လူလား က ဘယ်သူလဲ

     လူလားဟာ အလွန်ဆင်းရဲတဲ့ မိသားစုမှာ မွေးဖွားလာတာပါ။ စားဝတ်နေရေးကို ဆက်ထိန်းထားနိုင်ဖို့အတွက် သူဟာ ၃နှစ်သားအရွယ်ကတည်းက လမ်းဘေးမှာ သူများတွေကို ဖိနပ်တိုက်ပေးခဲ့ရပါတယ်။ ၁၂နှစ်အရွယ်မှာ ဆိုးဆေးအလုပ်ရုံမှာ အလုပ်သင်အနေနဲ့ လုပ်ခဲ့ရပါတယ်။ ၁၄နှစ်သားမှာတော့ သံမဏိစက်ရုံမှာ အလုပ်ဝင်လုပ်ခဲ့ရပြီး လူကြီးတစ်ယောက်ရဲ့ တာဝန်တွေကို ထမ်းပိုးခဲ့ရပါတယ်။ အောက်က သူနဲ့ပတ်သက်တဲ့ ဇာတ်လမ်းလေးဟာ သူ မူလတန်းတက်နေတုန်းမှာ ဖြစ်ခဲ့တာပါ။ ကြုံတုန်းတဆက်တည်းပြောရရင်တော့ သူဟာ မူလတန်းကို ၅နှစ်ပဲတက်ခဲ့ပါတယ်။ ဒါ့အပြင် သူ့တသက်လုံးမှာ ဒီမူလတန်း ၅နှစ်ပဲ ကျောင်းနေခဲ့ဖူးပါတယ်။

     ဆောင်းဦးရာသီရဲ့ တခုသောညနေခင်းမှာပေါ့။ အသက် ၁၀နှစ်မပြည့်တပြည့်အရွယ် လူလားဟာ ကျောင်းဆင်းလို့အိမ်ပြန်အရောက် တံခါးဖွင့်မယ်လုပ်တုန်း သော့ရှာမတွေ့တော့ဘူးဆိုတာ သိသွားတယ်။ အဲဒါနဲ့ လူလားလေးဟာ ခဏတော့ ပြာသွားတာပေါ့။ အဖေရောအမေပါ အပြင်မှာ အလုပ်ထွက်လုပ်နေကြပြီး တနင်္ဂနွေနေ့မှ ပြန်လာနိုင်ကြတာ။ ဘယ်လိုလုပ်ရမလဲပေါ့။ တော်တော်လေးကြာအောင် စဉ်းစားလိုက်တယ်။ သူ စစချင်း ကျောင်းသားကဒ်နဲ့ အဲဒီသော့ကို သွားပြီး ဟိုရွှေ့ဒီရွှေ့လုပ်ကြည့်တယ်။ ဒါပေမယ့် ပလတ်စတစ်ကဒ်က သံမဏိသော့ကို ဘယ်လိုနည်းနဲ့ ဖွင့်လို့ရနိုင်ပါ့မလဲ။ သိပ်မကြာဘူး ကျောင်းသားကဒ်သာ စုတ်သွားတယ် သော့ကတော့ တုတ်တုတ်မလှုပ်ဘူး။ တံခါးဘေးမှာ ခဏထိုင်နားလိုက်ပြီးတော့ သူအားပြန်တင်းတယ်။ အိမ်နောက်ဘက်ကိုသွားတယ်။ ကြည့်ရတာ သူပြတင်းပေါက်ကို ခုန်တက်ပြီး တွားသွားဝင်ရမယ့်ပုံဖြစ်နေတယ်။ ဒါပေမယ့် ပြတင်းပေါက်က အထဲကနေ အသေပိတ်ထားတာ။ မဖျက်ရင် လုံး၀၀င်လို့ရမှာ မဟုတ်ဘူး။ ကိုယ့်ကိုယ်ကို ဒုက္ခမပေးချင်တာနဲ့ သူအင်အားအကုန်ခံပြီး ခေါင်မိုးပေါ်တက်တယ်။ မျက်နှာကျက် အလင်းဝင်ပေါက်ကနေ ခုန်ဝင်မယ်ပေါ့။

     အဲဒီအချိန်မှာ အိမ်နီးချင်းဖြစ်သူ မစ္စတာပေါ်ပါက သူ့ကိုတွေ့သွားတယ်။ ချက်ချင်းပဲ အော်တော့တာပေါ့။ ‘‘ကလေး၊ မင်းဘာလုပ်မလို့လဲကွ။’’

     ‘‘ကျွန်တော် သော့ပျောက်သွားလို့ တံခါးကနေ၀င်လို့မရတော့ဘူး။’’ လူလားက ပြန်ဖြေလိုက်တယ်။

     ‘‘သော့ပျောက်သွားတာ မင်းတခြားနည်းလမ်း မစဉ်းစားကြည့်ဘူးလားကွ။’’ တဖက်က ပြန်မေးတယ်။

     ‘‘ကျွန်တော် နည်းလမ်းအားလုံး စဉ်းစားကြည့်ပြီးပြီ။’’ လူလားက ဒုက္ခရောက်လွန်းလို့ ညည်းတွားပြီးပြောလိုက်တယ်။

     ‘‘မဟုတ်ဘူး။ မင်းရှိသမျှနည်းလမ်းအားလုံးကို တကယ်မှ မစဉ်းစားတာ။’’ မစ္စတာ ပေါ်ပါက သင်ခန်းစာပေးတဲ့ လေသံနဲ့ပြောလိုက်တယ်။ ‘‘အနည်းဆုံးတော့ မင်းငါ့အကူအညီကို မတောင်းခဲ့ဘူးလေ။’’

     ‘‘ဦးလေးဆီက...’’ လူလားက သံသယ၀င်ဝင်နဲ့ လိုက်ပြီး ရေရွတ်ကြည့်တယ်။ ‘‘တံခါးက သော့ခတ်ထားတာ။ ဦးလေး ဘာလုပ်နိုင်မှာလဲ။’’

     မစ္စတာပေါ်ပါက စကားမပြောပဲနဲ့ အိတ်ထဲကနေ သော့ကိုထုတ်လိုက်ပြီး မျက်စိတမှိတ်အတွင်းမှာပဲ လူလားရဲ့အိမ်တံခါးကို ဖွင့်ပေးလိုက်ပါတယ်။ အဲဒီအချိန်ကြမှ လူလားလေးဟာ အသိတရားပွင့်သွားတယ်။ အမေအလုပ်သွားရင် အဲဒီအိမ်နီးချင်းကို သူတို့အိမ်သော့တချောင်း ပေးထားခဲ့တာကိုး။ သားဖြစ်သူဒုက္ခမကြုံရအောင်ပေါ့။

     အဲဒီအချိန်မှာ မစ္စတာပေါ်ပါ ပြောလိုက်တာကို သူကြားလိုက်တယ်။ ‘‘အခက်အခဲနဲ့ကြုံရင် တခြားလူကို အကူအညီတောင်းတာလည်း ဖြေရှင်းတဲ့နည်းလမ်းပါပဲကွ။’’

     အဲဒီစကားတခွန်းဟာ လူလားကို ရုတ်ချည်း တုန်လှုပ်သွားစေခဲ့ပါတယ်။ အဲဒီနေ့ကစပြီး ဖြေရှင်းရခက်ခဲတဲ့ ဘယ်လိုကိစ္စနဲ့ပဲတွေ့တွေ့ သူဟာ မစ္စတာပေါ်ပါကို အလိုလို စဉ်းစားမိသွားတယ်။ သူ့ရဲ့ အဲဒီ စကားတခွန်းကိုပေါ့။

     တဖြည်းဖြည်းအရွယ်ရောက်လာတဲ့ လူလားဟာ ‘‘တခြားလူရဲ့အကူအညီ’’ အားကိုးနဲ့ အဆင်ပြေသထက်ပြေလာခဲ့ပါတယ်။ နောင် နှစ်၃၊၄ဆယ်ကြာတော့ ဆင်းရဲသားမိသားစုက ပေါက်ဖွားခဲ့တဲ့ မူလတန်း၅နှစ်သာ စာဖတ်ခဲ့ဖူးတဲ့ လူလားဟာ ရွေးကောက်ပွဲကနေတဆင့် ဘရာဇီးလ်နိုင်ငံရဲ့ အဆက် ၄၀ မြောက် သမ္မတ ဖြစ်လာခဲ့ပါတယ်။ ဘရာဇီးလ် နိုင်ငံသားတွေသာမက တကမ္ဘာလုံးကလူတွေ အနေနဲ့ပြောရရင် ဒါဟာ ခေတ်သစ် ဒဏ္ဍာရီတစ်ပုဒ်လိုပါပဲ။ ဒါပေမယ့် ဒါဟာ တကယ့်အဖြစ်အပျက်ပါ။

သဘောတရား။     ။အကူအညီတောင်းတယ်ဆိုတာ ဖြေရှင်းတဲ့နည်းလမ်းပါပဲ။ ပြဿနာနဲ့ ကြုံတဲ့အချိန်မှာ လူဟာ အရင်ဦးဆုံး ကိုယ့်ဖာသာ စဉ်းစားသင့်တယ်။ ကိုယ့်ဖာသာ ဖြေရှင်းနိုင်ဖို့ ကြိုးပမ်းသင့်တယ်။ မအောင်မြင်နိုင်တော့ဘူးဆိုမှ ဖြေရှင်းပေးနိုင်တဲ့လူကို စစ်မှန်ရိုးသားစွာ အကူအညီတောင်းခံသင့်တယ်။ လူအများစုကတော့ ကိုယ့်ကို ကူညီဖို့ ဆန္ဒရှိကြပါတယ်။ အဲဒီလိုဆိုရင် ကိုယ်ရှေ့ဆက်မယ့် ခြေလှမ်းတွေကို တားဆီးမယ့် အခက်အခဲဆိုတာ မရှိနိုင်တော့ပါဘူး။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 卢拉的故事 ဆိုတာပဲဖြစ်ပါတယ်။

ဒါကတော့ ၄၀ ဆက်မြောက် ဘရာဇီးလ် သမ္မတ Luis Inacio Lula da Silva ရဲ့ အကြောင်း Link ပါ။ http://en.wikipedia.org/wiki/Luiz_In%C3%A1cio_Lula_da_Silva

မောင်မောင်

၃၀.၀၁.၂၀၁၀ ည ၀၉း၄၀

သိမ်းငှက်တို့ရဲ့ ပြန်လည် မွေးဖွားခြင်း

     တောင်ပံတွေကို မာကြောအောင် လေ့ကျင့်ပြီးကာစ သိမ်းငှက်ကလေးဟာ စိတ်အားတက်ကြွစွာနဲ့ ကျောက်တောင်ထိပ်ဖျားကို ပျံသန်းလိုက်ပါတယ်။ အဲဒီမှာ သူ သိမ်းငှက်အသိုက်တစ်ခုကို တွေ့လိုက်တယ်။ အသိုက်ရှေ့မှာတော့ အရမ်းအိုမင်းနေပြီဖြစ်တဲ့ သိမ်းငှက်ကြီးတစ်ကောင်ဟာ သူ့ရဲ့ခြေသည်းတွေကို အားနဲ့ ဆွဲနှုတ်ပစ်နေတယ်။ အဲဒီလိုလုပ်တဲ့အတွက် ခြေထောက်နှစ်ချောင်းမှာ သွေးတွေ စိုရွှဲနေတော့တာပေါ့။

     ‘‘ဘုရားရေ၊ ဘဘသိမ်းငှက်ကြီးခင်ဗျာ၊ ဘာများဖြစ်လို့ပါလဲ။ ဒဏ်ရာရထားတာလား’’ လို့ သိမ်းငှက်လေးက အလျင်အမြန်သွားပြီးမေးလိုက်ပါတယ်။

     သိမ်းငှက်အိုကြီးက ရပ်လိုက်ပြီး ‘‘မဟုတ်ပါဘူး၊ ငါ့ကိုငါ တစ်ဖန်ပြန်လည်မွေးဖွားနေတာပါ။ ’’

     ‘‘တစ်ဖန်ပြန်လည်မွေးဖွားတယ်။’’ သိမ်းငှက်ကလေးရဲ့ မျက်လုံးထဲမှာ ဇဝေဇ၀ါအရိပ်တွေ လျှပ်ခနဲ ဖြစ်သွားပါတယ်။

     ‘‘ဟုတ်တယ်၊ ကလေးရဲ့။ မင်းမသိသေးတာပဲဖြစ်မယ်။ ငှက်မျိုးနွယ်တွေထဲမှာ ငါတို့ သိမ်းငှက်တွေက အသက်အရှည်ဆုံးပဲကွ။ ပြောစကားအရတော့ အသက်အကြီးဆုံး သိမ်းငှက်အိုတစ်ကောင်ဟာ အသက် ၇၀ အထိ နေနိုင်တယ်ကွ။ ဒါပေမယ့် အဲဒီလောက် အသက်ရှည်ဖို့ကိုတော့ အသက် ၄၀ လောက်မှာ  အလွန်တရာမှ ခက်ခဲဆင်းရဲပြီး အလွန်တရာမှ အရေးပါတဲ့ ဆုံးဖြတ်ချက်ကို ငါတို့တွေ လုပ်ဖို့လိုအပ်တယ်ကွဲ့။ ’’

     ‘‘ဘာဆုံးဖြတ်ချက်လဲ။ ပြောပြပါဦး။’’ သိမ်းငှက်ကလေးက အလျင်စလိုနဲ့ မေးလိုက်ပါတယ်။

     ‘‘သေဖို့စောင့်နေမလား၊ ဒါမှမဟုတ် ကိုယ့်ကိုယ်ကို အသစ်ပြန်စမလား ဆိုတာပဲ။’’ သိမ်းငှက်အိုကြီးက လေးလေးနက်နက်နဲ့ ပြန်ဖြေပါတယ်။ ‘‘အသက် ၄၀ မှာ ငါတို့ရဲ့ ခြေသည်းတွေက အိုသွားပြီ။ သားကောင်တွေကို ဘယ်လိုမှ ထိထိမိမိ မကုပ်နိုင်တော့ဘူး။ ငါတို့ရဲ့ နှုတ်သီးကလည်း ရှည်ပြီး ကွေးလာတယ်။ ရင်ဘတ်ကိုတောင် ပြန်ထိတော့မယ်။ အရင်လိုလဲ မချွန်ထက်တော့ဘူး။ ပြီးတော့ အတောင်ပံပေါ့။ ငှက်မွှေးတွေက ထူပြီးများလာတဲ့အတွက် အရမ်းကို လေးလာတယ်။ ငါတို့ လွတ်လွတ်လပ်လပ် ပျံသန်းဖို့အတွက် ဘယ်လိုမှ တောင့်မထားနိုင်တော့ဘူး။ အဲဒီအချိန်မှာ သေဖို့စောင့်မလားနဲ့ အသစ်ပြန်စမလားဆိုတာထဲက တခုကို ရွေးချယ်ရတယ်။’’

     ‘‘ဒါဆို၊ ဘဘ အခုရွေးချယ်လိုက်တာက ဒုတိယဟာပေါ့။’’ သိမ်းငှက်ကလေးက သံသယအနည်းငယ်နဲ့ မေးလိုက်ပါတယ်။

     ‘‘ဟုတ်တယ်။ ငါ အသစ်ကပြန်စဖို့ကို ရွေးချယ်လိုက်တယ်။ ဒီဖြစ်စဉ်က အရမ်းကို နာကြင်ပြီး ရက်ပေါင်း ၁၅၀ ကြာ ဖြေးနှေးရှည်လျားတဲ့ လေ့ကျင့်မှုတွေကိုလည်း လုပ်ရပေမယ့်ပေါ့။’’ သိမ်းငှက်အိုကြီးက ခိုင်မာစွာ ဖြေလိုက်ပါတယ်။

     ‘‘ရက်ပေါင်း ၁၅၀။ အဲဒီလောက်ကြာလား။’’ သိမ်းငှက်ကလေးက အံ့အားတသင့်နဲ့ မေးလိုက်ပါတယ်။

     ‘‘ဟုတ်တယ်ကွဲ့။ ငါတို့ အရင်ဆုံး တောင်ထွတ်ဖျားကိုရောက်အောင် ကြိုးစားပြီးပျံသန်းရတယ်။ ပြီးရင် ကျောက်တောင်မှာ အသိုက်ဆောက်ရတယ်။ ကိုယ့်အသက်လုံခြုံမှုကို အာမခံဖို့ပေါ့။ ပြီးရင် အသိုက်နားမှာပဲ နေရတယ်။ မပျံရဘူး။ ဆက်ပြီးလုပ်ရမှာက အရင်ဆုံး နှုတ်သီးနဲ့ ကျောက်တုံးတွေကို ပေါက်ရမယ်။ သူတို့ကို လုံးဝ ကျွတ်ထွက်သွားအောင်ပေါ့။ ပြီးရင်တော့ နှုတ်သီးအသစ်ထွက်လာဖို့ ငြိမ်ငြိမ်လေးနဲ့ စောင့်နေရတယ်။ ဒုတိယအဆင့်ကတော့ အသစ်ထွက်လာတဲ့နှုတ်သီးနဲ့ အိုမင်းနေတဲ့ ခြေသည်းတွေကို တစ်ချောင်းချင်း နှုတ်ပစ်ရတယ်။ တတိယအဆင့်ကတော့ ခြေသည်းသစ်တွေထွက်လာရင် ငှက်မွှေးတွေကို တစ်ချောင်းချင်း နှုတ်ပစ်ရတယ်။ အဲဒီအလုပ်တွေအားလုံး အကုန်လုပ်ပြီးတဲ့အခါ ငှက်မွှေးတွေ အသစ်ထွက်လာအောင် စောင့်ရတယ်။ ၅ လ၀န်းကျင်လောက်ကြာသွားတော့မှ ငါတို့က အရင်ကလို ပြိုင်ဘက်ကင်း ခွန်အားအဟုန်တွေ ပြန်ရလာတယ်။ အဲဒီတော့မှ မိုးပြာရောင်ကောင်းကင်မှာ ဆက်ပြီးပျံသန်းလို့ရတာပေါ့။’’ လို့ သိမ်းငှက်အိုကြီးက ပြောလိုက်ပါတယ်။

သဘောတရား။     ။ လူ့ဘ၀တသက်တာမှာ ရှင်သန်နေထိုင်လာကြရင်းနဲ့ တနေ့နေ့မှာတော့ ခက်ခဲဆင်းရဲတဲ့ရွေးချယ်မှုကို လုပ်ရမယ့်အချိန်ဆိုတာနဲ့ ရင်ဆိုင်ကြရမှာပါ။ မိမိကိုယ်ကို ပြန်လည် သစ်လွင်လိုတဲ့ သတ္တိနဲ့ တစ်ဖန်မွေးဖွားလိုတဲ့ ပိုင်းဖြတ်ချက်ကို ရင်မှာပိုက်ထားပြီး အလေ့အထဟောင်း၊ ထုံးတမ်းအဟောင်းတွေကို ပယ်စွန့်လိုက်မှ အခွင့်အလမ်းသစ်တွေနဲ့ စွမ်းရည်အသစ်တွေကို ဖွံ့ဖြိုးတိုးတက်လာအောင် လုပ်နိုင်မှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 老鹰重生 ဆိုတာပဲဖြစ်ပါတယ်။

