နံပါတ်-၄ ပေမယ့်...

     အကြိတ်အနယ်ယှဉ်ပြိုင်ရတဲ့ တာဝေးအပြေးပြိုင်ပွဲတစ်ခုမှာပါ။ ပြိုင်ပွဲဝင်တွေကတော့ အယောက် ၂၀-၃၀ လောက်ရှိတယ်။ အားလုံးကတော့ သက်ဆိုင်ရာအုပ်စုပွဲတွေကနေ ရွေးချယ်ခြင်းခံထားတဲ့ လက်ရွေးစင်တွေပါ။

     နောက်ဆုံးဆုရမယ့်လူက ၃-ယောက်ထဲဆိုတော့ ပြိုင်ပွဲက တော်တော်လေးကို အကြိတ်အနယ်ပါပဲ။

     အဲဒီမှာ လက်ရွေးစင်တစ်ယောက်က ခြေတစ်လှမ်းစာလောက်လေး နောက်ကျသွားလို့ နံပါတ်-၄ နေရာကိုပဲ ရသွားတယ်။

     ဒါပေမယ့် သူခံရတဲ့ ဝေဖန်မှုတွေကတော့ သူ့ထက်ညံ့တဲ့ လက်ရွေးစင်တွေထက် ပိုတောင်ဆိုးဝါး ပါတယ်။

     ‘‘တကယ့်ကို အလဟသတ်ပဲ။ ဒီလိုပြေးပုံနဲ့များကွာ၊ နောက်က ပြန်ရေရင် ၁-ရတဲ့သူနဲ့ ဘာများထူးလို့တုန်း။’’  ဒါကတော့ လူအများရဲ့ အမြင်ပဲ ဖြစ်ပါတယ်။

     ဒီလက်ရွေးစင်ကတော့ ဘာမှမဖြစ်သလိုနဲ့ ပြောပါတယ်။ ‘‘ဆုမရပေမယ့် ဘာအဆင့်မှမချိတ်တဲ့ လက်ရွေးစင်အားလုံးထဲမှာတော့ ကျွန်တော်က နံပါတ်-၁ ပဲဗျ။’’

     လူတွေရဲ့တာဝန်ကင်းမဲ့တဲ့ လှောင်ပြောင်သံတွေကို ကျွန်တော် စောဒက မတက်လိုပါဘူး။ ဘာဖြစ်လို့လဲဆိုတော့ တစ်ဖက်သားကို အထင်အမြင်သေးတတ်တဲ့ လူတွေရဲ့ တစ်ဖက်စောင်းနင်း အမြင်တွေဟာ ခွန်းတုံ့ပြန်ဖို့ မတန်လို့ပါ။ ဒါပေမယ့် အေးအေးဆေးဆေး ရယ်မောပြောဆိုနေတဲ့ ဒီလက်ရွေးစင်ကိုတော့ ကျွန်တော် စိတ်ထဲက လှိုက်လှိုက်လှဲလှဲ လေးစားမိပါတယ်။ သူ့ရဲ့ ဟာသနှောတဲ့ အကောင်းမြင် စိတ်ထားဟာ အဆင့်ချိတ်တာ၊ ဆုရတာတွေထက် အဆပေါင်းများစွာ တန်ဖိုးရှိလှပါတယ်။

     ပြိုင်ပွဲထဲမှာလည်း သူဟာ ပေါ့ပေါ့လျော့လျော့မနေခဲ့သလို ပြိုင်ပွဲပြင်ပမှာလည်း သူဟာ ယှဉ်ပြိုင်စွမ်းရည် ပိုလို့တောင်ပြည့်စုံပါနေသေးတယ်။ ရှူံးလည်းရှူံးရဲသလို နိုင်လည်းနိုင်ရဲပါတယ်။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Think Differently - Realize The Possibilities လို့ နာမည်ပေးထားတဲ့ 让思维转个弯（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 可敬的第四名 ဆိုတာပဲဖြစ်ပါတယ်။

ပျော်ရွှင်ကြပါစေ

မောင်မောင်

၂၁.၁၂.၂၀၁၀ နေ့လည် ၄း၄၁ နာရီ

တရုတ်စာအတွက် OCR အဘိဓါန် iPhone မှာသုံးနိုင်...

မနေ့က Yahoo သတင်းကနေ Word Lens အကြောင်းရေးဖြစ်သွားတယ်။ ဒီနေ့လည်း တရုတ်စာလေ့လာနေတဲ့ သူငယ်ချင်းများအတွက် OCR နည်းပညာသုံးထားတဲ့ အဘိဓါန်လေးအကြောင်းကို အမှတ်မထင် သိလိုက်ရလို့ ဖြန့်ဝေလိုက်ပါတယ်။

ဆော့ဝဲနာမည်ကိုတော့ Pleco လို့ပေးထားပါတယ်။ New York ကကုမ္ပဏီလေးတစ်ခုက တရုတ်စာလေ့လာဖို့အတွက် အကောင်းဆုံးပစ္စည်းကို ထွင်ဖို့ကိုပဲအာရုံထားပြီး လုပ်ခဲ့တာပါ။ တရုတ်ဝေါဟာရတွေကို မတူညီတဲ့ အဘိဓါန် ၈-မျိုးလောက်ကနေ ရှာလို့ရအောင်လုပ်ပေးထားပါတယ်။ iPhone, iPod Touch, iPad, Windows Mobile နဲ့ Palm OS တွေအားလုံးမှာ သုံးလို့ရနေပါပြီ။ ဒီ ပစ္စည်းတွေရဲ့ screen ပေါ်မှာလက်နဲ့ရေးတာပဲဖြစ်ဖြစ်၊ Pinyin နဲ့ရှာရင်ပဲဖြစ်ဖြစ် ရပါတယ်။ အသံလည်းထွက်ပေးနိုင်ပြီး စုတ်ချက်အစဉ်လိုက်ရေးတဲ့ ဇယားတွေလည်းပါပါတယ်။ e-book တွေကို ဖတ်လို့ရအောင် document reader ကိုလည်း ထည့်သွင်းပေးထားပါတယ်။ ပြီးတော့ မိမိဖာသာ ပြုပြင်ပြောင်းလဲလို့ရတဲ့ flashcard စနစ်တွေကိုလည်း ထည့်သွင်းပေးထားတဲ့ အဆင့်မြင့်ဆုံးတီထွင်မှုတစ်ခုဖြစ်ပါတယ်။ ဒါတွေအားလုံးကို phone စတဲ့ ပစ္စည်းကိရိယာလေးတစ်ခုထဲမှာ ထည့်သွင်းပေးထားတဲ့အတွက် သွားလေရာအိတ်ထဲဆောင်နိုင်ပါတယ်။

ဒါကတော့ Pleco ရဲ့ မူရင်း web site ပါ။ http://www.pleco.com/

ဒါကတော့ ဒီဆော့ဖ်ဝဲအသုံးပြုပုံကို Youtube
မှာကြည့်ဖို့ပါ။



တခြားသော တရုတ်စာနဲ့ပတ်သက်တဲ့ phone ဆော့ဖ်ဝဲတွေကို လည်း လေ့လာနိုင်အောင် Link တွေပေးလိုက်ပါတယ်။

Lost In China
Document Scanner

ပျော်ရွှင်ကြပါစေ...
မောင်မောင်
၂၁-၁၂-၂၀၁၀ နေ့လည် ၂း၅၅ နာရီ

iphone က ခရီးသွား ဘာသာပြန်တဲ့...

ဒီ ပို့စ်ကတော့iphone ကနေ အင်တာနက် မချိတ်ပဲ တိုက်ရိုက် ဘာသာပြန်နိုင်တဲ့ Word Lens Application လေးအကြောင်းပါ။ Yahoo သတင်းမှာ ပါလာတော့ စိတ်ဝင်စားတာနဲ့ ဖြန့်ဝေပေးလိုက်တာပါ။

နိုင်ငံခြားတိုင်းပြည်မှာ ခရီးသွားရင်း စားသောက်ဆိုင်က ဟင်းစာရင်းတွေ၊ လမ်းပြ အမှတ်အသားတွေကို ဖတ်ဖို့ အခက်အခဲဖြစ်နေပါသလား? Word Lens ဆိုတဲ့ (AR - Augmented Reality)*  (ရုပ်ပုံစာသားများကို လက်တွေ့လောကတွင် အသုံးချနိုင်အောင် ဒီဂျစ်တယ်ပစ္စည်းများဖြင့် ပြုပြင်ချဲ့ထွင်ထားသော )* ဘာသာပြန် အသုံးချဆော့ဖ်ဝဲ လေးက သင့်ကို ကယ်ဆယ်နိုင်ပါလိမ့်မယ်။

ဒီအသုံးချ ဆော့ဖ်ဝဲလေးကိုသာ ဖွင့်လိုက်ပါ။ ပြီးရင် ကိုယ်ဘာသာပြန်ချင်တဲ့ စာသားကို iphone ကင်မရာနဲ့ ချိန်လိုက်တာနဲ့ Word Lens က မျက်စိတမှိတ်အတွင်းမှာပဲ မျက်လှည့်ပြလိုက်သလို ဘာသာပြန်ပေးသွားပါလိမ့်မယ်။ ပုံထဲမှာ ရှိတဲ့စာသားကလွဲရင် အားလုံးက နဂိုအတိုင်းကျန်နေမှာပါ။ ဘာသာပြန်ကိုတော့ အဝေးကနေလုပ်ပေးသွားမှာပါ။ ဒါပေမယ့် အင်တာနက်တို့ ဖုန်းချိတ်ဆက်မှုတို့ လုပ်စရာမလိုပါဘူး။

ဒီအသုံးချ ဆော့ဖ်ဝဲလေး အလုပ်လုပ်သွားပုံကတော့ ဒီလိုပါ။ (OCR - Optical Character Recognition)* (စာအုပ်၊ ရုပ်ပုံမှ စာသားများကို ဒီဂျစ်တယ်အဖြစ် တိုက်ရိုက်ကူးယူဖတ်မှတ်ပြီး ပြုပြင်ပြောင်းလဲနိုင်သော)* ဆိုတဲ့ နည်းပညာကို အသုံးပြုပြီး iphone ကင်မရာကနေ စာသားတွေကို ဖတ်ပါတယ်။ ပြီးတော့ ချက်ချင်း ဘာသာပြန်တယ်။ ပြီးရင် နိုင်ငံခြားဘာသာစာလုံးတွေကို အဓိပ္ပါယ်တူ အင်္ဂလိပ်စာသားနဲ့ အစားထိုးပေးလိုက်ပါတယ်။ အင်္ဂလိပ်သာသာကနေ နိုင်ငံခြားဘာသာစကားကိုလည်း ဒီလိုပဲ အပြန်အလှန် အစားထိုးပေးပါတယ်။

 

စိတ်တွေကို တုန်လှုပ်သွားစေတဲ့ ဒီဘာသာပြန်နည်းပညာကို Quest Visual ကို တည်ထောင်ခဲ့တဲ့ အိုတာဗီယိုဂွတ် နဲ့ ဂျွန်ဒီဝီးဇ် (Otavio Good and John DeWeese) တို့က ၂နှစ်ခွဲကြာ အချိန်ယူပြီး ဖေါ်ထုတ်ခဲ့တာပါ။

 

ဒီအသုံးချဆော့ဖ်ဝဲလေးက လောလောဆယ်မှာတော့ စပိန်ဘာသာနဲ့ အင်္ဂလိပ်ဘာသာကိုသာ အပြန်အလှန် ပံ့ပိုးပေးနိုင်ပါသေးတယ်။ နောက်ထပ်သာသာစကားတွေနဲ့ မျက်မမြင်တွေအတွက် အသုံးချဆော့ဖ်ဝဲတွေကိုတော့ ထည့်သွင်းဖို့လုပ်နေဆဲပဲဖြစ်ပါတယ်။

‘‘နောက်ထည့်မယ့်သာသာစကားကို ပြင်သစ် ဒါမှမဟုတ် အီတလီ လုပ်မယ်ဆိုလည်း ကျွန်တော်ကတော့ မအံ့ဩပါဘူး။ ဘာလို့လဲဆိုတော့ ကျွန်တော့အမေက ပေါ်တူဂီစကားပြောတဲ့ ဘရာဇီးနိုင်ငံသူ  (Brazilian) ဖြစ်နေလို့ပါပဲ ’’ လို့ ဂွတ်က ပြောဆိုလိုက်ပါတယ်။

Word Lens ကို Apple Store မှာတော့ အလကားရနိုင်ပေမယ့် စာသားတွေကို Screen ကနေ ပြန်ဖျက်သွားတာကို တွေ့ရပါလိမ့်မယ်။ အပြည့်အ၀သုံးလို့ရအောင် ဖွင့်ဖို့ကိုတော့ လောလောဆယ်ရနိုင်တဲ့ ဘာသာစကားတစ်ခုချင်းစီအတွက် အမေရိကန် ဒေါ်လာ ၄.၉၉ စီပေးပြီ ၀ယ်မှရပါမယ်တဲ့ဗျား....

ဒါကတော့ Youtube မှာတင်ထားတဲ့ ဒီဆော့ဖ်ဝဲအသုံးပြုပုံနမူနာလေးပါ။

ဒါကတော့ yahoo ကသတင်း Link ပါ။ 

http://sg.yfittopostblog.com/2010/12/19/new-translation-technology-will-blow-your-mind/

ပျော်ရွှင်ကြပါစေ...

မောင်မောင်

၂၀-၁၂-၂၀၁၀ နေ့လည် ၂း၁၄ နာရီ

အကြံပိုင်တဲ့အဘိုးအို...

