော့တယ်။

     ‘‘ဘာဖြစ်လို့ ရုတ်တရက်ကြီး တန်ဖိုးမြင့်သွားရတာလဲ’’ လို့ လူတစ်ယောက်က အော်မေးပါတယ်။

     ‘‘ဆရာသမားလက်ထဲရောက်မှတော့ ကျောက်ခဲကိုညွှန်ရင်တောင် ရွှေဖြစ်တယ်ဗျို့’’ လို့ လူတစ်ယောက်က အသံကျယ်ကျယ်နဲ့ ပြန်ဖြေလိုက်ပါတယ်။

သဘောတရား။     ။ ။လူ့ဘ၀မှာ သံစဉ်တွေလွဲကုန်တဲ့အခါ ကျွန်တော်တို့တွေဟာ မသိလိုက်မသိဖာသာပဲ ကိုယ့်ကိုယ်ကို အထင်သေးမိတတ်ကြပါတယ်။ ဒါ့အပြင် ဈေးချပြီးတော့လည်း ကိုယ့်ကိုယ်ကိုရောင်းကြပါတယ်။ ဒါပေမယ့် တတ်ကျွမ်းတဲ့ဆရာသမားတွေက ကျွန်တော်တို့ကို ထိတွေ့လိုက်ပြီးတာနဲ့ ဒီ စိတ်ဝိညာဉ်နဲ့တန်ဖိုးတွေကပဲ ချက်ချင်းဆိုသလို တန်ဖိုးအဆတရာ တက်သွားနိုင်ပါတယ်။ ဒီလိုဆိုကြရင်ဖြင့် ကျွန်တော်တို့တွေ ဘာဖြစ်လို့ မိမိကိုယ်တိုင်ရဲ့ ဆရာသမားကောင်း မလုပ်နိုင်ကြရမှာလဲဆိုတာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 拍卖旧提琴 ဆိုတာပဲဖြစ်ပါတယ်။

မူရင်း စကားပုံလေးက ‘‘大师经手, 点石成金’’ ပါ။

ပျော်ရွှင်ကြပါစေ

ဦးမောင်

၂၈.၀၂.၂၀၁၀ ညနေ ၀၅း၀၄

အောင်မြင်မှုဆိုတာ...

     အလှူရှင်တွေအတွက် သီးသန့်လုပ်ပေးတဲ့ ကပွဲတစ်ခုမှာဖြစ်ပါတယ်။ လာရောက်ကြသူအားလုံးကတော့ ငွေကြေးပမာဏအမြောက်အမြား လှူဒါန်းဖူးတဲ့ အောင်မြင်တဲ့ပုဂ္ဂိုလ်ကျော်တွေပဲဖြစ်ပါတယ်။ ပြောစကားအရဆိုရင် သူတို့ထဲမှာ အနည်းဆုံးလှူဖူးတဲ့သူတောင် အလှူငွေ သန်းဂဏန်းအထက်မှာရှိပါတယ်။

     မီးရောင်တွေထိန်ထိန်လင်းနေတဲ့ကြားမှာ ကဋေကြွယ်သူဌေးတစ်ယောက်ဟာ အသစ်ရင်းနှီးတဲ့ မိတ်ဆွေတွေနဲ့ ပြောဆိုရယ်မောနေပါတယ်။ ရုတ်တရက် အခန်းထောင့်မှာ ဘာစကားမှမပြောတဲ့ ဘယ်သူမှလဲအဖော်မလုပ်တဲ့ လူတစ်ယောက်ထိုင်နေတာကို သူရိပ်ကနဲတွေ့လိုက်ပါတယ်။ ဒါနဲ့ပဲ သူဟာ အရက်ခွက်ကလေးကိုင်ပြီး လျှောက်သွားလိုက်ပါတယ်။

     ‘‘ဟိုင်း၊ မင်္ဂလာပါ၊ မိတ်ဆွေ။’’ သူဌေးကြီးက အဲဒီလူကို နှုတ်ဆက်လိုက်ပါတယ်။ ခင်ဗျားလည်း ဒီကပွဲလာတဲ့ ဧည့်သည်ပဲလား။’’

     ‘‘’ဟုတ်ပါတယ်။’’ အဲဒီလူက သူ့ကို တစ်ချက်ကြည့်ပြီး ယဉ်ကျေးစွာနဲ့ ပြုံးရယ်ပြီး ပြန်ဖြေပါတယ်။

     ‘‘ဒါဆို ကျွန်တော်တို့ချင်း မိတ်ဆက်ရအောင်လားဗျာ။ ခင်ဗျားက ဘာလုပ်သလဲ။’’ သူဌေးကြီးက ထပ်မေးပါတယ်။

     ‘‘ကျွန်တော်က သတင်းဌာနက ကော်လံအပိုင်စားသတင်းရေးဆရာပါ။’’ အဲဒီလူက ပြန်ဖြေပါတယ်။

     ‘‘ဪ...’’ သူဌေးကြီးက အံ့အားသင့်ပြီး မျက်လုံးပြူးသွားတယ်။ ‘‘ဒါဆိုရင်တော့ ခင်ဗျားက အောင်မြင်တဲ့သူ သေချာပေါက်ဖြစ်ရမယ်။ ဒီညကပွဲကိုလာနိုင်တယ်ဆိုတော့ လှူဒါန်းငွေက တစ်သန်းထက်တော့ မနည်းဘူးပေါ့။’’

     ‘‘ကျွန်တော်ကတော့ ချွင်းချက်ပါ။’’ ကော်လံစားသတင်းရေးဆရာက အသာအယာပြုံးရင်းနဲ့ ‘‘ကျွန်တော်က ၅သောင်းပဲ လှူခဲ့တာပါ။’’

     ‘‘ဘာ...’’ သူဌေးကြီးက ပထမ မှင်သက်သွားတယ်။ နောက်တော့ အထင်သေးတဲ့အကြည့်တွေနဲ့ တဟားဟားရယ်ပါတော့တယ်။ ‘‘ကျုပ်က ခင်ဗျားကို အောင်မြင်တဲ့သူတစ်ယောက်လို့ထင်နေတာ။ လတ်စသတ်တော့ ခင်ဗျားက ငွေလေး ၅သောင်းပဲလှူဖူးတာကိုး။’’

     ‘‘ကျွန်တော်က အောင်မြင်တဲ့သူတစ်ယောက်ပါပဲ၊ မစ္စတာ။’’ ကော်လံစားသတင်းရေးဆရာက အောက်လဲမကျို့ မာနလည်းကင်းကင်းနဲ့ မတ်တပ်ရပ်လိုက်ပြီး တည်ကြည်လေးနက်စွာပြောပါတယ်။ ‘‘ကျွန်တော်က ငွေ၅သောင်းပဲလှူတယ်ဆိုပေမယ့် ဒါက ကျွန်တော်ပိုင်ဆိုင်သမျှဥစ္စာရဲ့ နှစ်ပုံပုံရင် တစ်ပုံပါပဲ။ ခင်ဗျားကျတော့ရော။ ငွေတစ်သန်းလှူတယ်ဆိုပေမယ့် ခင်ဗျားပိုင်ဆိုင်သမျှဥစ္စာရဲ့ အပုံတစ်ရာပုံတစ်ပုံပဲရှိပါတယ်။ နှိုင်းယှဉ်လိုက်မယ်ဆိုရင် ဘယ်သူက ပိုပြီးအောင်မြင်တဲ့လူဖြစ်မလဲ။ ဘယ်သူက ဒီနေရာမှာရပ်နေနိုင်တဲ့ အရည်အချင်းနဲ့ ပိုပြီးပြည့်မီပါသလဲ။’’

     ဒီစကားတွေကြားလိုက်ရတော့ ကုဋေကြွယ်သူဌေးကြီးလည်း ရုတ်တရက် ဆွံ့အသွားပါတော့တယ်။

     ဒါတွေပြောမိလို့ ဟိုင်အော်(Haier)အမှုဆောင်ချုပ် ကျန်းရွေ့မင်ရဲ့ စကားတစ်ခွန်းကို ရုတ်တရက်သွားပြီး သတိရမိပါတယ်။ ‘‘သေးတာဟာ အလှတရားမဟုတ်ဘူး။ ကြီးတာလည်း အလှတရားမဟုတ်ဘူး။ သေးရာကနေပြီးကြီးလာတာကမှ အလှတရားပါ။’’ ပကတိ အလှတရားဆိုတာမရှိပါဘူး။ နှိုင်းယှဉ်လို့ပဲရပါတယ်။ နှိုင်းယှဉ်မှုတွေလုပ်လိုက်ပြီးတော့မှသာ တကယ့်အလှတရားက ဘာလဲဆိုတာ ကျွန်တော်တို့ ခွဲခြားလို့ရမှာပါ။ ဒီလို လူတိုင်းသိထားတဲ့ ကြောင်းကျိုးသဘောတရားနဲ့ ဒီပုံပြင်ထဲက ကုဋေကြွယ်သူဌေးကြီးနဲ့ ကော်လံစားသတင်းရေးဆရာတို့ကို ခွဲခြမ်းစိတ်ဖြာကြည့်လိုက်ရင် ဒုတိယဖြစ်တဲ့ ကော်လံစားသတင်းရေးဆရာကပဲ ပိုပြီးအောင်မြင်တဲ့သူပါ။ ဒီကပွဲကိုတက်ရောက်ဖို့ အရည်အချင်းနဲ့ ပိုပြည့်စုံတဲ့သူပါ။

သဘောတရား။     ။ ။အောင်မြင်မှုနဲ့ ငွေကြေးကြွယ်ဝချင်းဟာ ဆန့်ကျင်ဘက်ပါ။ ပုံသေသတ်မှတ်ထားတဲ့ စံနဲ့လာပြီးတိုင်းတာလို့မရစကောင်းပါဘူး။ ဒါ့အပြင် အောင်မြင်မှုသင်္ကေတရဲ့ တကယ့်အဓိပ္ပါယ်အစစ်က မိမိကိုယ်ကို တစ်ကြိမ်ပြီးတစ်ကြိမ် ကျော်လွန်ဖောက်ထွက်နိုင်မှုပါ။ မိမိပိုင်ဆိုင်သမျှစည်းစိမ်ဥစ္စာနဲ့ လုံးဝတိုင်းတာလို့မရနိုင်ပါဘူး။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 谁更成功 ဆိုတာပဲဖြစ်ပါတယ်။

လေ့လာချင်သူများအတွက် Haier Company အကြောင်းပါ။ http://www.haier.com/abouthaier/corporateprofile/index.asp

ပျော်ရွှင်ကြပါစေ

ဦးမောင်

၂၈.၀၂.၂၀၁၀ နေ့လည် ၀၃း၁၅

ဆရာဝန်နဲ့လူနာ (၂)

အရေးကြီးတဲ့မေးခွန်း...

လူနာ။     ။ ‘‘ဆရာ၊ ဆရာ လူနာတွေကို ညနေစာဘာစားလဲလို့ အမြဲမေးတတ်တာ ကျွန်တော် သိထားပါတယ်။’’

ဆရာဝန်။     ။ဆရာဝန်က ပြန်ဖြေလိုက်တယ်။ ‘‘ဟုတ်ပါတယ်။ အဲဒါက လူနာတွေကို ဘယ်လိုပိုက်ဆံတောင်းရမယ်ဆိုတာ အရိပ်အမြွက်သိရတယ်လေ။’’

တကယ်အကုခံချင်တယ်ဆိုရင်...

ဆရာဝန်။   ‘‘သာမန်အအေးမိရုံပါ။ ကုစရာမလိုပါဘူး။ သူ့ဖာသာပျောက်သွားတဲ့ အထိနေပေးလိုက်ရုံပါပဲ။’’

လူနာ။     ။ညီးညူလိုက်ရင်း ‘‘ဒါပေမယ့်၊ ဆရာ။ ဒီဟာကြောင့် ကျွန်တော့်မှာ နေရထိုင်ရတာ တော်တော် မအီမသာဖြစ်နေတယ်။’’

ဆရာဝန်။     ။မျက်နှာကျက်ပေါ် မျက်လုံးကလည်ကလည်နဲ့ကြည့်ပြီး ပြောလိုက်တယ်။ ‘‘ဒီလိုလုပ်ပါ။ အိမ်ပြန်ပြီး ရေပူပူလေးနဲ့ရေချိုးလိုက်။ ပြီးရင် ရေချိုးဝတ်စုံလေးဝတ်ပြီး အိမ်ယာ(တိုက်ဘလောက်)ကိုပတ်ပြီး ၃၊၄ခေါက်လောက်ပြေးလိုက်ပါလား။’’

လူနာ။     ။‘‘ဘာဗျ။ ကျွန်တော် အဆုတ်ရောင်ရောဂါရသွားမှာပေါ့။’’

ဆရာဝန်။     ။‘‘အဆုတ်ရောင်ရောဂါကို ကျွန်တော်တို့ကုသလို့ရပါတယ်။’’

ကျော်ကြားတဲ့ပန်းချီဆရာ...

ပန်းချီဆရာတစ်ယောက်က ပြပွဲနေ့က သူ့ပန်းချီကားတွေအပေါ် လူတွေစိတ်ဝင်စားမှုရှိမရှိ ပြခန်းပိုင်ရှင်ကိုမေးပါတယ်။

ပြခန်းပိုင်ရှင်က ပြန်ဖြေပါတယ်။ ‘‘ကျွန်တော့်မှာ သတင်းကောင်းနဲ့ သတင်းဆိုး နှစ်ခုရှိပါတယ်။ သတင်းကောင်းကတော့ လူကြီးလူကောင်းတစ်ယောက် ခင်ဗျားပန်းချီကားတွေအကြောင်း လာစုံစမ်းပါတယ်။ ပြီးတော့ သူက ခင်ဗျားသေသွားပြီးရင် ဒီပန်းချီကားတွေ တန်ဖိုးတက်လာနိုင်မလားဆိုတာ သိချင်နေပါတယ်။ ဒါနဲ့ ကျွန်တော်က တန်ဖိုးတက်လာနိုင်တယ်လို့ ပြန်ဖြေလိုက်တော့ ခင်ဗျားရဲ့ ပန်းချီကား ၁၅ ချပ်လုံးကို သူအကုန်ဝယ်သွားတော့တာပါပဲ။’’

ပန်းချီဆရာက ပြောတယ်။ ‘‘အံ့ဩစရာပဲဗျို့။ ဒါနဲ့ သတင်းဆိုးက ဘာများလဲဗျ။’’

‘‘အဲဒီလူက ခင်ဗျားရဲ့ ဆရာဝန်ပါပဲ။’’

အကူအညီလိုတယ်...