ဒီ Link မှာတော့ သူ့အများဆုံး မှတ်တမ်းတင်ထားတဲ့ သက်တမ်းက နှစ် ၅၀ လို့ ရေးထားတယ်။ ဖတ်ကြည့်ကြပါဦး။ http://en.wikipedia.org/wiki/Bald_Eagle

မောင်မောင်

၂၈.၀၁.၂၀၁၀ ည ၁၀း၄၈

သူတောင်းစားနဲ့ကုန်သည်

     ခြေနှစ်ချောင်း ဒုက္ခိတဖြစ်နေတဲ့ သက်လတ်ပိုင်းအရွယ် အမျိုးသားတစ်ဦးဟာ လူစည်ကားနေတဲ့ ဘူတာရုံအနီးမှာ ဈေးခင်းပြီး ခဲတံရောင်းနေပါတယ်။ သူ့အ၀တ်အစားတွေက စုတ်ပြတ်ညစ်နွမ်းနေတဲ့အတွက် လမ်းသွားလမ်းလာတွေက သူ့ကို သူတောင်းစားလို့ပဲ ထင်မှတ်နေကြပြီး ငွေအကြွေစေ့တွေကို သူ့အတွက် ပစ်ချသွားကြပါတယ်။ နေ့တ၀က်သာကုန်သွားတယ်၊ သူ့လက်ထဲက ခဲတံတွေက တစ်ချောင်းမှကို ရောင်းမထွက်သေးပါဘူး။ ဒါပေမယ့် မြေကြီးပေါ်က အကြွေစေ့တွေကတော့ အပုံသေးသေးလေးတောင်ဖြစ်နေပါပြီ။

     အဲဒီအချိန်မှာ ကုန်သည်တစ်ယောက် အဲဒီနားက ဖြတ်သွားတယ်။ အားလုံးလိုပဲ သူလည်း နည်းနည်းလေးမှ ဂရုမပြုမိဘဲ ပိုက်ဆံ ၁ ကျပ်ကို ပစ်ချလိုက်ပြီး အဝေးကို ဆက်ထွက်သွားတယ်။ ဒါပေမယ့် ဘယ်နှစ်မိနစ်မှ မကြာလိုက်ဘူး၊ အဲဒီကုန်သည် ပြန်ရောက်လာတယ်။ သူက ဒုက္ခိတအမျိုးသားလက်ထဲကနေ ခဲတံတစ်ချောင်းကို အမြန်ဆွဲယူလိုက်ပြီးတော့ တောင်းပန်တယ်။ ‘‘စိတ်မကောင်းပါဘူးဗျာ၊ ခင်ဗျားက စီးပွားရေးသမားပဲကိုး၊ ခင်ဗျားကို သူတောင်းစားတစ်ယောက်လို သဘောထားမိတာ တောင်းပန်ပါတယ်ဗျာ။’’ အဲဒီကုန်သည် အဝေးဆက်ထွက်သွားတာကိုကြည့်ပြီး ဒုက္ခိတအမျိုးသားမှာ အတွေးတွေ ဖြစ်သွားပါတယ်။

     နှစ်အနည်းငယ်ကြာတော့ အဲဒီကုန်သည် ဘူတာနားက တစ်ခါထပ်ဖြတ်သွားတဲ့အခိုက်မှာ ထမင်းဆိုင်တစ်ဆိုင်ရဲ့ ပိုင်ရှင်ဖြစ်သူက အပေါက်ဝကနေ သူ့ကို ပြုံးပြီးလှမ်းနှုတ်ဆက်တယ်။ ‘‘အခုတော့ ခင်ဗျားကို ပြန်တွေ့ရပြီပေါ့။ ကျွန်တော့်မှာတော့ ခင်ဗျားပေါ်လာမှာကို တလျှောက်လုံး စောင့်ဆိုင်းနေရတာဗျ။’’

     ‘‘ခင်ဗျားက...’’ ကုန်သည်လည်း အူကြောင်ကြောင်ဖြစ်သွားတယ်။

     ‘‘ကျွန်တော်က လွန်ခဲ့တဲ့ နှစ်အနည်းငယ်က ဒီနေရာမှာ ခင်ဗျားကို ခဲတံရောင်းခဲ့တဲ့ စီပွားရေးသမားပါ။’’ ထမင်းဆိုင်ပိုင်ရှင်က ‘စီးပွားရေးသမား’ ဆိုတဲ့ စကားလုံးကို တမင်လေးနက်အောင် ပြောလိုက်ပါတယ်။ ‘‘ခင်ဗျားနဲ့မတွေ့ခင်အထိ ကျွန်တော်က သူတောင်းစားလို့ ကိုယ့်ဖာသာ ထင်နေခဲ့တာ။ ခင်ဗျားကြောင့်သာ ကျွန်တော်ဟာ နဂိုကတည်းက စီးပွားရေးသမားပါလားဆိုတာကို သတိထားမိသွားတယ်။ ကြည့်လေ၊ အခု ကျွန်တော်က တကယ့်စီးပွားရေးသမား ဖြစ်နေပါပြီ။’’

သဘောတရား။     ။ လူတိုင်းမှာ ကိန်းနေတဲ့စွမ်းအားတွေက အကန့်အသတ်မရှိပါဘူး။ ကိုယ့်ကိုယ်ကို တန်ဖိုးရှိတယ်လို့မြင်ရင် ကိုယ့်ဆီက တန်ဖိုးရှိတဲ့ ကိန်းနေတဲ့စွမ်းရည်တွေကို ထုတ်ဖော်အသုံးချလာမှာပါ။ ဒါပေမယ့် အရေးအကြီးဆုံးက လူဟာ မိမိရဲ့စွမ်းရည်ကို မိမိဖာသာ ရှာဖွေတွေ့ရှိ်ဖို့တော့ ကျွမ်းကျင်ရပါမယ်။ တခြားလူက ကိုယ့်စွမ်းရည်ကို လာရှာဖွေတွေ့ရှိမှာကို အမြဲစောင့်နေလို့မဖြစ်ပါဘူး။

--------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 乞丐与商人 ဆိုတာပဲဖြစ်ပါတယ်။

မောင်မောင်

၂၇.၀၁.၂၀၁၀ ည ၀၇း၄၇

စာမေးကောင်းတဲ့ အမေ

ဒီနေ့ကျွန်တော် အခွေကြည့်နေတုန်း အမေက စာအုပ်ကိုင်ဝင်လာပြီးပြောတယ် ‘‘ငါ့ကို ဒီစကားလေးတွေရဲ့ အဓိပ္ပါယ် ပြောပြပေးစမ်းပါ။’’

အမေ။     ။ ဒီ ‘‘i don't know’’ ဆိုတာဘာအဓိပ္ပါယ်လဲ။
ကျွန်တော်။     ။ ‘‘ကျွန်တော်မသိဘူး။’’
အမေ။     ။ နင့်ကို တက္ကသိုလ်ထားတာ ၃၊ ၄ နှစ်ရှိနေပြီ။ နင် ဘာဖြစ်လို့ ဘာမှကို မသိရတာလဲ။
ကျွန်တော်။     ။ မဟုတ်ဘူး။ ‘‘ကျွန်တော်မသိဘူး’’ ပါဆို။
အမေ။     ။ ဒါတောင် ၀န်မခံချင်ဘူး ！！！$@％!#$^&％#$％@$％@#$％!^％^!^％$^#&..
(တချီဆော်လိုက်တယ်...)

အမေ။     ။နင် ငါ့ကို ဒါ ထပ်ပြီးပြောပြစမ်း။ ‘‘i know’’ ဆိုတာ ဘာအဓိပ္ပါယ်လဲ။ နင် သိတယ်မဟုတ်လား။ ပြောပြစမ်း။
ကွန်တော်။     ။ဟုတ်ကဲ့။ ‘‘ကျွန်တော်သိတယ်။’’
အမေ။     ။ သိရင်မြန်မြန်ပြောလေ။
ကျွန်တော်။     ။ ‘‘ကွန်တော်သိတယ်’’ ဆိုနေမှ။　　　　
အမေ။     ။ နင်ပြဿနာရှာနေတာလား။ စောစောက အတီးခံရတာ နည်းတယ်ပေါ့၊ ဟုတ်လား။
ကျွန်တော်။     ။‘‘ကွန်တော်သိပါတယ်’’ ဆိုနေ။
အမေ။     ။သိရင်ပြောလေ။ မတတ်တာကို တတ်ချင်ယောင် မဆောင်နဲ့။ &*$％^@$#!％$@^％#*$^^^##$％
 (တချီထပ်ဆော်ပလော်တီးလိုက်တယ်...)

အမေ။     ။နင်သတိကြပ်ကြပ်ထားနော်။ ပိုက်ဆံတွေ ဒီလောက်အကုန်ခံပြီး တက္ကသိုလ်ပို့တာ၊ ကြည့်ပါဦး
                 အခုဘာဆိုဘာမှ မသိဘူး။ ဒီလောက် နည်းနည်းလေး တတ်တာနဲ့ မအေကို ဟိတ်ဟန်
                 လုပ်ချင်တယ်ပေါ့။ နင့်ကို နောက်ဆုံးတစ်ခုထပ်မေးမယ်။ ငါ့ကို ကောင်းကောင်း ရှင်းပြ။
                 မပြောနိုင်လို့ကတော့ နင့်ကို ထပ်ဆော်မယ်။ ငါ့ကို ဒါဘာသာပြန်ပြစမ်း။ ‘‘i know, but i don't
                 want to tell you’’ ဆိုတာ ဘာအဓိပ္ပါယ်လဲ။

     ကျွန်တော် မူးလဲသွားတယ်။ ခေါင်းအုန်းယူပြီး ကိုယ့်ခေါင်းကို အချက် ၃၀ ရိုက်တယ။် နံရံကို ခေါင်းနဲ့ အချက် ၄၀ ပြေးဆောင့်တယ်။ ကိုယ့်ပါးကို လက်နှစ်ဖက်နဲ့ အချက် ၅၀ လောက် အပြန်အလှန်ရိုက်တယ်။ ခြေထောက်နဲ့ စားပွဲစောင်းကို အချက် ၆၀ ကန်တယ်။ သွေးတွေအသားတွေ ထူပူလာတော့ အမေ့ကို မေးလိုက်တယ်။ ကဲ ကျေနပ်ပလား။ အဲဒီလဲကျရော သူက ထပ်မေးပြန်တယ်။ ‘‘သားရယ်၊ i'm very annoyant, don't trouble me ဆိုတာ ဘာအဓိပ္ပါယ်လဲကွယ်။’’

ကျွန်တော်။     ။‘‘ကျွန်တော် ဒေါသထွက်နေတယ်။ ကျွန်တော့်ကို လာမရှုပ်နဲ့။’’
အမေ။     ။‘‘အရိုက်ခံချင်တယ်ပေါ့။ မအေကို ဒီလို ပြောရလားဟဲ့’’ (အဲဒါနဲ့ ထပ်အဆော်ခံလိုက်ရတယ်။)
အမေ။     ။ ‘‘i hear nothing, repeat ဆိုတာ ဘာအဓိပ္ပါယ်လဲ’’။
ကျွန်တော်။     ။ ‘‘ကျွန်တော်ဘာမှမကြားရဘူး။ ပြန်ပြော။’’
အမေ။     ။ ‘‘i hear nothing, repeat.’’
ကျွန်တော်။     ။ ‘‘ကျွန်တော်ဘာမှမကြားရဘူး။ ပြန်ပြော။’’
(နောက်ဆုံး ထပ်အဆော်ခံရပြန်ရော။)

 အမေ။     ။ ‘‘what do you say ဆိုတာကိုရော ဘယ်လို ရှင်းပြလို့ရလဲ။’’
ကျွန်တော်။     ။ ‘‘ဘာပြောတာလဲ’’ (တခါထပ် အဆော်ခံရပြန်တယ်။)
အမေ။     ။ ‘‘look up in the dictionary ဆိုတာ ဘာအဓိပ္ပါယ်လဲ။’’
ကျွန်တော်။     ။ ‘‘အဘိဓါန်မှာရှာ။’’
အမေ။     ။‘‘အဘိဓါန်မှာ ရှာတတ်မှတော့ ငါကနင့်ကို ဘာဖြစ်လို့မေးနေတော့မှာလဲ။’’ (ထပ်အဆော်ခံရ.)

အမေ။     ။ ‘‘you had better asked somebody ဆိုတာကိုရော ဘယ်လို ဘာသာပြန်မလဲ။’’
ကျွန်တော်။     ။‘‘တခြားလူကို မေးတာပိုကောင်းမယ်။’’
အမေ။     ။ ‘‘နင်က ငါ့သားဟဲ့။ ငါ တခြားလူမေးပြီး ဘာလုပ်ရမှာလဲ။ အရိုက်ခံချင်နေပြန်ပြီ။’’
ကျွန်တော်။     ။ ‘‘အမလေး၊ ဘုရားသခင် ကယ်တော်မူပါ။’’
အမေ။     ။ ‘‘မအေကို ပြဿနာရှာတဲ့ကောင် ဘုရားသခင်လဲ နင့်ကို မကယ်နိုင်ဘူး။’’ (ထပ်ဆော်ခံရ...)

အမေ။     ။‘‘ငါထပ်မေးမယ်။ use your head, then think it over ဆိုတာရော ဘာအဓိပ္ပါယ်လဲ။’’
ကျွန်တော်။     ။ ‘‘ခေါင်းလေးဘာလေးသုံး။ ပြီးရင် သေချာထပ်စဉ်းစား။’’
အမေ။     ။ ‘‘အကောင်စုတ်၊ ငါ့ကိုများ ပြန်ပြောရတယ်လို့..’’ (တဆက်ထဲ လက်ပါတော့မယ့်ဟန်ပြင်...)
ကျွန်တော်။     ။ ‘‘လောကမှာ အမေသာ အကောင်းဆုံးဆိုတဲ့ အဓိပ္ပါယ်ပါ။’’ (အမြန်ဖြေလိုက်ရတယ်။)
အမေ။     ။‘‘အင်း၊ ဒါမှ ဟုတ်တုတ်တုတ်ရှိသေးတယ်။ ခဏနေကျရင် အမေစားစရာကောင်းကောင်းလေး
                   လုပ်ပေးမယ်။ မနက်ဖြန်ကျမှ ထပ်မေးတော့မယ်။’’

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ www.gjoke.net ကပါ။ Link ကတော့ ဒီမှာပါ။ http://www.gjoke.net/post-218.html

မောင်မောင်
၂၅.၀၁.၂၀၁၀ ည ၀၉း၀၃

အလုပ်အင်တာဗျူး မေးခွန်း

     ကုမ္ပဏီကြီးတစ်ခုက နယ်ပယ်မန်နေဂျာ (Region Manager) အလုပ်ခေါ်တဲ့ ကြော်ငြာစာ တရားဝင် ကြေငြာလိုက်တဲ့အခါ အရည်အချင်းပြည့်မီသူတွေဟာ ချက်ချင်း ပျားတွေဝိုင်းအုံသလို စုစုရုံးရုံးနဲ့ ရောက်လာကြပါတယ်။ ဒါပေမယ့် အင်တာဗျူး ၂ ဆင့် ၃ ဆင့် လောက် ပြီးသွားတဲ့နောက် ပြုံခဲနေတဲ့ အင်တာဗျုးလာသူတွေဟာ အယောက် ၂၀ မပြည့်တပြည့်ပဲ ကျန်ပါတော့တယ်။ ဒီလူ အယောက် ၂၀ က မတိမ်းမယိမ်း နဲ့ သူမသာ ကိုယ်မသာ အဆင့်မှာပါ။ (အသင့်တော်ဆုံးလူ) ရွှေအစစ်ကို ထုတ်ယူဖို့အတွက် ဒီကုမ္ပဏီကြီးက နောက်ဆုံးအခေါက် စာမေးပွဲကို စတင်ပါတယ်။ ရေးဖြေစာမေးပွဲပါ။

     ဒီလူ အယောက် ၂၀ မပြည့်တပြည့်ဟာ မေးခွန်းလွှာရပြီးတာနဲ့ ချောက်ချားကုန်ကြပါတယ်။ ဖြေချိန်က ၁၅ မိနစ်ပဲရှိပြီး မေးခွန်းလွှာပေါ်က မေးခွန်းကတော့ အပုဒ် ၁၂၀ ကျော်ဖြစ်နေလို့ပါ။ ဘယ်လိုမှမတတ်နိုင်ပါ။ အားလုံးက သေသေချာချာတောင် မကြည့်ကြတော့ပဲ အသော့နှင် ဖြေကြပါတော့တယ်။ စာမေးပွဲ ကြီးကြပ်သူရဲ့ ‘‘မေးခွန်းလွှာတစ်ခုလုံးကို တစ်ခေါက်ဖတ်ကြည့်ပြီးမှ ဖြေကြပါ’’ ဆိုတဲ့ သတိပေးစကားကိုတောင် လုံးဝနားမထောင်တော့ပါဘူး။ အမှန်ပြောရရင်တော့ မေးခွန်းအားလုံးက အရမ်းကို လွယ်ကူပါတယ်။ အပုဒ်ရေများနေတာ တစ်ခုပါပဲ။ ဒါကြောင့် တချို့လူတွေက တစ်ဖက်ကဖြေရင်းနဲ့ တစ်ဖက်က တဖျစ်တောက်တောက် ပြောကြပါတယ်။ ‘‘ဒီလောက် လွယ်တဲ့မေးခွန်းတွေကို ၃ နှစ်ကလေးတောင် ဖြေတတ်တယ်၊ အချိန်သက်သက်ဖြုန်းသလိုဖြစ်နေတယ်။’’

         အချိန်စေ့ခေါင်းလောင်းသံမြည်တဲ့အချိန်မှာ အားလုံးနီးပါးလိုလို ချွေးပြိုက်ပြိုက်ကျပြီး မျက်နှာမှာလည်း ၀မ်းနည်းမှုနဲ့ ပြည့်နေကြတာပေါ့။ လူတစ်ယောက်ပဲ စိတ်လက်အေးဆေးပေါ့ပါးစွာနဲ့ အဖြေလွှာကို ပေးလိုက်တယ်။

     ‘‘မင်းကို အလုပ်ခန့်လိုက်ပြီ။’’ စာမေးပွဲကြီးကြပ်သူက အဲဒီလူကို ပြောလိုက်ပါတယ်။

     ‘‘ဘာကြောင့်လဲ’’ လို့ အားလုံးက တပြိုင်နက်ထဲ မေးလိုက်ပါတယ်။

     စာမေးပွဲကြီးကြပ်သူက အဲဒီလူရဲ့ အဖြေလွှာကို မြှောက်ပြလိုက်ပါတယ်။ နာမည်နဲ့ ဖုန်းနံပါတ်ကလွဲလို့ အဖြေလွှာမှာ စာတလုံးမှ ရှိမနေပါဘူး။ ‘‘အားလုံး မေးခွန်းနံပါတ် ၉၈ ကို ကြည့်လိုက်ပါ။’’ စာမေးပွဲကြီးကြပ်သူက ပြောလိုက်ပါတယ်။

     မေးခွန်းနံပါတ် ၉၈ ကတော့ ‘‘သင် ဘယ်မေးခွန်းကိုမှဖြေဆိုရန်မလိုပါ။ အဖြေလွှာအပေါ်ဆုံးဘက်မှာ သင့်ရဲ့ နာမည်နဲ့ ဆက်သွယ်ရမယ့်ပုံစံကို ရေးပေးရင် ရပါပြီ’’ တဲ့။