     မစ္စတာ ဘေဒိုဟာ ပင်စင်ယူလိုက်ပြီးနောက် သူ့ရဲ့အရွယ်အိုဘ၀ကို အေးအေးဆေးဆေး နေဖို့နဲ့ မှတ်မိရာရာတွေကို မှတ်တမ်းပြန်ရေးဖို့အတွက် ဘာလင်မြို့ပြင်နဲ့နီးတဲ့နေရာမှာ အိမ်တလုံးဝယ်လိုက်ပါတယ်။ လုံးချင်းအိမ်ပုံစံဖြစ်ပြီး စတိုင်လည်းကျပါတယ်။ အိမ်ရဲ့ဘယ်ဘက်ဘေးမှာ ပြတင်းတစ်ခုဖေါက်ထားပြီး  အဲဒီရှေ့မှာတော့ ရေမြောင်းတစ်ခုရှိပါတယ်။ နှစ်များစွာ အမြဲရေစီးဆင်းနေပြီး အောက်ခြေအထိ မြင်ရလောက်အောင် ရေကကြည်လင်လှပါတယ်။ မစ္စတာဘေဒိုက ဒါကို အရမ်း သဘောကျပါတယ်။

     စပြီးနေကာစလောက်မှာတော့ အရာအားလုံးက အဆင်ပြေပါတယ်။ တိတ်ဆိတ်ငြိမ်သက်တဲ့ ပတ်ဝန်းကျင်ဟာ အဘိုးကြီးရဲ့ နေ့စဉ်ဘ၀နဲ့ စာရေးဖို့အတွက် အလွန်ကောင်းပါတယ်။ ဒါပေမယ့် ဘယ်လောက်မှတောင် မနေလိုက်ရသေးဘူး အသက်ဆယ်နှစ်ကျော် ကလေးတစ်ချို့ ကျောင်းလွှတ်ပြီဆိုတာနဲ့ ဒီနေရာမှာလာပြီး ဆော့ကြပါတယ်။ သူတို့ကအသံဗြဲနဲ့ ရေထဲမှာ ရေပက်တမ်းဆော့ကြတယ်။ အချင်းချင်းလည်း ရွှံ့တွေနဲ့ပစ်ကြဆိုတော့ အဖိုးကြီးအိမ်က ပြတင်းမှန်ပေါ်ကိုတောင် ရွှံ့တွေနဲ့ပေါက်မိကုန်တယ်။  ကလေးတွေက နေ့တိုင်းနီးပါးလိုလို ရေလာဆော့ကြတယ်။ သူတို့က အရမ်းပျော်သလောက် အဘိုးကြီးခမြာမှာတော့ စိတ်ညစ်ပြီး နေမထိထိုင်မသာ ဖြစ်နေတော့တာပေါ့။

     မစ္စတာဘေဒိုဟာ ဒီလိုနှိပ်စက်ကလူပြုမှုကို မခံနိုင်တဲ့အဆုံး တနေ့မှာတော့ ဒီတိုင်းထိုင်မနေနိုင်တော့ဘဲ ခြံပြင်ထွက်ပြီး ကလေးတွေနဲ့ သွားဆွေးနွေးပါတယ်။ ကလေးတွေကိုတော့ ဒီလိုပြောပါတယ်။ ‘‘မင်းတို့ဆော့တာတော်တော်ပျော်ကြပုံပဲ။ ငါလည်း မင်းတို့ ရေထဲမှာဆော့တာကို  ကြည့်ရတာ သဘောကျတယ်။ မင်းတို့ နေ့တိုင်းလာကစားနိုင်မယ်ဆိုရင် တစ်ယောက်ကို တစ်နေ့ တစ်ကျပ်စီပေးမယ်။’’ ကလေးတွေလည်း အရမ်းပျော်သွားကြတာပေါ့။ ပိုလို့တောင် စိတ်ပါလက်ပါနဲ့ ရေလာကစားကြပါတယ်။ ပြီးတော့လည်း တစ်ယောက်ကို တစ်ကျပ်စီရကြပါသေးတယ်။

     နှစ်ရက်လောက်လည်းကြာရော ကလေးတွေရေကစားပြီးတဲ့အချိန်မှာ အဘိုးကြီးက ထွက်လာပြီးပြောတယ်။ ‘‘ငွေကြေးဖောင်းပွမှုဖြစ်နေတဲ့အတွက် ငါ့ရဲ့ ပင်စင်ဝင်ငွေက တစ်ဝက်တောင် လျော့သွားတယ်ကွာ။ ဒါကြောင့် မင်းတို့ကို တစ်ရက် ငါးမူးစီပဲပေးနိုင်တော့မယ်။ ’’ ကလေးတွေက သိပ်မပျော်ကြပေမယ့် လက်တော့ လက်ခံလိုက်ကြပါတယ်။ ဒါပေမယ့် သူတို့ရဲ့စိတ်ပါဝင်စားမှုက သိပ်မပြင်းထန်တော့ပါဘူး။

     နောက်ထပ်တစ်ပတ်ကျော်သွားတော့ ကလေးတွေရေကစားပြီးတဲ့အချိန်မှာ အဘိုးကြီးဘေဒိုဟာ ဆံပင်စုတ်ဖွားနဲ့ထွက်လာပြီး ကလေးတွေကို စိတ်ညစ်နေတဲ့ပုံစံနဲ့ပြောပါတယ်။ ‘‘စိတ်တော့မကောင်းပါဘူးကွာ။ အခုတလော (၀င်ငွေထွက်ငွေ)မနည်းကာမိအောင်နေရတယ်ကွာ။ ဒါကြောင့် တစ်ယောက်ကို တစ်ရက် ၁၀ပြားစီပဲ ပေးနိုင်တော့မယ်။’’

     အဲဒီမှာ ကလေးတစ်ယောက်က စိတ်ဆိုးပြီးတော့ ‘‘၁၀ပြား၊ ဟုတ်လား? နည်းလွန်းတယ်။ ကျွန်တော်တို့ ဆက်မလုပ်နိုင်တော့ဘူး။ သွားကြမယ်ဟေ့။ အရူးအဘိုးကြီးပါကွာ...’’ လို့ပြောပြီး စကားဆုံးတာနဲ့ ထွက်သွားကြပါတော့တယ်။ အဲဒီနောက်ပိုင်းမှာ ကလေးတွေ တစ်ခါမှပြန်မလာကြတော့ပါဘူး။

     မစ္စတာဘေဒိုကတော့ ပြုံးပြီး ‘‘ငါ့ကိုများ ရူးတယ်တဲ့။ ဟား..ဟား...။ တယ်လည်းတတ်နိုင်တဲ့  ကောင်လေးတွေပဲ...’’

     မစ္စတာဘေဒိုဟာ သူ့ရဲ့ရည်ရွယ်ရာကို သွယ်ဝိုက်တဲ့နည်းနဲ့ အရောက်သွားခဲ့ပါတယ်။ တကယ်လို့များ ဒဲ့ဒိုးပြောလိုက်ရင် မခြေမငံဖြစ်သွားနိုင်ပါတယ်။  ကလေးတွေ နားထောင်နိုင်ပါ့မလားပေါ့?  ဆက်ဆံရတာ ပိုခက်ချင်လည်း ခက်သွားနိုင်ပါတယ်။ ဒါကြောင့် သူက  ကလေးတွေရဲ့ ဆန့်ကျင်ဘက်တုံ့ပြန်တတ်တဲ့ စိတ်သဘောကို ပညာပါပါနဲ့အသုံးချလိုက်ပြီး အေးချမ်းတိတ်ဆိတ်တဲ့ နေ့ရက်တွေကို ပြန်လည်ရရှိသွားခဲ့ပါတော့တယ်။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Think Differently - Realize The Possibilities လို့ နာမည်ပေးထားတဲ့ 让思维转个弯（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 疯老头的计谋 ဆိုတာပဲဖြစ်ပါတယ်။

ပျော်ရွှင်ကြပါစေ

မောင်မောင်

၀၄.၁၁.၂၀၁၀ ည ၁၀း၀၄ နာရီ

မမှေးမှိန်နိုင်သေးသော...နေရာ

     သာသာပြန်တာ မလုပ်ဘဲနဲ့ ဘာသာပြန်အကြောင်းလေး ကြုံလို့ ပြောချင်ပါတယ်။ ၂၀၀၃-၂၀၀၄ နှစ်ပိုင်းတွေလောက်ကပေါ့။ ဘာသာစကား စလေ့လာခါစက ဘာသာပြန်ကို software တွေကနေတစ်ဆင့်ဘာသာပြန်နိုင်ရင် သိပ်ကောင်းမှာပဲလို့ တွေးခဲ့မိတယ်။ ဘာကြောင့်လဲဆိုတော့ ဘာသာပြန်ဖို့ ကြိုးစားတိုင်း  ခေါင်းအရမ်းကိုက်တယ်။ Dictionary လှန်ရ၊ သင့်တော်တဲ့ ဝေါဟာရ ရှာရ၊ ဟိုလူ့မေးဒီလူ့မေးလုပ်ရ၊ ဆရာတွေဆီပြေးရနဲ့ အလုပ်အရမ်းရှုပ်ရတယ်။ (စာဖတ် စာမှတ် ပျင်းတာလည်းပါပါတယ်။) နောက်ဆုံး မသိလို့ရောချရတာမျိုးလည်း မလုပ်ချင်တော့ ဆက်ပြီး ဘာသာမပြန်ဖြစ်တော့ဘူး။ စမ်းကြည့်လိုက်။ ရပ်သွားလိုက်ပေါ့။

    ဘာသာပြန်ကတော့ တရုတ်နဲ့ အင်္ဂလိပ်ကနေ မြန်မာကို ဘာသာပြန်တာပါ။ ဒါပေမယ့် Chinese-English နဲ့ English-Chinese Dictionary စာအုပ်နဲ့software နှစ်မျိုးလုံးကို ကိုးကားရပါတယ်။  ဒီနှစ်ခုသိမှ မြန်မာလို သာသာပြန်လို့ အဆင်ချောပါတယ်။ အဲဒီတုန်းက တရုတ်စာရိုက်တဲ့ Software တွေဖြစ်တဲ့ Twin-Bridge တို့၊ C-Star တို့ ဆိုတာတွေနဲ့ Word-To-Word Translation လောက်ကိုပဲ စမ်းကြည့်ရင်း နောင်ဆိုရင် ၀ါကျတစ်ကြောင်းချင်း၊ စာတစ်ပိုဒ်ချင်း ဘာသာပြန်လာနိုင်တဲ့ အဆင့်အထိ တွေးကြည့်ခဲ့မိဖူးတယ်။ ဒါဆိုရင် တော်တော်သက်သာမယ်ပေါ့။ တွေးပျော်ခဲ့ပါတယ်။

     အခု  ၂၀၁၀ ထဲမှာ။ ဒီ blog လေးမှာ ဟိုရေးဒီရေးလုပ်ကြည့်ရင်းနဲ့ Google ရဲ့ Web Translation ကိုတော်တော် သဘောကျမိတယ်။ ဒါပေမယ့် သူကတော့ နှစ်တွေအများကြီးနဲ့ ဘာသာပြန်သူတွေရဲ့ လိုအပ်ချက်ကို ဖြည့်ဆည်းပေးနိုင်တာရယ်၊ နေ့စဉ်အသုံးပြုသူ လူဦးရေကလည်း များလွန်းတာရယ်ကြောင့် သူ့ရဲ့ Translation Log တွေကနေတစ်ဆင့် အမြဲ Update လုပ်နိုင်ခဲ့ပုံရပါတယ်။ Disambiguation ကောင်းကောင်းလုပ်လာနိုင်ပါပြီ။ နောင်မှာ Google ဟာ ဘာသာစကားတော်တော်များများကို ပြည့်စုံလုနီးပါး ဘာသာပြန်ပေးနိုင်မယ်လို့ မျှော်လင့်ရပါတယ်။

     ဒါပေမယ့်ပေါ့လေ၊ မြန်မာစာတော့ Google မှာ မပါသေးဘူးလို့ထင်ပါတယ်။ မြန်မာတွေလည်း ကိုယ့်နည်းကိုယ့်ဟန်နဲ့ ကြိုးစားနေကြတာ တွေ့နေရပါတယ်။ မြန်မာဘော့တော့ (mmbottalk)  ဆိုပြီး Gtalk မှာ Dictionary အသေးစားပုံစံနဲ့တောင် ပေါ်လာပါသေးတယ်။ စာရိုက်တုန်း၊ စကားပြောတုန်း  ဒီ  Gtalk Windows ကနေ အလွယ်ကိုးကားနိုင်အောင် စီစဉ်ပေးထားတာပါ။

     ဒီ ၄-၅-၆ နှစ်အတွင်းမှာ ဘာသာပြန်စွမ်းရည် တိုးတက်အောင်လုပ်ဖို့ အဓိကကျတဲ့ စာများများဖတ်ခြင်း၊ ဘာသာများများပြန်ခြင်း၊ ဝေါဟာရလေ့လာခြင်း၊ ရုပ်ရှင်များများကြည့်ခြင်း (လုံးဝသက်ဆိုင်ကြောင်းပါ။) စတာတွေ များများ မလုပ်နိုင်ခဲ့တဲ့ ကျွန်တော့်အတွက်ကတော့ ဘာသာပြန်စွမ်းရည်တိုးတက်မလာပါဘူး။ ဒီတော့ မြန်မာစာဘာသာပြန်နိုင်တဲ့ Software ကောင်းကောင်းတစ်ခုပေါ်လာရင်တော့ သက်သာပြီလို့ တွေးနေဆဲအခိုက်မှာ မြန်မာ့ဆက်သွယ်ရေးက ဘာသာပြန်ဆိုဒ် တစ်ခုတင်တယ် ဆိုလို့ စမ်းကြည့်ပါတယ်။ မြန်မာလို ဘာသာပြန်လို့ရပါတယ်။ ဒီ Siteရဲ့Linkပါ။ http://www.myanmarnlp.org.mm/ ။ Myanmar3 Font  ကို သုံးမှရပါမယ်။ မပြည့်စုံသေးပါဘူး။ နောက်တစ်ခါ ဒီနေ့ပဲ သိပ္ပံနှင့်နည်းပညာဌာနအောက်က ရန်ကုန်ကွန်ပျူတာ တက္ကသိုလ်ရဲ့ Myanmar NLP Research Team ကနေ Translation Web Site တစ်ခုတင်လိုက်ပြီဆိုလို့ တော်တော်ပျော်သွားတယ်။  သွားစမ်းကြည့်ပါတယ်။ မတူညီမှုလေးတွေနဲ့ မပြည့်စုံမှုလေးတွေတော့ ရှိနေပါတယ်။ တိုက်ရိုက် ဘာသာပြန်နိုင်ပြီး (Zawgyi Font) ဇော်ဂျီစာလုံးကို အသုံးပြုထားတော့  လတ်တလောမှာ အသုံးပြုသူပိုနှစ်သက်မယ့် သဘောရှိပါတယ်။ ဒါကတော့အဲဒီSiteရဲ့Linkပါ။ (Under Construction State ပြန်ရောက်နေပါတယ်။ လောလောဆယ် ကျွန်တော်တော့ သွားကြည့်လို့မရဘူး။) http://http://www.nlpresearch-ucsy.edu.mm/mtapplication.html ။ မိမိနဲ့ အဆင်ပြေတာကို ဥာဏ်ရှိသလို ရွေးချယ်သုံးနိုင်ဖို့ အခွင့်အရေးကတော့ ပေါ်လာပြီ ဖြစ်ပါတယ်။ 