သွားဆရာဝန်။     ။ ‘‘ကျွန်တော့်ကို တဆိတ်လောက်ကူညီပေးပါလား။ ခင်ဗျားရဲ့ အကျယ်ဆုံးနဲ့ အနာကြင်ဆုံး အသံလေး ၃၊၄ ချက်လောက် အော်ပေးလို့ရမလား။’’

လူနာ။     ။‘‘ဘာဖြစ်လို့လဲ၊ ဆရာ။ အဲဒီလောက်မှ တကယ် အခံရမခက်တဲ့ဟာ။’’

သွားဆရာဝန်။     ။‘‘အခု လူနာစောင့်ခန်းထဲမှာ လူနာတွေအများကြီးပဲဗျ။ ကျွန်တော်ရဲ့ ၅ နာရီတိတိ အလုပ်သိမ်းချိန်လေး ကျော်မသွားအောင်လို့ပါဗျာ။’’

မင်းကအကောင်းကြီးပဲ...

သတင်းထောက်တစ်ယောက်က လူတစ်ယောက်ကို သူ့ရဲ့၉၉နှစ်ပြည့်မွေးနေ့ပွဲမှာ အင်တာဗျူးတယ်။ အင်တာဗျူးအပြီးမှာ သတင်းထောက်က ပြောလိုက်တယ် ‘‘ခင်ဗျားရဲ့ နှစ်၁၀၀ပြည့်မွေးနေ့အတွက် နောက်နှစ်မှာပြန်လာတွေ့နိုင်ဖို့ မျှော်လင့်ပါတယ်။’’ 

အဲဒါကို အဘိုးကြီးပြန်ဖြေလိုက်တာက ‘‘မလာနိုင်မယ့်အကြောင်း ကျုပ်မမြင်မိပါလား။ မောင်ရင်က ကျန်းမာရေး ဒေါင်ဒေါင်မြည်နေတာပဲဟာ။’’

ဒါမျိုးလည်းရှိတတ်ပါလား...

စိုးရိမ်ပူပန်နေတဲ့ ခင်ပွန်းသည်တစ်ယောက်က မနက် ၃ နာရီကြီးမှာ ဆရာဝန်ကို ဖုန်းဆက်လာပါတယ်။

‘‘ဒေါက်တာရယ်...ကျွန်တော့်အိမ်ကို အမြန်လာပေးပါဗျာ။ ကျွန်တော့်မိန်းမ အူအတက်ရောင်နေလို့ပါ။’’

‘‘မဖြစ်နိုင်ဘူး၊ သူ့ကို ကာဘွန်နိတ်ဆိုဒါ နည်းနည်းတိုက်လိုက်ပါ။ ပြန်အိပ်ပျော်သွားပါလိမ့်မယ်။’’

‘‘ဒါပေမယ့်၊ ဒေါက်တာ၊ ဒီမှာ အရမ်းအသည်းအသန်ဖြစ်နေလို့ပါ။ ချက်ချင်းလာပေးပါဗျာ။’’

‘‘ဒီမှာ...လွန်ခဲ့တဲ့ ၃နှစ်ကပဲ ကျုပ် သူ့ကို အူအတက်ရောင်အတွက် ခွဲပေးခဲ့ရသေးတယ်။ ခင်ဗျား ဒုတိယ အူအတက်ဆိုတာ ကြားဖူးလို့လားဗျ။’’

‘‘ဒီမှာ...ဒေါက်တာ...ဒုတိယ မိန်းမဆိုတာတော့ ကြားဖူးမယ်ထင်ပါတယ်။’’

အညွှန်း...

လူနာတစ်ယောက်က ကျော်ကြားတဲ့အထူးကုဆရာဝန်တစ်ယောက်ရဲ့ ရောဂါစမ်းသပ်ခန်းထဲမှာ စိတ်လှုပ်ရှားစွာနဲ့ စောင့်ဆိုင်းနေပါတယ်။

အထူးကု။     ။‘‘ကျုပ်ဆီမလာခင် ဘယ်သူနဲ့အရင်ပြခဲ့သေးလဲ။’’

လူနာ။     ။‘‘ဒေသခံအထွေထွေရောဂါကုဆရာဝန်နဲ့ပါ။’’

အထူးကု။     ။‘‘အထွေထွေရောဂါကုနဲ့..ဟုတ်လား။ သက်သက်မဲ့အချိန်ဖြုန်းတာပဲ။ ပြောစမ်းပါဦး။ ဘယ်လိုအသုံးမကျတဲ့ အကြံတွေများ ခင်ဗျားကိုပေးလိုက်လဲ။’’

လူနာ။     ။‘‘အထူးကုကြီးဆီကို လာတွေ့ဖို့ပြောလိုက်ပါတယ်။’’

သေချာအောင်တော့ပြောပေးပါ...

ပီတာက သူ့ဆရာဝန်ရဲ့ ဆေးခန်းကို လာတွေ့ဖို့အချိန်အတွက် ဖုန်းခေါ်ပါတယ်။

ဖုန်းဖြေကြားသူ ၀န်ထမ်းက ပြောပါတယ်။ ‘‘စိတ်မကောင်းပါဘူးရှင်၊ ရှင့်ကို လာမယ့်နှစ်ပတ်အတွင်းဘယ်လိုမှ အချိန်မပေးနိုင်ပါဘူး။’’

‘‘ဗျာ...အဲဒီအချိန်လောက်ဆို ကျုပ်ကသေနေလောက်ပြီဗျ။’’

‘‘ကိစ္စမရှိပါဘူးရှင်။ ရှင့်မိန်းမကသာ ကျွန်မတို့ကို အကြောင်းကြားရင် ချိန်းထားတဲ့အချိန်ကို  ပြန်ဖျက်ပေးပါ့မယ်။’’

အရေးပေါ်...

ပင်ပန်းနေတဲ့ဆရာဝန်က ညလယ်ခေါင်ကြီးကြမှ လာတဲ့ဖုန်းကြောင့် လန့်နိုးသွားပါတယ်။

စိတ်ကယောက်ကယက်ဖြစ်နေတဲ့ ငယ်ရွယ်တဲ့မိခင်တစ်ယောက်က အသနားခံတောင်းပန်နေပါတယ်။ ‘‘ကျေးဇူးပြုပြီးချက်ချင်းလာပေးပါ ဒေါက်တာ။ ကျွန်မကလေးက သန္ဓေတားဆေးကို မျိုချလိုက်လို့ပါရှင်။’’

ဆရာဝန်လည်း အ၀တ်အစားမြန်မြန်လဲလိုက်တယ်။ ဒါပေမယ့် သူအိမ်အပေါက်ဝကနေတောင် မထွက်ရသေးဘူး ဖုန်းတစ်ခါ ထပ်မြည်လာတယ်။

‘‘ဆရာလာစရာမလိုတော့ပါဘူး’’ အမျိုးသမီးက စိတ်သက်သာရာရတဲ့ သက်ပြင်းချသံနဲ့ ပြောလိုက်ပါတယ်။ ‘‘ကျွန်မယောက်ျား နောက်ဆေးတစ်လုံး အခုပဲရှာလို့တွေ့သွားလို့ပါ။’’

---------------------------------------------------------------------------------------------------------------------------

ဒီဟာသတွေကိုတော့ Rewa Mirpuri စုစည်းထားတဲ့ Best of Humor စာအုပ်ထဲက ပြန်ကောက်နှုတ်ပြီး ဘာသာပြန်ထားတာပါ။

ပျော်ရွှင်ကြပါစေ...

ဦးမောင်

၂၈-၀၂-၂၀၁၀ နေ့လည် ၀၁း၁၀

စိတ်ကိုမြှင့်၍မြင့်ကြစေ

     ဟားဗတ်တက္ကသိုယ် စိတ်ပညာပါမောက္ခ ရိုဇန်သယ်ဟာ ကြွက်ဖြူကလေးတွေကိုအသုံးချပြီး စိတ်ဝင်စားစရာကောင်းတဲ့ ၀င်္ကဘာလျှောက် စမ်းသပ်ချက်တစ်ခုကို လုပ်ခဲ့ဖူးပါတယ်။

     စမ်းသပ်ချက်မတိုင်ခင်မှာ ကြွက်ဖြူကလေးတွေကို အုပ်စု ၃စုခွဲလိုက်ပြီး စပ်းသပ်ချက်လုပ်မယ့်လူအဖွဲ့ အေ၊ ဘီ၊ စီ ၃ဖွဲ့ကို ခွဲပေးလိုက်ပါတယ်။ ပြီးတော့ အေအဖွဲ့ကို ပြောပါတယ်။ ‘‘မင်းတို့တွေ အရမ်းကံကောင်းတယ်။ မင်းတို့ကိုပေးတဲ့ ကြွက်ဖြူလေးတွေက ပါမောက္ခတွေ အထူးတလည်ရွေးချယ်ပေးထားပြီး အကြံကုန်ဥာဏ်ကုန်လေ့ကျင့်ပေးထားတဲ့ ကြွက်ကလေးတွေပဲ။ သူတို့ကမျိုးရိုးကောင်းပြီး ဥာဏ်လည်းအရမ်းထက်ကြတယ်။ ဥာဏ်ရည်ဥာဏ်သွေးက လူ့ဦးနှောက်နီးနီးပဲ။ ဒါကြောင့် မင်းတို့ ဒီကြွက်လေးတွေကို ကောင်းကောင်းပြုမူဆက်ဆံရမယ်။ သူတို့ရဲ့စွမ်းရည်ကို အကောင်းဆုံးအဆင့်ဖြစ်လာအောင် မင်းတို့ကအစွမ်းကုန်ကြိုးစားပြီး မြှင့်တင်ပေးရမယ်။’’

     ဘီအဖွဲ့ကိုတော့ ဒီလိုပြောပါတယ်။ ‘‘မင်းတို့ရဲ့ကံကတော့ သာမန်ပါပဲ။ ဒီကြွက်ဖြူလေးတွေက  ရိုးရိုးကြွက်လေးတွေပဲ။ မျိုးရိုးလည်းသာမန်ဖြစ်သလို ဥာဏ်ရည်လည်းသာမန်ပါပဲ။ မင်းတို့က သူတို့ကို သုံးနေကြနည်းလမ်းတွေအတိုင်း လေ့ကျင့်ပေးရင်ရပါပြီ။’’

     စီအဖွဲ့ကိုကျတော့ ဒီလိုပြောပါတယ်။ ‘‘မင်းတို့ကတော့ အလွန့်အလွန်ကို ကံဆိုးတယ်။ ဒီကြွက်ဖြူလေးတွေဟာ တကယ့်ကိုကံခေကြပါတယ်။ သူတို့က မျိုးရိုးလည်းညံ့ပြီး ဥာဏ်ရည်လည်းအရမ်းနိမ့်တယ်။ တကယ့် ကြွက်ငတုံးလေးတွေပါပဲ။ မင်းတို့ ဒီကြွက်တွေကို ဘာနည်းလမ်းပဲသုံးပြီး လေ့ကျင့်ပေးပါစေ ရပါတယ်။ သူတို့ရဲ့ဗီဇကိုက သတ်မှတ်ပြီးသားဖြစ်နေပြီပဲ။’’

     အဖွဲ့သုံးဖွဲ့က စမ်းသပ်ချက်လုပ်တဲ့သူတွေဟာ ပြောထားတဲ့ညွှန်ကြားထားချက်အတိုင်း ကြွက်ဖြူလေးတွေကို အသီးသီးလေ့ကျင့်ပေးပြီးလို့ တစ်လအကြာမှာ ပါမောက္ခက အုပ်စုသုံးစုခွဲထားတဲ့ ကြွက်ဖြူလေးတွေနဲ့ စမ်းသပ်ချက်တွေပြုလုပ်ပါတော့တယ်။ နောက်ဆုံးရလဒ်တွေကတော့ အေအဖွဲ့ရဲ့ ကြွက်ဖြူလေးတွေဟာ ထင်ထားတဲ့အတိုင်း ဥာဏ်ရည်အထက်ဆုံးဖြစ်နေကြပါတယ်။ ၀င်္ကဘာကို ထွက်နိုင်တဲ့အပြင် ကြာချိန်က ကျွမ်းကျင်သူတွေကြိုတင်မျှော်လင့်ထားတဲ့အချိန်ထက်တောင် နည်းနေပါသေးတယ်။ ဘီအဖွဲ့ရဲ့ ကြွက်ဖြူလေးတွေကတော့ စွမ်းဆောင်ရည်သာမန်ပဲ ဖြစ်နေပြီး သူတို့ထဲကတစ်ဝက်လောက်သာ ၀င်္ကဘာထဲက ထွက်နိုင်ကြပါတယ်။ ကြာချိန်ကလည်း ကျွမ်းကျင်သူတွေ ကြိုတင်မျှော်လင့်ထားတာထက် အနည်းငယ်ပိုပါတယ်။ စီအဖွဲ့ရဲ့ကြွက်ဖြူလေးတွေကတော့ ကံအဆိုးဆုံးပါ။ ၂ကောင်သာ ၀င်္ကဘာထဲကထွက်နိုင်ခဲ့ပြီး ကြာချိန်ကလည်း သည်းမခံနိုင်လောက်အောင် ရှည်လျားလှပါတယ်။