     ‘‘အခြေအနေအလုံးစုံကို ခြုံငုံမိဖို့က အရင်ပါ။ အသေးစိတ်တွေထဲ ခွန်အားစိုက်ဖို့က အရင်မဟုတ်ပါဘူး။ ဒါဟာ နယ်ပယ်မန်နေဂျာရဲ့ မရှိမဖြစ်အရည်အချင်းပါ’’ လို့ စာမေးပွဲကြီးကြပ်သူလည်းဖြစ် ကုမ္ပဏီရဲ့ အမှုဆောင်အရာရှိချုပ်လည်းဖြစ်သူက ပြောလိုက်ပါတယ်။

သဘောတရား။     ။ အသေးစိတ်တွေဟာ အရေးကြီးပေမယ့် လူတိုင်းကတော့ အသေးစိတ်ကလေးတွေကနေ စပြီး အလုပ်မလုပ်သင့်ပါဘူး။ အထူးသဖြင့် စီမံခန့်ခွဲမှုလုပ်တဲ့သူတွေပါ။ အခြေအနေအလုံးစုံကို အရင်မြင်အောင်ကြည့်ပြီးမှ အဲဒီအမြင်ကို သေချာအောင်ဆုပ်ကိုင်ရမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 面试考题 ဆိုတာပဲဖြစ်ပါတယ်။

မောင်မောင်

၂၄.၀၁.၂၀၁၀ ည ၀၆း၅၃

ပန်းတိုင်ရှိမှ ရှင်သန်နိုင်မယ်

      

     ဒါဟာ  ဖြစ်ရပ်မှန် ဇာတ်လမ်းတစ်ပုဒ်ပါ။      စိုင်မွန် (Simon) ဟာ အင်္ဂလန်က နာမည်ကျော် တောင်တက် အားကစားသမားပါ။ သင်ဘယ်လိုမှစိတ်ကူးလို့ မရနိုင်တာကတော့ ဒီလို ကမ္ဘာ့အဆင့် တောင်တက်သမားတစ်ယောက်ဟာ မမျှော်လင့်ထားပဲ မသန်မစွမ်းလူငယ်တစ်ယောက် ဖြစ်နေတာပါပဲ။ သူ့ခြေထောက် ၂ချောင်းလုံးက ကြွက်သားတွေ တဖြည်းဖြည်းကြုံလှီလာတဲ့ နာတာရှည်ရောဂါ (Chronic muscular dystrophy)  (慢性肌肉萎缩症) စွဲကပ်နေတာပါ။ လမ်းလျှောက်ရင် အဆင်မပြေလှပါဘူး။ ဒါပေမယ့် ကိုယ်လက်ပြည့်စုံတဲ့လူတော်တော်များများတောင် အောင်မြင်ဖို့ခက်ခဲတဲ့ အံ့ဘနန်း ကိစ္စရပ်တွေကို သူ လုပ်နိုင်ခဲ့ပါတယ်။ အသက် ၁၉ နှစ်သားမှာ ကမ္ဘာ့အိမ်ခေါင်မိုးဖြစ်တဲ့ ဟိမ၀န္တာတောင်ကို တက်ခဲ့တယ်။ ၂၁ နှစ်မှာ အယ်လ်ပ် (Alps) တောင်ကို တက်နိုင်ခဲ့တယ်။ ၂၂ နှစ်မှာ သူ့မိဘတွေသေဘေးကြုံခဲ့တဲ့ ကီလီမန်ဂျာရို (Kilimanjaro) တောင်ရဲ့ အမြင့်ဆုံးတောင်ထွတ်ပေါ်မှာ ရပ်နိုင်ခဲ့ပါတယ်။ ၂၈ နှစ် မပြည့်ခင်မှာ ကမ္ဘာပေါ်က ကျော်ကြားတဲ့တောင် အားလုံးနီးပါးကို သူ့ခြေဖ၀ါးအောက် ရောက်စေခဲ့ပါတယ်။

     ဒါပေမယ့် လူတွေကို အကြီးအကျယ်နားမလည်နိုင်ဖြစ်သွားစေတာက ဒီလောက် ဇွဲနဘဲကြီးတဲ့ အသက်ဒီလောက်ပြင်းတဲ့ သူရဲကောင်းလေးဟာ သူ့ဘ၀ရဲ့ အရောင်အ၀ါအထွန်းလင်းဆုံး အချိန်မှာ မမျှော်လင့်ပဲ သူ့ကိုယ်သူ အဆုံးသတ်ဇာတ်လမ်းကို ရွေးချယ်ခဲ့ပါတယ်။ အသက် ၂၈ နှစ်မှာ သူနေတဲ့ အိမ်မှာပဲ ကိုယ့်ကိုယ်ကို သတ်သေခဲ့ပါတယ်။

     ဒါဘယ်လိုဖြစ်သွားရတာလဲပေါ့။ စိုင်မွန်ရဲ့ သေတမ်းစာက ကျွန်တော်တို့ကို အဖြေပြောပြခဲ့ပါတယ်။ အဖြစ်မှန်ကဒီလိုပါ။ သူ့မိဘတွေကလည်း တောင်တက် အားကစားသမားတွေပါပဲ။ ကံမကောင်းချင်တော့ ဒီလင်မယားက ကီလီမန်ဂျာရိုတောင်ကို တက်စဉ်မှာ နှင်းပြိုတာနဲ့ကြုံပြီး ဆုံးပါးခဲ့ကြပါတယ်။ အဲဒီအချိန်မှာ စိုင်မွန်က ၁၁ နှစ်သားပဲရှိသေးတယ်။ ကိုယ်ချစ်ရတဲ့မိဘနှစ်ပါးအတွက် အထိမ်းအမှတ်ဖြစ်အောင် လေးစားရတဲ့မိဘနှစ်ပါး မထွက်ခွာခင်မှာ သူ့ကိုမှာခဲ့တဲ့ ‘‘တကယ်လို့ တို့တွေ ကံမကောင်းလို့ ဒုက္ခရောက်ခဲ့ရင် ကမ္ဘာ့နာမည်ကျော်တောင်တွေကို တို့တွေကိုယ်စား အောင်အောင်မြင်မြင်နဲ့ ပြီးအောင် တက်ပေးပါ ’’ ဆိုတဲ့ အမှာစကားကို လေးစားလိုက်နာဖို့ ဆုံးဖြတ်ခဲ့ပါတယ်။ ဒါကြောင့် စိုင်မွန် ဟာ ငယ်ငယ်ကတည်းက ကြည်လင်ပြတ်သားတဲ့  ပြည့်စုံတဲ့ ပန်းတိုင်ရှိနေခဲ့ပါတယ်။ ဒီပန်းတိုင်ဟာ သူ့ရှင်သန်မှုရဲ့ မောင်းနှင်အား ဖြစ်ရုံသာမကဘူး၊ သူရှင်သန်နေရတဲ့ အဓိပ္ပါယ်လည်းဖြစ်ပါတယ်။  ဒါပေမယ့် အသက် ၂၈ နှစ် ရောက်လို့ ပန်းတိုင်အားလုံးကို ပြီးမြောက်သွားတဲ့အခါမှာ သူ ရုတ်တရက် လမ်းပျောက်သွားပါတယ်။ ရှင်သန်နေရခြင်းအတွက် အကြောင်းရင်းကို ထပ်ပြီးရှာလို့မတွေ့တော့ပါဘူး။ သူဟာ ဟာလာဟင်းလင်းဖြစ်နေတဲ့ အထီးကျန်မှု စိတ်မရှည်မှု လမ်းပျောက်နေတာတွေနဲ့ မျှော်လင့်ချက် ကုန်ဆုံးသွားတဲ့နောက် ကိုယ့်ကိုယ်ကို သတ်သေဖို့ ရွေးချယ်ခဲ့ခြင်းပါ။

     ‘‘အခုတော့ အောင်မြင်ပြီးနာမည်ကျော်နေတဲ့ ကျွန်တော့်မှာ ဘာမှ လုပ်စရာမရှိတော့ပါဘူး။ ကျွန်တော့်မှာ ပန်းတိုင်အသစ်လည်း မရှိတော့ပါဘူး။ ရှင်သန်ခြင်းရဲ့ အဓိပ္ပါယ် ပျောက်ဆုံးသွားပါပြီ။ တစ်ယောက်ထဲအတွက်တော့ ထပ်ပြီးရှင်သန်နေဖို့ မလိုအပ်တော့...’’ စိုင်မွန်ဟာ သေတမ်းစာထဲမှာ နောက်ဆုံး ပြောသွားခဲ့တာပါ။

သဘောတရား။     ။ ပန်းတိုင်ဆိုတာ လူတစ်ယောက်ရဲ့ ရှင်သန်မှုအဓိပ္ပါယ်နဲ့ လမ်းညွှန်ချက်ပါပဲ။ ဒါမရှိဘူးဆိုရင် ကျွန်တော်တို့ ရှေ့ဆက်သွားရမယ့် မူလမောင်းနှင်အား ပျောက်ဆုံးသွားပါမယ်။ လမ်းပျောက်နေတဲ့ ခံစားချက်မရှိတဲ့ အသက်မဲ့ခန္ဓာကြီးလို ဖြစ်သွားပါမယ်။ ဒါကြောင့် ကျွန်တော်တို့မှာ အချိန်တိုင်း ပြတ်သားတဲ့ ပန်းတိုင် ရှိဖို့လိုပါတယ်။ ပိုပြီးအရေးကြီးတာက အခြေအနေအရ မိမိရဲ့ ပန်းတိုင်ကို မပြတ် ပြုပြင်မြှင့်တင်ပေးနေဖို့လည်းလိုပါတယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 目标等于一半生命 ဆိုတာပဲဖြစ်ပါတယ်။

http://www.answers.com/topic/mount-kilimanjaro

မောင်မောင်

၂၃.၀၁.၂၀၁၀ ည ၁၁း၀၇

ဘယ်သူမှမရှိလဲ ဖြစ်တယ်

     သောမတ်.၀က်ဆန် (Thomas. Watson) ဟာ IBM (International Business Machines) ကုမ္ပဏီရဲ့ အမှုဆောင်ချုပ်အဟောင်းပါ။ သူတာဝန်ထမ်းဆောင်စဉ်က ပြင်းထန်တဲ့ နှလုံးရောဂါ ဖြစ်ခဲ့ပါတယ်။ ဒါနဲ့ ဆရာဝန်က သူ့ကို ဆေးရုံတက်ပြီးကုသဖို့ အကြံပြုပါတယ်။

     ဒီအကြံပြုချက်ကို ကြားတာနဲ့ ၀က်ဆန်ဟာ ချက်ချင်းပဲ ကန့်ကွက်ပါတယ်။ သူက စိတ်မငြိမ်မသက်နဲ့ ခုံကိုခေါက်ရင်း ပြောပါတယ်။ ‘‘ဒါဟာ နောက်ပြောင်မှုတစ်ခုပါပဲ။ ကျွန်တော့်မှာ ဆေးရုံတက်ဖို့အချိန် ဘယ်ကလာပြီးရှိရမှာတုန်း။ ခင်ဗျားသိထားဖို့က IBM ဆိုတာ ကုမ္ပဏီ သေးသေးကွေးကွေးလေး မဟုတ်ဘူးဗျ။ ကျွန်တော်ဖြေရှင်းဖို့ မရေမတွက်နိုင်တဲ့ကိစ္စတွေ နေ့တိုင်းစောင့်နေတာ။ ကျွန်တော်မရှိရင် ဘယ်ဖြစ်မလဲ။’’ ကြည့်ရတာ သူမရှိရင် IBM ကြီး ဒုက္ခတွေအပုံအပင်ဖြစ်သွားမယ်လို့ ၀က်ဆန် ထင်နေပုံရပါတယ်။

     ဆရာဝန်က ပြုံးပဲပြုံးနေပါတယ်။ သူ့စကားကို ချက်ချင်းပဲ ခွန်းတုံ့မပြန်လိုက်ပါဘူး။ သူနဲ့အတူ ကားစီးပြီး လျှောက်သွားဖို့ကိုပဲ ၀က်ဆန်ကို ဖိတ်လိုက်ပါတယ်။ ကားက ဘယ်ကွေ့ညာကွေ့နဲ့ နှစ်ယောက်သား မြို့အစွန်နားက ဂူသင်္ချိုင်းကိုရောက်လာပါတယ်။

     ‘‘ကြည့်လိုက်ပါဦး’’ ဆရာဝန်က ရှေ့က အုတ်ဂူတစ်ခုကို ညွှန်ပြပြီးပြောလိုက်တယ် ‘‘ဘယ်သူပဲဖြစ်ဖြစ် နောက်ဆုံးတော့ သူတို့လိုပဲ လဲလျောင်းနေရမှာ၊ ကျွန်တော်အပါအ၀င်ပေါ့၊ ခင်ဗျားလည်းပါတာပဲ။ အဲဒီအခါကျရင် ကျွန်တော်တို့ရဲ့အလုပ်တွေကို တစ်ယောက်ယောက်နဲ့ အစားထိုးလိုက်ကြမှာပဲ။ ကျွန်တော့်ဆေးရုံကလည်း ပုံမှန်ဖွင့်နေမှာပဲ။ ခင်ဗျားရဲ့ ကုမ္ပဏီလည်း ဆက်ပြီးလုပ်ငန်းလုပ်နေဦးမှာပဲ။ မဟုတ်ဘူးလား။’’

     ဒီစကားကို ကြားလိုက်တော့ ၀က်ဆန် ဘာစကားမှမပြောပဲ တိတ်သွားတယ်။ သူခေါင်းငုံ့နေတယ်။ အရေးပါတဲ့ ဆုံးဖြတ်ချက်တစ်ခုကို ချနေပုံရတယ်။ နောက်တနေ့မှာတော့ သူဟာ IBM ဒါရိုက်တာအဖွဲ့ဆီ အလုပ်ထွက်စာ တင်လိုက်ပြီး ဆေးရုံတက်ကုသမှုကို လက်ခံလိုက်ပါတယ်။ ကုသမှုအချိန်မီသွားတဲ့အတွက် သူ့ရဲ့နှလုံးရောဂါဟာ မြန်မြန်ဆန်ဆန်ပဲ ပြန်ကောင်းလာပါတယ်။ ဒါပေမယ့် ဆေးရုံကဆင်းပြီးတဲ့နောက် IBM ရဲ့ ပြန်လည်ဖိတ်ခေါ်ချက်ကို သူငြင်းဆိုလိုက်ပါတယ်။ လူသာမန်တွေရဲ့ အေးချမ်းတဲ့ဘ၀မျိုးနဲ့ပဲနေသွားပါတော့တယ်။

     သင်ကြည့်လိုက်ပါ။ အခုထိတိုင်အောင်ပဲ IBM ကုမ္ပဏီကြီးဟာ ကမ္ဘာအ၀ှမ်း လူအများအာရုံစိုက်နေတဲ့ ကုမ္ပဏီကြီးဖြစ်နေတုန်းပါပဲ။ ၀က်ဆန်ထွက်သွားလို့ ပိတ်လိုက်ရတယ်ဆိုတာမရှိပါဘူး။

သဘောတရား။     ။ ကိုယ့်ရဲ့ အရေးပါမှုကို အကျယ်မချဲ့ဖို့ပါ။ တစ်ယောက်ယောက် မရှိတော့ရင်လည်း ကမ္ဘာကြီးက လည်ပတ်နေမှာပါပဲ။ ကိုယ်က အရမ်းအရေးပါနေတယ် ထင်နေရင်တော့ ကိုယ်မမွေးခင်နဲ့ သေပြီးနောက်မှာ တခြားလူတွေ ဒီလိုပဲ ပုံမှန် နေသွားကြမယ်ဆိုတာလေး တွေးပေးလိုက်ပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 没有谁都行 ဆိုတာပဲဖြစ်ပါတယ်။

အောက်က Link တွေမှာ IBM နဲ့ Thomas Watson အကြောင်းလေ့လာနိုင်ပါတယ်။

http://www.answers.com/topic/international-business-machines-corporation

http://www.ibm.com/us/en/

http://www.answers.com/topic/thomas-j-watson-jr 

မောင်မောင်

၂၃.၀၁.၂၀၁၀ ည ၀၆း၀၆

ဝေါ်လတန် နှင့်အင်တာဗျူး

     ဝေါလ်မတ် (Walmart) ကုမ္ပဏီဟာ တကမ္ဘာလုံးက လက်လီအရောင်းလုပ်ငန်းရဲ့ အကြီးကျယ်ဆုံးသော ဘုရင်ပါ။ သူ့ကို တည်ထောင်သူကတော့ ဆမ်.ဝေါ်လတန် (Sam Walton) ဖြစ်ပါတယ်။

     တစ်ခါက ဓန မဂ္ဂဇင်းရဲ့ သတင်းထောက်တစ်ဦးဟာ မစ္စတာဝေါ်လတန် ကို သွားအင်တာဗျူးဖို့ ချိန်းထားပါတယ်။ ဒါပေမယ့် သူ မစ္စတာဝေါ်လတန်ရဲ့ ရုံးခန်းကို အစောကြီးရောက်လို့ နာရီဝက်လောက်စောင့်ပြီးတာတောင် မစ္စတာဝေါ်လတန် ထွက်လာတာကို မတွေ့မိသေးပါဘူး။ အဲဒီအချိန်မှာပဲ မစ္စတာဝေါ်လတန်ရဲ့ အတွင်းရေးမှူးက ရုံးခန်းအ၀က ဖြတ်သွားတော့ ရုံးခန်းထဲမှာ သတင်းထောက် စောင့်နေတာလည်းတွေ့သွားရော ပြောပါတယ် ‘‘ရှင်ဒီမှာသူ့ကိုစောင့်လို့ ဘယ်ဖြစ်မတုန်း၊ သူ အရှေ့ဘက် မီတာ ၂၀ လောက် အကွာက လက်လီအရောင်းဆိုင် အပြင်ဘက်မှာ ရှိတယ်။’’

     ဒီစကားကြားတော့ သတင်းထောက်လည်း ချက်ချင်းပဲ ကုန်းရုန်းထပြီး မစ္စတာဝေါ်လတန် ကို သွားတွေ့တယ်။ တိုက်တိုက်ဆိုင်ဆိုင်ပဲ ဖောက်သည်တွေအတွက် ကုန်သေတ္တာတွေကို  ကုန်ကားပေါ်တင်နေတဲ့ သူ့ကို တွေ့သွားတယ်။ ဒီလောက်ပိုက်ဆံချမ်းသာတဲ့လူ ၊ ဒီလောက် အဆင့်အတန်းရှိတဲ့ လူတစ်ယောက်က မမျှော်လင့်ထားပဲ ဒီလိုအလုပ်တွေကို လုပ်နေတာကို သတင်းထောက်က အကြီးအကျယ်အံ့ဩသွားတယ်။

     မစ္စတာဝေါ်လတန် အလုပ်ပြီးတာနဲ့ သတင်းထောက်က မေးတယ် ‘‘ကျွန်တော့်ကို ရုံးခန်းမှာ တွေ့မယ်လို့ ခင်ဗျား ကတိပေးထားတယ် မဟုတ်ဘူးလား။’’