     Develop လုပ်သူတွေကတော့ လုပ်ပေးပြီးပါပြီ။ သူတို့ရဲ့ အသုံးပြုသူအပေါ်ထားတဲ့ ရည်ရွယ်ချက်တွေနဲ့ နောက်ပိုင်းတာဝန်တွေကတော့ ပိုမိုကောင်းမွန်ပြည့်စုံတဲ့ Translation တွေရတဲ့အထိ ဆက်လုပ်ကြဖို့ပါပဲ။ ဒါပေမယ့် အဲဒါတွေကို သူတို့ချည်းပဲ ပြည့်စုံလာအောင်လုပ်တာထက် အသုံးပြုသူတွေက များများဝိုင်းသုံးမှ အကြံများများ ၀ိုင်းပေးမှ မှန်ကန်တဲ့ ပြည့်စုံမှုတွေရလာနိုင်မှာပါ။ Google Translate ဟာ ဒီလိုနဲ့ ပြည့်စုံအသက်ဝင်လာခဲ့တာပါ။ အခုလို Theory ပိုင်းဆိုင်ရာ ပြည့်စုံတဲ့ မြန်မာ့ဂုဏ်ဆောင် Translation Site တွေ ဘယ်လောက်များများ ပေါ်ထွန်းလာနိုင်သလဲလို့လည်း ပြန်ပြီး မေးခွန်းထုတ်ကြည့်မိပါတယ်။ သိပ်မများနိုင်လောက်ပါဘူး။ ဘာဖြစ်လို့လည်းဆိုတော့ ဒီလို Site တစ်ခုဖြစ်လာဖို့ လူအားငွေအား ဘယ်လောက်ရင်းရမယ်၊ အချိန်ဘယ်လောက်ပေး၇မယ်ဆိုတာ တပ်အပ်မပြောနိုင်ပေမယ့် လွယ်ကူတဲ့အလုပ် မဟုတ်ဘူးဆိုတာတော့သေချာပါတယ်။

     ဘာပဲပြောပြော ကျွန်တော် တော်တော်ပျော်မိပါတယ်။ ကျွန်တော့်အတွက်တော့ ကြီးမားတဲ့ အထောက်အကူတစ်ခုပါပဲ။ ဒါနဲ့တစ်ပြိုင်နက်ထဲ တွေးမိတာက တကယ်လို့များ ဒီလို Translation Site တစ်ခုဟာ လုံးဝပြည့်စုံအောင် ဘာသာပြန်နိုင်ပြီဆိုရင် ဒါမှမဟုတ် ပြီးပြည့်စုံတဲ့ ဘာသာပြန် Software တစ်ခု ပေါ်ပေါက်လာရင် ဘာသာပြန်တွေရဲ့ကဏ္ဍ မှေးမှိန်သွားတော့မလားပေါ့။ ကျွန်တော်ကတော့ အပျော်တမ်း ဘာသာပြန်သူသက်သက်ပါ။ (ဘာသာမပြန်သလောက်ပါပဲ။) ဒါပေမယ့် ဘာသာစကားကိုအရင်းတည်ပြီး Intellectual Property အဖြစ် ဈေးကွက်တင်နေတဲ့ ဘာသာပြန် လုပ်ငန်းလုပ်ကိုင်သူတွေရဲ့ ဘ၀တွေ ဘာအပြောင်းအလဲ ဖြစ်လာနိုင်သလဲပေါ့။ လောလောဆယ်တော့ ဘာမှမဖြစ်လာနိုင်သေးပါ။ ဒါတွေက သူတို့လုပ်ငန်းကိုတောင် အထောက်အပံ့ပိုပေးနိုင်မယ်ဆိုတာ သေချာလှပါတယ်။ မှေးမှိန်တယ် မမှေးမှိန်ဘူးဆိုတာကတော့ နည်းပညာပံ့ပိုးနိုင်မှုနဲ့ ဘာသာပြန်လိုအပ်မှု အချိုးကျမကျ ဆိုတာကို စောင့်ကြည့်ကြဖို့ပါပဲ။

     နောက်တစ်ခုက ကွန်ပျူတာဘာသာပြန်နဲ့ လူ့ဥာဏ်ရည်နဲ့ ဘာသာပြန်မှုလုပ်တာ ကွာပါတယ်။ ကွန်ပျူတာကို ဘာသာပြန်ခိုင်းတာဟာ ကလေးတစ်ယောက်ကို စာသင်ပေးပြီး စာပြန်အံခိုင်းသလိုပါပဲ။ ကြောင်းကျိုးစပ်ဆက်မှုကို ပြည့်ပြည့်စုံစုံမတွေးနိုင်တဲ့ သဘောပါ။ အခြေအနေကို အလုံးစုံ မသုံးသပ်နိုင်တဲ့ အခြေအနေပါ။ (ဒီကိစ္စကို ပြန်ခံငြင်းဖို့ဆိုရင်တော့ လူဘာသာပြန်တာထက် အရည်အသွေးပိုကောင်းတဲ့ ဘာသာပြန်ကို ကွန်ပျူတာက ထုတ်ပေးတဲ့လာနိုင်တဲ့အချိန်၊ Artificial Intelligence ခရီးပေါက်တဲ့အချိန်ထိ စောင့်ရမှာပါ။

     ဘာပဲပြောပြော ဦးမောင်ကတော့ ခံစားချက်က နှစ်မျိုးပါ။  Translation Site တွေကြောင့် ဘာသာပြန်အထောက်အပံ့ရလာတဲ့အတွက် ၀မ်းသာပါတယ်။ အချိန်ကုန် ခေါင်းစား သက်သာတယ်လေ။  ဒါပေမယ့် မပြည့်စုံသေးတဲ့အတွက် ၀ါကျပြန်စီနေရတာရယ် idiom တွေ ပြန်ရှာဖို့ Dictionary လှန်နေရတာရယ်ကိုတော့ ဘ၀င်မကျလှပါဘူး။ အနှီ software တို့ကို အားကိုးလိုသော်ငြားလည်း စာအုပ် လက်မလွှတ်နိုင်သေးသောကြောင့် စာများများဖတ်ရန်လိုအပ်ကြောင်း၊ မမှေးမှိန်နိုင်သော နေရာတစ်ခုအတွက် ဆက်လက်ပြင်ဆင်၇န်လိုအပ်ကြောင်း တွေးမိသဖြင့်.....(စာဖတ်ရမှာပျင်းတယ်ဗျို့....)။

ပျော်ရွှင်ကြပါစေ...

မောင်မောင်

၂၀-၁၀-၂၀၁၀ ည ၁၀း၅၅

ထင်သလောက်မခက်...

     ကိစ္စရပ်တွေက ခက်ခဲလို့ ကျွန်တော်တို့က မလုပ်ရဲတာ မဟုတ်ပါဘူး။ ကိစ္စရပ်တွေကို ကျွန်တော်တို့က မလုပ်ရဲလို့သာ ခက်ခဲကုန်ရတာပါ။

     ၁၉၆၅ ခုနှစ်တုန်းက တောင်ကိုရီးယား ကျောင်းသားတစ်ယောက် ကိမ်းဘရစ်ခ်ျတက္ကသိုလ်မှာ စိတ်ပညာ အဓိကနဲ့ ကျောင်းတက်ခဲ့တုန်းကပေါ့။ နေ့လည် ကော်ဖီသောက်ချိန်တွေမှာ သူဟာ ကျောင်းက ကော်ဖီဆိုင်မှာ ဒါမှမဟုတ် လ္ဘက်ရည်ဝိုင်းတွေမှာ အောင်မြင်မှုရရှိနေသူတွေ စကားပြောတာကို အမြဲသွားနားထောင်ပါတယ်။ ဒီအောင်မြင်နေသူတွေထဲမှာ နိုဘယ်ဆုရထားသူတွေ၊ တချို့နယ်ပယ်တွေနဲ့ ပညာရေးပိုင်းဆိုင်ရာက အရာရှိကြီးတွေ၊ စီးပွားရေးဒဏ္ဍာရီတွေကို ဖန်တီးခဲ့သူတွေအထိ အကုန်ပါကြပါတယ်။ ဒီလူတွေအားလုံးက ပျော်ပျော်ရွှင်ရွင် ပေါ့ပေါ့ပါးပါးနေတတ်ကြပြီး သူတို့ရဲ့အောင်မြင်မှုတွေဟာ အလိုလိုသဘာဝကျကျနဲ့ ကျိုးကြောင်းညီညွတ်စွာ အဆင်ပြေလာတယ်လို့ ထင်ကြတဲ့လူတွေချည်းပါပဲ။ အချိန်လည်းကြာလာရော သူ့နိုင်ငံမှာရှိတဲံ့ တချို့အောင်မြင်သူတွေဟာ လိမ်ညာပြောဆိုနေကြတယ်ဆိုတာကို သူသတိထားမိသွားတယ်။ အဲဒီလူတွေက သူတို့အောင်မြင်ဖို့အတွက် ဘယ်လောက် ပင်ပန်းကြမ်းတမ်းခဲ့တယ် ဆိုတဲ့အချက်ကို အကျယ်ချဲ့ပြောခဲ့ကြပြီး လုပ်ငန်းထူတောင်ဆဲလူတွေကို အခက်အခဲတွေကြောင့် နောက်ဆုတ်သွားစေခဲ့ပါတယ်။ သူတို့ရဲ့ အောင်မြင်မှုအတွေ့အကြုံနဲ့ အောင်မြင်မှုမရသေးတဲ့လူတွေကို ခြိမ်းခြောက်ခဲ့ကြတယ်ဆိုရင်လည်း မမှားပါဘူး။

     စိတ်ပညာဌာနက ကျောင်းသားပီပီ သူဟာ တောင်ကိုရီးယားက အောင်မြင်သူတွေရဲ့ စိတ်နေစိတ်ထားကို အလေးထားသုတေသနပြုဖို့ သင့်တယ်လို့ ထင်လာမိတယ်။ ၁၉၇၀ ခုနှစ်မှာ သူဟာ ‘‘အောင်မြင်မှုဟာ ထင်သလောက်မခက်ပါ’’ ဆိုတဲ့စာတမ်းကို ဘွဲ့စာတမ်းအဖြစ်နဲ့ ခေတ်သစ်စီးပွားရေးစိတ်ပညာဘာသာရပ်ကို စတင်တီထွင်ခဲ့သူ ပါမောက္ခ ဝေလ်.ဘရာဒန်တန်(Will-Bradenton) ထံ စာတမ်းတင်သွင်းခဲ့ပါတယ်။ ပါမောက္ခ ဘရာဒန်တန်က ဒါကို ဖတ်ပြီးတော့ အကြီးအကျယ် အံ့ဩသဘောကျပြီး ဒါဟာ တွေ့ရှိမှုအသစ်ပဲဆိုတာ သိလိုက်ပါတယ်။ ဒီလို အဖြစ်အပျက်မျိုးတွေဟာ အာရှအပြင် ကမ္ဘာ့နေရာအနှံ့အပြားမှာ ပျံ့နှံ့တည်ရှိနေခဲ့ပေမယ့် ဒီလို ရဲရဲဝံ့ဝံ့နဲ့ သုတေသနစာတမ်းအနေနဲ့ တင်ခဲ့တာမျိုး ဘယ်သူတစ်ဦးတစ်ယောက်ကမှာ မလုပ်ခဲ့ဖူးသေးပါဘူး။ အံ့ဩ၀မ်းမြောက်မှုနဲ့အတူ သူဟာ အဲဒီအချိန်က ကိမ်းဘရစ်ခ်ျတက္ကသိုလ်မှာ ကျောင်းတက်နေတဲ့ တောင်ကိုရီးယားနိုင်ငံရေးဇတ်ခုံမှာ ပထမဆုံးကုလားထိုင်ကို လွှဲပြောင်းပေးခြင်းခံထားရသူ ကျောင်းသား ပတ်ချုံဟီး (Park Chung-hee) ဆီကို စာရေးပါတော့တယ်။ စာထဲမှာတော့ ‘‘မင်းအတွက် ဒါဟာ ဘယ်လောက်အကူအညီ ဖြစ်မယ်ဆိုတာတော့ ငါမပြောရဲပါဘူး။ ဒါပေမယ့် ဒီစာတမ်းဟာ မင်းရဲ့ ဘယ်နိုင်ငံရေးအမိန့်ထက်မဆို လူတွေကို စိတ်အားတက်ကြွစေတယ်ဆိုတာတော့ ငါအာမခံရဲတယ်... ’’ လို့ရေးထားပါတယ်။

သဘောတရား။     ။လူ့လောကထဲက ကိစ္စတော်တော်များများဟာ လုပ်ချင်စိတ်သာရှိရင် ဖြစ်လာမှာပါ်။ ကျော်လွှားရမယ့် အခက်အခဲတွေကိုလည်း ကျော်လွှားသွားနိုင်ပါတယ်။ သံမဏိလို ဇွဲတွေဘာတွေ ဘာမှမလိုပါဘူး။ နည်းလမ်းကောင်းတွေ ဗျူဟာကောင်းတွေ ပိုလို့တောင် မလိုအပ်ပါဘူး။ လူတစ်ယောက်ဟာ ရိုးရိုးရှင်းရှင်းနဲ့ တခုခုကို စိတ်ဝင်တစား လုပ်ကိုင်နေထိုင်ရင်ကိုပဲ နောက်ဆုံးမှာ အဲဒီဟာက သူ့ဖာသာ ရင့်မှည့်ရိတ်သိမ်းချိန်ကို ရောက်လာမယ်ဆိုတာ တွေ့လာရမှာပါ။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Easy Success လို့ နာမည်ပေးထားတဲ့ 成功可以很容易（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 成功并不像你想象的那么难 ဆိုတာပဲဖြစ်ပါတယ်။