     စမ်းသပ်မှုပြီးသွားတဲ့အခါမှာတော့ ပါမောက္ခရိုဇန်သယ်က အဖွဲ့အသီးသီးကို အေးဆေးစွာနဲ့ပြောပြလိုက်ပါတယ်။ ‘‘အမှန်တော့ ဒီကြွက်ဖြူလေးတွေဟာ မျိုးရိုးတို့ဥာဏ်ရည်တို့ ဘာဆိုဘာမှ မကွဲပြားကြပါဘူး။ သူတို့က သာမန်ကြွက်ဖြူလေးတွေပါပဲ။ ငါက သူတို့ကို အဖွဲ့ ၃ဖွဲ့ခွဲလိုက်တာ သက်သက်ပါပဲ။’’

     စမ်းသပ်ချက်လုပ်တဲ့လူတွေဟာ မျက်လုံးမျက်ဆန်ပြူးလို့ ပါးစပ်အဟောင်းသားဖြစ်ကုန်ပြီး တစ်လအတွင်း ကြွက်ဖြူလေးတွေအပေါ် သူတို့ပြုမူဆက်ဆံပုံများကို ပြန်တွေးမိကုန်ကြပါတော့တယ်။ အေအဖွဲ့ကလူတွေက သူတို့ရဲ့ကြွက်ဖြူလေးတွေကို အရမ်းတန်ဖိုးထားကြပါတယ်။ သူတို့က ကြွက်လေးတွေကို အစွမ်းကုန် ပြုစုစောင့်ရှောက်ကြပါတယ်။ ပြီးတော့ အတက်ကြွဆုံးနဲ့ ခက်ခဲပေ့ဆိုတဲ့နည်းလမ်းတွေနဲ့ ဒီ‘စူပါကြွက်’လေးတွေကို လေ့ကျင့်ပေးခဲ့ကြပါတယ်။ ဒါ့အပြင် ဒီကြွက်ကလေးတွေနဲ့ အချိန်မှန်သတ်မှတ်ပြီး ‘ဘာသာစကားဖလှယ်’တာမျိုးတွေကိုလည်း လုပ်ခဲ့ကြပါသေးတယ်။ ဘီအဖွဲ့ကလူတွေကတော့ သူတို့ရဲ့ စမ်းသပ်ခံကြွက်ကလေးတွေကို သာမန်အိမ်မွေးတိရိစ္ဆာန်လေးတွေလို ပြုမူဆက်ဆံခဲ့ကြပြီး သာမန်နည်းလမ်းတွေနဲ့သာ လေ့ကျင့်သင်ကြားပေးခဲ့ကြပါတယ်။ စီအဖွဲ့က လူတွေကတော့ သူတို့ကံမကောင်းတာကိုပဲ သက်ပြင်းချနေခဲ့ကြပါတယ်။ မမျှော်လင့်ပဲ တုံးအလွန်းတဲ့ကြွက်ကလေးတွေနဲ့ကြုံရပြီး လေ့ကျင့်ပေးစဉ်အခါမှာလည်း မူမမှန်တဲ့လက္ခဏာရပ်တွေက ဒီကြွက်ကလေးတွေဟာ ‘အတုံးတကာ့အတုံး’ လေးတွေဆိုတာ တိုက်တိုက်ဆိုင်ဆိုင် ကြုံတွေ့ခဲ့ကြရလို့ပါ။ ဥပမာအားဖြင့် ညွှန်ကြားမှုကိုနားမထောင်ခြင်း နဲ့ အမှတ်အသားမရှိခြင်း စတာတွေဖြစ်ပါတယ်။ ဒါကြောင့်ပဲ ဒီသနားစရာကြွက်ကလေးတွေကို သူတို့မကြာခဏဆိုသလို ဆဲဆိုငြူစူခဲ့ကြပါတယ်။ တခါတလေမှာ မေ့ချင်ယောင်ဆောင်ပြီး အစာမကြွေးမိတဲ့ နည်းလမ်းနဲ့ ကြွက်ကလေးတွေကို ဒဏ်ပေးခဲ့ကြပါတယ်။

     ပါမောက္ခရိုဇန်သယ်ဟာ ဒီစမ်းသပ်မှုကလေးကနေတဆင့် လူတွေကို တခုခုပြောပြချင်တယ်ဆိုတာ ထင်ရှားလှပါတယ်။ ဥာဏ်ရည်ဥာဏ်သွေး မကွာခြားသော်ငြားလည်း ပြုမူပြောဆိုဆက်ဆံခံရပုံ မတူတဲ့အခါမှာတော့ (လူတွေ၊ တိရစ္ဆာန်တွေရဲ့ အရည်အသွေး) အနိမ့်အမြင့်ဆိုတာ နောက်ဆုံးမှာ ကွဲပြားကုန်နိုင်ပါတယ်။ ဒီလိုဆိုရင်ဖြင့် ကျွန်တော်တို့လည်း  (မိမိနဲ့သူတစ်ပါးအပေါ်) ဘယ်လိုသဘောထားတွေနဲ့ ပြုမူဆက်ဆံသင့်သလဲဆိုတာ စဉ်းစားသင့်ကြကြောင်းပါ။

သဘောတရား။     ။ ။မိမိကိုယ်၌အပါအ၀င် လောကလူသားတခုလုံးကို  မိမိရဲ့ကြိုးပမ်းအားထုတ်မှုဖြင့် (ကောင်းမွန်လာအောင်) ပြောင်းလဲသင့်ကြပါတယ်။ ဒါကြောင့် ထက်မြက်တဲ့လူတစ်ယောက် ဖြစ်ချင်တယ်ဆိုရင် ထက်မြက်တဲ့လူတွေရဲ့ စံချိန်စံညွှန်းတွေအတိုင်း မိမိကိုယ်ကို တောင်းဆိုကြဖို့ပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 罗森塔尔效应 (Pygmalion effect, or Rosenthal effect) ဆိုတာပဲဖြစ်ပါတယ်။

ပါမောက္ခရိုဇန်သယ်ရဲ့ စမ်းသပ်မှုအကြမ်းဖျင်းလေးကို ပိုမိုလေ့လာချင်သူများအနေနဲ့ အောက်ပါလင့်ခ်ကို သွားရောက်နိုင်ကြောင်းပါ။ http://www.answers.com/topic/pygmalion-effect

ပျော်ရွှင်ကြပါစေ

ဦးမောင်

၂၁.၀၂.၂၀၁၀ ညနေ ၀၅း၀၈

စွန့်လွှတ်ခြင်းနဲ့ရွေးချယ်ခြင်း

     အမေရိကန်က မိုက်ကယ်လို့ခေါ်တဲ့လူငယ်တစ်ယောက်ဟာ တရုတ်ပြည်ကို လာရောက်လည်ပတ်စဉ်မှာ တရုတ်မလေး ဟွမ်လိကို မြင်မြင်ချင်း ချစ်ခင်သွားပါတယ်။

     ၂နှစ်လောက်ပိုးပန်းပြီးတဲ့နောက် နောက်ဆုံးမှာ ဟွမ်လိက  သဘောကျသွားပြီး  သက်သောင့်သက်သာလုပ်နေရတဲ့ သူမရဲ့အလုပ်ကိုထွက်လို့ မိုက်ကယ်နဲ့ အမေရိကားကို လိုက်သွားပါတော့တယ်။

     မထင်မှတ်ထားမိတာက ပျားရည်စမ်းကာလကျော်ကာစပဲရှိသေးတယ်၊ မိုက်ကယ်က သူမကို အလုပ်ထွက်လုပ်ဖို့ တောင်းဆိုပါတယ်။ ‘‘ဒါလင်ရယ်၊ ကျွန်မရှင့်အတွက် အလုပ်ကလည်းထွက်ခဲ့တယ်။ ပြီးတော့ မွေးရပ်မြေကိုစွန့်ပြီး အမေရိကန်ကို လိုက်လာခဲ့တယ်။ ကျွန်မရှင့်အတွက် စွန့်လွှတ်ခဲ့တာတွေကို နားလည်ခံစားပြီး ကျွန်မကို ၃၊၄နှစ်လောက် ရှာကျွေးပါဦးလား’’ လို့ ဟွမ်လိက ချွဲလိုက်ပါတယ်။ 

     ‘‘ဘာပြောတယ်။’’ မိုက်ကယ် အရမ်းအံ့အားသင့်သွားတယ်။ ‘‘ဒါကို ‘စွန့်လွှတ်’ တယ်လို့ ဘယ်ပြောလို့ဖြစ်မလဲ။ ဒါ မင်းရဲ့ ရွေးချယ်မှုကွ။ အာလုံးကို မင်းလိုလိုချင်ချင်နဲ့ လုပ်ခဲ့တာမဟုတ်ဘူးလား။’’

     ဒီစကားလည်းကြားရော ဟွမ်လိဟာ မူးမေ့မတတ်ဖြစ်သွားပါတယ်။ သူတော့ လူကဲခတ်မှားပြီလို့ ထင်လိုက်မိတာပေါ့။ နေရာစိမ်းလူစိမ်းတွေနဲ့ အမေရိကားမှာ အလုပ်မလုပ်နိုင်ဘူးလို့ ခေါင်းမာမာနဲ့ စိတ်ပိုင်းဖြတ်ထားတဲ့အတွက်ကြောင့်  နောက်၃၊၄လအကြာမှာ မိုက်ကယ်က ကွာရှင်းပြတ်စဲဖို့ ပြောပါတော့တယ်။

     ကွာရှင်းပြတ်စဲပြီးနောက်မှာ ဟွမ်လိဟာ အချိန်တော်တော်ကြာအောင် စိတ်ဓါတ်တွေကျဆင်းခဲ့ပါတယ်။ မိုက်ကယ် သူမအတွက် ခွဲပေးခဲ့တဲ့ပစ္စည်းတွေ သုံးလို့ကုန်သွားတဲ့အခါမှာတော့ ကိုယ့်ဝမ်းကိုယ်ကျောင်းဖို့ သူများအလုပ်ကို မလုပ်လို့မရတော့ပါဘူး။ မမျှော်လင့်ထားမိတာက တဖြည်းဖြည်းနဲ့ ကိုယ့်ခြေထောက်ပေါ်ကိုယ် ကောင်းကောင်းရပ်တည်လာနိုင်တာကိုပါ။ ငွေလည်းတဖြည်းဖြည်းနဲ့ ပြန်စုမိလာပါတော့တယ်။ 

     အဲဒီဒေသရဲ့ ဓလေ့စရိုက်နဲ့လူတွေအကြောင်းနားလည်လာတော့မှာပဲ အမေရိကန်လူမျိုးတွေစိတ်ထဲမှာ တစ်ဖက်သားရဲ့ရွေးချယ်မှုကိုလေးစားတယ်ဆိုတဲ့ အပြောပဲရှိပြီး တစ်ဖက်သားရဲ့စွန့်လွှတ်မှုကို ကျေးဇူးတင်တယ်ဆိုတဲ့ အပြောမျိုး မရှိဘူးဆိုတာကို သူမသဘောပေါက်လာပါတယ်။

     ဒါကြောင့် ရွေးချယ်မှုတွေပြုလုပ်တဲ့အခါ ကိုယ့်ရဲ့စိတ်ထဲကစစ်မှန်တဲ့ဆန္ဒအတိုင်း လုပ်ဖို့လိုပါတယ်။ တစ်ဖက်သူက ကိုယ့်ကိုကျေးဇူးတင်လွန်းတဲ့အတွက် ကိုယ့်ရွေးချယ်မှုရဲ့ နောက်ဆက်တွဲရလဒ်တွေကို လုံးဝ တာဝန်ယူမှာ မဟုတ်ပါဘူး။

     ကျွန်တော်တို့အတွက်ပြောရရင်လည်း သဘောတရားက အတူတူပဲမဟုတ်ပါလား။

သဘောတရား။     ။ မိမိရွေးချယ်မှုအတွက် တခြားလူကို တာဝန်မခံခိုင်းဖို့ပါ။  မဟုတ်ရင်လည်း တခြားလူကို ကိုယ့်အပေါ်တာဝန်မယူဘူးလို့ သွားပြီးအပြစ်မတင်ဖို့ပါ။ ဒါ့အပြင် မိမိဖာသာရွေးချယ်နိုင်မှုနဲ့ လွတ်လပ်မှုကို ဘယ်တော့မှ မစွန့်လွှတ်ဖို့ပါ။ သို့မှသာ ချမ်းသာခြင်းအစစ်ကို လက်ပိုင်ရရ ဆုပ်ကိုင်နိုင်ကြမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 牺牲与选择 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၈.၀၂.၂၀၁၀ ည ၁၁း၃၁

စွန့်ဖို့လိုနေတာက

     ၅နှစ်ပြည့်မွေးနေ့မှာ ညိုညိုလေးဟာ ပုလဲတုဆွဲကြိုးလေးတစ်ကုံးကို လက်ဆောင်ရခဲ့ပါတယ်။ ဒီဆွဲကြိုးလေးကို ကြိုက်လွန်းလို့ သူ့မှာလက်ကမချနိုင်ပါဘူး။ ဘာအင်္ကျီပဲဝတ်ဝတ် သူကတော့ အဲဒီဆွဲကြိုးလေးကို လည်ပင်းမှာအမြဲဆွဲထားတတ်ပါတယ်။ ညဘက်အိပ်ရင်လည်း ဆွဲကြိုးလေးကို ခေါင်းအုံးဘေးမှာ ထားပြီးအိပ်ပါတယ်။ ၆နှစ်ပြည့်မွေးနေ့ရောက်တဲ့အထိ ဆွဲကြိုးလေးအပေါ် သူ့နှစ်သက်မှုက လျော့မသွားပဲ တိုးလို့သာလာပါတယ်။

     ‘‘မေမေ၊ ဒီနေ့သမီးကို ဘာလက်ဆောင်ပေးမှာလဲဟင်။’’ ညိုညိုလေးက သူ့အမေကို မေးလိုက်ပါတယ်။