     ‘‘ကျွန်တော်လည်းခင်ဗျားကိုစောင့်နေတာပဲလေ။ ’’ ဝေါ်လတန်က ပြန်ဖြေတယ်။ ‘‘ဒါပေမယ့် ခင်ဗျားကို ပြောဖို့မေ့သွားတာက ကျွန်တော့် ရုံးခန်းက လမ်းပေါ်မှာ စိုက်ထားတာ။ ကျွန်တော့်ဧည့်သည်ကို ဒီနေရာက လိုအပ်တယ်ဗျ။ ဘာလဲ၊ ဒါတွေက အဲယားကွန်းခန်းထဲမှာ ရှိမယ်လို့များ ထင်ထားလို့လား။’’

     ပြောပြီးတော့ မစ္စတာဝေါ်လတန်က ပြုံးတယ်။ ပြီးတော့ ခါးကိုင်းပြီး နောက်အလုပ်တခုကို လုပ်တော့တယ်။ နောက်ဆုံးတော့ အင်တာဗျူးတစ်ခုလုံးက သူ့ရဲ့အလုပ်ခွင် လုပ်ငန်းစဉ် ထဲမှာပဲဖြစ်နေပါတော့တယ်။

     ‘‘ဝေါ်လတန်မိသားစုက လက်လီစီးပွားရေးလေးတွေကို လုပ်တာပါ။ ဒါပေမယ့် ကျွန်တော်ကတော့ အရမ်းချမ်းသာတယ်။ စီးပွားရေးလုပ်ငန်းကြီးတွေ လုပ်တဲ့လူတွေကြတော့ ကျွန်တော့်လောက် ပိုက်ဆံမချမ်းသာနိုင်ကြသေးဘူးဗျ။’’ မစ္စတာဝေါ်လတန်က ဂုဏ်ယူစွာနဲ့ပြောလိုက်တယ်။

     အင်တာဗျူးပြီးသွားတော့ သတင်းထောက်က မစ္စတာဝေါ်လတန်နဲ့အတူ ကုန်တိုက်တစ်ခုလုံးကို လိုက်ပြီး ကြည့်ပါတယ်။ ဈေးဝယ်သူတွေ အရှည်ကြီးတန်းစီပြီး ငွေချေဖို့လုပ်နေတာကိုတွေ့တော့ သတင်းထောက်က မအောင့်နိုင်ပဲ သူ့စီးပွားရေး အရမ်းကောင်းတယ်ဆိုတာ တဖွဖွပြောတယ်။ ဒါပေမယ့် မစ္စတာဝေါ်လတန် ပြန်ပြောလိုက်တာက ‘‘တကယ်သာ အောင်မြင်နေရင် ဖောက်သည်တွေ တန်းစီပြီး ငွေချေနေစရာတောင် မလိုပါဘူး’’တဲ့။ ဒါကြောင့်ဒါဟာ ကျွန်တော်တို့တွေ ပိုကောင်းအောင်လုပ်ဖို့ လိုအပ်နေတယ်ဆိုတာကို သက်သေပြနေပါတယ်။ ပြီးတော့ တကယ့်လက်တွေ့မှာ အောင်မြင်တဲ့လူတွေဟာ မပြတ်သင်ယူလေ့လာနေရုံတင်မကဘူး အတွေးတွေကိုလည်း အမြဲ အသစ်ပြောင်းပေးနေတယ်ဆိုတာပါပဲ။

     တွေးခေါ်ပညာရှင်တစ်ယောက် ပြောခဲ့ဖူးတာကို အမှတ်ရမိပါတယ်။ လူတစ်ယောက် ပိုင်ပိုင်နိုင်နိုင် ဆုပ်ကိုင်နိုင်တဲ့ ချမ်းသာမှုက မိမိဘေးနား ၂၅ မီတာ အတွင်းမှာပဲရှိပါတယ်တဲ့။ ဒါပေမယ့် လူတွေက အနီးကိုပစ်အဝေးကိုမျှော်ပြီး ကိုယ့်နံဘေးက အခွင့်အရေးတွေကို မမြင်ပဲ လျှောက်လေဝေးလေ ဖြစ်နေပါတယ်တဲ့။  သတင်းထောက်က ဝေါ်လတန်ကို အင်တာဗျူးတဲ့ ဒီပုံပြင်လေးနဲ့ ကျွန်တော်တို့တွေ (အထက်ပါ တွေးခေါ်ပညာရှင်ရဲ့) သဘောတရားကို နက်နက်ရှိုင်းရှိုင်းမှ နားလည်နိုင်ပါ့မလားပဲ။

သဘောတရား။     ။ ကိုယ်အမြဲ ရှုံးနိမ့်နေတာကိုချည်းပဲ အပြစ်မတင်ပါနဲ့။ ကိုယ့်ရဲ့ ဒီရှုံးနိမ့်မှုဟာ ကံကြမ္မာက တရားမမျှတလို့ မဟုတ်ဘူးဆိုတာကို သိရပါမယ်။ ကိုယ့်နံဘေးက အောင်မြင်မှုရဲ့ သေးကွေးတဲ့ အစိတ်အပိုင်းလေးတွေ ဖွဲ့စည်းနေတာကို မဖမ်းဆုပ်ပဲ ကိုယ့်ရှေ့က အောင်မြင်မှုရဲ့ ဂုဏ်ရောင်တွေကိုပဲ အာရုံစိုက်မိနေလို့ဆိုတာ သိရပါမယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 采访沃尔顿 ဆိုတာပဲဖြစ်ပါတယ်။

ဒီမှာ Link ၃ ခုပေးထားပါတယ်။ တစ်ခုက ဓန မဂ္ဂဇင်း။ နောက်တစ်ခုက Walmart နဲ့ပတ်သက်တဲ့ဟာ။  နောက်တစ်ခုက Walmart ရဲ့ Web site ပါ။ လေ့လာနိုင်ကြပါစေ။

http://wealthmagazine.com/

http://www.answers.com/topic/wal-mart-stores-inc

http://walmartstores.com/

မောင်မောင်

၂၃.၀၁.၂၀၀၉ ည ၀၄း၂၇

ပန်းပုပညာရဲ့ လျှို့ဝှက်ချက်

     ဟွမ်ဟော့ဟာ ကျန့်ကော်(战国)ခေတ်က ပန်းပုထုလုပ်ရာမှာ အလွန်ကျွမ်းကျင်တဲ့ လက်မှုပညာသည် တစ်ဦးပါ။  သူ့လက်နဲ့ထုလုပ်လိုက်တဲ့ လူပန်းပုရုပ်တုမှန်သမျှဟာ တကယ့်ကို အသက်ဝင်ပြီး အစစ်နဲ့တထေရာထဲ တူသတဲ့။ ဒါ့အပြင် ကိုယ်ဟန်ပြပေးတဲ့လူကိုယ်တိုင်ထက်တောင် ပိုပြီး အသက်ဝင်သတဲ့။ အဲဒီအကြောင်းတရားတွေကြောင့် လာရောက်မေးမြန်းပညာယူချင်သူတွေနဲ့ ဒါမှမဟုတ် ဆရာတင်ပြီး ပညာသင်ချင်သူတွေဟာ နေ့စဉ်နေ့တိုင်း တဖွဲဖွဲနဲ့ ရောက်လာတာပေါ့။ ဒါပေမယ့် ဟွမ်ဟော့ကတော့ ပြုံးပြီး မဖြေချင်မဖြေ ဒါမှမဟုတ်လဲ ခေါင်းခါပြီးကို ငြင်းပစ်ပါတယ်။

     သူ့မှာ ဘယ်လို လျှို့ဝှက်ချက်တွေ ရှိနေပါလိမ့်။ နောက်ဆုံးတော့ သေခါနီးကျမှပဲ သူ့ရဲ့လျှို့ဝှက်ချက်ကို လူတွေကို ဖွင့်အန်ခဲ့ပါတယ်။ ‘‘အမှန်တော့ ကျွန်တော့်မှာ ဘာလျှို့ဝှက်ချက်မှ မရှိပါဘူး၊ ပြုပြင်မွမ်းမံခြင်း---ဆိုတဲ့ တတ်ကျွမ်းမှုတစ်ခုထဲကိုပဲ ကျင်ကျင်လည်လည်နဲ့ ပြန်အသုံးချတာပါ။  ထပ်ပြန်တလဲလဲကို ပြုပြင်မွမ်းမံတာပါ။ ဒီတစ်ချက်လုပ်နိုင်ဖို့အတွက်ကတော့ ကနဦးလိုအပ်ချက် နှစ်ခုကို  အာမခံဖို့လိုပါတယ်။ ပထမက နှာခေါင်းကို နည်းနည်းကြီးကြီးလေးထုဖို့နဲ့ ဒုတိယက မျက်လုံးကို နည်းနည်းသေးအောင်ထုဖို့ပါပဲ။’’

     ဒီ ‘‘လျှို့ဝှက်ချက်’’ ကိုကြားတော့လူတွေက တစ်ယောက်မျက်နှာတစ်ယောက်ကြည့်ပြီး ကြောင်အမ်းအမ်းဖြစ်ကုန်တယ်။ ဇဝေဇ၀ါနဲ့ နားမလည်ဘူးဖြစ်ကုန်တယ်။ ‘‘တကယ်လို့ နှာခေါင်းကြီးပြီး မျက်လုံးသေးနေရင် ဒီပန်းပုရုပ်က အချိုးအစားမညီမျှပဲနေမှာပေါ့။ အစစ်နဲ့တထေရာထဲတူတဲ့ ရလဒ်ကို ဘယ်လိုလုပ်ပြီး အာမခံနိုင်တော့မှာလဲ။’’ လူတစ်ယောက်က မအောင့်နိုင်ပဲ မေးလိုက်ပါတယ်။

     ‘‘လုံးလုံးကို ဆန့်ကျင်ဖက်ပါပဲ။ ဒီလိုလုပ်မှ အချိုးအစား ကွက်တိဖြစ်သွားဖို့ အာမခံနိုင်မှာ။ စဉ်းစားကြည့်ပါ။ နှာခေါင်းကြီးနေရင် သေးသွားအောင် ပြုပြင်လို့ရတယ်။ မျက်လုံးသေးနေရင် ထပ်ပြီးကြီးအောင်လုပ်လို့ရတယ်။ တကယ်လို့ အခြေအနေက ဆန့်ကျင်ဘက်ဖြစ်နေခဲ့ရင် နှာခေါင်းသေးနေတာ ဘယ်လိုပြန်ကြီးအောင်လုပ်မလဲ။ မျက်လုံးကြီးနေတာ ကိုကော ဘယ်လိုပြန်သေးအောင် လုပ်နိုင်မလဲ။’’

     ပရိတ်သတ်က ဒါကိုကြားတော့မှပဲ တဒင်္ဂအတွင်း စိတ်ထဲမှာ သဘောပေါက်သွားကြတယ်။

သဘောတရား။     ။ ဘာကိစ္စကိုပဲလုပ်လုပ်ပါ ကိုယ့်အတွက် ခြွင်းချက် နေရာအပိုလေးတော့ ထားပေးရပါမယ်။ အဲဒီလိုမှ မဟုတ်ရင် နောက် ကိုယ်ဆက်လျှောက်ရမယ့်လမ်းကို အဆုံးသတ်လိုက်သလို ဖြစ်သွားနိုင်ပါတယ်။ ပိုပြီးလှပပြည့်စုံအောင် တဆင့်တက်ပြီး လုပ်နိုင်တဲ့ အခွင့်အရေးနဲ့ ဖြစ်လာနိုင်ခြေကို ငြင်းဆန်လိုက်သလို ဖြစ်သွားနိုင်ပါတယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 雕刻的秘诀 ဆိုတာပဲဖြစ်ပါတယ်။

မောင်မောင်

၁၉-၀၁-၂၀၁၀ ည ၁၀း၀၆

ကြယ်ငါးလေးတွေကယ်ကြမယ်

  

     ပင်လယ်က အခုလေးတင်မှ ဒီရေကျကာစ၊ တံငါသည်ကြီးက သူ့ ၇နှစ်အရွယ်သားလေးကို မတွေ့တာနဲ့ ကပျာကယာပြေးထွက်ပြီး ရှာတယ်။ ပင်လယ်ကမ်းစပ်နားရောက်ခါနီးမှာ သူ့သားရဲ့သေးကွေးလှတဲ့ ပုံရိပ်ကလေးဟာ ပင်လယ်ကမ်းစပ်သဲသောင်ပြင်မှာ ခါးကုန်းလိုက်ဆန့်လိုက်နဲ့  ကနေတာကို တွေ့လိုက်ရတယ်။ ထပ်လျှောက်သွားလို့ အနားနီးတော့မှ သူ့သား ကစားနေတာမဟုတ်ဘူးဆိုတာ သေသေချာချာ မြင်ရတော့တယ်။ ဒီရေတက်တုန်းက ပင်လယ်ရေက သဲသောင်ပြင်ပေါ် ပုတ်တင်လိုက်တဲ့ ကြယ်ငါးလေးတွေကို ကောက်နေတာပါ။ ပြီးတော့ ကောက်လို့ရတဲ့ ကြယ်ငါးလေးတွေကို ခြေထောက်လေးမြှောက်လွှဲပြီး ပင်လယ်ထဲပြန်လွှတ်ပေးနေတာ။

     ‘‘သား၊ ဘာလုပ်နေတာလဲကွ’’ တံငါသည်ကြီးက အော်ပြီးမေးလိုက်တယ်။

     ‘‘သား ကြယ်ငါးတွေကို ကယ်နေတာ အဖေ’’ လို့ ကလေးက နုနယ်တဲ့ကလေးအသံလေးနဲ့ ပြန်ဖြေလိုက်တယ်။ ပြီးတော့ သူ့အဖေဘက်ကို သူ့မှာ ခွန်အားရှိပါတယ်ဆိုတဲ့ အမူအရာတစ်ခု လုပ်ပြလိုက်တယ်။

     ‘‘မင်းကဘာဖြစ်လို့ ဒီလိုလုပ်ရမှာလဲကွ’’ တံငါသည်ကြီးက ထူးဆန်းလွန်းလို့ မေးလိုက်တယ်။

     ‘‘ကြည့်လေ၊ ဒီကြယ်ငါးလေးတွေ ဘယ်လောက်သနားစရာကောင်းလဲ။ ပင်လယ်ရေကပုတ်တင်လိုက်လို့ သူတို့ကမ်းပေါ်မှာ ကြာလှပြီ၊ ရေငတ်လို့သေကုန်တော့မယ်။’’ ကလေးက တစ်ဖက်က ချွေးတွေသုတ်ရင်း တစ်ဖက်ကပြန်ဖြေလိုက်တယ်။

     ‘‘ဪ၊ သဘောပေါက်ပါပြီကွာ။ ဒါပေမယ့် ဒီသဲသောင်ပြင်တစ်ခုထဲနဲ့တင် ရေတွက်လို့မကုန်နိုင်တဲ့ ကြယ်ငါးတွေရှိနေတာ။ ဘယ်အချိန်အထိ ကောက်နေရမှာတုန်းကွ။’’ တံငါသည်ကြီးက ပြုံးပြီး ပြန်မေးလိုက်တယ်။

     ၇ နှစ်သား ကလေးက မှင်သက်ပြီး အဲဒီမှာ ရပ်သွားတယ်။ ဒီပြဿနာကို သူလုံးဝ သတိမမူမိဘူးဆိုတာ အရမ်းကို ပေါ်လွင်နေတယ်။

     ‘‘ဒါကြောင့် ဖေဖေနဲ့ ချက်ချင်း အိမ်ပြန်လိုက်ခဲ့တော့၊ ဒီလိုလုပ်တာ ဘာမှ အကျိုးမရှိပါဘူးကွာ။’’ ပြောပြီးတာနဲ့ တံငါသည်ကြီးက ကလေးရဲ့လက်ကို ဆွဲလိုက်တယ်။

     မထင်မိတာက ကလေးက ခေါင်းမာမာနဲ့ လက်ကို ပြန်ဖြုတ်လိုက်ပြီး ‘‘မဟုတ်ဘူး အဖေ၊ အနည်းဆုံးတော့ ဒီကြယ်ငါးက ဆက်ပြီးရှင်သန်နိုင်မယ်။’’ သူ လက်ကိုဖြန့်လိုက်တယ်။ သူ့လက်ဝါးသေးသေးလေးထဲမှာ အသက်မျှင်းမျှင်းလေးပဲရှိတော့တဲ့ ကြယ်ငါးလေးတစ်ကောင် ငြိမ်သက်စွာနဲ့ လဲလျောင်းနေတယ်။

     တံငါသည်ကြီး မှင်သက်သွားတယ်။ တဆက်ထဲ သူ့မျက်လုံးထဲမှာ တဖိတ်ဖိတ်တောက်နေတဲ့ အရာတွေ ပြည့်နှက်လာတယ်။ ‘‘မင်းမှန်တယ်ကွ၊ သားရဲ့။ ဟုတ်တယ်။ အနည်းဆုံးတော့ ဒီကြယ်ငါးတစ်ကောင် ဆက်ပြီးရှင်သန်နိုင်တယ်။’’ ပြောရင်းနဲ့ တံငါသည်ကြီးလည်း ခါးကိုင်းပြီး သူ့သားလို ကြယ်ငါးတွေကို ကယ်ဆယ်ပါတော့တယ်။

     ဟုတ်ပါတယ်။ အချိန်၊  စွမ်းဆောင်နိုင်မှု စတာတွေမှာ အကန့်အသတ်ရှိလို့ဆိုတဲ့ အကြောင်းတွေကြောင့် ကောင်းမွန်လှပတဲ့ ကိစ္စကြီးတော်တော်များများကို ကျွန်တော်တို့ မလုပ်နိုင်ခဲ့ကြပေမယ့်  ကိုယ်တတ်နိုင်တဲ့ ကိစ္စလေးတွေကို လုပ်တာတွေနဲ့ တခြားလူတွေ ဒါမှမဟုတ် တခြားအရာဝတ္ထုတွေရဲ့ ကံကြမ္မာကို ပြောင်းလဲပေးတာတွေဟာလည်း ကောင်းမွန်လှပတာပဲ မဟုတ်ပါလား။

သဘောတရား။     ။ (သဲတစ်ပွင့်တစ်ကမ္ဘာ၊ ပန်းတစ်ပွင့်တစ်နိဗ္ဗာန်။) သဲတစ်ပွင့်ထဲကနေ ကမ္ဘာကြီးကို မြင်ကြည့်နိုင်သလို၊ ပန်းတစ်ပွင့်ထဲကနေ နိဗ္ဗာန်ကို မြင်ကြည့်နိုင်ပါတယ်။ တလောကလုံး တုန်လှုပ်သွားလောက်မယ့် ကိစ္စကြီးတွေနဲ့မှ လောကရဲ့အဓိပ္ပါယ်ကို ဖွင့်ဆိုနိုင်မှာ မဟုတ်သလို လူ့ဘ၀ရဲ့ တန်ဖိုးကို ထင်ဟပ်ပြနိုင်မှာလည်း မဟုတ်ပါဘူး။ ကံကြမ္မာကို ပြောင်းလဲဖို့ဆိုရင် ယခုကနေ စတင်သင့်ပါတယ်။ အသေးအဖွဲလေးတွေကနေ စတင်သင့်ပါတယ်။

---------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 拯救海星 ဆိုတာပဲဖြစ်ပါတယ်။

 

အနီရောင်ချယ်ထားတဲ့ စာသားတွေရဲ့ မူရင်းတရုတ်စာကတော့ ‘‘一沙一世界，一花一天堂’’ ဆိုတာပဲဖြစ်ပါတယ်။ တရုတ်စာတတ်သူများ ဒီ Link ကနေ ဒီစကားရဲ့ အဓိပ္ပါယ်ကို သွားရောက် လေ့လာနိုင်ပါတယ်။ http://zhidao.baidu.com/question/3559471