ပျော်ရွှင်ကြပါစေ

မောင်မောင်

၁၃.၁၀.၂၀၁၀ ည ၁၁း၃၁ နာရီ

စောင့်ရှောက်ရမယ့် ပြတင်းပေါက်များ

     အသွင်အပြင်ပုံစံ လုံးဝချွတ်စွပ်တူနေတဲ့ ကားနှစ်စီးကို တူညီတဲ့ပတ်ဝန်းကျင်အနီးအနားမှာ ရပ်ထားလိုက်ပါတယ်။ အဲဒီထဲက ကားတစ်စီးရဲ့ အင်ဂျင်ဘောနက်နဲ့ ပြတင်းတံခါးတွေကိုတော့ ဟောင်းလောင်းဖွင့်ထားလိုက်ပြီး နောက်တစ်စီးကိုတော့ နဂိုပုံမှန်အတိုင်း ပိတ်လျက်သားပုံစံနဲ့ပဲ ထားလိုက်ကြပါတယ်။

     အင်ဂျင်အဖုံးနဲ့ တံခါးတွေဖွင့်ထားတဲ့ကားကတော့ ၃-ရက်အတွင်းမှာ လူတွေဝိုင်းဖျက်ဆီးကြလို့ မှတ်မိနိုင်စရာကားရုပ်တောင် မကျန်တော့ပါဘူး။ ဒါပေမယ့် နောက်တစ်စီးကတော့ ဘာမှ ထိခိုက်ပျက်စီးမှုမရှိဘဲ အကောင်းအတိုင်းရှိနေပါတယ်။ အဲဒီအချိန်မှာ စမ်းသပ်ချက်ပြုလုပ်တဲ့သူတွေက ကျန်နေတဲ့ အဲဒီကားရဲ့ ပြတင်းမှန်မှာ အပေါက်လေးတစ်ပေါက် ဖောက်လိုက်ပါတယ်။ တစ်ရက်ပဲကြာပါတယ်။ ကားမှာရှိသမျှတံခါးတွေကို လူတွေက ရိုက်ဖျက်ပစ်လိုက်ကြတယ်။ ကားထဲမှာရှိသမျှ ပစ္စည်းတွေလည်း အကုန်ပျောက်ဆုံးသွားပါတယ်။။

     ဒါဟာ နာမည်ကျော်နေတဲ့ ‘‘ပျက်စီးနေသောပြတင်းပေါက်သီအိုရီ’’ သဘောတရားပဲဖြစ်ပါတယ်။  သူ့ကိုကောက်ချက်ချလိုက်ရင် ‘‘ပစ္စည်းကပျက်စီးနေပြီဆိုမှတော့ နည်းနည်းလောက် ပိုပျက်စီးသွားရင်လည်း ဘာမှမဖြစ်လောက်ပါဘူး’’ ဆိုတဲ့ (ပျက်စီးပြီးသားပစ္စည်းကို ပိုဖျက်ဆီးတတ်တဲ့ လူတွေရဲ့စိတ်) သဘောကို ဆောင်နေပါတယ်။ အကောင်းအတိုင်းရှိနေတဲ့ ပစ္စည်းဆိုရင်တော့ လူတွေက မသိလိုက်မသိဖာသာနဲ့ ကာကွယ်မှုပေးတတ်ကြပြီး  မဖျက်ဆီးရက်ကြပါဘူး။ မပြည့်မစုံနဲ့ အကောင်းအတိုင်းမရှိတဲ့ ပစ္စည်းကိုတော့ လူတွေက ပျက်စီးတဲ့ပမာဏ ပိုကြီးသွားအောင် လုပ်တတ်ကြပါတယ်။ ဒါဟာ ကိုယ်ကျင့်တရားနဲ့တော့ သိပ်မပတ်သက်လှပါဘူး။ (စိတ်ပိုင်းဆိုင်ရာ အလေ့အထတစ်ခုလို့ ဆိုလိုချင်ပုံရပါတယ်။) ဒီသီအိုရီကိုသုံးပြီး လူအချို့က မြို့တစ်မြို့မှာ အလားတူစမ်းသပ်မှုတစ်ခု လုပ်ဖူးကြပါသေးတယ်။

     လမ်းတစ်ခုပေါ်မှာ နေ့စဉ်စွန့်ပစ်နေကြ အမှိုက်တစ်ချို့ကို အရင်ပစ်ထားလိုက်ကြပါတယ်။ ၃-၄ရက်တောင် မကြာလိုက်ပါဘူး။ ဒီလမ်းဟာ နေရာအနှံ့ကျဲပြန့်နေတဲ့ အမှိုက်တွေနဲ့ ဖုံးလွှမ်းလို့သွားပါတော့တယ်။ စက္ကူစုတ်နဲ့ ပလတ်စတစ်တွေဟာ ပလူကိုပျံနေပါတော့တယ်။ တစ်ချိန်တည်းမှာပဲ တစ်ခြားလမ်းတစ်ခုကိုတော့ သန့်ရှင်းသပ်ရပ်နေအောင် လှည်းကျင်းထားတဲ့အပြင် (အမှိုက်မရှိရအောင်) ရက်ပေါင်းအတော်ကြာ ၀ိုင်းပြီးကာကွယ်စောင့်ရှောက် ထားလိုက်ကြပါတယ်။ အဲဒီအချိန်မှာတော့ လမ်းပေါ်မှာ ညစ်ပတ်တဲ့ပစ္စည်းနဲ့ အမှိုက်တွေပေါ်လာတိုင်း တစ်ယောက်ယောက်ကတော့ ကိုယ်ပိုင်အသိစိတ်နဲ့ အမှိုက်ပုံးထဲကို ကောက်ပစ်ပေးသွားတာချည်းပါပဲ။ တကယ်လို့ အပြင်ကခရီးသွားတွေ လမ်းပေါ်ကို အမှိုက်ပစ်လိုက်မိရင်လည်း တားမြစ်မယ့်လူ တစ်ယောက်ယောက်ကတော့ ရှိလာပါတော့တယ်။

သဘောတရား။     ။ဒါဟာလူသားတွေရဲ့ စိတ်ပိုင်းဆိုင်ရာ အလေ့အထတစ်ခု  ဖြစ်နေတဲ့အတွက် ကျွန်တော်တို့ကလည်း ဒါကို ကိုယ့်ဘ၀ထဲမှာ လာပြီးအသုံးချကြရပါမယ်။ ကိုယ့်ဘ၀ကို သန့်သန့်ရှင်းရှင်းလေးထားပြီး ဘ၀လမ်းပေါ်မှာ အမှိုက်တွေ လျှောက်မပစ်ကြဖို့ပါ။ ပြီးတော့ ကိုယ့်ဘ၀ထဲက ဘယ်ပြတင်းတံခါးကိုမှ အလွယ်တကူ မရိုက်ချိုးမိဖို့ကို ပိုလို့တောင်ဂရုစိုက်ကြရပါမယ်။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Believe In Yourself လို့ နာမည်ပေးထားတဲ့ 走自己的路（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 破窗户 ဆိုတာပဲဖြစ်ပါတယ်။

သီအိုရီကို အကြမ်းဖျင်းသွားလေ့လာလို့ရအောင် Link ပေးထားပါတယ်။

http://www.answers.com/topic/broken-window-thesis

ပျော်ရွှင်ကြပါစေ

မောင်မောင်

၀၃.၀၈.၂၀၁၀ ည ၁၀း၃၂

မသိရင်မကြောက်

     ၁၇၉၆-ခုနှစ်ရဲ့ တစ်ခုသောနေ့မှာပါ။ ဂျာမနီနိုင်ငံ ဂိုတင်ဂန်(Goetingen)တက္ကသိုလ်ရဲ့ သင်္ချာပါရမီထူးချွန်တဲ့ ၁၉-နှစ်အရွယ် လူငယ်လေးတစ်ဦးဟာ ညနေစာအပြီးမှာ သူ့ရဲ့ဆရာက သီးသန့်စီစဉ်ပေးထားတဲ့ နေ့စဉ်တွက်ရတဲ့ သင်္ချာပုစ္ဆာ ၃-ပုဒ်ကို စပြီးလုပ်ပါတယ်။

     အရင်ရက်တွေကလိုပဲ ပထမပုစ္ဆာနှစ်ပုဒ်ကိုတော့ ၂-နာရီအတွင်းမှာ အဆင်ပြေပြေနဲ့ တွက်လို့ပြီးသွားပါတယ်။ တတိယပုစ္ဆာက စာရွက်ပိုင်းလေးတစ်ခုမှာ ရေးပေးထားတာပါ။ စက်ဝိုင်းဆွဲထောက်ချွန်နဲ့ အတိုင်းအတာမမှတ်သားထားတဲ့ ပေတံတို့ကိုသာသုံးပြီး ၁၇-နားပါတဲ့ ပေါ်လီဂွန် တစ်ခုကို ဆွဲဖို့ပါ။ လူငယ်လေးဟာ ဆွဲရင်းဆွဲရင်းနဲ့ တော်တော်လေးအားစိုက်လာရတယ်။

     အခက်အခဲက လူငယ်လေးရဲ့ မခံချင်စိတ်ကို ဆွပေးလိုက်ပါတယ်။ ငါ ဒါကို မရရအောင် ဆွဲမယ်ပေါ့။ သူက စက်ဝိုင်းဆွဲထောက်ချွန်နဲ့ပေတံကိုကိုင်ပြီး စာရွက်ပေါ်မှာ အမျိုးမျိုးဆွဲကြည့်တယ်။ ပုံမှန်စည်းမျည်းဘောင်တွေကို ကျော်လွန်တဲ့ တွေးခေါ်မှုပုံစံတွေကိုပါ စမ်းသုံးကြည့်ပြီး ဒီပုစ္ဆာကို ဖြေရှင်းကြည့်တယ်။ နောက်ဆုံးမှာတော့ ပြူတင်းပေါက်ကနေ အာရုဏ်ဦးအလင်းရောင်တစ်မျှင် ၀င်လာတဲ့အချိန်ကျမှပဲ လူငယ်လေးဟာ စိတ်သက်သာရာရသွားတဲ့ သက်ပြင်းရှည်ကြီးကိုချရင်း ဒီခက်ခဲလှတဲ့ပုစ္ဆာကို ဖြေရှင်းလိုက်နိုင်ပါတော့တယ်။

     အိမ်စာတွေကို ဆရာ့ဆီပေးလိုက်တဲ့နောက်မှာ ဆရာဖြစ်သူဟာ ချက်ချင်းပဲ လန့်ပြီးမှင်သက်သွားတယ်။ သူက တုန်ယင်နေတဲ့အသံနဲ့ လူငယ်လေးကို ပြောလိုက်တယ် ‘‘ဒါ မင်းကိုယ်တိုင်ပဲ တကယ်လုပ်ထားလား? နှစ်ပေါင်း ၂၀၀၀-ကျော် သမိုင်းသက်တမ်းတစ်လျှောက်လုံး  မပြေလည်နိုင်သေးတဲ့ သင်္ချာပုစ္ဆာတစ်ပုဒ်ကို ဖြေရှင်းလိုက်တယ်ဆိုတာရော မင်းသိရဲ့လား? အာခီးမီးဒိစ်လည်း ဒါကို မဖြေရှင်းနိုင်ခဲ့ဘူး။ နယူတန်လည်း အဖြေမရှာနိုင်ခဲ့ဘူး။ မင်းက မမျှော်လင့်ပဲ တစ်ညတည်းနဲ့ ဖြေရှင်းလိုက်နိုင်တာ။ မင်းဟာ တကယ့် ပါရမီရှင်ပဲ။ ငါက အခုတလော ဒီခက်ခဲံတဲ့ပုစ္ဆာကို လေ့လာနေတာ။ မနေ့က မင်းအတွက် ပုစ္ဆာတွေပြင်ဆင်နေတုန်း ဒီပုစ္ဆာကိုရေးထားတဲ့ စာရွက်ပိုင်းလေးက မတော်တဆ မင်းကိုပေးတဲ့ ပုစ္ဆာတွေကြားထဲ ညပ်ပါသွားတာကွ။’’

     နောက်နှစ်များစွာကြာတဲ့အခါ ဒီလူငယ်လေးက ဒီမြင်ကွင်းကို ပြန်ပြောင်းအောက်မေ့မိတိုင်း ပြောဖြစ်တာက ‘‘တကယ်လို့ တယောက်ယောက်ကများ ဒါဟာ နှစ်-၂၀၀၀ကျော် မဖြေရှင်းနိုင်သေးတဲ့ သင်္ချာပုစ္ဆာပါလို့သာ ကျွန်တော့်ကိုပြောခဲ့ရင် ကွန်တော် ဒီပုစ္ဆာကို တစ်ညတည်းနဲ့ ဖြေရှင်းနိုင်ခဲ့မှာ မဟုတ်ပါဘူး။’’

     အဲဒီလူငယ်လေးဟာ သင်္ချာဘုရင် ဂေါက်စ်(Gauss)ပဲ ဖြစ်ပါတယ်။
 

သဘောတရား။     ။တစ်ချို့ကိစ္စတွေဟာ ဘယ်လောက်ခက်ခဲတယ်ဆိုတာ  မသဲကွဲသေးခင်မှာမှ ကျွန်တော်တို့က ပိုပြီးကောင်းအောင် လုပ်နိုင်တာတွေလည်း ရှိတတ်ပါတယ်။ ဒါဟာ လူအများ အမြဲပြောလေ့ရှိကြတဲ့ ‘မသိရင် မကြောက်’ ဆိုတာပါပဲ။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Easy Success လို့ နာမည်ပေးထားတဲ့ 成功可以很容易（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 无知者无畏 ဆိုတာပဲဖြစ်ပါတယ်။

သင်္ချာပါရမီရှင် လူငယ်လေးရဲ့ နာမည်အပြည့်အစုံကတော့ (Johann) Carl Friedrich Gauss ဖြစ်ပါတယ်။) အင်ဂျင်နီယာကျောင်းသားတိုင်း သူ့ရဲ့ သီအိုရီကို လေ့လာခဲဖူးကြမှာပါ။ သူ့အကြောင်း Link ကို လေ့လာဖို့ ထည့်ပေးလိုက်ပါတယ်။ ဒီပုစ္ဆာကို ဖြေရှင်းပုံလေးကိုလည်း Link ပေးလိုက်ပါတယ်။

http://www.answers.com/topic/carl-friedrich-gauss
http://www.answers.com/topic/heptadecagon
http://www.youtube.com/watch?v=E2QMzRcjKkM
http://www.youtube.com/watch?v=LBgIWQcC6lM&NR=1 