     မအေက ခါးလေးကိုင်းပြီး သူ့ရဲ့ချစ်စရာကောင်းတဲ့မျက်နှာလေးပေါ်မှာ နဖူးလေးအပ်လို့ ‘‘သမီးလေးရယ်၊ မေမေက သမီးလေးကို အရမ်းလှတဲ့ လက်ဆောင်လေးတစ်ခုပေးရမှာပေါ့။ ဒါပေမယ့် သမီးရဲ့ ပုလဲဆွဲကြိုးလေးနဲ့တော့ အလဲအလှယ်လုပ်မှရမယ်။’’

     ဒါကိုလည်းကြားရော ညိုညိုလေးရဲ့ မျက်လုံးအိမ်ထဲမှာ တမုဟုတ်ချင်းပဲ မျက်ရည်လေးတွေဝေ့လာတာပေါ့။ ‘‘မဖြစ်ဘူး၊ မေမေရဲ့။ သမီးဒီဆွဲကြိုးလေးကို အရမ်းကြိုက်တာမေမေလည်းသိတာပဲ။ သမီး တခြားဟာနဲ့ အလဲအလှယ်လုပ်မယ်လေ၊ ရမလား။’’

     ‘‘မရဘူးကွယ်။’’ မအေရဲ့လေသံက အရမ်းနူုးညံ့ပေမယ့် ခိုင်မာပြတ်သားလှပါတယ်။

     ‘‘သမီးရဲ့ ဆင်ဖြူရုပ်ကလေး မေမေ့ကို ပေးမယ်လေ။ အဲဒါလေးက သမီးအရမ်းကြိုက်တဲ့ ကစားစရာလေး။ ဟို မင်းသမီးဂါဝန်လှလှလေးကိုလည်း မေ့မေ့ကိုပေးလို့ရတယ်.......’’ ညိုညိုလေးက ပူပန်စိတ်ကလေးနဲ့ ပြောနေရှာပါတယ်။

     ‘‘မရဘူးကွယ်၊ မေမေက သမီးရဲ့ ဆွဲကြိုးကိုပဲလိုချင်တာ။’’ မအေက ခေါင်းခါပြီး ထပ်ပြောလိုက်ပါတယ်။

     ညိုညိုလေး အသံတိတ်သွားတယ်။ တောက်ပတဲ့ မျက်ရည်လုံးလေးတွေက မျက်နှာပေါ်မှာ တလုံးပြီးတလုံး လိမ့်ဆင်းလာပါတော့တယ်။ ခဏလောက် အသံတိတ်နေပြီးမှ နောက်ဆုံးမှာ ညိုညိုလေးက လည်ပင်းကပုလဲဆွဲကြိုးလေးကို ဖြည်းဖြည်းချင်း ဖြုတ်လိုက်ပြီးတော့ လက်လေးနှစ်ဖက်နဲ့ သူ့အမေကို ပေးလိုက်ပါတယ်။

     ‘‘သမီးလေး..ရော့၊ ဒါကမေမေ သမီးကို ပေးတဲ့ လက်ဆောင်။’’ မအေရဲ့ အသံက အနည်းငယ် ဆို့နင့်နေပါတယ်။

     ညိုညိုလေးက ဖြေးဖြေးခြင်းခေါင်းမော့လိုက်ပါတယ်။ သူ့အငိုမျက်လုံးလေးထဲမှာ လှပသေသပ်တဲ့ ဗူးလေးတခု ပေါ်လာပါတယ်။ အထဲမှာတော့ ညက်ညောစင်ကြယ်ပြီး ပြိုင်ဘက်ကင်းအောင်လှတဲ့ ပုလဲဆွဲကြိုးလေးတစ်ကုံး။ ဒါကတော့ ပုလဲအစစ်ပါ။

     လတ်စသတ်တော့ မအေက သမီးဖြစ်သူ ပုလဲတုဆွဲကြိုးလေးကို စွန့်လွှတ်ရဲတဲ့အချိန်အထိ တမင်စောင့်ပြီးတော့မှ ပုလဲအစစ်ဆွဲကြိုးလေးကို ပေးခဲ့တာကိုး။

သဘောတရား။     ။ ရတနာအတုကိုစွန့်မှ ရတနာအစစ်ကိုရမှာပါ။ တန်ဖိုး စစ်စစ်မှန်မှန်မရှိတဲ့အရာတွေကို ကိုယ့်ဘ၀ထဲမှာထားမယ်ဆိုရင် တကယ်တန်ဖိုးစစ်မှန်တဲ့အရာတွေက ရောက်လာနိုင်တော့မှာမဟုတ်ပါဘူး။ (စွဲလမ်းမှုတွေနဲ့လိုချင်နေတဲ့ မစစ်မှန်တဲ့အရာတွေကို) နာကြင်မှုကိုမြိုသိပ်ပြီး ဖြတ်နိုင်မှ (စစ်မှန်တာတွေကို) ပိုပြီးရလာနိုင်ကြမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 妞妞的项链 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၈.၀၂.၂၀၁၀ ည ၁၀း၁၃

ဘာသာပြန်ခြင်း

     [ကျွန်တော်သည် ဘာသာအနည်းငယ်မျှသာပြန်ဖူးပါသည်။ ဘာသာပြန်ကျွမ်းကျင်သူလည်းမဟုတ်ပါ။ ဘာသာကောင်းမွန်စွာပြန်တတ်ရန် ကြိုးပမ်းနေသူတစ်ဦးသာဖြစ်ပါသည်။ မိမိ ခံစားခဲ့ရ ကြုံခဲ့ရသည်များကို ပြန်လည်ဖောက်သည်ချခြင်းသာဖြစ်ပါသည်။ အရေးမတော်၍ ဆရာကြီးပုံပေါက်ခဲ့သော် နားလည်မှုဖြင့် ခွင့်လွှတ်ပေးကြစေလိုပါသည်။]

     ဘာကိစ္စမဆို လွယ်တယ်လို့တွေးရင်လွယ်ပါတယ်။ ခက်တယ်လို့တွေးရင်လည်း ခက်နေနိုင်ပါတယ်။ ဘာပဲဖြစ်ဖြစ်တကယ် လုပ်ကြည့်တဲ့အခါ အခက်အခဲကတော့ အနည်းနဲ့အများဆိုသလို တွေ့လာနိုင်ပါတယ်။

     အဲဒီတော့ ဘာသာပြန်ခြင်းအပေါ် ဘယ်လိုသဘောထားကြပါမလဲ။ ဘာသာပြန်တာဟာ လွယ်ကူပါသလား? ဒီမေးခွန်းကို ကျွန်တော်တို့ကြိုးစားပြီး ဖြေကြည့်ကြရအောင်လားဗျာ။

     ကျွန်တော် ဘာသာပြန်မလုပ်ခင်တုန်းက ဟိုစာအုပ်ဘာသာပြန်ချင်သလိုလို၊ ဒီစာအုပ်ဘာသာပြန်ချင်သလိုလိုနဲ့ ဘယ်ဟာမှ ဟုတ်တိပတ်တိ မစဖြစ်ခဲ့ပါဘူး။ စဖို့ကြိုးစားခဲ့တိုင်း ဟိုဟာမသိ ဒီဟာမသိနဲ့ တိုးလိုးတန်းလန်းရပ်သွားခဲ့တာချည်းပါပဲ။ အကြောင်းပြချက်ကလည်း စုံမှစုံ။ အဘိဓါန်လှန်ရမှာပျင်းတာရယ်။ တခြားစာကြီးပေကြီးတွေကို များများဖတ်မှ ဘာသာပြန်ရတာ ပိုကောင်းမယ်ဆိုတာတွေ။ ခါးနာတာနဲ့။ ခေါင်းကိုက်တာနဲ့။ ဒီထက်အရေးကြီးတာတွေ လုပ်နေရတာနဲ့။  ပေးလည်းပေးနိုင်လွန်းတဲ့ ဆင်ခြေတွေ။ (ဒီနေ့အထိလည်း ကိုယ်မလုပ်ချင်တာတွေကို ဆင်ခြေမျိုးစုံပေးတုန်းပါပဲ။)

     တကယ့်တကယ် အနောက်ကတွန်းအားနဲ့ အလုပ်သဘောလည်းဆန်လာရော အဲဒါတွေကို အကုန်ဘေးပုံရတော့တာပဲ။ ပျင်းပျင်းမပျင်းပျင်း အဘိဓါန်လှန်။ ရောချလို့မှမရတာ။ တခြားစာတွေလည်းမဖတ်အားပါဘူး။ ကိုယ်ဘာသာပြန်ရမယ့်ဟာကိုပဲ ထပ်ပြန်တလဲလဲ ကြည့်နေရတာ။ ခါးနာလည်းလုပ်၊ ခေါင်းကိုက်လည်းလုပ်။ ဒီထက်အရေးကြီးတာမရှိ။ ဒါကအရေးအကြီးဆုံးပဲ။  အဲဒီလိုအခါမျိုးကြမှ ဆရာတော်ကြီးတစ်ပါးမိန့်ခဲ့ဖူးတဲ့စကားလေးနဲ့ ကိုယ့်ကိုယ်ကို တွန်းရတာပေါ့။ ‘‘လုပ်ချင်ချင်မလုပ်ချင်ချင် ပေလုပ်’’ ဆိုတာ။ (တရားကျင့်တဲ့နေရာမှာအသုံးချဖို့ မိန့်ခဲ့ပုံရပါတယ်။)

    လူတိုင်းသိကြပါတယ်။ ဘာသာပြန်လုပ်ငန်းရဲ့ ပထမဆုံးအခက်အခဲက ကိုယ်ကိုင်တွယ်ရတဲ့ ဘာသာစကားကို ဝေါဟာရ မကျွမ်းကျင်တာပါ။ ဒါကတော့ ဘာသာရပ်ဆိုင်ရာစာအုပ်တွေ၊ အဘိဓါန်တွေကို အားကိုးရင် ပြေလည်နိုင်ပါတယ်။ ကိုယ်နဲ့စိမ်းတဲ့နယ်ပယ်အကြောင်း ဘာသာပြန်တုန်းကဆို ငိုတောင်ငိုချင်တယ်။ တစ်လုံးမှ ကိုယ်နဲ့မရင်းနှီးဘူး။ နောက်ဆုံး သူငယ်ချင်းဆီက ဘာသာရပ်ဆိုင်ရာအဘိဓါန် ၂အုပ်၃အုပ်လောက် ငှားလို့ရတော့မှပဲ စိတ်ထဲ နည်းနည်းပေါ့သွားတော့တယ်။ ဒါတောင်မှ အဘိဓါန်ထဲမှာ ကိုယ်ရှာချင်တာ အကုန်မရှိပါဘူး။

     ဒုတိယကတော့ ဘာသာစကားအခက်အခဲမရှိဘူးထားဦး၊ ဆီလျော်တဲ့ဝေါဟာရနဲ့ ဖလှယ်နိုင်ရေးကခက်ပြန်ရော။ အခြေအနေနဲ့ လိုက်လျောညီထွေဖြစ်အောင်  ဝေါဟာရတွေ ပြောင်းသုံးရပါတယ်။ ခပ်တည်တည် ခပ်ခန့်ခန့် ပြန်ရမှာလား။ ဟာသသံလေးနှောပြီးပြန်ရမှာလား။ လေသံအနေအထား၊ ဇာတ်ကောင်စရိုက်၊ ဇတ်လမ်းအခြေအနေ၊ ခေတ်အခါကာလ၊ နောက်ခံဆင်း(Scene) စတာတွေနဲ့ကိုက်ညီအောင် ဝေါဟာရတစ်လုံးထဲကိုပဲ အသုံးအနှုံးအမျိုးမျိုးနဲ့ အလိုက်သင့်ပြောင်းလဲသုံးနှုံးပေးရပါတယ်။ 

     တတိယကတော့ ပြေပြစ်တဲ့ဝါကျလေးတွေ၊ စာပိုဒ်လေးတွေ၊ စကားလေးတွေရလာဖို့ပါ။ သဒ္ဒါပိုင်းလို့ပြောနိုင်ပါတယ်။ စာတွေစကားတွေက ထောင့်ထောင့်ကြီးတွေဖြစ်နေရင် အရမ်းသိသာပါတယ်။ အဲဒီမှာ ဘေးလူအကူအညီ ယူရတော့တာပါပဲ။ ကိုယ်ပြန်ထားတဲကဟာကို ကိုယ့်ဖာသာပြန်ဖတ်ရင်တော့ ဟုတ်နေသလိုလို။ သူများကို အကူအညီတောင်းပြီး ပြန်ဖတ်ခိုင်းတော့မှ တမျိုးကြီးဖြစ်နေတတ်ပါတယ်။ ဒါကိုတော့ ကိုယ်ကိုယ်တိုင် စာများများဖတ်ရင် ဖြေရှင်းလို့ ရနိုင်ပါတယ်။

     စတ္တုထ္ထကတော့ လူမျိုးတွေရဲ့ ယဉ်ကျေးမှုနဲ့ သူတို့ရဲ့ ကိစ္စရပ်တွေအပေါ်မြင်ကြပုံပါ။ အထူးသဖြင့် ဟာသဘာသာပြန် တချို့ကိုဖတ်ပြီး မရယ်ရတဲ့အခါ တခုခုသိဖို့လိုနေကြောင်း သတိထားမိကြမှာပါ။ ဟာသက ရယ်စရာမကောင်းလို့ မဟုတ်ပါဘူး။ ကိုယ်က သိထားရမယ့် ယဉ်ကျေးမှုထုံးတမ်းတွေကို မသိထားတာကြောင့်လည်း ဖြစ်နိုင်ပါတယ်။

     ပဉ္စမကတော့ ကျင်လည်းကျက်စားရာ နယ်ပယ်အသိုင်းအ၀ိုင်းပါ။ ရှေ့နေလောက၊ စီးပွားရေးလောက၊ ဆရာဝန်လောက စသဖြင့် သူတို့တွေရဲ့လောကမှာ အသုံးများ လူသိများတဲ့ ဝေါဟာရနဲ့ အကြောင်းအရာတွေပါ။ ဒါတွေကတော့ စာစုံဖတ်၊ လူစုံပေါင်းမှ ရလာနိုင်မယ့် ဗဟုသုတတွေပါ။