အင်္ဂလန်က ကဗျာနဲ့ပန်းချီ ပညာရှင် William Blake ဟာလည်း ဒီလိုစာသားလေးကို သူ့ကဗျာမှာ သုံးခဲ့ဖူးပါတယ်။ ဒီ Link ကနေ သူ့အကြောင်းလေ့လာနိုင်ပါတယ်။ http://www.answers.com/topic/william-blake

ကဗျာမူရင်းက ရှည်လျားလို့ ဒီ Link မှာ သွားဖတ်နိုင်ပါတယ်။ http://www.online-literature.com/blake/612/

မောင်မောင်

၁၇-၀၁-၂၀၁၀ ည ၀၅း၁၈

တစ်အုပ်ထဲပဲရေးခဲ့သူ

     ကမ္ဘာ့စာပေပညာနှီးနှောဖလှယ်ပွဲမှာ ဖြစ်ပါတယ်။ ရိုးရိုးလေးပဲဝတ်စားထားတဲ့ အမျိုးသမီးလေးတစ်ယောက်က ထောင့်တစ်နေရာလေးမှာ တိတ်ဆိတ်စွာ ထိုင်နေပါတယ်။ သူ့ဘေးမှာတော့ ဟန်ဂေရီက အမျိုးသား စာရေးဆရာတစ်ယောက်ပါ။ ရုပ်ရည်သာမန်လောက်ပဲရှိတဲ့ အမျိုးသမီးလေးကို တွေ့တော့ အဲဒီအမျိုးသား စာရေးဆရာက မျက်နှာမှာ မာန်မာနအပြည့်နဲ့ ထွေရာလေးပါးသွားပြောပါတယ်။

     ‘‘ဟိုင်း’’ သူက နှုတ်ဆက်လိုက်တယ်။ ‘‘ခင်ဗျားလည်း နှီးနှောဖလှယ်ပွဲ လာတက်တဲ့ စာရေးဆရာလား။’’

     ‘‘ ဟုတ်ပါတယ်ရှင်။ ’’ အမျိုးသမီးလေးက မျက်နှာမှာ အပြုံးလေးနဲ့ လေသံကလည်း အရမ်းကို ဖော်ရွေလှပါတယ်။

     ‘‘ဒါဆို ခင်ဗျားဘာတွေများ ရေးခဲ့ဖူးလဲဗျ’’ အမျိုးသား စာရေးဆရာက မေးလိုက်တယ်။

     ‘‘ဪ...ကျွန်မ ဘာမှ များများစားစား မရေးဖူးပါဘူး၊ ၀တ္ထုရေးတာလောက်ပါပဲ’’ အမျိုးသမီးလေးက နှိမ့်နှိမ့်ချချနဲ့ ပြောလိုက်တယ်။

     ‘‘ဒါတော့ ဘယ်ဖြစ်မလဲဗျ၊ ကြီးကျယ်တဲ့ စာရေးဆရာဆိုတာ ဘာမဆို အကုန်ရေးတတ်ဖို့လိုတယ်ဗျ။ ခင်ဗျား သိမလားတော့ မသိဘူး။ အခုအထိဆိုရင် ကျွန်တော် ၀တ္ထု အပုဒ် ၃၀ ထုတ်ဝေပြီးသွားပြီ။ စကားပြေ စုစည်းမှုက ၇-အုပ် ၈-အုပ်လောက်ရှိပြီ။ ပြီးတော့ သီချင်းတွေ၊ ကဗျာတွေလည်း ရေတွက်လို့တောင်မရတော့ဘူး။ မကြာခင်မှာ ကျွန်တော့်ရဲ့ ကဗျာပေါင်းချုပ်လည်း ထွက်တော့မှာ။’’

     ‘‘ဂုဏ်ယူပါတယ်ရှင်’’ အမျိုးသမီးလေးက စိတ်ရင်းနဲ့ ပြန်ဖြေလိုက်တယ်။

     ‘‘ခင်ဗျားက ၀တ္ထုရေးတာ ကျွမ်းတယ်ဆိုတော့ ၀တ္ထု ဘယ်နှစ်ပုဒ်လောက် ရေးပြီးပြီလဲ’’ အမျိုးသား စာရေးဆရာက ထပ်မေးပြန်တယ်။

     ‘‘ဪ...တစ်ပုဒ်ထဲရေးဖူးတာပါ’’ လို့ အမျိုးသမီးလေးက ပြန်ဖြေလိုက်တယ်။

     ‘‘ဟင်...တစ်ပုဒ်ထဲရယ်၊ အင်း...ကြည့်ရတာ ခင်ဗျားတော့ တော်တော် ဂုဏ်ယူနေမှာပဲ။ ဒီလို ထိတ်ထိတ်ကြဲ နှီးနှောဖလှယ်ပွဲဆိုတာ အများအားဖြင့် အရမ်းနာမည်ကြီးနေတဲ့ စာရေးဆရာတွေကိုပဲ ဖိတ်တာဆိုတာကိုတော့ သိထားဖို့လိုမယ်ဗျ။ ဒါနဲ့ ခင်ဗျားရဲ့ဝတ္ထုက နာမည် ဘာတဲ့လဲ။’’ အမျိုးသားစာရေးဆရာက ထပ်ပြီးမေးလိုက်ပြန်ပါတယ်။

     ‘‘လေရူးသုန်သုန်ပါ။’’ အမျိုးသမီးလေးက တိုတိုရှင်းရှင်းလေးပဲ ပြန်ဖြေလိုက်ပါတယ်။

     အဲဒီ အမျိုးသားစာရေးဆရာဟာ ရုတ်တရက် ကြောင်နနဖြစ်သွားတယ်။ လတ်စသတ်တော့ သူက တကယ့် လျှမ်းလျှမ်းတောက်နာမည်ကျော်နေတဲ့ မာဂရက်မစ်ချယ်လ် (Margaret Mitchell) ဖြစ်နေတာကိုး။

သဘောတရား။     ။ အရည်အသွေးဆိုတာ အရည်အတွက်ထက် သာပါတယ်။ အလုပ်လုပ်တဲ့နေရာမှာ အကြီးအသေး အနည်းအများက အဓိကမကျပါဘူး။ သော့ချက်က ကိုယ့်ရဲ့ သဘောထားနဲ့ အလုပ်ရဲ့ရလဒ်အပေါ်မှာပဲ မူတည်ပါတယ်။ ကိစ္စသေးသေးတစ်ခုကိုပဲ စိတ်ပါလက်ပါလုပ်တာဟာ ကိစ္စကြီးတစ်ခုကို တော်ရိလျော်ရိ လုပ်တာထက် အများကြီး သာလွန်ပါတယ်။

---------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 只写过一部书 ဆိုတာပဲဖြစ်ပါတယ်။

မာဂရက်မစ်ချယ်လ် အကြောင်းကို ဒီ Link မှာ သွားဖတ်နိုင်ပါတယ်။ 1.http://www.answers.com/topic/margaret-mitchell

သူမရဲ့ ပထမဆုံးနဲ့ တစ်အုပ်ထဲသော စာအုပ်ဖြစ်တဲ့ လေရူးသုန်သုန် (Gone With The Wind) နဲ့ ၁၉၃၇ ခုနှစ်မှာ ပူလစ်ဇာ ဆုကို ရခဲ့ပါတယ်။ ဒါကို ရုပ်ရှင် ပြန်ရိုက်ခဲတော့လည်း အကယ်ဒမီဆုနဲ့ အော်စကာ ၇ ဆု ရခဲ့ပါတယ်။ ပြည်တွင်းစစ်ကာလ အချစ်ဇာတ်လမ်းလေးပါ။

မောင်မောင်

၁၇-၀၁-၂၀၁၀ ညနေ ၃း၀၀

နောင်တကင်းတဲ့ခရီး

I Don't Regret a Mile

Chorus:

I don't regret a mile I've traveled for my Lord.
ဘုရားသခင်အတွက် ငါသွားခဲ့ရတဲ့ ခရီးတွေကို  နောင်တမရပါဘူး...

I don't regret the time I've trusted in his word.
သူ့စကားတွေကို ယုံကြည်ခဲ့တဲ့ အချိန်တွေအတွက်လည်း ငါ နောင်တမရပါဘူး...

I've seen the years go by many days without a song.
သီချင်းတွေမရှိပဲနဲ့ ဖြတ်သန်းကျော်လွန်ခဲတဲ့ နှစ်တွေကိုလည်း ငါ တွေ့ကြုံခဲ့ဖူးပါပြီ...

I don't regret a mile I've traveled for my Lord.
ဘုရားသခင်အတွက် ငါသွားခဲ့ရတဲ့ ခရီးတွေကို  နောင်တမရပါဘူး...

I've dreamed many a dream that's never came true,
ဘယ်တော့မှ အကောင်အထည်ပေါ်မလာတဲ့ အိပ်မက်တွေလည်း ငါ မက်ခဲ့ဖူးပါတယ်...

I've seen them vanish at dawn,
သူတို့တွေ မနက်လင်းတဲ့အခါမှာ ပျောက်ပျက်သွားတာကိုလည်း ငါ မြင်ခဲ့ဖူးတယ်...

Oh...But enough of those dreams have come true
ဒါပေမယ့်လေ... အဲဒီ အိပ်မက်တွေထဲက (လုံလောက်တဲ့) တချို့အိပ်မက်တွေကတော့ တကယ်ဖြစ်လာခဲ့ပါတယ်...

To make me keep dreaming on
ငါ့ကို အိပ်မက် ဆက်ပြီးမက်နိုင်အောင်လို့ပေါ့...

I've prayed many a prayer seemed no answer would come,
ဘာအဖြေမှ ပြန်ရလာမယ့်ပုံမပေါ်တဲ့ ဆုတောင်းစာတွေကိုလည်း ငါ ရွတ်ဖတ်ခဲ့ပါတယ်...

Though I'd waited patient and long;
စိတ်ရှည်ရှည်နဲ့ အကြာကြီးစောင့်ဆိုင်းခဲ့ပေမယ့်ပေါ့...

Oh...But enough of answers have come to those prayers
ဒါပေမယ့်လေ...အဲဒီ ဆုတောင်းမှုတွေထဲက (လုံလောက်တဲ့) တချို့ဆုတောင်းမှုတွေအတွက် အဖြေတွေလည်း ရောက်လာခဲ့ကြပါပြီ...

To make me keep praying on
ငါ့ကို ဆက်ပြီး ဆုတောင်းမှုပြုနိုင်အောင်လို့ပေါ့...

I've sown many a seed that fell by the wayside
လမ်းဘေးကို (အလဟဿ)ကျသွားကြတဲ့...မျိုးစေ့များစွာကိုလည်း ငါ ကြဲချစိုက်ပျိုးခဲ့ဖူးပါတယ်...

For the birds to feed upon
ငှက်ကလေးတွေ အစာရအောင်လို့ပေါ့...

Oh...But I've held enough of golden sheaves in my hands
ဒါပေမယ့်လေ...ငါ့လက်ထဲမှာ ကောက်လှိုင်းစည်းတွေ လုံလုံလောက်လောက် ဆုပ်ကိုင်ထားနိုင်ခဲ့ပါတယ်...

To make me keep sowing on
ငါ့ကို ဆက်လက် ကြဲချစိုက်ပျိုးနိုင်အောင်လို့ပေါ့...

I've trusted many a friend that's failed me
ငါ့ကို ကျဆုံးအောင်လုပ်တဲ့ သူငယ်ချင်းပေါင်းများစွာကို ငါ ယုံကြည်ခဲ့ဖူးပါတယ်...

And left me to weep alone
ငါ့ကို တစ်ယောက်ထဲ ငိုကျန်နေစေခဲ့တာပေါ့...

Oh...But enough of those friends have proved to be true-blue
ဒါပေမယ့်လေ...အဲဒီသူငယ်ချင်းတွေထဲက (လုံလောက်တဲ့) သူငယ်ချင်းအချို့ကတော့ (ငါ့အပေါ်) စစ်မှန်တယ်ဆိုတာ သက်သေပြနိုင်ခဲ့ကြပါတယ်...

To make me keep trusting on
ငါ (သူငယ်ချင်းတွေအပေါ်) ဆက်ပြီး ယုံကြည်နေအောင်လို့ပေါ့...

I've drunk the cup of disappointment and pain,
စိတ်ပျက်စရာတွေနဲ့ နာကြင်မှုတွေကို ငါသောက်သုံးခဲ့ပြီး...

And gone many a day without a song
သီချင်းတွေမပါပဲနဲ့လည်း ရက်ပေါင်းများစွာ ငါ ဖြတ်ကျော်သွားခဲ့ဖူးပါတယ်...

Oh...But I've sipped enough of nectar from the roses of life
ဒါပေမယ့်လေ...ဘ၀ဆိုတဲ့ နှင်းဆီပန်းထဲကနေ လုံလောက်တဲ့ ၀တ်ရည်တွေကို ငါ သောက်ခဲ့ပြီးပါပြီ...

To make me want to live on
ငါ့ကို ဆက်ပြီးရှင်သန်နေချင်အောင်လို့ပေါ့...

Chorus:

I don't regret a mile I've traveled for my Lord.
ဘုရားသခင်အတွက် ငါသွားခဲ့ရတဲ့ ခရီးတွေကို  နောင်တမရပါဘူး...

I don't regret the time I've trusted in his word.
သူ့စကားတွေကို ယုံကြည်ခဲ့တဲ့ အချိန်တွေအတွက်လည်း ငါ နောင်တမရပါဘူး...

I've seen the years go by many days without a song.
သီချင်းတွေမရှိပဲနဲ့ ဖြတ်သန်းကျော်လွန်ခဲတဲ့ နှစ်တွေကိုလည်း ငါ တွေ့ကြုံခဲ့ဖူးပါပြီ...

I don't regret a mile I've traveled for my Lord.
ဘုရားသခင်အတွက် ငါသွားခဲ့ရတဲ့ ခရီးတွေကို  နောင်တမရပါဘူး...

--------------------------------------------------------------------------

ဒီကနေလည်း သွားကြည့်နိုင်ပါတယ်။ http://www.youtube.com/watch?v=K6wD3yfAPKI

သူတိုရဲ့ The Happy Goodman Family ဟာ အလွန်စိတ်ဝင်စားစရာကောင်းပါတယ်။ Gospel Songs တွေနဲ့ လောကကြီးကို အလှဆင်ခဲ့ကြသူတွေပါ။ ဒီ Link ကနေသွားဖတ်နိုင်ပါတယ်။ http://www.answers.com/topic/the-happy-goodman-family

ကွန်တော်တို့မှာလဲ Gospel Songs တွေလို ဘာသာရေးနဲ့ပတ်သက်ပြီး အားပေးထားတဲ့ သီချင်းတွေ အများကြီးရှိကောင်းရှိမှာပါ။



မောင်မောင်
၁၅-၀၁-၂၀၁၀ ည ၁၀း၂၄

ကြွက်ကလေး ဘယ်ကိုရောက်

     တစ်နေ့မှာ သူငယ်ချင်းက ဒီလို ပုံပြင်လေး တစ်ပုဒ် ပြောပြပါတယ်။  “အမဲလိုက် ခွေး ၃ ကောင်ဟာ ကြွက်ကလေး တစ်ကောင်နောက်ကို လိုက်ကြသတဲ့။ လိုက်ရင်းလိုက်ရင်းနဲ့ ကြွက်ကလေးဟာ သစ်ခေါင်းတစ်ခုထဲကို  လျင်မြန်တဲ့လှုပ်ရှားမှုနဲ့ တိုးဝင်သွားတာကို တွေ့လိုက်ရတယ်။ အမဲလိုက်ခွေးတွေက သစ်ပင်ကို ၀ိုင်းပတ်ပြီးကြည့်လိုက်တော့ ဒီသစ်ပင်ရဲ့သစ်ခေါင်းဟာ ထွက်ပေါက်တခုထဲ ရှိတယ်ဆိုတာ သိသွားကြတယ်။ ဒါနဲ့ပဲ အဲဒီထွက်ပေါက်ကနေပဲ စောင့်နေကြတာပေါ့။ ဒါပေမယ့် သိပ်မကြာပါဘူး၊ သစ်ခေါင်းထဲကနေ ယုန်တစ်ကောင်တိုးထွက်လာတယ်။ ယုန်ကလေးက အမဲလိုက်ခွေးတွေရဲ့ ရက်စက်ကြောက်ရွံ့ဖွယ်ရာ မျက်လုံးအရောင်တွေကို တွေ့လိုက်ရတော့ ချက်ချင်းဆိုသလို အသက်လုပြီး ရှေ့ကို တအားကုန် ပြေးတာပေါ့။ အမဲလိုက်ခွေး ၃ ကောင်ကလည်း နောက်ကနေ ထပ်ခြပ်မကွာ လိုက်ကြတာပဲ။ ပြေးရင်းပြေးရင်းနဲ့ ယုန်ကလေးဟာ နောက်ဆုံးမှာ သစ်ရွက်သစ်ကိုင်းတွေ ဝေဆာစည်ပင်နေတဲ့ သစ်ပင်ကြီးတစ်ပင်ကို တွေ့သွားတာနဲ့ လျင်လျင်မြန်မြန် ပြေးတက်သွားတယ်။  အပင်အောက်မှာ နေမထိထိုင်မသာဖြစ်ကျန်နေတဲ့ အမဲလိုက်ခွေးတွေကိုမြင်ရတော့ ယုန်ကလေးက အောင့်မထားနိုင်ပဲ ကြိတ်ပြီးကျေနပ်နေတော့တာပေါ့။ ဒါပေမယ့် ၀မ်းသာလို့မှမဆုံးသေးဘူး ခြေတစ်ချက်ချော်ပြီး အောက်က (ခွေးတွေအပေါ်) တည့်တည့်ကြီး ပြုတ်ကျသွားရော။ ကံကောင်းချင်တော့ ခေါင်းမော့ပြီးသူ့ကိုကြည့်နေတဲ့ ခွေးသုံးကောင်လုံးက (သူပြုတ်ကျလာတဲ့အရှိန်ကြောင့်) မူးဝေကုန်ကြတယ်။ ဒီလိုနဲ့ပဲ ယုန်ကလေးလည်း နောက်ဆုံးမှာ ထွက်ပြေးလွတ်မြောက် သွားတော့တယ်’’ တဲ့။

     ပုံပြင်လေးပြောလို့လည်းပြီးရော သူငယ်ချင်းက မေးတယ် ‘‘ မင်းဒီပုံပြင်မှာ ဘာပြဿနာ ရှိတယ်လို့ထင်လဲ။ ’’

     ကျွန်တော်လည်းစဉ်းစားလိုက်ပြီးမှ ‘‘ ယုန်က သစ်ပင်မှ မတက်တတ်တာ ’’ လို့ပြောလိုက်တယ်။

     သူငယ်ချင်းက ခေါင်းညိတ်ပြီး ‘‘ နောက်ကော၊ ရှိသေးလား။’’

     ‘‘ အင်း... ’’ ကျွန်တော် သေချာတွေးလိုက်ပြီး ‘‘ ယုန်တစ်ကောင်ထဲက အမဲလိုက်ခွေး ၃ ကောင်လုံးကို တပြိုင်နက်ထဲမှာ မူးဝေသွားအောင်လုပ်ဖို့ မဖြစ်နိုင်ဘူး’’ လို့ဖြေလိုက်တယ်။