ပျော်ရွှင်ကြပါစေ

ဦးမောင်

၂၉.၀၇.၂၀၁၀ ည ၀၈း၅၈

ပြည့်စုံအောင် ပြင်ဆင်ပြီးမှ ခရီးစရင်

     လယ်သမားတစ်ယောက်ဟာ မိုင်၂၀-၃၀ကျော်လောက်က နန်ဆန်း(南山)မှာ ထင်းသွားခုတ်ဖို့ စီစဉ်ပါတယ်။ အဲဒီအတွက် သူက ၃-၄ရက်လောက် ပုဆိန်ကို တသွေးတည်းသွေးပါတယ်။ ပြီးတော့ ထမ်းပိုးပြား အသစ်စက်စက်တစ်ချောင်းကို လုပ်တယ်။ လုံလောက်တဲ့အရှည်ရှိတဲ့ လျှော်ကြိုးကို ပြင်ဆင်တယ်။ ပြီးတော့ ကြက်သွန်နီမုန့်ဆီကြော်တွေ အပုံလိုက်ကြီး ကြိုပြင်ထားလိုက်သေးတယ်။ အဲဒါတွေအားလုံးကို ထုပ်ပိုးပြီး နန်ဆန်းကိုအသော့နှင်လို့ ရောက်သွားတဲ့အခါမှာတော့ အဲဒီထင်းတွေကို အရင်ရောက်တဲ့သူတွေက ပြောင်သလင်းခါအောင် ခုတ်ထားနှင့်ပြီးနေပါပြီ။ အဲဒီလယ်သမားလည်း ဘာမှမလုပ်ရဘဲနဲ့ အိမ်ပဲပြန်လာခဲ့ရတော့တယ်။

     ၁၉၇၃ခုနှစ်တုန်းက ခလတ်တေး(Colette)နဲ့ ဘီလ်ဂိတ်(BillGate)တို့ ဟားဗတ်တက္ကသိုလ်မှာ အတူတက်ခဲ့ကြပါတယ်။ ဒုတိယနှစ်မှာ ဘီလ်ဂိတ်က ခလတ်တေးကို အတူတူကျောင်းထွက်ပြီး ငွေကြေးနဲ့ပတ်သက်တဲ့ ဆော့ဖ်ဝဲတစ်ခုကို ဖော်ထုတ်ကြမယ်လို့ ပြောတော့ ခလတ်တေးက ဒီအကြံဟာ တော်တော်ရယ်စရာကောင်းတယ်လို့ ထင်ခဲ့မိလို့ ဘီလ်ဂိတ်ရဲ့ ဖိတ်ခေါ်မှုကို ငြင်းလိုက်တယ်။ နောက်၎-နှစ်အကြာမှာ ဘီလ်ဂိတ်က ဒီလိုငွေကြေးဆော့ဖ်ဝဲတစ်ခုရဲ့ အစမ်းသုံးပုံစံတစ်ခုကို ဖော်ထုတ်လိုက်တယ်။ ကိုယ်ပိုင်ကုပ္မဏီမှာ မှတ်ပုံတင်ပြီးတဲ့အခါ ကျောင်းပြီးကာစဖြစ်နေတဲ့ ခလတ်တေးကို သူနဲ့ပူးပေါင်းဖို့ ထပ်ပြီးဖိတ်ခေါ်တယ်။ ခလတ်တေးက သူ့မှာလုံလောက်တဲ့ ပညာဗဟုသုတမရှိသေးဘူးလို့ ထင်မိတာနဲ့ ထပ်ပြီး ငြင်းလိုက်ပြန်တယ်။ နောက်၁၀-နှစ်အကြာမှာတော့ ခလတ်တေးဟာ ဟားဗတ်တက္ကသိုလ် ကွန်ပျူတာဌာနမှာ ဒေါက်တာဘွဲ့နဲ့ သုတေသနပညာရှင် ဖြစ်လာတယ်။ ဒါပေမယ့် ကျောင်းထွက်လိုက်တဲ့ ဘီလ်ဂိတ်ကတော့ အဲဒီနှစ်မှာပဲ အမေရိကန် ဖော့ဘ်စ်(Forbes)မဂ္ဂဇင်းရဲ့ ဘီလျံနာစာရင်းထဲကို ပါလာပါတယ်။ ၁၉၉၅-ခုနှစ်ရောက်တော့မှပဲ ခလတ်တေးဟာ သူ့မှာ အဲဒီလို ငွေကြေးဆော့ဖ်ဝဲကို လေ့လာနိုင်ဖော်ထုတ်နိုင်တဲ့ လုံလောက်တဲ့ ဗဟုသုတတွေ ပြည့်စုံကုံလုံပြီလို့ ယူဆတော့တယ်။ အဲဒီနှစ်မှာပဲ ဘီလ်ဂိတ်ဟာ ကမ္ဘာ့အချမ်းသာဆုံးလူ ဖြစ်လို့သွားပါပြီ။

     ခလတ်တေးရဲ့ ဘ၀ဟာ ဟိုလယ်သမားလိုပါပဲ။ သူဂရုတစိုက်နဲ့ အရာအားလုံးကို ပြင်ဆင်လို့လဲပြီးရော အဖိုးတန်တဲ့အခွင့်အရေးဟာ ဆုံးရှုံးပြီးသားဖြစ်နေပါပြီ။ ဘီလ်ဂိတ်ကတော့ ရဲရဲရင့်ရင့်နဲ့ ကျောင်းထွက်ပြီး လုပ်ငန်းထူထောင်လိုက်တော့ ဖွံ့ဖြိုးတိုးတက်အောင်လုပ်ဖို့ အကောင်းဆုံးအချိန်တွေရသွားခဲ့တာကြောင့် တောက်ပတဲ့အောင်မြင်မှုကို စောစောလေး အကောင်အထည်ဖော်နိုင်ခဲ့ပါတယ်။ ဖော့ဘ်စ်မဂ္ဂဇင်းက အင်တာဗျူးတဲ့အခါ ‘‘ကျွန်တော် လုပ်ငန်းတစ်ခုထူထောင်သင့်ပြီလို့ ခံစားမိတယ်။ အဲဒီအချိန်တုန်းကလည်း လုပ်ငန်းထူထောင်ရင် အောင်မြင်မယ်ဆိုတဲ့ သေချာရေရာမှုလည်း ဘယ်ရှိပါ့မလဲ။ ဒါပေမယ့် ကျွန်တော်လုပ်တဲ့ဟာ မှန်ကန်တယ်လို့ ထင်ပါတယ်။ အဲဒါကတော့ လုပ်ငန်းထူထောင်သင့်တဲ့အချိန်မှာ ကိုယ့်မှာ တစ်ချို့အချက်အလက်တွေ မပြည့်စုံတာနဲ့တော့ စောင့်ဆိုင်းမနေသင့်ဘူးဆိုတာပါပဲ။ တကယ်လို့သာ ဟားဗတ်တက္ကသိုလ်က ဘွဲ့ရပြီးမှ လုပ်ငန်းထူထောင်ရင် အခုကမ္ဘာ့အချမ်းသာဆုံးလူဟာ သေချာပေါက် ကျွန်တော်မဖြစ်နိုင်တော့ပါဘူး။ ဒါကိုတော့ သေချာပေါက်ပြောရဲပါတယ်။’’

 

သဘောတရား။     ။လုပ်ငန်းထူထောင်တာပဲ ဖြစ်ဖြစ်၊ ပညာဆည်းပူးတာပဲ ဖြစ်ဖြစ်  လိုအပ်ချက်တွေ လုံးဝပြည့်စုံသွားတဲ့အချိန်ထိ စောင့်ပြီးမှ ခရီးစလို့မဖြစ်ပါဘူး။ အကြောင်းကတော့ မပြည့်စုံသေးတဲ့အချက်တွေကို ဆည်းပူးလုပ်ကိုင်နေတဲ့ လုပ်ငန်းစဉ်တစ်လျှောက်မှာ နည်းလမ်းမျိုးစုံနဲ့ဖြည့်ဆည်းပြီး ပြည့်စုံအောင် လုပ်သွားလို့ရပေမယ့် အချိန်နဲ့အခွင့်အရေးလို အရာမျိုးတွေကတော့ ဆုံးရှုံးသွားပြီးရင် ဘယ်လိုမှ ပြန်ဆယ်လို့ မရနိုင်တာကြောင့်ပါ။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Easy Success လို့ နာမည်ပေးထားတဲ့ 成功可以很容易（肖邦振） စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 不要等准备好了才上路 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၂၆.၀၇.၂၀၁၀ ည ၁၀း၄၁

တစ်ခုကောင်းတတ်ရင်ရပြီ

     ပီကင်းက နိုင်ငံခြားသံရုံးတစ်ခုရဲ့ရှေ့မှာ လူတစုရပ်ပြီး ဗီဇာစောင့်နေကြပါတယ်။ သူတို့ထဲမှာ ကျောင်းသွားတက်မယ့်သူ လည်းပါတယ်။ စီးပွားရေးကိစ္စအတွက် သွားမယ့်သူလည်းပါတယ်။ ဆွေမျိုးတွေကို သွားတွေ့မယ့်သူလည်းပါတယ်။ အလည်အပတ် သွားမယ့်သူလည်းပါတယ်။

     အဲဒီထဲမှာ ငွေကိုရေလိုသုံးဖြုန်းနိုင်တဲ့ သူဌေးတစ်ယောက်လည်းပါတယ်။ ဆန်ပေကနေလာတဲ့ ကျေးလက်က အဒေါ်ကြီးတစ်ယောက်လည်းပါတယ်။ သူဌေးကတော့ ဗီဇာလာလျှောက်တာ ဒါပထမဆုံး မဟုတ်တော့ပါဘူး။ ဒီမတိုင်ခင်ကတည်းက သုံးလေးခေါက်မက လာဖူးပြီးပါပြီ။ ဒါပေမယ့် ဗီဇာထုတ်ပေးတဲ့ တာဝန်ခံသံအရာရှိက ဗီဇာပေးဖို့ အေးစက်စက်နဲ့ငြင်းလိုက်တာချည်းပါပဲ။ ပြီးခဲ့တဲ့အခေါက်  ဗီဇာလျှောက်တုန်းက သံအရာရှိက သူ့မှာ ဘာကျွမ်းကျင်မှုရှိလဲလို့ မေးတာကို သူက အကြာကြီးစဉ်းစားပြီးတာတောင် ခေါင်းတခါခါနဲ့။ ကိုယ့်မှာ သီးသန့်လုပ်ငန်း ဒါမှမဟုတ် အထူးတလည် တတ်ကျွမ်းမှုလို့ ခေါ်ရလောက်တာ ဘာများရှိသလဲဆိုတာကို ကိုယ့်ဖာသာ သဘောမပေါက်နိုင်ဘူးဖြစ်နေခဲ့တာ။ နှစ်၂၀-ကျော် ၃၀-အတွင်း ပိုက်ဆံရှာတာကလွဲလို့ သူ့မှာ ဘာအထူးတလည်တတ်ကျွမ်းတာမှ မရှိခဲ့ပါဘူး။ ဒီလိုနဲ့ပဲ သူက ဗီဇာစောင့်ဆိုင်းနေတဲ့ လူတန်းရှည်ကြီးထဲမှာရပ်ပြီး စိတ်ထဲမှာ ရတတ်မအေးဖြစ်နေပါတယ်။ အဲဒီဗီဇာသံအရာရှိမျက်နှာရှေ့မှာ နောက်တခါရပ်လိုက်ရင် မျက်နှာမှာခံစားချက်ကင်းမဲ့နေတဲ့ အဲဒီသံအရာရှိကများ သူ့ကိုမှတ်မိသွားပြီး သူ့ရဲ့မလျှော့တဲ့ဇွဲကို လေးစားပြီးသကာလ မထင်မှတ်ထားပဲ ဗီဇာထုတ်ပေးလိုက်ပါစေလို့ပဲ မျှော်လင့်နေရတော့တာပေါ့။

     ဒါနဲ့ သူက သူ့ရှေ့မှာရပ်နေတဲ့ ကျေးလက်ကအဒေါ်ကြီးကို မေးလိုက်တယ်။ ‘‘ခင်ဗျား အင်္ဂလိပ်စကားတတ်လား?’’ အဒေါ်ကြီးက အားငယ်ငယ်နဲ့ပဲ ခေါင်းခါလိုက်ပါတယ်။ သူက ထပ်မေးပြန်တယ်။ ‘‘ဒါဆိုခင်ဗျား ဘာတတ်ကျွမ်းမှုရှိသလဲ?’’ အဒေါ်ကြီးက အားငယ်ငယ်နဲ့ ခေါင်းထပ်ခါပြီး ပြောတယ်။ ‘‘ကျွန်မတစ်သက်လုံး လယ်စိုက်တာနဲ့ ကလေးတွေထိန်းတာပဲရှိပါတယ်။ အထူးတတ်ကျွမ်းမှုဆိုတာ ဘာကိုခေါ်မှန်းတောင် မသိပါဘူးရှင်။’’ သူက အရမ်းကိုယ်ချင်းစာသွားပြီး အဒေါ်ကြီးကို ပြောပါတယ်။ ‘‘ဒါဆို ခင်ဗျား ဗီဇာလျှောက်တာ တော်တော့်ကိုခက်ပြီပေါ့။’’ အဒေါ်ကြီးက စဉ်းစားလိုက်ပြီး ‘‘ဒါပေမယ့် ကျွန်မမှာ အကောင်းဆုံး အလုပ်တခုတော့ရှိတယ်လေ။ ကျွန်မတို့နေတဲ့အိမ်ရဲ့ အနားပတ်လည် မိုင် ၂၀၊ ၃၀ လောက်ကလူအားလုံး ကျွန်မကို သိကြတာပဲ။ လူငယ်တွေ မင်္ဂလာဆောင်ရင် ပြူတင်းပေါက် ပန်းစက္ကူအလှကပ်ဖို့၊ ကလေးတွေ အခါလည်လို့ မွေးနေ့လုပ်ရင် ဗိုက်ကပ်အိတ်ထိုးတာတို့၊  ကျားခေါင်းဖိနပ်ချုပ်ပေးတာတို့။ လူတော်တော်များများ ပုဝါမှာပန်းထိုးကြမယ်ဆို အားလုံးအတွက် ကျွန်မပဲ စက္ကူပန်းကွက် ညှပ်ပေးရတာလေ။’’ သူဌေးက ဒါကိုလည်းကြားရော စိတ်ထဲမှာ မအောင့်နိုင်ပဲ ရယ်မိတာပေါ့။ စက္ကူညှပ်တယ်တဲ့။ စက္ကူညှပ်တာကို ဘယ်လိုလုပ်ပြီး အထူးတတ်ကျွမ်းမှုလို့ ပြောလို့ရပါ့မလဲ။