     ဆဌမကတော့ ဘာသာစကားကိုယ်၌ပါ။ ဒါကတော့ ပိုပြီးခက်ခဲတဲ့အပိုင်းပါ။ စာပေမတူတဲ့အတွက် ဖြစ်လာတဲ့အချက်ပါ။ ဒါတွေကိုတော့ နီးနီးစပ်စပ် ကိုယ့်စာပေအသုံးအနှုံးမျိုးရအောင်ပဲ ပြန်နိုင်ပါတယ်။ ဥပမာ စကားပုံလိုဟာမျိုးတွေပါ။ တခါတလေမှာ ဖလှယ်စရာမရှိလောက်အောင် ကွဲပြားလှပါတယ်။

     သတ္တမကတော့ ဝေါဟာရအကျစ်အဖောင်းပါ။ တခါတလေမှာ ဘာသာပြန်ရင် ကိုယ့်ဘာသာစကားကိုယ် ဖလှယ်လိုက်ပြီးတဲ့အခါ သူက စာတစ်ကြောင်း ကိုယ်က စာနှစ်ကြောင်း၊ သူကစာတစ်မျက်နှာ ကိုယ်က စာနှစ်မျက်နှာလောက်ဖြစ်နေတတ်ပါတယ်။ သူက စကားတစ်ခွန်း ကိုယ်က သုံးလေးခွန်းဖြစ်နေတတ်ပါတယ်။ သူက တစ်သံထဲထွက်ပြီး ကိုယ့်ကျမှ အသံသုံးလေးသံလောက်ထွက်နေတာပါ။

     အဋ္ဌမကတော့ သူတိုမှာ ဒီလိုသုံးပေမယ့် မိမိဘာသားစကားမှာ ဘယ်လိုသုံးသလဲဆိုတာ လေ့လာရတာပါ။ ဒီအချက်ဟာ တော်တော် ဒွိဟပွားစရာပါပဲ။ ကျွန်တော် သူများဘာသာပြန်လေးတွေကို စဖတ်တုန်းက စာထဲမှာရေးထားတဲ့ ဝေါဟာရကိုကျတော့မပြန်ဘဲနဲ့ မပါတဲ့ဝေါဟာရကိုတော့ ထည့်သုံးထားတာ သတိထားမိပါတယ်။ ကိုယ်က အထင်တောင်တစ်မျိုးရောက်ခဲ့မိသေးတယ်။ တိုက်ရိုက်ဖလှယ်လိုက်ရင် ပြေပြေပြစ်ပြစ်တော့ ရလာနိုင်ကောင်းပေမယ့် ကိုယ့်အသုံး ကိုယ့်အပြောမဟုတ်တဲ့အတွက် ထောင့်ထောင့်ကြီးဖြစ်နေတယ်ဆိုတဲ့ ခံစားချက်ကြီးက အပိုပါနေတော့မှာပါ။ ဒါပေမယ့် ဆီလျော်အောင်၊ အာဘော်မိအောင်၊ ပြေပြစ်အောင် စတာတွေအတွက် free ရမ်းလုပ်လို့လည်းမရနိုင်ပါဘူး။ ချိန်ဆမှုအများကြီးလိုအပ်လာပါတယ်။ ဒီအချက်ကိုတော့ ဘာသာပြန်သက်ရင့်နေတဲ့ ဆရာသမားကြီးများရဲ့ ဘာသာပြန်တွေကို ပြန်လေ့လာတာရယ် ၊ မိမိကိုယ်တိုင် ဘာသာပြန်သက်ရင့်လာတာရယ်ကလွဲလို့ တခြားဖြတ်လမ်းမရှိနိုင်ဘူးလို့ထင်မိပါတယ်။

     ဒီအခက်အခဲတွေအကြောင်းကို ကျွန်တော်ပြောနေရခြင်းမှာ ရည်ရွယ်ချက်ရှိပါတယ်။ ဘာသာပြန်တာဟာ လွယ်ကူသလားဆိုတဲ့အချက်ပါ။ ပထမဆုံးက နိဒါန်းကိုပြန်ကောက်ကြည့်ဖို့ပါ။ 

     

     ဘာသာပြန်နဲ့ နှိုင်းယှဉ်ရရင် ကိုယ့်စိတ်ထဲ ကိုယ့်ခေါင်းထဲမှာ ရှိနေတဲ့ ခံစားချက်တွေ အတွေးတွေကို သိပ်မနက်နဲရင် အလွယ်တကူရေးချလို့ရနိုင်မှာပါ။ ဘာသာပြန်ကတော့ အဲဒီလောက် မလွယ်ဘူးလို့ ထင်မိပါတယ်။ ဘာသာစကားပေါင်းကူးတံတားကို အဆင်ပြေပြေခင်းပေးဖို့ တာဝန်တစ်ရပ် အပိုရှိလာပါတယ်။ မူရင်းစာရေးသူရဲ့ အာဘော်နဲ့ ဆိုလိုရင်းကို မတိမ်းမစောင်းပဲ ထပ်တူပြုပေးနိုင်ဖို့ တာဝန်ကိုလည်း ယူထားရပါတယ်။ အပျော်ဖတ်စာပေတွေ၊ ပုံတိုပတ်စတွေကို ဘာသာပြန်ရင် ဒီလောက် ဒုက္ခခံဖို့လိုချင်မှလိုမှာပါ။ ဒါပေမယ့် သမိုင်းဘာသာပြန်၊ သတင်းဘာသာပြန်၊ ဆောင်းပါးဘာသာပြန်၊ အက်ဆေးဘာသာပြန် စတဲ့ နက်နဲတဲ့အပိုင်းတွေကို ဘာသာပြန်ရင်တော့ အထက်ပါအချက်တွေကို ဂရုပြုဖို့လိုအပ်လာပါလိမ့်မယ်။

     ဘာသာပြန်တတ်ကြပါစေ။

ပျော်ရွှင်ကြပါစေ

ဦးမောင်

၁၁-၀၂-၂၀၁၀ ည ၁၂း၄၉

အသစ်ရှာဖွေတွေ့ရှိဖို့...

     ‘‘ဖေဖေ၊ ဖေဖေ။’’ သူငယ်တန်းတက်ကာစ သားလေးက လမ်းကတည်းက အသံကျယ်နဲ့အော်ဟစ်ပြီး ခြံထဲကိုပြေးဝင်လာပါတယ်။

     ‘‘ဘာဖြစ်လို့လဲ...သား။’’ ဖအေက ကလေးကို ဆီးကြိုပွေ့ဖက်ပြီး မေးလိုက်ပါတယ်။

     ‘‘သားဒီနေ့ကျောင်းမှာ အရမ်းကြီးကျယ်တဲ့ လျို့ဝှက်ချက်တစ်ခုကို ရှာတွေ့ခဲ့တယ်။’’ သားဖြစ်သူက ခြေဟန်လက်ဟန်လေးနဲ့။ ကလေးဆန်တဲ့ မျက်နှာလေးနဲ့ပေါ့။

     ‘‘ဪ...ဟုတ်လား၊ ဘာများလဲကွ။’’ ဖအေက ရယ်ချင်တာကိုအောင့်ထားပြီး စိတ်ထဲကစဉ်းစားတယ်။ ငါးနှစ်သားကလေးတစ်ယောက်က ဘယ်လိုကြီးကျယ်တဲ့လျှို့ဝှက်ချက်တွေများ တွေ့နိုင်မှာလဲပေါ့။

     ‘‘ပန်းသီးတွေထဲမှာ ကြယ်လေးတစ်ပွင့်စီရှိနေတယ်ဆိုတာ သားတွေ့ခဲ့တယ်။’’ သားဖြစ်သူက ပီတိတဖြာဖြာနဲ့ သူ့ရဲ့ရှာဖွေတွေ့ရှိမှုကို ကြေငြာတော့တာပေါ့။

     ‘‘ဪ...ဟုတ်လား၊ ဒီမဟာလျှို့ဝှက်ချက်ကြီးကို ဖေဖေ မသိသေးဘူးကွ။ ဒီတော့ မင်း ဖေဖေ့ကို လက်တွေ့ပြလို့ရနိုင်မလား’’ လို့ ဖအေက နည်းနည်းထူးဆန်းနေတာနဲ့ မေးလိုက်ပါတယ်။

     ‘‘ရတာပေါ့။’’ ကလေးက ဖအေ့ရင်ခွင်ထဲကထွက်ပြီး အိမ်ဒေါင့်သေတ္တာထဲက ပန်းသီးခပ်ကြီးကြီးတစ်လုံးကို နှိုက်လိုက်ပါတယ်။ ပြီးတော့ အသီးလှီးတဲ့ဓားလေးနဲ့ ခွဲချလိုက်ပါတယ်။ ဒါပေမယ့် သူက ကျွန်တော်တို့ ပုံမှန်ခွဲသလိုမျိုး အညှာကနေ အောက်ဘက်ကို ဒေါင်လိုက်မခွဲဘဲ ခါးလယ်ကနေ အလျားလိုက် ခွဲချလိုက်တာပါ။

     ‘‘ဒီမှာလေ။’’ ကလေးက ပန်းသီးတစ်ခြမ်းကိုယူပြီး အလျားလိုက်ခွဲထားတဲ့မျက်နှာဘက်ကနေ ဖအေကို ပြလိုက်ပါတယ်။ ‘‘တွေ့လားဖေဖေ၊ ဘယ်လောက်လှလိုက်တဲ့ ကြယ်ပွင့်လေးလဲ။’’

     အဲဒီတော့မှ အဖေဖြစ်သူလည်း တကယ့်ကို အံ့ဩပြီး မှင်သက်သွားတယ်။ အလျားလိုက်ခွဲလိုက်တော့ ပန်းသီးရဲ့ အစေ့လေးတွေက ကလေးပြောသလို အလယ်ဗဟိုကို ပတ်လည်ဝိုင်းထားပြီး ကြယ်ပုံလေးအတိုင်းဖြစ်နေတယ်။ လူကြီးဖြစ်သူတွေအနေနဲ့ ပန်းသီးတွေဘယ်လောက်များများ  စားခဲ့ပြီးပြီလဲဆိုတာ ကျွန်တော်တို့ မသိတော့ပါဘူး။ အခေါက်တိုင်းကို စည်းစနစ်ကျကျလေးနဲ့ ဒေါင်လိုက်ခွဲခဲ့တာချည်းပါပဲ။ တခြားနည်းလမ်းတစ်ခုနဲ့ခွဲကြည့်ဖို့ မစဉ်းစားခဲ့မိပါဘူး။ ဒါကြောင့် အလိုလိုပဲ ပန်းသီးထဲက လှပတဲ့ကြယ်ပွင့်လေးကို ဘယ်တုန်းကမှ မတွေ့မိခဲ့ဖူးပါဘူး။ ဒါကို ထောက်ရှုရရင်  ကလေးတွေကပဲ လူကြီးတွေထက် ဥာဏ်ကောင်းသလား၊ ဒါမှမဟုတ် လူကြီးတွေကပဲ ကလေးတွေထက် ပိုပြီး တရားသေဆန်နေသလားပေါ့။

သဘောတရား။     ။ ထူးခြားနေတာက ပြဿနာမဟုတ်ပါဘူး။ ပြဿနာကို မြင်တဲ့ရှုထောင့်ပါ။ ရှိသမျှအရာအားလုံးက သူများ ရှာဖွေတွေ့ရှိပြီးသားတွေချည်းပဲ ဖြစ်နေတဲ့အတွက်ကြောင့် ဘယ်ကိစ္စမဆို သိပြီးသားနည်းလမ်းတွေအတိုင်း လုပ်နေရင်တော့ ကျွန်တော်တို့ ရှာဖွေတွေ့ရှိမှုအသစ်ဆိုတာ ရှိလာဖို့အလွန်ခဲယဉ်းပါတယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 儿子的发现 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၀.၀၂.၂၀၁၀ ည ၁၀း၅၈

တောင်ရဲ့အမြင့်ဆုံးနေရာ

     ဟိုးရှေးရှေးတုန်းက အလွန်ဝေးလံတဲ့ရွာလေးတခုရဲ့ အကြီးအကဲတစ်ယောက်ဟာ ရောဂါနဲ့သေမယ့်ဆဲဆဲပေါ့။ အကြီးအကဲအသစ်ကို ရွေးချယ်နိုင်ဖို့အတွက် သူက ရွာထဲမှာအတော်ဆုံးလူငယ်သုံးယောက်ကို လူလွှတ်ပြီးအခေါ်ခိုင်းလိုက်တယ်။ ပြီးတော့ သူတို့ကို ပြောသတဲ့ ‘‘ငါ မင်းတို့အားလုံးကို ခွဲခွာရတော့မယ်။ မင်းတို့ ငါ့အတွက် နောက်ဆုံးကိစ္စတစ်ခုကို လုပ်ပေးကြပါ။ ငါ့ဘ၀တစ်လျှောက်လုံး မြင့်မြတ်တယ်လို့သတ်မှတ်ထားတဲ့ တောင်ကို မင်းတို့သိကြတယ်မဟုတ်လား။ အခု ငါက မင်းတို့ကို အဲဒီတောင်ပေါ် အဖြစ်နိုင်ဆုံးကြိုးစားပြီး တက်စေချင်တယ်။ အမြင့်ဆုံးနေရာအထိရောက်အောင် အစွမ်းကုန်ကြိုးစားပြီးတက်ခဲ့ရမယ်ဆိုတာတော့ မှတ်ထားကြပါ။ ပြီးရင် မင်းတို့မြင်ခဲ့ကြားခဲ့သမျှ ငါ့ကို ပြန်လာပြောပြပါ။’’

     အကြီးအကဲဆိုလိုတဲ့အဓိပ္ပါယ်ကို လူငယ်သုံးယောက်လုံးက စိတ်ထဲနှလုံးထဲကပါ နားလည်ကြတဲ့အတွက် သေသေချာချာနားထောင်လို့ပြီးတာနဲ့ ချက်ချင်းပဲ ခရီးထွက်ကြပါတော့တယ်။