     သူငယ်ချင်းက ခေါင်းညိတ်လိုက်ပြီး ‘‘နောက်ထပ်ကော၊ ရှိသေးလား’’။

     ‘‘ နောက်ထပ်... ?’’ ကျွန်တော် နည်းနည်း ဇဝေဇ၀ါ ဖြစ်လာတယ်။ ဘာများ ရှိသေးလဲပေါ့။ ချက်ချင်းတော့ စဉ်းစားလို့ထွက်မလာတော့ဘူး။

     ‘‘ နောက်ထပ်ကတော့ ကြွက်ကလေး ဘယ်ရောက်သွားလဲ ဆိုတာပဲ။ ’’ သူငယ်ချင်းက ရယ်ချင်တာအောင့်ပြီး ပြောပြတယ် ‘‘ ဒီမေးခွန်းက လူတော်တော်များများကို အခက်တွေ့စေတာ မနည်းတော့ဘူး။ ’’

    ကျွန်တော် ရုတ်ချည်း အသိတရားရသွားတယ်။ တချိန်ထဲမှာပဲ တော်တော်လေးတုန်ုလှုပ်သွားမိတယ်။ ပုံပြင်တစ်ပုဒ်လုံးမှာ အလယ်တစ်ဝက်ရောက်မှ ယုန်တစ်ကောင်က ဗြုန်းဆို ထွက်လာလိုက်တာဟာ ကျွန်တော်တို့ရဲ့ အတွေးလမ်းကြောင်းကို မသိမသာလေးနဲ့ ကောက်သွားစေပြီး ပုံပြင်ဆုံးတဲ့အချိန်ရောက်တော့  ကြွက်က ကျွန်တော်တို့ခေါင်းထဲမှာ မထင်မှတ်လောက်အောင် အစအနမကျန်တဲ့အထိ ပျောက်သွားတာ။  တကယ့်လက်တွေ့ဘ၀မှာလည်း ကျွန်တော်တို့ ဒီလိုပါပဲ၊  (မူလ)အရေးကြီးကိစ္စကို လျစ်လျူရှုပြီး (တခြား)အသေးအဖွဲတွေနောက်ကို လိုက်နေမိတဲ့အမှားမျိုး မကြာခဏ လုပ်မိတတ်ကြတယ် မဟုတ်ဘူးလား။ နောက်ဆို ဘာလုပ်လုပ်၊ ကိုယ့်ကိုယ်ကို အမြဲသတိပေးနေဖို့လိုလာပြီ။ ကြွက်ကလေး ဘယ်ရောက်သွားပြီလဲဆိုတာ။ ကိုယ့်စိတ်ထဲက (မူလ)ရည်ရွယ်ချက်ပန်းတိုင်လေး ဘယ်ရောက်သွားပြီးလဲပေါ့။

သဘောတရား။     ။ လူ့ဘ၀ရဲ့ ပန်းတိုင်တွေကိုရောက်အောင် လိုက်လံရှာဖွေတဲ့ လုပ်ငန်းစဉ်မှာ ကျွန်တော်တို့ဟာ အမြဲဆိုသလို တချို့အသေးအဖွဲကိစ္စတွေကြောင့် မသိမသာနဲ့ အာရုံတွေထွေပြားပြီး လမ်းတ၀က်မှာ ရပ်ရင်ရပ် မဟုတ်ရင် လမ်းခွဲတခုထဲကို ၀င်သွားတတ်တယ်။ ဒီလိုအဖြစ်မျိုးတွေဖြစ်တာကနေ ရှောင်ရှားနိုင်ဖို့ဆိုရင် ‘‘ငါ့ရဲ့မူရင်းကနဦး ရည်ရွယ်ချက်ပန်းတိုင်က ဘာလဲ’’ ဆိုတဲ့ ကိုယ့်ကိုယ်ကို ပြန်မေးတတ်တဲ့ အလေ့အထကို ကျွမ်းကျင်တတ်မြောက်အောင် လုပ်ကိုလုပ်ထားရပါမယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 老鼠哪去了 ဆိုတာပဲဖြစ်ပါတယ်။

မောင်မောင်

၁၅.၀၁.၂၀၁၀ ည ၀၈း၁၀

အမြင့်ပျံချင်တဲ့ကြက်ဖလေး

      ရက် ၂၀ ကျော်လောက် ပင်ပင်ပန်းပန်းနဲ့ ၀ပ်ပြီးတဲ့နောက်မှာ ကြက်အမေကြီးရဲ့ ကလေး ၁၀ ကောင်ကျော်လောက်ဟာ နောက်ဆုံးမှာတော့  ဘေးကင်းရန်ကင်းနဲ့ မွေးဖွားလာကြပါတယ်။ နေ့စဉ်လိုလိုပဲ ကြက်အမေကြီးဟာ အပြင်ကရှာလို့ရလာတဲ့ ဆန်စေ့လေးတွေနဲ့ ပိုးကောင်လေးတွေကို ကလေးတွေကို ခွံ့ကျွေးပါတယ်။ 

     တစ်ရက်မှာ စည်းကမ်းမသေ၀ပ်တဲ့ ကြက်ကလေးတစ်ကောင်က ကြက်အမေကြီးကို မေးပါတယ်။ ‘‘ အမေ ၊ ဒီလောက်များတဲ့ အစာတွေကို ဘယ်ကနေရသလဲ’’ ပေါ့။

     ကြက်အမေကြီး ကပြန်ဖြေပါတယ်။ ‘‘သားလေးရဲ့၊ ဆန်စေ့လေးတွေကို လယ်သမားအိမ်ရဲ့ တလင်းက ရှာလို့ရတာကွယ့်။ ပိုးကောင်လေးတွေကိုတော့ မြက်ခင်းထဲမှာ ရှာတာပေါ့။’’

     ‘‘သားလဲ ကိုယ့်ဖာသာ သွားရှာချင်တယ်၊ သားကို ခေါ်သွားလို့ရမလား’’ လို့ ကြက်ထီးပေါက်လေးက ပြန်မေးတယ်။

     ကလေးတွေလဲမငယ်တော့ဘူးလို့ စဉ်းစားမိတာနဲ့ သူတို့ကို အပြင်လောကကြီးရဲ့ အသွင်အပြင်ကို ထွက်ပြီးတွေ့ပေးသင့်တာကြောင့် ကြက်အမေကြီးလဲ သဘောတူလိုက်တယ်။ အဲဒီလိုနဲ့ပဲ တရုံးရုံးချီတက်တာတဲ့ ကြက်မိသားစုဟာ အပြင်က ရောင်စုံလောကကြီးထဲကို ရောက်လာကြတယ်။ အားလုံး စားလို့သောက်လို့ ၀သွားကြပြီဆိုတော့မှ ကြက်အမေကြီးက ကြက်ကလေးတွေကို ဘယ်လို ပျံရတယ် ဆိုတဲ့ လှုပ်ရှားမှုတွေကို  စပြီးသင်ပေးတယ်။ ‘‘ကလေးတို့ရေ၊ တကယ်လို့ အန္တာရာယ်နဲ့ကြုံခဲ့ရင် ဒီလို လှုပ်ရှားမှုက အသက်ဘေးကလွတ်အောင် အထောက်အပံ့ပေးတယ်ကွဲ့။’’

     ကြက်အမေကြီးက တစ်ဖက်က ပြောရင်းနဲ့ တစ်ဖက်ကလည်း ကလေးတွေကို လက်တွေ့လုပ်ပြတာပေါ့။ ဒါပေမယ့် ဟိုစည်းကမ်းမသေ၀ပ်တဲ့ ကြက်ကလေးကတော့ နည်းနည်းလေးမှ နားမထောင်ပဲ  ခေါင်းမော့ပြီး မျက်လုံးတွေက ဟိုးအမြင့်ကြီးက ကောင်းကင်ပြာကြီးကို ကြည့်နေတယ်။

     ‘‘သားလေး၊ ဘာတွေများ ကြည့်နေတာလဲကွယ့်’’ လို့ ကြက်အမေကြီးက အဲဒီ ကြက်ကလေးကို မေးလိုက်တယ်။ 

     ‘‘အမေ၊ သားသူတို့ကို ကြည့်နေတာ ’’ လို့ ကောင်းကင်အမြင့်မှာ ပျံသန်းနေကြတဲ့ သိမ်းငှက်တွေကို ညွှန်ပြပြီး ‘‘ သားတို့ ဘာဖြစ်လို့ သူတို့လိုအမြင့်ကြီး မပျံနိုင်ရတာလဲဟင်’’ လို့ ကြက်ကလေးက မေးလိုက်တယ်။ 

     ‘‘အရူးလေး’’ ကြက်အမေကြီးက ပြုံးရင်းနဲ့ ‘‘ဒီလောက်အမြင့်ကြီးပျံတာ ဘာများ အကျိုးရှိမှာလဲကွယ့်၊ ကောင်းကင်ပေါ်မှာ ဆန်တလင်းလည်း မရှိဘူး၊ ပိုးကောင်လေးတွေလည်း မရှိဘူး၊ သားလေး အသီးအနှံစေ့လေးတွေရှာလို့မရတဲ့အပြင် ပိုးကောင်လေးတွေလည်း ရှာတွေ့မှာ မဟုတ်ဘူးကွယ့်’’ လို့ ပြောလိုက်ပါတယ်။

သဘောတရား။     ။ ပိုပြီးမြင့်မားတဲ့ ရည်ရွယ်ချက်ပန်းတိုင်တွေကို အဆက်မပြတ် ရှာဖွေတာ လုပ်သင့်လုပ်ထိုက်ပါတယ်။ ဒါပေမယ့် မူရင်းကျတဲ့အချက်ဖြစ်တဲ့ လက်တွေ့အခြေအနေနဲ့ ကင်းကွာမသွားဖို့ပါပဲ။ တချို့ကိစ္စတွေက တခြားလူတွေလုပ်လိုက်လို့ ဂုဏ်တက်ပြီး ကျေနပ်စရာတွေ ရနိုင်ပေမယ့် ကိုယ်နဲ့ သင့်တော်ချင်မှသင့်တော်မှာပါ။

--------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 想高飞的小公鸡 ဆိုတာပဲဖြစ်ပါတယ်။

မောင်မောင်

၁၅.၀၁.၂၀၁၀ ည ၀၆း၄၃

အကောင်းဆုံးအဖြေ

     တစ်ခါက အင်္ဂလန်ရဲ့ သတင်းစာတိုက် တစ်တိုက်မှာ ဆုငွေအမြောက်အများပေးမယ့် အမေးအဖြေပြိုင်ပွဲလေးတစ်ခုကို ကျင်းပခဲ့ပါတယ်။ မေးခွန်းကတော့ ဒီလိုပါ။

     သိပ္ပံပညာရှင် ၃ ဦးဟာ ဓါတ်ငွေ့အပြည့်မသွင်းထားတဲ့ မိုးပျံပူဖောင်းတစ်လုံးကို တစ်ချိန်ထဲမှာ စီးနင်းလိုက်ပါပြီး ခရီးထွက်လာကြတယ်။ ပထမတစ်ယောက်ကတော့ ပတ်ဝန်းကျင် ထိန်းသိမ်းရေး ပညာရှင်ပါ။ သူ့ရဲ့ သုတေသနတွေဟာ လူတွေရဲ့အသက်ပေါင်းများစွာကို ကယ်တင်နိုင်ပါတယ်။ လူတွေကို ပတ်ဝန်းကျင် ညစ်ညမ်းမှုကြောင့် သေဘေးကြုံရမဲ့ ကံကြမ္မာဆိုးကနေ ကင်းဝေးစေနိုင်ပါတယ်။ ဒုတိယတစ်ဦးကတော့ အနုမြူ ပညာရှင်ပါ။ သူ့မှာ ကမ္ဘာကြီး ပျက်သုဉ်းမယ့်လမ်းဆုံး ကြုံတွေ့မလာအောင် ကမ္ဘာအနှံ့ ဖြစ်ပွားလာနိုင်တဲ့ အနုမြူစစ်ကြီးကို တားဆီးကာကွယ်နိုင်တဲ့ စွမ်းအားရှိပါတယ်။ တတိယတစ်ဦးကတော့ စားနပ်ရိက္ခာ ပညာရှင်ပါ။  အပင်သီးနှံတွေမပေါက်တဲ့နေရာမှာ စားနပ်ရိက္ခာမျိုးစုံကို စိုက်ပျိုးလို့ရအောင် သူရဲ့ပညာရပ်ဆိုင်ရာအသိပညာကို အသုံးချနိုင်စွမ်းရှိပါတယ်။ လူထောင်သောင်းပေါင်းများစွာကို ငတ်မွတ်ဘေးကြမ္မာဆိုးကနေ လွတ်မြောက်စေနိုင်ပါတယ်။

     အဲဒီအချိ်န်မှာ မိုးပျံပူဖေါင်းကြီးဟာ ပျက်ကျတော့မယ်ပေါ့။ ကျွန်တော်တို့ လူတစ်ယောက်ကို မဖြစ်မနေရွေးချယ်ပြီး အလေးချိန်လျော့သွားအောင် ပစ်ချရမယ်။ ဒါမှ ကျန်တဲ့နှစ်ယောက် အသက်ရှင်နိုင်မှာပါ။ ကမ္ဘာကြီးရဲ့ ကောင်းကျိုးဆိုးကျိုးကံကြမ္မာနဲ့ ပတ်သက်နေတဲ့ ဘယ်သိပ္ပံပညာရှင်ကို ပစ်ချသင့်ပါသလဲ ဆိုပြီး မေးထားတာပါ။

     မေးခွန်းပါတဲ့သတင်းစာထွက်လာပြီးတဲ့နောက် နေရာအသီးသီးကနေ စာတွေဟာ (နှင်းတွေဝဲပျံနေသလို) ပလူပျံအောင် ရောက်လာပါတော့တယ်။ ဘယ်သူမဆို ဒီလောက် မက်စရာကောင်းတဲ့ ဆုငွေတနင့်တပိုးကို လိုချင်ကြတာပေါ့။ ဒါကြောင့် လူတိုင်း ကိုယ်တတ်သမျှ အစွမ်းကုန်သုံးပြီး (နတ်မြင်းပျံကောင်းကင်မှာပျံသလို) ခွန်ပြည့်အားပြည့်နဲ့ ဘယ်သိပ္ပံပညာရှင်ကို ပစ်ချဖို့လိုတယ်ဆိုတဲ့ မိမိတို့ရဲ့ကြီးကျယ်လှတဲ့ အမြင်တွေကို ဖော်ထုတ်ရေးသားကြပါတယ်။

     ဒါပေမယ့် နောက်ဆုံးရလဒ်ကတော့ လူတွေကို အကြီးအကျယ် အံ့အားသင့်သွားစေပါတယ်။ ဆုငွေတနင့်တပိုးကို ရသွားတဲ့သူကတော့ လူတွေမမျှော်လင့်ထားတဲ့ အသက် ၁၀ နှစ်တောင်မပြည့်သေးတဲ့ ကောင်လေးတစ်ယောက်ပဲ ဖြစ်ပါတယ်။ သူ့အဖြေကတော့ ‘‘ အ၀ဆုံး သိပ္ပံပညာရှင်ကို ပစ်ချပါ ’’ တဲ့။

     ဒီလို အဖြစ်မျိုး တစ်ခုထက်မက ရှိပါတယ်။ ပြင်သစ်က သတင်းစာတိုက်တစ်ခုကလည်း ဆုငွေပေးတဲ့ အလားတူ ဥာဏ်စွမ်းရည် အမေးအဖြေပြိုင်ပွဲ တစ်ခုကို တစ်ခါကျင်းပခဲ့ဖူးပါတယ်။ မေးခွန်းကတော့ ‘‘ တကယ်လို့ ပြင်သစ်ရဲ့ အကြီးဆုံးပြတိုက်ဖြစ်တဲ့ လူဗရေ (Louvre) ပြတိုက်ကြီး အကြောင်းမသင့်လို့ မီးလောင်ခဲ့ရင် အရေးပေါ်အခြေအနေကြီးမှာ သင့်ကို ပန်းချီကားတစ်ချပ်ပဲ (မီးထဲမပါအောင် ထိန်းသိမ်းဖို့) သယ်ခွင့်ပြုမယ်ဆိုရင် ဘယ်ပန်းချီကားကို သင် သယ်မလဲ’’ တဲ့။ 

     ဖြေတဲ့လူ ထောင်သောင်းပေါင်းများစွာထဲမှာ လိမ္မာပါးနပ်ပြီး ဥာဏ်ကောင်းတယ်လို့ တလျှောက်လုံးနာမည်ကြီးနေတဲ့ ပြင်သစ်စာရေးဆရာ ဘားနတ်(ဒ်) (Bernard) က ဒီမေးခွန်းအတွက် ဆုငွေကို ရရှိသွားပါတယ်။ သူ့အဖြေကတော့ ‘‘ ထွက်ပေါက်နဲ့အနီးဆုံးက ပန်းချီကားကိုပဲ သယ်ထုတ်ပါမယ် ’’ တဲ့။ 

သဘောတရား။     ။ရှုပ်ထွေးတာက မေးခွန်းမဟုတ်ပါဘူး။ မေးခွန်းကို ကြည့်တဲ့လူရဲ့မျက်လုံးပါ။ အကောင်းဆုံး အောင်မြင်မှုပန်းတိုင်ကို သိရဖို့ဆိုရင် တန်ဖိုးအရှိဆုံးအရာ ဖြစ်ဖို့မလိုပါဘူး။ လက်တွေ့အခြေအနေကို အကျိုးဖြစ်ထွန်းတယ်ဆိုတာ အာမခံနိုင်တဲ့ အကောင်အထည်ဖော်လို့ အဖြစ်နိုင်ဆုံးအရာကို ရွေးဖို့ပါပဲ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 最佳答案 ဆိုတာပဲဖြစ်ပါတယ်။

မောင်မောင်

၁၂.၀၁.၂၀၁၀ ည ၁၂း၃၇ 

လုပ်ရမှာနဲ့လုပ်နေတာ

     အခု၊ ကျွန်တော့်ရဲ့တာဝန်က (အင်္ကျီဝတ်မှန်) ကိုယ်လုံးပေါ်မှန်ကို နံရံမှာ ချိတ်ဖို့ပါ။