     နောက်ဆုံးတော့ အဒေါ်ကြီးအလှည့် ရောက်လာပါရော။ ဗီဇာသံအရာရှိက အဲဒီအဒေါ်ကြီးကို သူ့မှာ အထူးတတ်ကျွမ်းမှု ဘာရှိလဲလို့ ခံစားချက်ကင်းမဲ့တဲ့မျက်နှာထားနဲ့ မေးမြန်းတဲ့အခါမှာ  အဒေါ်ကြီးက အိတ်ကပ်ထဲကနေ စက္ကူနီတရွက်ကို ထုတ်လိုက်တယ်။ အရင်ဆုံး စက္ကူကို ဗီဇာသံအရာရှိရှေ့မှာ ပြလိုက်သေးတယ်။ ပြီးတော့မှ ကျွမ်းကျင်စွာနဲ့ အထပ်ထပ်ခေါက်တယ်။ လက်ချောင်းလေးတွေကို ဆန့်ကားပြီး စက္ကူတွေကို ဖြဲတယ်။ မျက်စိတမှိတ်အချိန်လေးပဲ ကြာပါတယ်။ အဲဒီစက္ကူနီကို ပြန်ဖြန့်လိုက်တဲ့အခါမှာတော့ အသက်ဝင်လှတဲ့ စက္ကူပန်းချီတစ်ချပ် ဖြစ်လို့နေပါပြီ။ ပန်းချီကားထဲမှာ ကြာပန်းတစ်ပွင့်နဲ့ ကြာရွက်သုံးလေးရွက်။ ကြာရွက်အောက်ဘက်မှာမှ ငါးလေးတစ်ကောင်။ ဗီဇာသံအရာရှိဟာ အံ့ဩသွားတာမှ ပါးစပ်အဟောင်းသားနဲ့။ ပြီးတော့ အားရတက်ကြွစွာနဲ့ ‘‘ခင်ဗျားဟာ တကယ်တော်တဲ့ လက်မှုအနုပညာသည်ပဲဗျ၊ တော်တယ်ဗျာ။ ခင်ဗျားတကယ့်ကို တော်တယ်။’’ တစ်ဖက်ကပြောရင်းနဲ့ တစ်ဖက်ကလည်း အဒေါ်ကြီးအတွက် ဗီဇာကို လုပ်ပေးလိုက်ပါတယ်။

     အဒေါ်ကြီးနောက်က သူဌေးကတော့ နောက်တစ်ခါထပ်ပြီး ဗီဇာအငြင်းခံလိုက်ရပြန်ပါတယ်။

 

သဘောတရား။     ။တကယ်တော့ ဘ၀ရပ်တည်မှုရဲ့သဘောတရားက ဒီလောက်တောင်ပဲ ရိုးစင်းလှပါတယ်။ ကိုယ့်အလုပ်က ဘာပဲဖြစ်နေပါစေ၊ ဘ၀ရဲ့ဘယ်အဆင့်မှာပဲ ရပ်တည်နေရပါစေ၊ ကိုယ့်ကံကြမ္မာကို ပြောင်းလဲပစ်ဖို့ဆိုရင်  ကိုယ့်မှာ အများနဲ့မတူတဲ့ တော်ကွက်တစ်ကွက် ရှိကိုရှိရပါမယ်။ ကျွမ်းကျင်တဲ့အတတ်ပညာတစ်ခု ရှိကိုရှိရပါမယ်။ အများနဲ့မတူတဲ့ အတတ်ပညာတစ်ခု ရှိပြီဆိုရင်တော့ ကိုယ့်ကံကြမ္မာကို ပြောင်းလဲနိုင်တဲ့ အကြောင်းတရားတွေလည်း ရှိလာမှာပါ။

----------------------------------------------------------------------------------------------

ဒီဘာသာပြန်ရဲ့ မူရင်းကတော့ Believe In Yourself လို့ နာမည်ပေးထားတဲ့ 走自己的路 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 只要有一手 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၂၁.၀၇.၂၀၁၀ ည ၁၁း၁၃

နောက်ဆုံးသစ်ရွက်

     ဂျင်းနီရဲ့ရောဂါက ကုသလို့မရတော့ပါဘူး။ ဆရာဝန်က သူနောက်တစ်နှစ်တောင် မခံတော့ဘူးလို့ ဆေးစစ်ချက် ထုတ်ထားပြီးပါပြီ။ ရောဂါတခါတခါထရင် အသည်းခိုက်အောင် နာကြင်တဲ့အတွက် ကျန်တဲ့ဘ၀လေးကို သက်သက်သာသာနဲ့ ဖြတ်သန်းနိုင်အောင်လို့ အိမ်သားတွေက သူ့ကို မဖြစ်မနေ ဆေးရုံမှာပဲထားကြပါတယ်။

     နွေဦးရာသီလည်း ကျော်လွန်ခဲ့ပြီ။ နွေရာသီကိုလည်း ဖြတ်ကျော်ခဲ့ပြီးပြီ။ ဆောင်းဦးရာသီလည်း တိတ်တဆိတ်နဲ့ ရောက်လာခဲ့ပြီ။ ပြတင်းပေါက်အပြင်ဘက်က သစ်ပင်ရဲ့ သစ်ရွက်တွေ တဖြည်းဖြည်း စိမ်းရာက၀ါပြီး တရွက်ပြီးတရွက် ကြွေကျကုန်တာနဲ့အတူ ဂျင်းနီရဲ့စိတ်ဟာလည်း မျှော်လင့်ချက် ကင်းမဲ့သထက် ကင်းမဲ့လာပါတယ်။ ‘‘သစ်ပင်ပေါ်ကအရွက်တွေ အကုန်ကြွေသွားတဲ့အချိန်ဟာ ငါသေရမယ့်အချိန်ပဲ’’ လို့ သူမဖာသာ ရေရွတ်နေပါတော့တယ်။

     မထင်ထားမိတာက ဒီစကားကို သူမရဲ့ပြတင်းနားကဖြတ်သွားတဲ့ ပန်းချီဆရာက ကြားသွားတယ်။ ဒါနဲ့ ပန်းချီဆရာက ဒီကလေးမကို ကယ်ဖို့ သူတတ်နိုင်သမျှ အစွမ်းကုန်ကြိုးစားမယ်လို့ စိတ်ပိုင်းဖြတ်လိုက်တယ်။ ဒီလိုနဲ့ သူက အသက်ဝင်လွန်းလှတဲ့ သစ်ရွက်စိမ်းလေးတစ်ရွက်ပုံကိုဆွဲပြီး ဂျင်းနီ နှစ်နှစ်ခြိုက်ခြိုက် အိပ်နေတုန်းမှာ အဲဒီသစ်ရွက်ကို သစ်ပင်ရဲ့ထိပ်ဆုံးမှာ သွားချိတ်ထားလိုက်တယ်။

     နောက်တစ်လ ကျော်လွန်သွားခဲ့ပါပြီ။ ရောဂါအကျွမ်းဆုံးအချိန် ရောက်နေပြီဖြစ်လို့ ဂျင်းနီ မထနိုင်တော့ပါဘူး။ လူနာကုတင်လေးပေါ်မှာ လှဲရင်းနဲ့ သူမက ပြတင်းပေါက်အပြင်ကသစ်ပင်ကို စိုက်ကြည့်ရင်း ရှင်သန်ခြင်းခွန်အားတွေ ခန္ဓာကိုယ်ထဲကနေ တမျှင်ခြင်း ထွက်သွားနေတယ်လို့ ခံစားနေမိတယ်။ သစ်ပင်ပေါ်ကသစ်ရွက်တွေ ကြွေရင်းနဲ့လျော့ပါးသွားသလိုပေါ့။ ‘‘အဲဒီ သစ်ရွက်ကလေး ကြွေကျသွားပြီဆိုရင် ငါလည်း မျက်စိမှိတ်လိုက်တော့မယ်။ ဘယ်တော့မှ ပြန်မထတော့ဘူး။’’ ဂျင်းနီက သစ်ပင်ထိပ်ဆုံးက သစ်ရွက်စိမ်းလေးကို စိုက်ကြည့်ရင်း ကိုယ့်ဖာသာ ပြောလိုက်ပါတယ်။

     နောက်ပိုင်းရက်တွေမှာတော့ အဲဒီသစ်ရွက်စိမ်းလေးဟာ ဂျင်းနီရဲ့ အသက်ကို ဆွဲထားပေးတဲ့ တစ်ခုတည်းသောအကြောင်းရင်း ဖြစ်နေပါတော့တယ်။ နေ့စဉ်မနက်တိုင်း မျက်စိပွင့်လာပြီဆိုတာနဲ့ ပထမဆုံးလုပ်တာကတော့ အဲဒီသစ်ရွက်ကလေး ဘာပြောင်းလဲမှုရှိလာသလဲဆိုတာကို ကြည့်ရတာပါ။ ဒါပေမယ့် ထူးဆန်းတာက ရှိသမျှအရွက်အားလုံး ကြွေကုန်ပေမယ့် အဲဒီသစ်ရွက်ကလေးကတော့ စိမ်းစိုနေတုန်းပဲ။ ခိုင်ခိုင်မာမာနဲ့ကို သစ်ကိုင်းပေါ်မှာ တွယ်နေတုန်းပဲ။ ရွက်ဝါအဖြစ်ပြောင်းပြီး ကြွေသွားမယ့်အသွင်အပြင်ကို နည်းနည်းမှမရှိပါဘူး။

     ‘‘ဧကန္တ၊ ဘုရားသခင်က ငါဟာ လိမ်မာတဲ့ကလေးမှန်းသိလို့ ငါ့ကို မသေစေချင်တာလားမသိဘူး။’’ ဂျင်းနီက ဒီလိုတွေးပြီး မျက်လုံးထဲမှာလည်း မျှော်လင့်ချက်အရောင်တွေ သန်းလာပါတယ်။

     　ချမ်းအေးလှတဲ့ဆောင်းရာသီကို နောက်ဆုံးကျော်လွန်သွားပါပြီ။ ဘယ်တော့မှမကြွေတော့မယ့် ဟိုသစ်ရွက်စိမ်းလေးလိုပဲ ဂျင်းနီလည်း ထူးဆန်းစွာနဲ့ပဲ အသက်ရှင်သန်ခဲ့ပါတယ်။ နောက်ဆုံး ပြန်လည်ကျန်းမာလာပြီး ဆေးရုံကနေဆင်းသွားနိုင်ခဲ့ပါတော့တယ်။ အဲဒီတချိန်ထဲမှာပဲ ဘေးကပ်လျက်အခန်းက ဟိုပန်းချီဆရာကတော့ မျက်လုံးအစုံပိတ်သွားခဲ့ပါပြီ။ သူကတော့ ဒီသစ်ရွက်ဟာ အတုဆိုတာ သိနေတဲ့အတွက်ကြောင့်ပါပဲ။

**(ကျွန်တော်တို့ ကျောင်းမှာ အင်္ဂလိပ်လိုသင်ယူခဲ့ဖူးတဲ့ The Last Leave ပုံပြင်လေးကို ပြန်သတိရမိပါတယ်။ ) 

သဘောတရား။     ။ ။ကျွန်တော်တို့တွေ အရာအားလုံးကို ဆုံးရှူံးသွားလို့ရပါတယ်။ တခုတည်းသော ဆုံးရှူံးသွားလို့မဖြစ်တဲ့အရာကတော့ ‘‘မျှော်လင့်ချက်’’ ပါ။  ဒါဟာ လူသားတွေရဲ့ ရှင်သန်ခြင်းနဲ့ ပျော်ရွှင်ခြင်းရဲ့ အရင်းအမြစ်ပါ။ ‘‘မျှော်လင့်ချက်’’ ရှိနေမှ ဘ၀မှာ ရှင်သန်လိုစိတ်တွေ မပြတ်ဖြစ်ပေါ်နေမှာဖြစ်ပြီး ‘‘မျှော်လင့်ချက်’’ မရှိရင်တော့ ဘ၀ဟာ တဖြည်းဖြည်းနဲ့ လုံးပါး ပါးသွားမှာပါ။

-----------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 最后一片树叶 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၀.၀၄.၂၀၁၀ ည ၁၀း၄၁

တရုတ်စာ သင်မယ့် သူငယ်ချင်းများသို့

     တရုတ်စာသင်ချင်လို့မေးနေတဲ့ အခုမှစသင်မယ့် သူငယ်ချင်းများအတွက် ရည်ရွယ်ပြီး ဒါလေးကိုရေးဖြစ်သွားတာပါ။ ဒါတွေရေးလို့ တော်တတ်နေတယ်လို့တော့ မထင်စေချင်ပါ။ ဦးမောင်လည်း လေ့လာဆဲ အဆင့်မှာသာ ရှိနေကြောင်းပါ။

တရုတ်စာကို အစကနေပဲဖြစ်ဖြစ်၊ ရောက်နေတဲ့နေရာကပဲဖြစ်ဖြစ် ဆက်လေ့လာဖို့ဆိုရင် မိမိကိုယ်ကို မမေးမဖြစ်မေးရမယ့် မေးခွန်းလေးတွေပါ။

တတ်ချင်တာလား? မဖြစ်မနေသင်ရတာလား?
တတ်ချင်တာဆိုရင်တော့ တတ်လာမှာပါ။ မဖြစ်မနေသင်ရမှာဆိုရင်တော့ ကျွန်တော်တို့ သုငယ်တန်းထဲကနေ ၁၀တန်းအထိ စာအနေနဲ့ပဲ မဖြစ်မနေဖတ်ခဲ့ရတဲ့ အင်္ဂလိပ်စာလိုဖြစ်သွားနိုင်ပါတယ်။ အချိန်ပိုပေးရမယ်လို့ ဆိုလိုတာပါ။

တရုတ်စာကို ဘာဖြစ်လို့တတ်ချင်တာလဲ?
ဘာကြောင့်ပဲ တတ်ချင်တတ်ချင် အကြောင်းရင်းတစ်ခုတော့ မရရအောင်ရှာပါ။ အနည်းဆုံးတော့ တရုတ်ကားတွေကြည့်ရင် နားလည်ချင်လို့ပါလို့ ပြောရင်လဲရပါတယ်။ အကြောင်းရင်းခိုင်မာရင် ခိုင်မာသလောက်  အကျိုးတရားလည်း ခိုင်မာတတ်လို့ပါ။