     (တောင်နားရောက်ဖို့)လမ်းတစ်ဝက်မှာ ပထမလူငယ်က စဉ်းစားတယ်။ ‘‘ကိုယ်ခန္ဓာအားကိုးရရင် ငါသူတို့နှစ်ယောက်ကို မယှဉ်နိုင်ဘူး။ တောင်ထိပ်ရောက်အောင်တက်ပြီးမှ ပြန်သွားရင် အကြီးအကဲနေရာက တခြားလူအတွက် ဖြစ်သွားတော့မှာ။ ငါဒီလောက် ဥာဏ်ထက်ပြီးစွမ်းဆောင်နိုင်တဲ့ဟာ ကိုယ့်မျက်စိရှေ့မှာ နေရာကောင်းကို သူများလက်ထဲ ဘယ်ထည့်ပေးနိုင်ပါ့မလဲ။’’ ဒါကို စဉ်းစားမိတာနဲ့ ချက်ချင်းပဲပြန်သွားဖို့ သူဆုံးဖြတ်လိုက်တယ်။ အကြီးအကဲအိုကြီးကို ပြန်ပြောပြနိုင်ဖို့အတွက်တော့ သူက တမင်တကာ တောင်ခြေကိုအပြေးလေးသွားပြီး ဟိုဟိုဒီဒီကြည့်ခဲ့လိုက်တာပေါ့။

     ‘‘အကြီးအကဲခင်ဗျား၊ ကျွန်တော် တောင်ထိပ်ကိုရောက်ခဲ့ပါတယ်။ ကြည်လင်တဲ့စမ်းရေတွေက တသွင်သွင်စီးနေတာတွေ၊ ပန်းပင်ပေါင်းစုံက (စမ်းချောင်းရဲ့) တစ်ဖက်တစ်ချက်မှာပေါက်နေတာတွေ၊  စိမ်းလန်းတဲ့သစ်ပင်တွေ စည်စည်ပင်ပင်ဝေေ၀ဖြာဖြာ ပေါက်နေတာတွေ၊ ကျေးငှက်သာရကာတွေ သာသာယာယာ တွန်ကျူးနေတာတွေနဲ့ စွဲမက်ဖွယ်ရှုခင်းတွေကို တွေ့ခဲ့ပါတယ်’’ လို့ အကြီးအကဲနဘေးကို ပြန်ရောက်ရောက်ချင်းပဲ သူက ဖွဲ့ဖွဲ့နွဲ့နွဲ့နဲ့ အလျင်စလို ပြောပြပါတယ်။

     ‘‘ကလေးရယ်၊ ဒီလို ငှက်အော်သံတွေနဲ့ ပန်းရနံ့သင်းထုံတဲ့နေရာဟာ တောင်ထိပ်မဟုတ်ဘူးကွယ့်၊ အဲဒါတောင်ခြေပဲ’’ လို့ အကြီးအကဲက ခေါင်းခါရင်း ပြောလိုက်ပါတယ်။

     ဒုတိယလူငယ်က တောင်တစ်ဝက်လောက်တက်ပြီးတဲ့အခါ စိတ်ထဲမှာ စပြီးတွေးတယ်။ ‘‘ဒီတောင်က မီတာ ၂၀၀၀ လောက်ြမင့်တာ။ တောင်ထိပ်ရောက်ဖို့ဆို အနည်းဆုံး နေ့တစ်ဝက်လောက်လိုမယ်။ တကယ်လို့များ ငါနည်းနည်းလေးနောက်ကျသွားရင် အကြီးအကဲနေရာကို မရနိုင်တော့မှာ သေချာပေါက်ပဲ။ ငါအခုချက်ချင်း ပြန်တာက ပိုကောင်းမယ်။ အကြီးအကဲကမေးလာရင် ငါ ဒီက ရှုခင်းတွေကိုပဲ သူ့ကိုပြောပြလိုက်မယ်။ တောင်တစ်ဝက်နဲ့ တောင်ထိပ်ဟာ သိပ်ကွာတာမှမဟုတ်တာ။’’ အဲဒီလိုနဲ့ သူလည်း လှည့်ပြီး နောက်ကြောင်းပြန်တော့တာပေါ့။

     ‘‘အကြီးအကဲခင်ဗျား၊ ကျွန်တော် တောင်ထိပ်ကိုရောက်ခဲ့ပါတယ်။ မြင့်မားခန့်ညားလှတဲ့ ထင်းရှူးတောကြီးကို တွေ့ခဲ့ပါတယ်။ ပြီးတော့ တောင်စွန်းတောင်ဖျားမှာ သိမ်းငှက်တွေလည်း ပျံသန်းနေကြပါတယ်’’ လို့ သူက ပြောလိုက်ပါတယ်။

     ‘‘အင်း၊ ကလေးရဲ့၊ အဲဒါ တောင်ထိပ်မဟုတ်ဘူးကွဲ့။ အဲဒါ တောင်ခါးပန်းပဲရှိသေးတယ်’’ လို့ အကြီးအကဲက ကိုယ့်ဖာသာရေရွတ်သလိုနဲ့ ပြောလိုက်ပါတယ်။

     အခုတော့ တတိယလူငယ်ပဲကျန်ပါတော့တယ်။ ဒါပေမယ့် မိုးစုန်းစုန်းချုပ်တဲ့အချိန်အထိတောင် သူပြန်မလာသေးပါဘူး။ ဒီလိုနဲ့ နောက်ထပ် တစ်နာရီ၊ နှစ်နာရီ....... အားလုံးက သူ့ရဲ့လုံခြုံရေးအတွက် စိုးရိမ်ပူပန်နေကြတဲ့အခိုက်မှာပဲ သူဟာ အ၀တ်အစားကဖရိုဖရဲ၊ လူကနွမ်းနွမ်းလျလျ၊ ပြီးတော့ နှုတ်ခမ်းတွေလည်းခြောက်ခြောက်သွေ့သွေ့နဲ့ ရုတ်တရက် အကြီးအကဲရဲ့အိမ်ကို ၀င်ချလာပါတယ်။

     ပင်ပန်းနွမ်းနယ်မှုအပြည့်က မျက်နှာမှာပေါ်နေပေမယ့် တောင်ထိပ်အကြောင်းပြောပြတဲ့အခါမှာတော့ သူ့မျက်လုံးတွေက အရောင်လက်လာပါတယ်။ ‘‘တောင်ထိပ်မှာ အမှန်တော့ ဘာမှမရှိပါဘူး။ လေပြင်းတွေက ဝေ့၀ဲနေတယ်၊ ကောင်းကင်ပြာကြီးက အရပ်လေးမျက်နှာမှာ ကိုင်းဆင်းနေတယ်။ ကျွန်တော် မြင်နိုင်တဲ့အရာဆိုလို့ ကျွန်တော်ကိုယ်တိုင်ပဲရှိတယ်။ ‘ကိုယ့်ကိုယ်ကို’ ကောင်းကင်နဲ့မြေကြီးကြားမှာ အထားခံလိုက်ရတဲ့အတွက်  သိမ်နုပ်တဲ့ခံစားမှုဆိုတာပဲ ရှိပါတယ်။ အဲဒီအခိုက်အတန့်လေးမှာ ကျွန်တော်ဟာ ရှိရှိသမျှ မာန်မာနတွေနဲ့(ကိုယ့်ကိုယ်ကို)ကျေနပ်ခြင်းတွေကို လုံးလုံးမေ့သွားတယ်။ ဒါ့အပြင် အရင်ကရှိနေခဲ့တဲ့ ကိုယ့်ကိုယ်ကို ဟုတ်လှပြီထင်နေခဲ့တာအတွက် အရှက်တရားရပြီး ရတက်မအေးဖြစ်မိပါတယ်။’’

     ‘‘တော်လိုက်တဲ့ကလေးပဲကွယ်၊ မင်းရောက်ခဲ့တာဟာ တကယ့်တောင်ထိပ်အစစ်ပါပဲ။ ငါတို့ရဲ့ အစဉ်အလာအတိုင်း ငါမင်းကို အကြီးအကဲအသစ်အဖြစ် တင်မြှောက်လိုက်ပါတယ်။ မင်းအတွက် ဆုမွန်ကောင်းတောင်းပေးပါတယ်’’လို့ အကြီးအကဲက ပြုံးပြီးပြောလိုက်ပါတယ်။

     အင်း....တောင်တစ်လုံးရဲ့အမြင့်ဆုံးနေရာမှာ ဘာဆိုဘာမှရှိမနေပါလား။

သဘောတရား။     ။ ရှင်သန်ခြင်းမှာ အဆုံးသတ်ဆိုတာရှိပေမယ့် သိခြင်းမှာတော့ အဆုံးမရှိပါဘူး။ ကျွန်တော်တို့ လောကကြီးအကြောင်းသိတယ်ဆိုတာ စက်ဝိုင်းသာသာလေးပါ။ စက်ဝိုင်းထဲမှာရှိသမျှက အကန့်အသတ်နဲ့ချည်းပါပဲ။ စက်ဝိုင်းပြင်ပက နေရာလွတ်ကတော့ အကန့်အသတ်မဲ့ပါ။ အမြင့်ကိုရောက်အောင်တက်ပြီး မိမိကိုယ်ကို ပြန်မြင်ကြည့်တော့မှ လောကကြီးက ကျယ်ပြန့်ပြီးအကန့်အသတ်မဲ့သလောက် လူကတော့ သေးနုပ်လွန်းလှတယ်ဆိုတာတွေ့ရမှာပါ။ တကယ်တော့ ကိုယ့်ကိုယ်ကို အထင်ရောက်နေခြင်းဟာ ဥာဏ်တိမ်တဲ့လုပ်ရပ်မျှသာ ဖြစ်ပါတော့တယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 山的最高处 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၀၉.၀၂.၂၀၁၀ ည ၁၀း၃၇

ကလေး နဲ့ မိဘ (၂)

မိသားစုဆုံရအောင်...

ဖီးနစ်မှာ နေတဲ့ အဘိုးကြီးတစ်ယောက်က နယူးယောက်မှာနေတဲ့ သူ့သားဆီကို ဖုန်းဆက်တယ်။ ‘‘မင်းရဲ့ နေ့ကောင်းလေးကို ဖျက်ဆီးရတာတော့ ငါမုန်းတယ်ကွာ။ ဒါပေမယ့်မင်းအမေနဲ့ ငါနဲ့ ကွာရှင်းပြတ်စဲမယ်ဆိုတာတော့ ပြောမှဖြစ်မယ်။ ၄၅နှစ်တာ ကိုယ်ဆင်းရဲစိတ်ဆင်းရဲဘ၀က လုံလောက်နေပါပြီကွာ။’’

‘‘အဖေရာ...ဘာတွေလျှောက်ပြောနေတာလဲဗျ’’ သားဖြစ်သူက အော်လိုက်တယ်။

အဖေကပြောတယ်။ ‘‘ငါတို့ အချင်းချင်းလည်း စိတ်ကုန်နေကြပြီ။ ဒီအကြောင်းတွေပြောရမှာ မောပါတယ်ကွာ။ ချီကာဂိုမှာရှိတဲ့ မင်းအစ်မကို ဒီအကြောင်း ဖုန်းဆက်ပြီးပြောလိုက်ကွာ။’’ ပြီးတော့ ဖုန်းချလိုက်တယ်။

ကြောက်လန့်တကြားနဲ့ပေါ့ သားဖြစ်သူက သူ့အစ်မကို ဖုန်းဆက်တယ်။ ဖုန်းထဲမှာ ပေါက်ကွဲပြီးတော့ ‘‘ဒုက္ခပါပဲ၊ သူတို့က ကွဲကြတော့မလို့တဲ့။’’

အစ်မက ဖီးနစ်ကို ဖုန်းပြန်ဆက်တယ်။ သူ့အဖေကို အော်ပြီးတော့ ‘‘အဖေတို့ လုံးဝ မကွာရှင်းရဘူး။ ကျွန်မနဲ့မောင်လေး အဲဒီကို မရောက်ခင် ဘာတစ်ခုမှမလုပ်နဲ့ဦး။ ကြားရဲ့လား’’ ဆိုပြီးတော့ ဖုန်းချသွားတယ်။

အဖေကလည်း သူ့ဖုန်းကိုချလိုက်တယ်။ ပြီးတော့ သူ့မိန်းမဘက်လှည့်ပြီးပြောတယ်။ ‘‘အိုကေပြီ။ သူတို့တွေ ကျေးဇူးတော်နေ့(Thanksgiving-Day)အတွက် လာကြပြီ။ အခုတခါ... ခရစ်စမတ်အတွက်ရော သူတို့ကို ဘာပြောရင်ကောင်းမလဲ။’’



သူအထဲကို ဘာဝင်လုပ်...

တစ်နေ့မှာ ကျေးလက်ဆရာဝန်အိုကြီးတစ်ဦးဟာ ကလေးမွေးပေးဖို့အတွက် တသီးတခြားဖြစ်နေတဲ့ လယ်တောထဲကို သွားရပါတယ်။ အရမ်းဝေးလံလွန်းလို့ အဲဒီမှာ လျှပ်စစ်မီးတောင်မရှိပါဘူး။ သူရောက်တော့ အိမ်မှာ မီးဖွားမယ့်အမေနဲ့ ၅နှစ်သားကလေးတစ်ယောက်ကလွဲလို့ ဘယ်သူမှမရှိပါဘူး။ မီးအိမ်တခုကို ခပ်မြင့်မြင့်ကိုင်ထားဖို့ သူက ကလေးကိုညွှန်ကြားပါတယ်။ အမျိုးသမီးကို ကလေးမွေးပေးနေတုန်း ကောင်းကောင်းမြင်ရအောင်ပေါ့။ အမေကလည်းညှစ်ပေးတော့ သိပ်မကြာလိုက်ပါဘူး။ ဆရာဝန်ကြီးက ကလေးကို ခြေဖ၀ါးကနေဆွဲမလိုက်တယ်။ ပြီးတော့ အသက်စရှူအောင် အောက်ပိုင်းကို ခပ်ဆတ်ဆတ်လေး ရိုက်လိုက်ပါတယ်။

ဆရာဝန်ကြီးက ပြီးတော့မှ ၅နှစ်သားကလေးကို မေးလိုက်ပါတယ်။ ‘‘ကလေးကို မင်းဘယ်လိုမြင်မိလဲကွ။’’

ကောင်လေး ပြန်ပြောလိုက်တာကတော့ ‘‘သူစကတည်းက အဲဒီထဲကို (တွားပြီး)၀င်မသွားသင့်ဘူးလေ။ သူ့ကို ထပ်သာရိုက်’’ ဟူသတည်း။

နေရာလွတ်ကို ဖြည့်သင့်တယ်...