     ကျွန်တော် တစ်ချက်လောက် တိုင်းတာကြည့်လိုက်တယ်။ မှန်ကို ဧည့်ခန်းမှာထားရင် မဆိုးဘူးပေါ့။ ဒါနဲ့ပဲ ကျွန်တော် (အိမ်ရိုက်)သံလေး နည်းနည်းလောက် လိုလာရော။ သံတော့ရှာလာပြီးပြီ။ ကျွန်တော် ထပ်စဉ်းစားမိတာက သံအောက်မှာ သစ်သားပြားတစ်ပြားလောက်ခံလိုက်ရင် သံကပိုပြီး ခိုင်ခိုင်မာမာ စွဲမယ်ပေါ့။ ဒါနဲ့ပဲ ကျွန်တော် သစ်သားပြားသွားရှာတယ်။ ဖြစ်ချင်တော့ သစ်သားပြားက ရှာလို့တွေ့မလာဘူး။ သစ်သားတုံးပဲ ရှာလို့ရတယ်။ ဒါကြောင့် သူ့ကို ခွဲဖြတ်ဖို့ ကျွန်တော် လွှကို သွားမရှာလို့မရတော့ဘူး။ အိမ်နီးနားချင်းဆီက လွှငှားလာပြီးလို့ စမ်းသုံးကြည့်တော့မှပဲ အဲဒီလွှက (အသွား)တုံးနေမှန်း သိတယ်။ အဲဒါနဲ့ပဲ လွှသွေးကျောက်သွားငှားပြီး လွှသွေးရတော့တယ်။ ၂ နာရီလောက်ကြာသွားတယ်။ နောက်ဆုံးမှာ လွှသွားက သွေးထားတာ ပြောင်လက်ပြီး (ဆွဲရတာ) သွက်လာတယ်။ ဒါပေမယ့် လွှနဲ့တစ်ချက်လောက်ပဲ ဆွဲလိုက်ရသေးတယ် ကျွန်တော်ရှာလာတဲ့ သစ်သားတုံးက ပျော့နေမှန်း သိတော့တယ်။ နံရံမှာ သံနဲ့စွဲလည်း ဘာမှထူးမှာမဟုတ်ဘူး။ ဒါကြောင့်  ပိုမာတဲ့ တောဇီးပင်တစ်ပင်လောက် ကျွန်တော် သွားခုတ်ချင်လာတယ်။ သင့်တော်တဲ့ တောဇီးပင်တစ်ပင် ရှာတွေ့ဖို့အရေးကို ကျွန်တော့်မှာ ၃ နာရီနီးပါးလောက် ကားမောင်းပြီး ပြေးလွှားလိုက်ရတယ်။ ခက်ခက်ခဲခဲနဲ့ ရှာလို့တွေ့ပြီဆြိုပန်တော့ ပုဆိန်ယူလာဖို့မေ့သွားတယ်ဆိုတာ သတိရသွားရော။ ဒါနဲ့ အနီးအနားက ကုန်စုံဆိုင်မှာ ပုဆိန်ဝယ်လိုက်ပြီး ကျွန်တော် ဇီးပင်စခုတ်တယ်။ ဒါပေမယ့် ဒီပုဆိန်က အရည်အသွေး ညံ့တယ်။ ဘယ်နှစ်ချက်မှတောင် မခုတ်ရသေးဘူး အရိုးကချောင်လိုက်လာတယ်။ အန္တရာယ်ဖြစ်မှာစိုးတာနဲ့ပဲ လက်သမားသွားရှာပြီး ပုဆိန်ပြင်ရတယ်။ ပုဆိန်ပြင်နေတုန်းပဲ လက်သမားမှာ သံကုန်သွားတာကြောင့် သူ့ကိုယ်စား သံသွားဝယ်ရပြန်တယ်။ ကုန်စုံဆိုင်ရောက်ခါနီးကျမှပဲ အိမ်မှာသံတွေရှိတာ ရုတ်တရက် စဉ်းစားမိသွားတယ်။ ကျွန်တော် မှန်ချိတ်ဖို့ သုံးမယ့်သံတွေပဲပေါ့။

     ဒါပေမယ့် ဒါလဲစဉ်းစားမိလိုက်ရော ကျွန်တော် ရုတ်တရက်ပဲ ဇဝေဇ၀ါဖြစ်သွားတယ်။ မနက်အစောကြီးကတည်းကနေ အခုနေ၀င်ကာနီးအချိန်အထိ ကျွန်တော် ဘာများလုပ်မလို့ပါလိမ့်။ ကျွန်တော် ဘယ်လိုမှကို စဉ်းစားလို့ မရတော့ဘူး။

သဘောတရား။     ။သင်ဘာလုပ်မှာလဲ။ သင်ဘာလုပ်နေလဲ။ အလုပ်ကိစ္စတွေလုပ်တဲ့အခါ ကျေးဇူးပြုပြီး ဒီမေးခွန်းနှစ်ခုကို ကိုယ့်ဖာသာ မကြာမကြာ ပြန်မေးကြည့်ပါ။ ကိုယ့်ရဲ့ မူလပန်းတိုင်ကို မေ့မသွားတော့ဘူးပေါ့။ မဟုတ်ရင် အလုပ်တွေသာများလို့ ပင်ပန်းပြီး အကျိုးမဲ့ ဖြစ်နိုင်ပါတယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 要做的和在做的 ဆိုတာပဲဖြစ်ပါတယ်။

မောင်မောင်

၁၀.၀၁.၂၀၁၀ ည ၁၀း၄၆ 

မစ္စတာ ယာမဒ ရဲ့ လျှို့ဝှက်ချက်

     ၁၉၈၄ ခုနှစ် တိုကျိုအပြည်ပြည်ဆိုင်ရာ ဖိတ်ခေါ်မာရသွန်ပြိုင်ပွဲမှာ လူသိသိပ်မများတဲ့ ယာမဒခိအိချိလို့ခေါ်တဲ့ ဂျပန်လက်ရွေးစင်တစ်ဦးက လူတွေမမျှော်လင့်ထားပဲ ကမ္ဘာ့ချန်ပီယံဆုကို ဆွတ်ခူးသွားခဲ့ပါတယ်။ သတင်းထောက်တွေက ဘယ်လို လျှို့ဝှက်ချက်တွေရှိသလဲ မေးတဲ့အခါ သူကတော့ ခပ်ရှင်းရှင်းတိုတိုလေး ပြန်ဖြေပါတယ်။ ‘‘ ကျွန်တော်က ပြိုင်ဘက်တွေကို ဥာဏ်နဲ့အနိုင်ယူတာပါ ’’တဲ့။ ဒီစကားကြားတဲ့အခါ လူတွေက နည်းနည်းမှတောင်နားမလည်ပဲ မဲ့ကာရွဲ့ကာနဲ့ သူက တမင် နဝေတိမ်တောင်ဖြစ်အောင် ပြောတယ်ပဲထင်နေကြတယ်။ ဘာဖြစ်လို့လဲဆိုတော့ မာရသွန်ပြိုင်ပွဲဆိုတာ ခန္ဓာကိုယ်ကြံ့ခိုင်မှုနဲ့ စိတ်ရှည်မှုကိုပြိုင်ကြရတာ၊ ဥာဏ်စွမ်းနဲ့ ဘယ်လိုမှ ဆက်စပ်လို့မရဘူးဆိုတာ လူတိုင်းသိနေတာကိုး။

     ၁၉၈၆ ခုနှစ် အီတလီ အပြည်ပြည်ဆိုင်ရာ ဖိတ်ခေါ်မာရသွန်ပြိုင်ပွဲမှာလည်း အရပ်ပုပြက်ပြက်နဲ့ မစ္စတာ ယာမဒခိအိချိကပဲ ချန်ပီယံဆုကို ထပ်ပြီးဆွတ်ခူးသွားပြန်တယ်။ သတင်းထောက်တွေက အလားတူမေးခွန်းမျိုးကို ထပ်မေးတဲ့အခါမှာ ရိုးအတဲ့ မစ္စတာယာမဒ ကတော့ အဲဒီစကားတစ်ခွန်းကိုပဲ ပြန်ပြောတာပေါ့။ ‘‘ ကျွန်တော်က ပြိုင်ဘက်တွေကို ဥာဏ်နဲ့အနိုင်ယူတာပါ ’’တဲ့။

     ဒီတစ်ခါတော့ လူတွေကသူ့ကို ထပ်ပြီး စကားနာမထိုးကြတော့ပဲ ဒီစကားရဲ့အဓိပ္ပါယ်ကို တစ်ယောက်တစ်မျိုးနဲ့ မှန်းဆပြောဆိုလာကြတယ်။ ဒါပေမယ့်နောက် ၁၀နှစ်အကြာ မစ္စတာ ယာမဒရဲ့ကိုယ်တိုင်ရေးအတ္ထုပ္ပတ္တိ ထွက်လာတော့မှပဲ လူတွေက အဲဒီစကားရဲ့ ဆိုလိုရင်းကို သိကြတော့တယ်။ ‘‘ ပြိုင်ပွဲမစခင်(ရက်တွေ)မှာ ကျွန်တော်က အရင်ဆုံး ပြေးလမ်းကြောင်း ခရီးတစ်ခုလုံးကို ကားမောင်းပြီး လိုက်မှတ်သားတယ်။ လမ်းတစ်လျှောက်က သိသာထင်ရှားတဲ့ အမှတ်အသားတွေကို မှတ်ထားပြီး ပန်းတိုင်ငယ်လေး တစ်ခုခြင်းစီအနေနဲ့ သတ်မှတ်လိုက်တယ်။ ပြိုင်ပွဲစပြီဆိုရင် ပန်းဝင်ခါနီး တဟုန်ထိုးအရှိန်မျိုးနဲ့ ပထမပန်းတိုင်လေးဆီကို အားသွန်ပြေးတယ်။ ရောက်သွားပြီဆိုရင် ကျွန်တော်က ဒီလိုတူညီတဲ့အရှိန်မျိုးနဲ့ပဲ ဒုတိယပန်းတိုင်လေးဆီကိုပြေးတယ်။ ပြီးရင် တတိယမြောက်...စတ္တုတ္ထမြောက် နဲ့ နောက်ဆုံးပန်းတိုင်လေးအထိပေါ့၊ ကျွန်တော်က ဒီလိုပဲသဘောထားပြီး ပြေးတယ်။ ကီလိုမီတာ ၄၀ ကျော်ခရီးကို ကျွန်တော်က ပန်းတိုင်ငယ်လေးတွေအဖြစ် အခုလို ခွဲထုတ်ပစ်လိုက်တယ်။ ပြီးရင် အေးအေးလူလူနဲ့ ပြီးအောင်ပြေးလိုက်ရုံပါပဲ။ တကယ်လို့ ပန်းတိုင်ကို နောက်ဆုံးမျဉ်းမှာ သတ်မှတ်ထားမယ်ဆိုရင် ၁၀ ကီလိုမီတာကျော်လောက်ပြေးပြီးတာနဲ့ ကျွန်တော် ခြေကုန်လက်ပန်းကျသွားမှာဗျ။’’ 

သဘောတရား။     ။ များသောအားဖြင့် ကျွန်တော်တို့တွေမအောင်မြင်နိုင်တာဟာ အခက်အခဲက ကြီးမားလွန်းလို့ မဟုတ်ပါဘူး။ အောင်မြင်မှုဟာ ဝေးလှတယ်လို့ ခံစားနေရတာကြောင့်ပါ။ အဲဒီလိုအချိန်မျိုးမှာ ပန်းတိုင်ကြီးကို ခွဲထုတ်ပစ်လိုက်ပါ။ အချိန်နဲ့အောင်မြင်မှုဟာ ယှဉ်တွဲနေတယ်ဆိုရင် အမှုကိစ္စတွေကို နှစ်ဆတိုးပြီး ဆောင်ရွက်နိုင်လာမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 三田木一的秘诀 ဆိုတာပဲဖြစ်ပါတယ်။

မောင်မောင်

၁၀.၀၁.၂၀၁၀ ည ၀၉း၄၂ 

ပေးဆပ်ရတဲ့တန်ဖိုး

     ဒီနှစ်နွေဦးစပြီဆိုတာနဲ့ မစ္စတာကု ဟာ အလုပ်ထွက်ပြီး ကိုယ်ပိုင်လုပ်ငန်းလုပ်ပါတယ်။ ကိုယ်ပိုင်လုပ်ငန်းလုပ်နေတဲ့ တခြားလူတွေနဲ့ ဆက်သွယ်ပြီးပြီဆိုတာနဲ့သူဟာ လုပ်ငန်းလုပ်ဖို့နေရာ စပြီးရှာပါတယ်။ ကြော်ငြာတွေထဲမှာပါတဲ့ လိပ်စာတွေအတိုင်း ၃၊၄ ရက်လောက် လျှောက်ကြည့်လိုက်တယ်။ နောက်ဆုံးမှာ မြို့လယ်ခေါင်နဲ့ နည်းနည်းဝေးပေမယ့် လမ်းပန်းဆက်သွယ်ရေး တော်တော်အဆင်ပြေတဲ့ ရုံးခန်းတွေစုထားတဲ့ အဆောက်အဦး တစ်ခုကို ရွေးဖြစ်သွားတယ်။ တစ်တိုက်လုံးမှာ ၈ ထပ်ရှိတယ်။ ပထမ နဲ့ ဒုတိယ ထပ်တွေကို ပိုင်ရှင်က စားသောက်ဆိုင် (တည်းခိုခန်း) ဖွင့်ထားတယ်။ ၄ ထပ်ကနေ ၈ ထပ်အထိကျတော့ တစ်ခြားလူတွေ အစောကြီးကတည်းက ငှားသွားတယ်။ ၃ ထပ် တစ်ခုထဲ လွတ်နေတာ။ ဒါကြောင့် မစ္စတာကု လည်း ၃ ထပ်မှာပဲ အခန်းတစ်ခန်း ရွေးရတော့တာပေါ့။ (ငှားရမ်းစာချုပ်) လက်မှတ်ထိုးပြီး တစ်နှစ်စာ ငှားရမ်းခငွေချေပြီးတာနဲ့ မစ္စတာကု ဟာ အလုပ်စလုပ်တယ်။

     ၃ လတောင်မကျော်သေးဘူး တိုက်ပိုင်ရှင်က မျက်နှာချိုသွေးပြီး လာဆွေးနွေးတယ်။ ‘‘ကုမ္ပဏီတစ်ခုက တစ်ထပ်လုံးကို ငှားချင်လို့တဲ့။ အခု ၃ ထပ်မှာက ခင်ဗျားတို့ ကုမ္ပဏီတစ်ခုပဲ ရှိတာ။ ပြီးခဲ့တဲ့လကပဲ တိုက်တိုက်ဆိုင်ဆိုင် ၄ ထပ်မှာ အခန်းတစ်ခု လွတ်သွားတယ်။ ဒါကြောင့် ကျွန်တော့်ကို အကူအညီပေးတဲ့အနေနဲ့ ၄ ထပ်ကို ပြောင်းပေးပါလား။ ဘယ်လို သဘောရလဲ။’’

     ‘‘ဘာအပေးအယူရှိမလဲ’’ မစ္စတာကု က တစ်ဖက်က လေးထပ်က အခန်းကို တိုက်ပိုင်ရှင်နဲ့ အတူလိုက်ကြည့်ရင်း၊ တစ်ဖက်ကနေ မေးလိုက်တယ်။

     ‘‘ခင်ဗျားလဲမြင်ပြီပဲ။ ဒီအခန်းက အပြင်အဆင်ကောင်းတယ်။ ပြီးတော့ အောက်က ဟိုအခန်းထက်လဲကြီးတယ်။ ဒါကြောင့်...’’ ဒီနေရာအထိလဲ ပြောပြီးရော တိုက်ပိုင်ရှင်က ခဏလောက် ရပ်လိုက်ပြီးမှ ‘‘ဒီအခန်းငှားခကိုတော့ ကျွန်တော်တို့ အသစ်ပြန်ပြီး ဆွေးနွေးရမှာပေါ့။’’ 

     ‘‘ဖြစ်ပါတယ်။ ဒါဆို ကျွန်တော်လဲစဉ်းစားမယ်လေ။’’ ပြောပြီးတာနဲ့ မစ္စတာကု လည်း ခြာခနဲလှည့်ပြီး အောက်ထပ်ပြန်ဆင်းသွားလိုက်တယ်။

     နောက်တစ်ပတ်ကြာတော့ တိုက်ပိုင်ရှင် ထပ်ရောက်လာပြန်ရော။ မျက်နှာချိုထပ်သွေးပြီး ‘‘ကျွန်တော်စဉ်းစားလိုက်တော့၊ ကျွန်တော်လဲ အခုလက်ထဲမှာ ပိုက်ဆံရှိနေတာဆိုတော့ ငှားခကိစ္စကိုတော့ ဒီနှစ် ဒီအတိုင်းပဲထားလိုက်တော့မယ်။ ဒါပေမယ့် ကျွန်တော့်ဆီမှာ တစ်ချို့ကုန်ပစ္စည်းလေးတွေ ထားစရာနေရာမရှိလို့ ၄ ထပ်ကအခန်းမှာ စတိုခန်းလေးတစ်ခုလောက် ဖွဲ့ပေးလို့ရမရ ကြည့်ပေးပါလား။ ခင်ဗျားအလုပ်ကို မထိခိုက်စေရဘူးဆိုတာတော့ ကြိုပြောနိုင်ပါတယ်။’’

     ‘‘ဖြစ်ပါတယ်။ ကျွန်တော်စဉ်းစားမယ်လေ။’’ မစ္စတာကု ကတော့ တိုက်ပိုင်ရှင်ကို ဒီစကားလေးနဲ့ပဲ ပြန်နှင်လိုက်တယ်။

     နောက်တစ်ပတ်ကြာတော့ တိုက်ပိုင်ရှင် မျက်နှာချိုသွေးပြီး တက်လာပြန်ရော။ ‘‘မစ္စတာကု ရယ် လုပ်စမ်းပါဗျာ။ ကျွန်တော့်ကို ဒါလေးကူညီပါဗျာ။ ဒီနေရာက မြို့ထဲနဲ့ဝေးတယ်။ အခန်းတွေငှားထွက်ဖို့က မလွယ်ဘူး။ ကျွန်တော် ကြော်ငြာ အခေါက်ခေါက်ထည့်တော့မှ ဒီလို တစ်ထပ်လုံးငှားတဲ့ကုမ္ပဏီရလာတာ။ တကယ်ကို ငှားထွက်ချင်လို့ပါဗျာ (ငှားမယ့်လူကို အမိအရဆွဲပြီး နေစေချင်)။’’

     ‘‘ဖြစ်ပါတယ်။ ကျွန်တော်ထပ်ပြီးစဉ်းစားပေးပါ့မယ်။’’ မစ္စတာကုက ခေါင်းတောင်မော့မကြည့်ပဲ ပြောလိုက်တယ်။

     ‘‘စဉ်စားမနေပါနဲ့တော့ဗျာ။ ကျွန်တော် မစောင့်နိုင်တော့ဘူးဗျ။’’ တိုက်ပိုင်ရှင်က ရုတ်တရက် ငိုမဲ့မဲ့ မျက်နှာထားပြောင်းလိုက်ပြီးတော့ ‘‘ဒီလိုလုပ်ဗျာ။ ခင်ဗျား ၄ ထပ်ကို ပြောင်းပေးပါ။ ဒီနှစ်အတွက် အခန်းငှားခကို ကျွန်တော်တို့ စာချုပ်အတိုင်းပဲ သွားကြတာပေါ့။ ကျွန်တော့်ရဲ့ ဟိုကုန်ပစ္စည်းတွေလည်း တစ်ခြားနေရာရှာပြီးပဲ ထားလိုက်တော့မယ်။ အခန်းရွှေ့မယ့် လူအင်အားနဲ့ ကုန်ကျစရိတ် ကျွန်တော်ပဲ ထုတ်ပေးပါ့မယ်။ ခင်ဗျားသာ သဘောတူရင် ဒီနေ့ပဲ ပြောင်းကြမယ်။ ဖြစ်မလား။’’

     မစ္စတာကု က အဲဒီတော့မှ ပြုံးပြီးခေါင်းမော့လာတယ်။ ‘‘အစောကြီးကတည်းကသာ အခုလိုဆိုရင် မဖြစ်ဘူးလားဗျာ။ စိတ်ထဲက အမှန်စကားကိုပြောရရင်၊ ကျွန်တော်က ခင်ဗျားကို တမင်တကာ အခက်တွေ့စေချင်လို့မဟုတ်ပါဘူး။ ပြောင်းလဲမှုတစ်ခုလုပ်တိုင်း တန်ရာတန်ကြေးပေးဆပ်ရတယ် ဆိုတာ ခင်ဗျားကို ပြောပြချင်လို့ပါ။’’