ဘယ်လောက်အထိတတ်ချင်တာလဲ?
ဘယ်အဆင့်အထိ တတ်ချင်တာလဲ? ဘာနဲ့တိုင်းတာမှာလဲ? အခြေခံလား? အလယ်အလတ်လား? အဆင့်မြင့်လား? အချိန်ကာလ ဘယ်လောက်ပေးမှာလဲ? စကားတတ်ချင်တာလား? စာတတ်ချင်တာလား? ကောင်းကောင်းမွန်မွန်ပြောတတ်၊ ကောင်းကောင်းမွန်မွန်ရေးတတ်တဲ့အထိ သင်မယ်ဆိုရင်တော့ ပေးရမယ့်အချိန်က နည်းနည်းနောနောမဟုတ်ပါဘူး။ YUFL မှာ ကျောင်းပြီးသွားတဲ့ စာတော်တဲ့ ပုဂ္ဂိုလ်တွေကို မေးကြည့်ရင်သိနိုင်ပါတယ်။ Singapore က Poly မှာကျောင်းပြီးသွားတဲ့ တရုတ်စာဖတ်တဲ့ သူငယ်ချင်းတွေကိုလည်း မေးကြည့်ရင်သိနိုင်ပါတယ်။

ဘယ်ပညာကိုမဆို သင်ယူဖို့လိုအပ်တဲ့အခြေခံအချက်တွေကို ပုံမှန်ပေးချင်ရဲ့လား?
ဥပမာ...ငွေကြေး၊ အချိန်၊ ကြိုးပမ်းအားထုတ်မှု။ အဲဒါတွေတခုမှမပေးပဲ ဘာပညာမှ မရပါဘူး။ ပြီးတော့ သူတို့အားလုံးဟာ စပ်ဆက်နေပါတယ်။ နည်းနည်းပဲပေးရင် နည်းနည်းပဲရပါမယ်။ (ငွေကြေးကိုမဆိုလိုပါ။ :-D) ပုံမှန်မပေးနိုင်ရင်...မိမိရဲ့တတ်ကျွမ်းမှုကလည်း ပုံမမှန်ပါဘူး။ (ငွေကြေးကိုမဆိုလိုပါ။ :-D)

မိမိမှာ တရုတ်စကားပြောတဲ့အသိုင်းအ၀ိုင်းရှိလား?
ရှိရင်ကံကောင်းပါတယ်။ စကားပြောအမြန်တတ်လာမှာပါ။ မရှိရင်တော့ ဘယ်လိုရှိအောင်လုပ်မလဲဆိုတာ စဉ်းစားရပါမယ်။ Online ကနေ တရုတ်စကားပြောလေ့ကျင့်ဖို့ မလွယ်ပါဘူး။ စာလေ့လာဖို့ပဲလွယ်မှာပါ။ အဲဒီတော့ အနည်းဆုံး သင်တန်းတခုကို အားကိုးရမှာပါ။ အဲဒီမှာ တခြားသင်တန်းသားတွေနဲ့အတူတူ လေ့ကျင့်လို့ရပါတယ်။ ဆရာနဲ့လေ့ကျင့်ဖို့ဆိုရင်တော့ ဒုက္ခများနိုင်ပါတယ်။ ဆရာက အလွန်တရာစိတ်ရှည်တဲ့လူဖြစ်မှရမှာပါ။

ကိုယ့်ဖာသာအစအဆုံး ဆရာမပါပဲလေ့လာလို့မရဘူးလား?
ရပါတယ်။ စာအုပ်စာတမ်း၊ အဘိဓါန်၊ ကက်ဆက်တိတ်ခွေ၊ ဗီဒီယိုတိတ်ခွေ၊ CD/DVD၊ ရုပ်ရှင်ကားတွေနဲ့ online ကတဆင့် လေ့လာလို့ရပါတယ်။ ဒါပေမယ့် ဘာသာစကားဆိုတာ interactive ရှိမှ အဓိပ္ပါယ်ပိုရှိလာပါတယ်။ ပိုပြီးအတတ်မြန်ပါတယ်။ ဒါကြောင့် effective နဲ့ efficient ဆိုတဲ့ ဝေါဟာရနှစ်ခုကို ဆင်ခြင်ပေးဖို့လိုပါတယ်။ ထိရောက်မှု နဲ့ သတ်မှတ်တဲ့အချိန်အတွင်း ပြီးမြောက်မှုပါ။

စနစ်တကျတတ်ချင်တာလား?
ဟုတ်တယ်ဆိုရင်တော့ ဆရာတစ်ယောက်ဆီက အရင်ဦးဆုံးဆည်းပူးရပါမယ်။ အခြေခံကို စနစ်ကျနစွာ ပိုင်နိုင်သွားပြီဆိုရင်တော့ မိမိဖာသာဆက်ပြီး လေ့လာလို့ရပါပြီ။ စနစ်မကျရင် အချိန်ပိုကုန်ပါတယ်။ လူပိုပင်ပန်းပါတယ်။ ဘယ်လိုဆက်ပြီး စနစ်တကျ လေ့လာရမယ်ဆိုတာသိဖို့လည်း အရေးကြီးပါတယ်။

ဆရာဘယ်မှာရှိ?
လိုလျှင်ကြံဆ၊ နည်းလမ်းရ ဆိုတဲ့အတိုင်း အနီးအနားမှာ မေးမြန်းစုံစမ်းကြည့်ရင် သိလာရမှာပါ။ သတင်းစာ၊ notice-board ကြော်ငြာတွေနဲ့ လက်ရှိသင်တန်းတက်နေတဲ့သူတွေကို မေးရင်ရနိုင်ပါတယ်။ မသင်ဖြစ်သေးဘူး၊ မစဖြစ်သေးဘူးဆိုရင် တကယ်မလိုချင်သေးဘူးဆိုတာ သေချာပါတယ်။

ဘယ်ဆရာကောင်းလဲ?ဘယ်စာအုပ်ကောင်းလဲ?

ဘယ်ဆရာ ဘယ်စာအုပ်မဆို အကန့်အသတ်ရှိပါတယ်။ သူ့အနေအထားနဲ့သူ ကောင်းကြပါတယ်။ သင့်လိုအပ်ချက်နဲ့ ကွက်တိဖြစ်တဲ့စာအုပ်ဆိုတာ မရှိပါဘူး။ ရေးသူမတူရင် ရည်ရွယ်ချက်နဲ့ အာဘော်လည်းမတူနိုင်ပါဘူး။ ဒါကြောင့် အဆင်ပြေတဲ့စာအုပ်တအုပ်အုပ်နဲ့သာ စလိုက်ပါ။ အဲဒီစာအုပ်ကုန်အောင်သင်ပြီးရင် နောက်တစ်အုပ်ဖတ်ဖို့လိုမလို သင့်ဖာသာသိလာပါလိမ့်မယ်။ ဆရာကောင်းမကောင်းကိုလည်း သင်ယူကြည့်လိုက်ရင် သိလာနိုင်ပါတယ်။ ဒီဆရာကိုယ်နဲ့မသင့်တော်ရင် နောက်ဆရာတစ်ယောက်ရှာဖို့ပဲ ရှိပါတယ်။  ဆရာမျိုးစုံဆီက ဆည်းပူးနိုင်ရင်လည်း ယူတတ်ရင် ရစရာချည်းပဲဖြစ်ပါတယ်။

ဘာဆင်ခြေတွေကတားဆီးထားသလဲ?
အလုပ်လုပ်နေရလို့။ အချိန်က ညမှအားတာ၊ မနက်မှအားတာ။ အသက်ကြီးသွားလို့။ ဥာဏ်မကောင်းလို့။ ပိုက်ဆံမရှိလို့။ အတူသင်မယ့်အဖော်မရှိလို့။ ဆရာက လူနည်းရင်မသင်ဘူးတဲ့။ စသဖြင့် ကြိုက်တဲ့ဆင်ခြေပေးလို့ရပါတယ်။ တတ်မြောက်ခြင်းကလည်း သင့်ဆင်ခြေအတိုင်း အချိုးကျကျလိုက်ပါနေမှာပါ။ ကိုယ်အခြေအနေနဲ့ ကိုက်ညီတဲ့ အခြေအနေတခုကတော့ တကယ်တတ်မြောက်ချင်တဲ့လူတွေအတွက် ရှိနေမှာမလွဲပါဘူး။

ဒါတွေဖတ်ပြီးတော့ သင်ချင်စိတ်ကုန်သွားပြီလား?
မသင်ဖြစ်တော့ရင် ဒုက္ခတွေ ငြိမ်းသွားပြီလို့ထင်ရစရာရှိပါတယ်။ ဒါပေမယ့် တရုတ်စကားနဲ့ပတ်သက်တဲ့ ကိစ္စတွေနဲ့ ကြုံလာတိုင်း တရုတ်စာတတ်ချင်တဲ့စိတ် ပေါ်လာရင်၊ သင်ဟာ တရုတ်စာနဲ့ စကားကို သင်မှကိုဖြစ်တော့မှာပါ။ :-D...

တရုတ်စာတတ်ကြပါစေ။
ဦးမောင်

၁၃-၀၃၀၂၀၁၀ ညနေ ၀၆း၄၈

၁ ဒေါ်လာနဲ့ အရိုးရှင်းဆုံးသီအိုရီ

  

     ၁၉၃၅ ခုနှစ်မှာပါ။ အမေရိကန်ဟာ ဘယ်တုန်းကမှ မဖြစ်ခဲ့ဖူးတဲ့ စီးပွားရေးပျက်ကပ်ကြီး ဆိုက်ရောက်နေချိန်ပေါ့။ အဲဒီတုန်းက အသက် ၁၀နှစ်ပြည့်ကာစ အာသာလေးက ကုန်ကားကြီးတစ်စီးပေါ်မှာ အလုပ်လုပ်ရပါတယ်။ သူ့တာဝန်ကတော့ နေ့စဉ်နေ့တိုင်း ကုန်ဆိုင်ပေါင်း ၁၀၀ နီးပါးအတွက် အထူးစားသောက်ကုန်တွေကို ပို့ပေးရတာပါ။ ဒီအလုပ်က အရမ်းပင်ပန်းပါတယ်။ နေ့စဉ် ၁၂-နာရီ လောက်လုပ်မှ ဟမ်ဘာဂါတစ်လုံး၊ အအေးတစ်ခွက်နဲ့ ဒေါ်လာ ပြား-၅၀ပဲရပါတယ်။ ဒီလောက်ပဲရတဲ့အပြင်၊ ဖြစ်ဖြစ်ညှစ်ညှစ်နဲ့ အသက်ဆက်ရှင်လို့ရနေသေးတဲ့ဒီအလုပ်က နေ့တိုင်းရှိတာလည်းမဟုတ်ပြန်ဘူး။  စားသောက်ကုန်ပို့စရာမရှိတဲ့နေ့တွေမှာ အာသာလေးဟာ အသက်ဆက်ဖို့အတွက်တွန်းအားနဲ့ လမ်းထောင့်က သကြားလုံးဆိုင်မှာ တောက်တိုမယ်ရသွားလုပ်ရပါတယ်။

     တစ်ရက်မှာ သူဌေးက အာသာကို လွတ်သွားတာသိပ်မကြာသေးတဲ့ ဂိုဒေါင်ထဲမှာ သန့်ရှင်းရေးသွားလုပ်ခိုင်းပါတယ်။ အဲဒီမှာ စားပွဲအောက်ကနေ သူ ၁-ဒေါ်လာ ကောက်ရသွားတယ်။ အခုလို စီးပွားရေးတွေမငြိမ်မသက်ဖြစ်နေတဲ့အခါကာလမှာ တနေ့မှ ပြား-၅၀လောက်ပဲ ရှာနိုင်တဲ့၊ အသက် ၁၀-နှစ်ပြည့်ကာစ ကလေးတစ်ယောက်အတွက်တော့ ၁-ဒေါ်လာဆိုတာ သေးသေးမွှားမွှားပမာဏတော့ မဟုတ်ပါဘူး။ ဒါပေမယ့် အာသာလေးဟာ တွေဝေမှုအလျဉ်းမရှိပဲနဲ့ ပိုက်ဆံကို ဆိုင်ပိုင်ရှင်သူဌေးဆီအပ်လိုက်ပါတယ်။

     အဲဒီဒေါ်လာတန်ကို ရလိုက်တဲ့အခိုက်မှာပဲ သူဌေးက ပြုံးတယ်။ သူက အာသာလေးရဲ့ ပုခုံးနှစ်ဖက်ကို ကိုင်ရင်းနဲ့ ပြောလိုက်တယ်။ ‘‘ကောင်လေး၊ ပိုက်ဆံကို အဲဒီမှာ ငါတမင်ထားထားတာကွ။ ရည်ရွယ်ချက်ကတော့ မင်းဟာယုံကြည်လို့ရနိုင်မလားဆိုတာ စမ်းသပ်ဖို့ပဲ။ ငါက ရိုးသားတဲ့ဆိုင်ဝန်ထမ်းတစ်ယောက်ကို ရေရှည် ခန့်ထားချင်လို့ပါ။’’

     ဒီလိုနဲ့ပဲ အာသာလေးဟာ လစာမြင့်ပြီး တော်တော်လေးတည်ငြိမ်တဲ့အလုပ်တစ်ခုကို ရလိုက်ပါတယ်။ ဒီအလုပ်ကို သူအထက်တန်းအောင်တဲ့အထိ တစ်လျှောက်လုံးလုပ်ခဲ့ပါတယ်။ တိုင်းပြည်ရဲ့စီပွားရေး အကြပ်တည်းဆုံးကာလမှာ အလုပ်ကောင်းတစ်ခုကိုရပြီး ဆက်ထိန်းထားလာနိုင်ခဲ့တာဟာ သူ့ရဲ့ရိုးသားပွင့်လင်းမှုကြောင့်လို့ ပြောလို့ရပါတယ်။

     နောက်ပိုင်းနှစ်တွေမှာလဲ အရွယ်ရောက်လာတဲ့အာသာဟာ စားပွဲထိုး၊ ကားပါကင်စောင့်၊ အခန်းသန့်ရှင်းရေးသမား စသည်ဖြင့် အလုပ်မျိုးစုံလုပ်ခဲ့ဖူးပါတယ်။ နောက်ပိုင်းမှာတော့ သူဟာ ရိုးသားမှုနဲ့ ယုံကြည်ရမှုကိုအားကိုးပြီး ကုန်ကားတွေနဲ့ကုန်ပစ္စည်းသယ်ယူပို့ဆောင်ရေး လုပ်ငန်းကို လုပ်ကိုင်ခဲ့ပါတယ်။ ဒီလုပ်ငန်းဟာ ၄နှစ်ဆက်တိုက်အရှူံးပေါ်ပြီး နောက်ဆုံးမှာတော့ (အပင်ပန်းခံအငြိုငြင်ခံလုပ်ခဲ့ရတဲ့) မျှော်လင့်ချက်မဲ့ကာလကို ကျော်ဖြတ်နိုင်ခဲ့ပြီး အတက်လမ်းကို စတင်နိုင်ခဲ့ပါတယ်။