အယ်မလီဆိုတဲ့ ကလေးမလေးက သူဘာကြောင့် ဗိုက်နာရလဲဆိုတာသိချင်လို့ သူ့အမေကို ညည်းညူပြီးမေးပါတယ်။

အမေက ပြန်ဖြေပါတယ် ‘‘အဲဒါ ဗိုက်ထဲမှာ ဟောင်းလောင်းဖြစ်နေလို့ကွဲ့။ အဲဒီထဲကိုတခုခု ဖြည့်မှရမယ်။’’

နောက်တနေ့မှာ ဘုန်းတော်ကြီးက အယ်မလီတို့ မိသားစုဆီ နေ့လည်စာ လာစားတယ်။ သူက သူ့မှာ ခေါင်းတခြမ်းကိုက်တဲ့ရောဂါရှိလို့ ခေါင်းနာတယ်ဆိုတဲ့အကြောင်းပြောပြပါတယ်။

အဲဒါကို အယ်မလီလေးက ချက်ချင်းတုန့်ပြန်လိုက်တယ်။ ‘‘အဲဒါ ခေါင်းထဲမှာ ဟောင်းလောင်းဖြစ်နေလို့။ အဲဒီထဲကို တခုခု ဖြည့်ဖို့လိုတယ်။’’

မျိုးရိုးပါသွားပုံ...

ယောက်ျား။     ။ ‘‘သိလားမိန်းမ၊ တို့သားက သူ့ဦးဏှောက်ကို ကိုယ့်ဆီကရတာကွ။’’

ဇနီး။     ။‘‘ဟုတ်ကိုဟုတ်ရမယ်။ ကျွန်မ ဦးဏှောက်က ကျွန်မနဲ့ အတူရှိနေသေးတယ်။’’

ဖုန်းမှားသွားလို့တဲ့...

ဆယ်ကျော်သက် ကလေးမလေးတစ်ယောက်က ဖုန်းပြောနေတာ နာရီဝက်လောက်ကြာတော့မှ ဖုန်းချလိုက်တယ်။

‘‘တယ်ဟုတ်ပါလား၊ စကားပြောတာ တိုလိုက်တာ။ အမြဲတမ်း ၂နာရီကြာလောက် ပြောနေကြဟာကို။ ဘာများဖြစ်လို့လဲ?’’ အဖေက ပြောလိုက်တယ်။

သမီးက ပြန်ဖြေတယ် ‘‘ဖုန်းမှားသွားလို့ပါ။’’

ကြောင်မရှိတော့...

နယ်လှည့်အရောင်းသမားတစ်ယောက်က တံခါးဘဲလ်ကို နှိပ်လိုက်ပါတယ်။ ၁၀ နှစ်သား ဂျွန်နီလေးက ဘီယာဗူးကိုင် ဆေးပြင်းလိပ်ကြီးခဲလို့ ပြန်ထူးပါတယ်။

အရောင်းသမားက မေးလိုက်တယ် ‘‘ကောင်လေး၊ မင်းအမေအိမ်မှာရှိလား။’’

ဂျွန်နီလေးက ကော်ဇောပေါ်မှာ သူ့ဆေးပြင်းလိပ် ပြာကို ထိုးချွေလိုက်ရင်းနဲ့ ပြောလိုက်တာက ‘‘ခင်ဗျားကြီးက ဘယ်လိုထင်လို့လဲ’’ ဟူသတတ်။

---------------------------------------------------------------------------------------------------------------------------

ဒီဟာသတွေကိုတော့ Rewa Mirpuri စုစည်းထားတဲ့ Best of Humor စာအုပ်ထဲက ပြန်ကောက်နှုတ်ပြီး ဘာသာပြန်ထားတာပါ။

ပျော်ရွှင်ကြပါစေ...

ဦးမောင်

၀၆-၀၂-၂၀၁၀ ည ၀၇း၃၂

ကလေး နဲ့ မိဘ (၁)

လိင်ပညာပေး...

တစ်ရက်မှာ ဘရော့ဒီ ကျောင်းကနေ အိမ်ပြန်ရောက်တော့ သူ့အမေကို မေးပါတယ်။ ‘‘အမေ၊ sex ဆိုတာဘာလဲဟင်။’’

သူ့အမေ စိတ်တွေ ပျာယာခတ်သွားတယ်။ ဒါပေမယ့် ဒီလိုနေ့မျိုး တစ်နေ့တော့ရောက်လာမယ်ဆိုတာ သိထားတော့ ရိုးရိုးသားသားပဲ ပြောပြဖို့ ဆုံးဖြတ်လိုက်တယ်။

၁နာရီလောက် အချိန်ကုန်ခံပြီး ငှက်တွေပျားတွေအကြောင်း၊ ကလေးတွေ ဘယ်ကလာတယ်ဆိုတဲ့အကြောင်းတွေကို  သူ့သားကို ရှင်းပြတော့တာပေါ့။ သူရှင်းလို့လည်းပြီးရော သူ့သားက ပြုံးတယ်။ ပြီးတော့ သူ့အိတ်ကပ်ထဲက မေးခွန်းစစ်တမ်း(questionnaire)ပုံစံတစ်ရွက်ကို ဆွဲထုတ်ပြီး sex ဆိုတဲ့စာလုံးကို ထောက်ပြပြီး ‘‘စိတ်ဝင်စားစရာပဲ။ ဒါပေမယ့် သားက အဲဒါတွေအားလုံးကို ဒီ F နဲ့ M ရဲ့ ဘေးနားက အကွက်လေးထဲကို ဘယ်လိုထည့်ရမှာလဲဟင်’’ လို့ မေးလိုက်ပါတယ်။

အဖေ့ဘက်တော်သား...

အရှိန်ပိုမောင်းလို့ လမ်းပြပုလိပ်က လိုက်တားတဲ့ သူ့အဖေအတွက် အကူရအောင်လို့ ကားနောက်ခန်းမှာထိုင်နေတဲ့ ၆နှစ်သားလေးက အသံစူးစူးပြဲပြဲလေးနဲ့ အော်လိုက်ပါတယ်။ 

‘‘ကျွန်တော်တို့ အရှိန်ပိုမောင်းတယ်ဆိုရင်၊ ခင်ဗျားလဲအတူတူပဲ။’’

စိတ်အေးအေးထားပါ...

လူငယ်ကလေးအဖေတစ်ယောက်ဟာ ကလေးတွန်းလှည်းလေးတွန်းလာရင်းနဲ့ ကလေးဆီက ထွက်လာတဲ့ တအီအီငိုနေတဲ့အသံကြောင့် တော်တော်လေး စိတ်အနှောင့်အယှက်ဖြစ်နေပါတယ်။ 

‘‘စိတ်အေးအေးထားပါ၊ တယ်ရီ။’’ သူ ညင်ညင်သာသာလေးပြောလိုက်တယ်။ ‘‘ကိုယ့်ကိုယ်ကို ထိန်းထားစမ်းပါ။ စိတ်ငြိမ်ငြိမ်ထားစမ်းပါ။’’

နောက်ထပ် ဗြဲကနဲအသံ ထွက်လာတယ်။ ‘‘ကဲ၊ ကဲကွာ၊ တယ်ရီ။’’ အဖေဖြစ်သူက တိုးတိုးလေး ညည်းလိုက်တယ်။ ‘‘မင်းဒေါသကို ထိန်းထားစမ်းပါကွာ။’’

အနားကဖြတ်သွားတဲ့ လူငယ်ကလေးအမေတစ်ယောက်က မှတ်ချက်ပေးလိုက်တယ်။ ‘‘ရှင့်အတွက် ဂုဏ်ယူလိုက်တာရှင်၊ ရှင်က ကလေးတစ်ယောက်ကို ဘယ်လို စကားပြောရမယ်ဆိုတာ သိနေပါလား။’’

‘‘ကလေးက ပြဿနာ မဟုတ်ပါဘူး။’’ သူကဆက်ပြောတယ် ‘‘တယ်ရီဆိုတာ ကျွန်တော့်နာမည်ဗျ။’’

အဆင့်နည်းလို့(Grade နိမ့်လို့)...

အမေက သူ့သမီးလေးကို ကစားဖို့ချိန်းထားတဲ့ သူငယ်ချင်းအိမ်ကို ကားနဲ့လိုက်ပို့တယ်။

ကလေးမလေးက မေးတယ် ‘‘အမေ၊ အမေ အသက်ဘယ်လောက်ရှိပြီလဲဟင်။’’

‘‘သမီး...၊ အမျိုးသမီးတစ်ယောက်ကို သူ့အသက်သွားမေးတာ မယဉ်ကျေးဘူးနော်’’ လို့ အမေက ပြောလိုက်တယ်။

‘‘ဒါဆိုရင် အမေ ကိုယ်အလေးချိန် ဘယ်လောက်ရှိလဲ’’ ကလေးမလေးက မေးလိုက်ပြန်တယ်။

‘‘သမီး...ဒါလဲ ကိုယ်ရေးကိုယ်တာ မေးခွန်းပဲ’’ လို့ အမေက ပြန်ပြောလိုက်တယ်။

ကြောက်မသွားတဲ့ ကလေးမလေးက ထပ်မေးတယ်။ ‘‘အမေနဲ့ အဖေက ဘာလို့ ကွဲသွားတာလဲဟင်။’’

‘‘မေးခွန်းတွေတော်သင့်ပြီ’’ လို့ပြောလိုက်ပြီး စိတ်တိုနေတဲ့ အမေက သူငယ်ချင်းနှစ်ယောက် ကစားနေပြီဖြစ်တဲ့အတွက် အဝေးကို ထွက်သွားပါတယ်။

‘‘ငါ့အမေက ငါ့ကို ဘာမှ ပြောမှာမဟုတ်ဘူး။’’ ကလေးမလေးက သူ့သူငယ်ချင်းကို ပြောလိုက်တယ်။

‘‘ဒါလား’’ သူငယ်ချင်းက ပြောတယ် ‘‘သူ့ယာဉ်မောင်းလိုင်စင်ကိုသာ ကြည့်လိုက်။ အဲဒါက ရီပို့ကဒ်လိုပဲ ၊ အကုန်လုံး အဲဒီမှာရှိတယ်။’’

အဲဒီနေ့ ညမှာ ကလေးမလေးက သူ့အမေကို ပြောတာပေါ့ ‘‘အမေက အခု အသက် ၃၉ နှစ်ရှိပြီ၊ ကိုယ်အလေးချိန် ပေါင် ၁၄၀ ရှိတယ်။’’

အမေဖြစ်သူက လုံးဝအံ့အားသင့်သွားပြီး မေးတာပေါ့ ‘‘သမီး ဒါတွေကို ဘယ်လိုလုပ်သိတာလဲ။’’

‘‘ပြီးတော့...’’ ကလေးမလေးက အောင်မြင်ဝင့်ကြွားစွာနဲ့ ‘‘အမေနဲ့ အဖေ ဘာကြောင့် ကွဲသွားတယ်ဆိုတာလဲ သမီးသိတယ်။’’

‘‘ဟင်၊ တကယ်လား...’’ အမေက မေးလိုက်တယ် ‘‘ဘာဖြစ်လို့လဲ?’’

‘‘အမေက Sex မှာ အဆင့်က F ပဲရထားတာကိုး။’’

(မှတ်ချက်။     ။အထီးအမခွဲတဲ့စာလုံး [ Female (F), Male (M) ] ကို ကလေးမက Report Card ကလို Grade ခွဲထားတယ်မှတ်လိုက်တာ။)

---------------------------------------------------------------------------------------------------------------------------

ဒီဟာသတွေကိုတော့ Rewa Mirpuri စုစည်းထားတဲ့ Best of Humor စာအုပ်ထဲက ပြန်ကောက်နှုတ်ပြီး ဘာသာပြန်ထားတာပါ။

ပျော်ရွှင်ကြပါစေ...

ဦးမောင်

၀၆-၀၂-၂၀၁၀ ညနေ ၀၅း၀၇

သူတစ်ပါးပေါ်အမြင်ဆိုတာ...