     ‘‘ဟုတ်ပါတယ်၊ ဟုတ်ပါတယ်။’’ တိုက်ပိုင်ရှင်က တစ်ဖက်က ပြုံးလိုက်ခေါင်းညိတ်လိုက်လုပ်ပြီး တစ်ဖက်က အပြင်မှာ အစောကြီးကတည်းကစောင့်နေတဲ့ အပေါင်းအပါတွေကို လက်ယပ်ပြီး ၀င်လာခိုင်းလိုက်တယ်။

     မစ္စတာကု ဒီဖက်မှာ အကုန်သိမ်းဆည်းပြီးတာကို တွေ့တာနဲ့ တိုက်ပိုင်ရှင်က တစ်ထပ်လုံးငှားမယ့် လူကို ကပျာကယာ ဖုန်းလှမ်းဆက်တယ်။ မမျှော်လင့်ထားမိဘူး။ တစ်ဖက်ကလူ သူ့ကို ပြောလိုက်တာက ‘‘ ခင်ဗျား ဘာလို့ စောစော မဆက်ရတာတုန်းဗျ။ ဒီမနက်ပဲ ကျွန်တော်တို့ တစ်ခြားတစ်တိုက်နဲ့ စာချုပ်လိုက်ပြီ။ စရံငွေတောင် ပေးပြီးသွားပြီ။ ဒါပဲဗျာ ’’ တဲ့လေ။

သဘောတရား။     ။ ပြောင်းလဲမှုလုပ်တိုင်းမှာ တန်ဖိုးတရား တစ်ခုပေးဆပ်ဖို့ လိုကိုလိုအပ်တယ်။ ဘာမှ မပေးဆပ်ချင်ဘူးဆိုရင်တော့ နောက်ဆုံးမှာ (ပေးသင့်တာထက်ကို) ပိုပေးရလိမ့်မယ်။ ပေးဆပ်ရမယ့်တန်ဖိုးကို လျော့ချတဲ့ တစ်ခုတည်းသော နည်းလမ်းကတော့ ပေးလိုက်ရမှာနဲ့ ရလာမှာကို ကြိုတင်ပြီး နှိုင်းယှဉ်ချိန်ထိုးကြည့်ဖို့ပါပဲ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 代价 ဆိုတာပဲဖြစ်ပါတယ်။

မောင်မောင်

၁၀.၀၁.၂၀၁၀ ညနေ ၀၃း၄၆

ယုံကြည်မယ်ဆိုရင်

Written By

Babyface, Schwartz

Appears On

Year	Album	Artist
1998	#1s	Mariah Carey
2001	Greatest Hits	Mariah Carey

Many nights we pray With no proof anyone could hear

တစ်ယောက်ယောက်များ ကြားမိတယ်ဆိုတဲ့ အထောက်အထားတွေမရှိပေမယ့်... ညပေါင်းများစွာ ငါတို့ ဆုတောင်းခဲ့ကြတယ်

And our hearts a hopeful song

ပြီးတော့ ငါတို့ရဲ့ နှလုံးသားတွေက မျှော်လင့်ချက်ပြည့်ဝတဲ့သီချင်းတွေဖြစ်နေတယ်ဆိုတာ...

We barely understood

ငါတို့ကိုယ်တိုင်နားမလည်ခဲ့ပေမယ့်...

Now we are not afraid... Although we know there's much to fear

ကြောက်စရာတွေအများကြီးရှိနေတယ်ဆိုတာ ငါတို့သိနေပေမယ့်... အခုတော့ ငါတို့တွေ မကြောက်တော့ဘူး...

We were moving mountains long... Before we know we could

ငါတို့လုပ်နိုင်မယ်လို့မထင်ခဲ့မိတဲ့ ဟိုတုန်းကတည်းကတောင်... ငါတို့တွေက တောင်ကြီးတွေကိုတောင် ရွှေ့နိုင်ခဲ့ကြ သေးတာပဲ...

There can be miracles ... When you believe

မင်း..ယုံကြည်တယ်ဆိုရင်... တန်ခိုးစွမ်းအားတွေ ရလာနိုင်ပါတယ်...

Though hope is frail
မျှော်လင့်ချက်ဆိုတာ...အားအင်ချည့်နဲ့ပေမယ့်
It's hard to kill

ဖျောက်ဖျက်ရခက်ပါတယ်...

Who knows what miracles ... You can achieve

ဘယ်လိုတန်ခိုးစွမ်းအားတွေ မင်းရလာမယ်ဆိုတာ... ဘယ်သူသိနိုင်မလဲ...

When you believe

မင်းသာ ယုံကြည်မယ်ဆိုရင်...

Somehow you will

တစ်နည်းနည်းနဲ့တော့...

You will when you believe

မင်းယုံကြည်ရင် မင်းရလာမှာပါ...

In this time of fear... When prayer so often proves in vain...

အကြောက်တရားတွေရှိနေတတ်တဲ့ ဒီလိုအခါမျိုးမှာ...

ဝတ်ပြုဆုတောင်းတာတွေဟာလည်း... များသောအားဖြင့် ဘာမှဖြစ်မလာဘူး...

Hope seems like the summer birds

မျှော်လင့်ချက်ဟာ နွေရာသီငှက်ကလေးတွေလို...

Too swiftly flown away
အလျှင်အမြန် ပျံပြေးကုန်ကြတယ်...

And now I am standing here

ကဲ...အခု ငါဒီမှာရပ်နေနိုင်ပြီလေ...

My heart's so full I can't explain

ငါ့နှလုံးသားမှာ မရှင်းပြတတ်တဲ့အရာတွေနဲ့ပြည့်နှက်နေတယ်...

Seeking faith and speaking words
ယုံကြည်ရမယ့်အရာကို ရှာဖွေရင်း...
I never thought I'd say

ငါပြောမယ်လို့ ထင်မထားခဲမိတဲ့စကားတွေကို ပြောရင်းနဲ့ပေါ့...

There can be miracles
တန်ခိုးစွမ်းအားတွေ ရလာနိုင်ပါတယ်...
When you believe

မင်း..ယုံကြည်တယ်ဆိုရင်ပေါ့...

Though hope is frail
မျှော်လင့်ချက်ဆိုတာ...အားအင်ချည့်နဲ့ပေမယ့်
It's hard to kill

ဖျောက်ဖျက်ရခက်ပါတယ်...

Who knows what miracles
ဘယ်လိုတန်ခိုးစွမ်းအားတွေ...
You can achieve

မင်းရလာမယ်ဆိုတာ....ဘယ်သူသိနိုင်မလဲ...

When you believe

မင်းသာ ယုံကြည်မယ်ဆိုရင်...

Somehow you will

တစ်နည်းနည်းနဲ့တော့...

You will when you believe

မင်းယုံကြည်ရင် မင်းရလာမှာပါ...

They don't always happen when you ask

မင်းတောင်းလိုက်တဲ့အခါတိုင်းတော့ တန်ခိုးစွမ်းအားတွေက ဖြစ်မလာပါဘူး...

And it's easy to give in to your fear

ပြီးရင် မင်းရဲ့အကြောက်တရားတွေထဲမှာ အရှုံးပေးလိုက်ရတာက လွယ်တယ်လေ...

But when you're blinded by your pain
ဒါပေမယ့် နာကြင်မှုတွေကြောင့် မမြင်မကန်းဖြစ်လာပြီဆိုရင်...
Can't see your way safe through the rain

မိုးရေထဲမှာ လုံခြုံတဲ့လမ်းကို ရှာမတွေ့နိုင်ဘူးဆိုရင်...

Thought of a still resilient voice

 တည်ငြိမ်ပြီး အကြမ်းပတမ်းခံတဲ့(မိုးကြမ်းလေကြမ်းတွေကြားထဲမှာမှ တည်ငြိမ်နေတဲ့) အသံလေးကို ပြန်ကြားယောင်လိုက်စမ်းပါ...

Says love is very near

ချစ်ခြင်းမေတ္တာဟာ...(သိပ်မဝေးတော့ပါဘူး) အနီးအနားမှာရှိနေပါတယ် (လို့ပြောနေတဲ့အသံလေးကိုပေါ့... )

There can be miracles
တန်ခိုးစွမ်းအားတွေ ရလာနိုင်ပါတယ်...
When you believe

မင်း..ယုံကြည်တယ်ဆိုရင်ပေါ့...

Though hope is frail
မျှော်လင့်ချက်ဆိုတာ...အားအင်ချည့်နဲ့ပေမယ့်
It's hard to kill

ဖျောက်ဖျက်ရခက်ပါတယ်...

Who knows what miracles

ဘယ်လိုတန်ခိုးစွမ်းအားတွေ...

You can achieve

မင်းရလာမယ်ဆိုတာ....ဘယ်သူသိနိုင်မလဲ...

When you believe

မင်းသာ ယုံကြည်မယ်ဆိုရင်...

Somehow you will

တစ်နည်းနည်းနဲ့တော့...

You will when you believe

မင်းယုံကြည်ရင် မင်းရလာမှာပါ...

You will when you believe
မင်းယုံကြည်ရင် မင်းရလာမှာပါ... 
You will when you believe
မင်းယုံကြည်ရင် မင်းရလာမှာပါ... 
Just believe

ယုံကြည်လိုက်စမ်းပါ...

You will when you believe
မင်းယုံကြည်ရင် မင်းရလာမှာပါ... 

---------------------------------------------------------------------------------------------------------------
သီချင်းကို ဒီ Link ကနေလည်း တိုက်ရိုက် နားထောင်နိုင်ပါတယ်။http://www.youtube.com/watch?v=CxIN79n4jVo
စာသားကိုတော့ ဒီ Link က ရပါတယ်။ http://mariahcarey.com/music/?v=so&a=all&id=122


မောင်မောင်
၀၈-၀၁-၂၀၁၀ ည ၁၁း၁၇

ဆရာဝန်နဲ့လူနာ (၁)

မေးခွန်းမမေးတဲ့ဆရာဝန်...

ဆရာဝန်က သဘောထားဆိုးတဲ့ လူနာတစ်ယောက်ကို ရောဂါစစ်ဆေးပေးနေတယ်။

‘‘ဘယ်နား မအီမသာ ဖြစ်နေတာလဲ’’ သူက ခင်မင်ရင်းနှီးစွာနဲ့ မေးလိုက်တယ်။

လူနာက အသံကျယ်ကျယ်နဲ့ ပိတ်ဟောက်လိုက်တယ်၊ ‘‘ဒီမှာ ဒေါက်တာ၊ ဆေးစစ်ခ ပိုက်ဆံယူထားပြီးမှတော့ ဘာဖြစ်တယ်ဆိုတာ ကိုယ့်ဖာသာရှာပေါ့’’။

‘‘ဆရာ သဘောပေါက်ပြီ’’ ဆရာဝန်က ခဏလောက်စဉ်းစားပြီးမှ ပြောလိုက်တယ်။ ‘‘ ဆရာ့ကို တစ်နာရီလောက်အချိန်ပေးပါ။ သူငယ်ချင်းတစ်ယောက်ကို သွားရှာမယ်။ သူက တိရစ္ဆာန်ကုဆရာဝန်လေ။ သူမှပဲ လူနာကို ဘာမေးခွန်းမှ မမေးပဲ ရောဂါရှာပေးနိုင်တာ ကိုယ်သိထားလို့ပါ။’’

အသက်ကယ်ပညာရှင်...

မြို့ကနေ အသက်ကယ် ပညာရှင် တစ်ယောက်ရောက်လာတယ်။ ပြောနေကြတာကတော့ လူသေကို ပြန်ရှင်အောင်လုပ်တာဟာ သူ့ရဲ့ တစ်ဖက်ကမ်းခတ် အတတ်ပညာပေါ့။ ဒေသခံဆေးရုံလေးက ဆရာဝန်အားလုံးက ကြောက်ရွံ့ရိုသေစွာနဲ့ တဖွဲဖွဲရောက်လာပြီး ပညာပိုင်းဆိုင်ရာတွေ မေးမြန်းကြပါတယ်။

ပထမ ဆရာဝန်က မေးတယ် ‘‘ ပရော်ဖက်ဆာကြီးခင်ဗျား၊ တကယ်လို့များ အခင်းဖြစ်ပွားရာနေရာမှာပဲ လူနာက အသက်မရှူတော့ရင်၊ နှလုံးမခုန်တော့ရင် ဘယ်လိုများ လုပ်သင့်ပါသလဲ။’’

ပညာရှင်က ဖြေတယ် ‘‘ ပါးစပ်ချင်းတေ့ပြီးလေကူရှူပေးမယ်၊ နှလုံးကို အပြင်ကနေ ဖိပေးမယ်’’။

လက်အောက်ခံ ဆရာဝန်တွေက တွေးလိုက်တယ် ‘‘ ဒါများ လူတိုင်းတတ်တာပဲ။ ဘယ်သူကများ ဒီလောက် ဥာဏ်နည်းတဲ့ မေးခွန်းကို မေးသလဲမသိဘူး။’’

ဒုတိယ ဆရာဝန်က မေးတယ် ‘‘ ပရော်ဖက်ဆာကြီးခင်ဗျား၊ တကယ်လို့ လူနာကို ဆေးရုံပို့လိုက်တယ်။ နှလုံး နဲ့ အသက်ရှူတာတွေ ရပ်နေရင် ဘယ်လိုများလုပ်သင့်ပါသလဲ။’’

ပညာရှင်ကပြန်ဖြေတယ် ‘‘ နှလုံးနှိုးစက်သုံးမယ်၊ လေရှူစက် သုံးမယ်။ ’’

ဆရာဝန်တွေ က တွေးကြတယ် ‘‘နည်းလမ်းဟောင်းကြီးများ။ ရုပ်ရှင်တွေထဲမှာလဲ ပြနေတာပဲဟာ။’’

တတိယဆရာဝန်က မေးတယ် ‘‘ နှလုံးနှိုးစက်နဲ့လဲ မထူးဘူးဆိုရင်ရေား။ ’’

ပညာရှင်ကပြန်ဖြေတယ် ‘‘ ဒါဆို နှလုံးထဲကို တိုက်ရိုက်ဆေးသွင်းပေးရမယ်။ ’’

ဒါလည်း သိပ်တော့ မထူးဆန်းလှပါဘူး။ ဆရာဝန်တွေက ပညာရှင်ကြီး အခက်တွေ့သွားမယ့်မေးခွန်းမျိုး မေးမယ့်လူကို မျှော်လင့်နေကြတာပေါ့။

စတုတ္ထဆရာဝန်က မေးလိုက်တယ် ‘‘ လူနာက နှလုံးခုန်ရပ်သွားတာ ၄ နာရီရှိသွားပြီ၊ နည်းလမ်းမျိုးစုံနဲ့လည်း မရတော့ဘူးဆိုရင် ဘယ်လိုလုပ်မလဲ။’’

ပညာရှင်ဆိုတဲ့အတိုင်း တကယ့်ကို ပညာရှင်ပါပဲ။ သူက အသာအယာ ပြုံးပြီးပြောလိုက်တယ် ‘‘ဒါဆိုရင် လူနာရှင်တွေ ရှိနေသေးလားဆိုတာ မြန်မြန်သွားကြည့်၊ သူတို့ကို ထွက်မပြေးစေနဲ့’’ ဟူသတည်း။

အကျယ်ကြီးမအော်နဲ့လေ...

မကြာသေးခင်က အားချန်ဟာ သူနဲ့ရင်းနှီးတဲ့ ပုဂ္ဂလိကသွားဆေးခန်းမှာ သွား သွားပြဖူးပါတယ်။ ဖြစ်ချင်တော့ နဂိုက ဆရာဝန်ကြီးက ကိစ္စရှိလို့ အပြင်သွားနေတာနဲ့ပဲ ဆရာဝန်လေးတစ်ယောက်နဲ့ ပြောင်းပြီး ပြရတော့တာပေါ့။ အားချန်မှာ သွားတစ်ချောင်းက ပိုးစားနေတာ။ ဆရာဝန်လေးလဲ အင်အား နှစ်ချက်သုံးချက်လောက် စိုက်ထုတ်ပြီး ဖြေရှင်းပေးလိုက်တာပေါ့။ ပြီးတော့မှ ကျေနပ်ပျော်ရွှင်စွာနဲ့ ‘‘ပြီးပြီ’’ လို့ ပြောလိုက်တယ်။

အားချန်။     ။‘‘ဟား...ဒေါက်တာက ဒါမျိုးလဲ စွမ်းပါလား၊ နည်းနည်းလေးမှကို မနာတော့ဘူး။......ဒါပေမယ့်

                       တမျိုးကြီးဖြစ်နေသလိုတော့ ခံစားရတယ်။’’

အမှန်မှာတော့ ဆရာဝန်က ပိုးစားနေတဲ့ သွားအပြင် ဘေးနားက ကောင်းနေတဲ့ သွားတစ်ချောင်းကိုပါ နှုတ်မိလိုက်တာပါ။

အားချန်။     ။‘‘ဘယ်လိုလုပ်လိုက်တာလဲဗျ၊ ကျွန်တော် တရားစွဲလိုက်......’’

ဆရာဝန်လေးက လေသံကိုတိုးအောင်လျော့ပြီး ‘‘အကျယ်ကြီးမအော်နဲ့လေဗျာ၊ တော်ကြာ သူများတွေ(၀န်ထမ်းတွေ)ကြားသွားရင် ခင်ဗျားကို ဟိုသွားတစ်ချောင်းဖိုးပါ စာရင်းထဲ ထည့်တောင်းနေမယ်နော်။’’

ကျေးဇူးပါဒေါက်တာ...

ဆရာဝန်။     ။ ‘‘ကျေးဇူးပြုပြီး ပါးစပ်ဟပါ။’’

လူနာ     ။     ။ ‘‘ကျေးဇူးတင်ပါတယ် ဒေါက်တာ။’’

ဆရာဝန်။     ။ ‘‘ဘာဖြစ်လို့ကျွန်တော့်ကို ကျေးဇူးတင်ရတာလဲ။’’

လူနာ    ။     ။ ‘‘ကျွန်မယောက်ျားက ကျွန်မကို ပါးစပ်ပိတ်ထားစမ်းလို့ အမြဲ ပြောလို့ပါ။’’

-------------------------------------------------------------------------------------------------------------

ဒီဟာသဘာသာပြန်တွေရဲ့ မူရင်းကတော့ www.haha365.com ထဲကပါ။ ဟာသတွေရဲ့ ခေါင်းစဉ်တွေက အစီအစဉ်အလိုက် ၁.不提问题, ၂.急救专家, ၃.不要大声叫嚷 နဲ့ ၄.感谢大夫 ဆိုတာတွေပဲဖြစ်ပါတယ်။

တိုက်ရိုက်လင့်ခ်တွေကိုလည်း အောက်မှာ အစဉ်လိုက် ဖော်ပြပေးထားပါတယ်။

http://www.haha365.com/yl_joke/20091123202214.htm

http://www.haha365.com/yl_joke/20091123202442.htm 

http://www.haha365.com/yl_joke/20091123202020.htm

http://www.haha365.com/yl_joke/20091122204625.htm

ပျော်ရွှင်ကြပါစေ

မောင်မောင်

၀၇-၀၁-၂၀၁၀ ည ၀၈း၅၄