     လွီမုန်ဟာ သုံးပြည်ထောင်ခေတ်က တုန်းဝူ(ပြည်)ရဲ့ နာမည်ကျော် စစ်သူကြီးပါ။ သူဟာ ဆင်းရဲတဲ့မိသားစုမှာ မွေးဖွားလာသူဖြစ်လို့ ငယ်ငယ်ကတည်းက ဆင်းရဲကြပ်တည်းစွာနေလာခဲ့ရပြီး ဘာစာမှမဖတ်ခဲ့ရပါဘူး။ နောက်ပိုင်းမှာ တုန်းဝူရဲ့ တိုက်ခိုက်ရေးစစ်သူကြီးအဖြစ် တာဝန်ယူပြီး စစ်သည်များကိုဦးဆောင်ကာ စစ်တိုက်နေရတဲ့အတွက် စာဖတ်ဖို့အချိန်မရှိဘူးလို့ပဲ ထင်နေပါတယ်။ ဒါကြောင့် တိုက်ခိုက်ရေးဘက်မှာ အဆင်ပြေပေမယ့် တိုင်းပြည်အုပ်ချုပ်မှုနဲ့ နယ်ပယ်အေးချမ်းအောင်ဆောင်ရွက်မှု နည်းပရိယာယ်တွေ၊ ကိစ္စရပ်တွေအပေါ် ရှုမြင်တဲ့အမြင် တွေ စတာတွေမှာ အမြဲလို မပြည့်စုံမှုတွေရှိနေပါတယ်။

     ၀ူပြည်ထောင်ရဲ့အရှင် စွန်းချွမ်ကတော့ လွီမုန်ဟာ ဥာဏ်စွမ်းဥာဏ်စ ကောင်းပြီး လူတော်လူစွမ်းဖြစ်လာအောင် ပြုစုပျိုးထောင်လို့ရတယ်လို့ ထင်ထားပါတယ်။ နှမြောဖို့ကောင်းတာက  သူစာဖတ်နည်းတဲ့အတွက်ပါ။ ဒါကြောင့် လွီမုန်ကို အချိန်များများရအောင်လုပ်ပြီးစာဖတ်ဖို့ အမြဲ တိုက်တွန်းပါတယ်။ လွီမုန်ကတော့ စစ်ရေးတာဝန်များပြားတာကိုပဲ ဆင်ခြေပေးပြီး စာဖတ်ဖို့အချိန်မရှိဘူးလို့ အမြဲလှီးလွှဲပြောလေ့ရှိပါတယ်။ တစ်ခါမှာတော့ စွန်းချွမ်က လွီမုန်ကို စာဖတ်ဖို့ထပ်တိုက်တွန်းရင်းနဲ့ သူ့ကိုပြောပါတယ်။ ‘‘အလုပ်များတဲ့အကြောင်းပြောရရင် ငါက မင်းထက်တောင် အလုပ်ပိုများသေးတယ်။ မင်းက စစ်ရေးတာဝန်လောက်ကိုပဲ စီမံခန့်ခွဲရတာ။ ငါက တစ်နိုင်ငံလုံးက ကိစ္စကြီးတွေကို စီမံခန့်ခွဲနေရတာ။ ပြည်တွင်းရေးရာ၊ ပြည်ပရေးရာ၊ စစ်မက်ရေးရာ ဒါတွေအားလုံးကို ငါပဲ မူဝါဒတွေ ဆုံးဖြတ်ချက်တွေ ချပေးနေရတာ။ ဒါတောင် ငါက အချိန်ရအောင်လုပ်ပြီး စာနည်းနည်းဖတ်နိုင်သေးတယ်။ ငါမင်းကို စာဖတ်ခိုင်းတာက စာလေးစာ၊ကျမ်းငါးကျမ်း(四书五经)ကို အလွတ်ဖတ်ခိုင်းပြီး ပါရဂူလုပ်ခိုင်းဖို့ မဟုတ်ပါဘူး။ ဗဟုသုတတိုးပွားလာအောင် အမြင်ကျယ်လာအောင် စာလေးနည်းနည်းဖတ်ခိုင်းတာပါ။ စာအမြဲဖတ်ရင် ကောင်းကျိုးသေချာပေါက်ရှိမှာပါ။’’

     အဲဒီလိုနဲ့ပဲ လွီမုန်ဟာ ထင်ထားတဲ့အတိုင်း စာကိုသေသေချာချာဖတ်ပါတော့တယ်။ စစ်ရေးတာဝန်တွေ ဘယ်လောက်များများ သူကတော့ အချိန်ရအောင်လုပ်ပြီးစာဖတ်တယ်။ သေသေချာချာ တွေးခေါ်စဉ်းစားတယ်။ ကိုယ့်ရဲ့နားလည်မှုကို ဖော်ထုတ်တယ်။ လွီမုန်ရဲ့ပညာဟာ မြန်မြန်ဆန်ဆန်နဲ့ အကြီးအကျယ် တိုးတက်လာပါတယ်။ ပြဿနာကိုကြည့်တဲ့အမြင်ဟာလည်း ပိုပြီးထဲထဲဝင်ဝင်ရှိလာပါတယ်။

     တစ်ခါမှာတော့ တုန်းဝူရဲ့စစ်သေနာပတိချုပ် လူစု(鲁肃)က လွီမုန်ဆီလာလည်တော့ နှစ်ယောက်သား  စကားပြောဆို ဆွေးနွေးဖြစ်ကြပါတယ်။ လွီမုန်က လူစုကို မေးပါတယ်။ ‘‘ခင်ဗျား အခု ကုန်းကြောင်းအ၀င်ဝမှာ တပ်စွဲကာကွယ်ပြီး ကွမ်းယွီနဲ့ ထိပ်တိုက်ရင်ဆိုင်နေရတယ်ဆို။ အဲဒီ ကွမ်းယွီက ဥာဏ်စွမ်းသတ္တိစွမ်းပြည့်စုံပြီး စစ်ရေးမှာ တစ်ဖက်ကမ်းခတ်တယ်လို့ ကြားတယ်။ သူ့ကိုရင်ဆိုင်ဖို့ ဘယ်လိုနည်းလမ်းကောင်းတွေရှိနေပြီလဲဗျ။’’ လူစုက လွီမုန်မှာ ဘာအကြံကောင်းတွေရှိသလဲလို့ ပြန်မေးတော့ လွီမုန်က သူ့အကြံကို ပြောပြပါတယ်။

     လူစုလည်းကြားရော အရမ်းအံ့အားသင့်သွားတယ်။ လွီမုန်က စာဖတ်နည်းတော့ နက်နဲတဲ့ ပရိယာယ်တွေကို နားမလည်လောက်ဘူးလို့ သူ့အမြင်မှာစွဲနေတာ။ အခုလို သူ့ရဲ့ခွဲခြမ်းစိတ်ဖြာမှုကို နားထောင်လိုက်ရတဲ့အပြင် မမျှော်လင့်ထားလောက်အောင်ကိုလည်း တကယ်ကောင်းနေတော့ ချီးမွမ်းစကားဆိုပါတယ်။ ‘‘ငါက မင်းကို စစ်သည်တွေဦးဆောင်ပြီး စစ်တိုက်တတ်တဲ့ အရည်အချင်းပဲရှိနေတယ်မှတ်တာ။ မမျှော်လင့်ထားဘူး။ မင်းဆီမှာ ဒီလို ကောင်းမွန်နက်နဲတဲ့ နည်းပရိယာယ်တွေ ရှိနေပါလား။ မင်းဟာ အရင်ကလွီမုန် မဟုတ်တော့ပဲကိုး။ ၀မ်းသာစရာကောင်းလိုက်တာ။’’

     လွီမုန်က ပြောလိုက်ပါတယ်။ ‘‘လူတစ်ယောက်ကို ၃ ရက်လောက်မတွေ့ဖြစ်ရင်တောင် အမြင်သစ်နဲ့ ကြည့်သင့်တယ်လို့ ဆိုထားတာပဲ။’’ အဲဒီအချိန်ကစပြီး လူစုဟာ လွီမုန်အပေါ်မှာ ပိုပြီး အထင်ကြီးလေးစားလာပါတော့တယ်။ 

-----------------------------------------------------------------------------------------------------------------------------

ဒီပုံပြင်ကို 张若胜 ပြုစုရေးသားတဲ့ 成语故事 စာအုပ်သေးလေးထဲက ဘာသာပြန်ထားတာပါ။

အနီရောင်စာသားရဲ့ မူရင်း တရုတ်စကားပုံက 刮目相看! (刮目相待!) (刮目相见!)ပါ။ မူရင်းပုံပြင်ထဲက အသုံးအပြည့်အစုံကတော့ ‘‘士别三日, 刮目相看’’ ပါ။. လူတစ်ယောက်ကို သုံးရက်လောက် မတွေ့ဖြစ်ရင် အမြင်ဟောင်းတွေကို စွန့်ပစ်ပြီး အမြင်သစ်နဲ့ ဆက်ဆံရမယ် ဆိုတဲ့အဓိပ္ပါယ်ပါ။

မြန်မာမှာ အလားတူ စကားပုံကတော့...(သိဘူးဗျ။ သိရင်ဝေငှကြပါဦး။း-D)

ပျော်ရွှင်ကြပါစေ။

ဦးမောင်

၀၄-၀၂-၂၀၁၀ ည ၁၀း၁၇

နှင်းဆီပန်းရဲ့ မိတ်ဆွေ

     ကုန်သည်တစ်ယောက်ဟာ အိမ်အပြန်လမ်းမှာ အမွှေးနံ့တစ်မျိုးကို ခပ်သွဲ့သွဲ့ရမိတာနဲ့ အမွှေးနံ့လာရာအတိုင်း လိုက်ရှာတယ်။  အမွှေးနံ့လာရာနေရာက ရွှံ့ပုံတစ်ပုံ ဖြစ်နေပါတယ်။ ပျော်ရွှင်သွားတဲ့ ကုန်သည်ဟာ ချက်ချင်းပဲ  ရွှံ့တွေကို သတိကြီးစွာနဲ့ အိတ်ထဲထည့်ပြီး အိမ်ကို ထမ်းပြီးပြန်သွားပါတယ်။

     သူက ရွှံ့တွေကို ပန်းအိုးအလွတ်တစ်လုံးထဲမှာထည့်ပြီး အခန်းထဲမှာ ထားလိုက်တယ်။ ၂ ရက် ၃ ရက်လောက်လဲကြာရော သူ့တစ်အိမ်လုံးမှာ အမွှေးနံ့တွေချည်းပဲပေါ့။ ဥာဏ်ကောင်းတဲ့ ကုန်သည်ဟာ ဒီရွှံ့ရတနာတစ်အိုးကိုအသုံးချပြီး (လူတွေလာရောက် ခံစားနိုင်အောင်) ပြပွဲပုံစံ စီပွားရေးတစ်ခုကို လုပ်ပါတော့တယ်။ အချိန်တိုအတွင်းမှာပဲ လာရောက်ကြည့်ရှုခံစားကြသူတွေဟာ တဖွဲဖွဲနဲ့ပေါ့။ ဒါပေမယ့်  ဒီရွှံ့အိုးဟာ ဘာဖြစ်လို့ ဒီလောက်မွှေးရတယ်ဆိုတာ ကုန်သည်ကိုယ်၌အပါအ၀င် ဘယ်သူမှ မသိကြပါဘူး။

     တစ်ညမှာ အဲဒီရွှံ့တွေကို တန်ခိုးရှိတဲ့ရွှံ့အဖြစ် သတ်မှတ်ထားတဲ့ ကုန်သည်ဟာ အကြာကြီးစိုက်ကြည့်ပြီး မအောင့်နိုင်ပဲ ‘‘မင်းဟာ ဘာများလဲ။ အသွင်အပြင်ကတော့ ရွှံ့နဲ့တူတာပဲ’’ လို့မေးလိုက်မိတယ်။

     ‘‘ကျွန်တော်က ရွှံ့ပါပဲဗျာ။’’ ရွှံ့က ရုတ်တရက် စကားပြောလိုက်ပါတယ်။

     လန့်ဖြန့်သွားတဲ့ ကုန်သည်ဟာ ချက်ချင်းပဲ မေးလိုက်ပါတယ်။ ‘‘ဒါဆို မင်းက ရှားပါးတဲ့ ရွှံ့မွှေးတစ်မျိုးလား။ ဒါမှမဟုတ် ဈေးခေါင်ခိုက်အောင်ကြီးတဲ့ ရွှံ့လား။ ဒါမှမဟုတ်ရင်လဲ ဝေးလံတဲ့မြို့ပြကနေလာတဲ့ ရွှံ့အသွင်ရှိတဲ့ အဖိုးတန်ရတနာပဲဖြစ်ရမယ်။’’

     ‘‘တခုမှမဟုတ်ပါဘူး။ ကျွန်တော်ပြောပြီးပါပကော။ ကျွန်တော်ဟာ ရွှံ့ပါဆိုတာ။’’ ပန်းအိုးထဲက ရွှံ့က တစ်ခါထပ်ပြီးပြောပါတယ်။

     ‘‘ဒါပေမယ့်...ဒါပေမယ့် မင်းက ဘာဖြစ်လို့ ဒီလောက်တောင်မွှေးနေရတာလဲ။’’ ကုန်သည်က နားမလည်နိုင်လွန်းစွာနဲ့ မေးလိုက်ပါတယ်။

     ‘‘ဪ...ဒါကတော့ ကျွန်တော်က နှင်းဆီပန်းတွေနဲ့ မိတ်ဆွေမို့လို့ပါ။ နှင်းဆီခြံထဲမှာ သူတို့တွေနဲ့ နေ့ညမပြတ် အချိန်ကာလအကြာကြီး အတူတူပေါင်းသင်းခဲ့ဖူးလို့ပါ’’ လို့ ရွှံ့က သန်းဝေပြီး ပြောလိုက်ပါတယ်။

သဘောတရား။     ။ပတ်ဝန်းကျင်ဟာ လူတွေအပေါ်ကို ကြီးမားတဲ့ အကျိုးသက်ရောက်မှုရှိပါတယ်။ ဘယ်လိုလူမျိုးနဲ့ပဲ ပေါင်းသင်းမိပါစေ၊ ကြာလာတာနဲ့အမျှ ကျွန်တော်တို့လည်း အဲဒီလူတွေရဲ့ (အကောင်းအဆိုး) လားရာဘက်ကို ပြောင်းလဲသွားတတ်ကြပါတယ်။ ဒီတစ်ချက်ကို သိထားပြီး ကျွန်တော်တို့က ထူးချွန်(ကောင်းမွန်)တဲ့သူတွေကို ကြိုးစားပြီး ချဉ်းကပ်ရပါမယ်။ ဒါအတွက် ကိုယ့်ကိုယ်ကို  မရမက တောင်းဆိုရပါမယ်။ ပိုပြီးအရေးကြီးတာကတော့ တခြားလူတွေကို (ကောင်းမွန်လာအောင်) အကျိုးသက်ရောက်မှုပေးနိုင်တဲ့ ထူးချွန်ကောင်းမွန်သူတစ်ယောက်အဖြစ် မိမိကိုယ်ကို ပြောင်းလဲပေးဖို့ပါပဲ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 玫瑰的朋友 ဆိုတာပဲဖြစ်ပါတယ်။

ဦးမောင်

၀၂.၀၂.၂၀၁၀ ည ၀၈း၁၅