     နောင်မှာတော့ အာသာ.အင်ပရေတိုး(Arthur-Imperatore)ဟာ နယူးဂျာစီ(New-Jersy) -မဟက်တန်(Mahattan) ပို့ဆောင်ရေးလုပ်ငန်းရဲ့ ပိုင်ရှင်လည်းဖြစ်၊ အေ-ပီ-တီပို့ဆောင်ရေးကုမ္ပဏီရဲ့ အမှုဆောင်ချုပ်လည်းဖြစ်လာခဲ့ပါတယ်။ 

**(ဘာသာပြန်စာအုပ်ထဲမှာတော့ A-P-T Transport လို့ ပြောထားတယ်။ ရှာလို့တွေ့တာတော့ A-P-A Transport Corp. ပါ။ ဘယ်ဟာအမှန်လဲဆိုတာ ဦးမောင်လည်းမပြောတတ်ပါ။ အောက်မှာပေးထားတဲ့ Link နှစ်ခုကို ယှဉ်ဖတ်ကြည့်နိုင်ပါတယ်။) 

သဘောတရား။     ။ ။လုပ်နိုင်စွမ်းရည်ရှိတဲ့လူတွေက ဒုနဲ့ဒေးပါ။ ဒါပေမယ့် ယုံကြည်မှုရနိုင်တဲ့လူကတော့သိပ်မများလှပါဘူး။ သူတပါးရဲ့ ယုံကြည်မှုကို မိမိရဲ့ရိုးသားမှုနဲ့ စစ်မှန်စွာရယူပြီးမှသာ တခြားအခွင့်အရေးအမြောက်အမြားကို ရနိုင်မှာပါ။ ဒါမှသာ မိမိရဲ့အနာဂါတ်အတွက် အကူအညီတောင်းခံဖို့ လူအမြောက်အမြားကို စွဲဆောင်နိုင်မှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 一美元的效益 ဆိုတာပဲဖြစ်ပါတယ်။

လေ့လာနိုင်ရန်အတွက်ပါ။ http://en.wikipedia.org/wiki/A-P-A_Transport_Corp.

http://www.apttransport.com/terminalscontactinfo/management.html

ပျော်ရွှင်ကြပါစေ

ဦးမောင်

၁၃.၀၃.၂၀၁၀ ည ၁၂း၂၈

ပြောချင်တဲ့အကြောင်း (၁)

     ဦးမောင် ပြီးခဲ့တဲ့လက သူငယ်ချင်းတစ်ယောက် လုပ်ထားတဲ့ Myanmar In Singapore ဆိုတဲ့ Ning Social Website လေးမှာ ဦးမောင် ဘာသာပြန်ထားတဲ့ လူအများနှစ်သက်နိုင်မယ့် post လေးတစ်ခုကို စပြီး တင်ဖြစ်ခဲ့ပါတယ်။ မှတ်မှတ်ရရ ပြောရရင် Feb 2, 2010 11:00 PM (SG Time) မှာပါ။ ‘‘အလုပ်ထွက်ခြင်းနဲ့ရာထူးတိုးခြင်း’’ ဆိုတဲ့ post လေးပါ။ ဒုတိယ post ဖြစ်တဲ့ ‘‘စာမေးကောင်းတဲ့အမေ’’ ဆိုတဲ့ ဟာသ ဘာသာပြန်ကိုတော့ Feb 4, 2010 8:17 PM မှာတင်ဖြစ်ခဲ့ပါတယ်။ တတိယ ဖြစ်တဲ့ ‘‘စွန့်လွှတ်ခြင်းနဲ့ ရွေးချယ်ခြင်း’’ post လေးကို တော့ Feb 19, 2010 8:54 PM မှာတင်ဖြစ်ခဲ့ပါတယ်။

     Posts တွေကို လူအများနှစ်သက်ကြတဲ့အတွက် ဦးမောင် ဘာသာပြန်ရကျိုးနပ်တယ်လို့ ခံစားမိပါတယ်။ ဒါပေမယ့်ပေါ့လေ...။ ဦးမောင်အီးမေးလ်ဆီကို ဒုတိယ ပို့စ်လေးဖြစ်တဲ့ ‘‘စာမေးကောင်းတဲ့အမေ’’ ပြန်ရောက်လာတဲ့အခါမှာ ဦးမောင် ခံစားမှုနှစ်မျိုးကို တစ်ပြိုင်နက်ထဲ ခံစားမိလိုက်ရပါတယ်။ တစ်ခုက ၀မ်းသာပီတိ ဖြစ်ရတာ။ တစ်ခုကတော့ စိတ်မကောင်းတာပါ။ ဒီအထိပြောပြီဆိုရင် blogger တိုင်းခံစားလို့ရနိုင်ပါပြီ။ 

     ပထမခံစားမှုကတော့ ဦးမောင်ရဲ့ ပို့စ်လေးဟာ လူအများအတွက် အပြုံးပန်းတစ်လက်ကို သေချာပေါက် ဆောင်ကျဉ်းပေးနိုင်မယ်ဆို့တဲ့အချက်ကို တွေးမိရင်း ပျော်ရွှင်ရတာပါ။ တခြားဘာသာစကားနဲ့လူမျိုးတွေက သူတို့ဘာသာနဲ့ ဒါလေးကို ဖတ်ပြီး ရယ်မောနေကြတဲ့အချိန်မှာ ဦးမောင်ကလဲ ကိုယ့်မြန်မာစကားလေးနဲ့ ကိုယ့်လူတွေရယ်မောစေချင်တဲ့ စေတနာနဲ့ ဘာသာပြန်ပေးခဲ့ခြင်းပါ။ ဒီပို့စ်လေး အီးမေးလ်နဲ့ လျှောက်သွားနေတာ ဦးမောင် ပျော်ပါတယ်။ မူရင်းရည်ရွယ်ချက်လေး အောင်မြင်တယ်လို့ ယူဆရင်းနဲ့ပေါ့။

     ဒုတိယခံစားမှုဖြစ်တဲ့ စိတ်မကောင်းမှုကတော့ ဒီပို့စ်လေးအောက်မှာ ဦးမောင် တင်ပေးလိုက်တုန်းကလို ဦးမောင်ရဲ့ Blog-Linkရယ်၊ နာမည်ရယ် မပါတော့တဲ့အတွက်ပါ။ စပြီးဖြန့်လိုက်တဲ့သူကတော့ ပါအောင်ထည့်ပေးချင်ပေးမှာပါ။ ဒါပေမယ့် အကြောင်းအမျိုးမျိုးတွေကြောင့်လို့ နားလည်မိရင်း ဖြစ်လာတဲ့ခံစားချက်ကို ဒီပို့စ်ထပ်ရေးပြီး ဖြေသိမ့်လိုက်ရကြောင်းပါ။ 

     အမှန်တော့ ဒါလေးကို ဘယ်သူမဆို အဲဒီဘာသာစကားတတ်ကျွမ်းသူတိုင်း ပြန်နိုင်တယ် ဆိုတာ ဦးမောင်သိပါတယ်။ ဒါပေမယ့် ဦးမောင် ဘာသာပြန်မိတော့ ဦးမောင်ရဲ့အတ္တလေးကို ပြန်မြင်ယောင်မိတာ မှားနိုင်မလား။ အခုတော့ ဦးမောင် မရေးချင်တဲ့ အကြောင်းတစ်ခုကို ဦးမောင်ရဲ့ ဘလော့မှာရေးဖြစ်သွားရပါပြီ။ ဦးမောင်ရဲ့ ပို့စ်လေးတွေအတွက် ဦးမောင်ကို မူပိုင်ခွင့်လေးပေးကြဖို့ပါ။

     Blogger တိုင်းမှာ ဦးမောင်လို တူညီတဲ့ ခံစားမှုတွေရှိမယ်လို့ ခံစားမိရင်း...။ တခြားလူများကလည်း Blogger တွေရဲ့ခံစားချက်ကို ညီတူညီမျှနားလည်ခံစားပေးနိုင်မယ်လို့ မျှော်လင့်ရင်း...

     ခံစားနားလည်နိုင်ကြပါစေ။

ပျော်ရွှင်ကြပါစေ

ဦးမောင်

၀၁.၀၃.၂၀၁၀ မနက် ၁၂း၃၁

တယောတစ်လက်ရဲ့ လေလံ...

     လေလံပွဲမှာ လေလံပစ်သူ အလုပ်များနေတဲ့အချိန်။ နောက်လေလံပစ်ပေးရမယ့် ပစ္စည်းတစ်ခုကို ဈေးခေါ်ဖို့ ယူလိုက်တဲ့အခိုက် သူ့မျက်နှာမှာ လှောင်ပြောင်သရော်လိုတဲ့ အပြုံးတစ်ချက် လက်သွားပါတယ်။ ဒီလို စုတ်စုတ်ပြတ်ပြတ်နဲ့ တယောတစ်လက်ကို လေလံပစ်တာ ဘာများစိတ်ဝင်စားစရာကောင်းလို့လဲ။ ပစ္စည်းအစုတ်တွေစုဆောင်းတဲ့ အဖွားကြီးကို ရောင်းလိုက်တာကမှ ဟုတ်ဦးမယ်ပေါ့။ လေလံပစ်တဲ့သူက ဒီလို စဉ်းစားနေမိပါတယ်။

     ဒါပေမယ့်လည်း အတွေးက အတွေးထဲမှာပေါ့။ လေလံပစ် ကျွမ်းကျင်သူလုပ်နေမှတော့ နောက်ဆုံး မျက်နှာမှာပြုံးပန်းဆင်ပြီး တယောလေးကိုမြှောက်လို့ ‘‘မိတ်ဆွေများခင်ဗျား၊ ဒါကတော့ နှစ်ကာလတွေ ရှည်ကြာလှပြီဖြစ်တဲ့ တယောလေးပါပဲ။ အရင်ဦးဆုံးကြိုတင်ပြောကြားထားလိုတာကတော့ ဒါကို ဘယ်အဖိုးတန်သစ်သားနဲ့မှ လုပ်ထားတာမဟုတ်ပါဘူး။ ဘယ်နာမည်ကြီးဆရာသမားတွေရဲ့လက်နဲ့မှလည်း မထိဖူးမညွှန်းဖူးထားပါဘူး။ ရိုးရိုးသာမန်တယောတစ်လက်သက်သက်ပါ။ အခု ဘယ်သူဈေးစဖွင့်ပါမလဲ။’’

     အောက်ကဈေးပေးတဲ့လူတွေ ကျိုးတိုးကျဲတဲဖြစ်သွားပါတယ်။ ပေးလိုက်တဲ့ဈေးတွေကလည်း ငိုရမလိုရယ်ရမလိုပါပဲ။ ‘‘၁ဒေါ်လာ’’။ ‘‘၂ ဒေါ်လာ’’။ ‘‘၃ဒေါ်လာ’’ အထိအော်လိုက်ပြီးတဲ့အခါမှာတော့ ဘယ်သူမှဆက်ပြီးမအော်ကြတော့ပါဘူး။ လေလံပစ်သူက လေလံအောင်မြင်ကြောင်း တူထုမယ်အလုပ်မှာ နောက်ဆုံးအတန်းမှာ ထိုင်နေတဲ့ အဖိုးအိုတစ်ယောက် မတ်တပ်ရပ်ပြီးပြောလိုက်ပါတယ်။ ‘‘ခဏနေပါဦး။’’

     အားလုံးက လှည့်ကြည့်လိုက်ကြတော့ ‘‘ရှူး’’ကနဲ တညီတညာနဲ့အသံထွက်လာပြီး တိတ်ဆိတ်သွားပါတယ်။ လတ်စသတ်တော့ ဒီမြို့လေးက နာမည်အကျော်ဆုံး တယောဆရာကြီးဖြစ်နေပါတယ်။ အဘိုးကြီးစင်မြင့်ပေါ်တက်သွားပြီး လက်ကိုင်ပ၀ါထုတ်လို့ တယောပေါ်က ဖုန်တွေကို သုတ်လိုက်ပါတယ်။ လျော့နေတဲ့ တယောကြိုးတွေကိုလည်း ညှိလိုက်ပါတယ်။ ပြီးတာနဲ့ ဘိုးတံကိုင်ပြီး တယောစဆွဲပါတော့တယ်။ တဒင်္ဂအတွင်း ခန်းမထဲမှာ နတ်တေးဂီတတွေ လွင့်မျောနေသလို၊ နတ်တွေလူ့ပြည်ဆင်းပြီးတီးခတ်နေသလို လူတွေကို အံ့ဩရှုမောပြီး နစ်မျောသွားစေပါတယ်။

     ဂီတသံက နောက်ဆုံးရပ်သွားပါတယ်။ တယောဆရာက တယောအိုလေးနဲ့ဘိုးတံကို မြှောက်ပြပြီး ‘‘ကျုပ်ဒီတယောအတွက် ဈေးဖွင့်ပါမယ်။ ဒေါ်လာ ၁၀၀၀ ပါ။ ဘယ်သူများ ၂၀၀၀ ပေးချင်ပါသလဲ။’’ အောက်ဘက်ကနေ ချက်ချင်း(၂၀၀၀ဈေး သဘောတူကြောင်း)ပြန်ဖြေပါတယ်။ ‘‘ကောင်းပြီ။ အခု ၂၀၀၀ ပါ။ ဘယ်သူ ၃၀၀၀ ပေးချင်ပါသလဲ။’’ ဈေးသဘောတူကြောင်း လူတစ်ယောက်ပြန်ဖြေပါတယ်။ ‘‘၃၀၀၀ တစ်ကြိမ်။ ၃၀၀၀ နှစ်ကြိမ်။ ၃၀၀၀ သုံးကြိမ်ပါ။ လေလံအောင်မြင်သွားပါပြီ။’’

     အဲဒီအချိန်မှာ လေလံပွဲလာတဲ့လူတွေအားလုံး မချိန်းထားပဲနဲ့ တညီတညာထဲ ဟစ်အော်အားပေးကြပါတော့တယ်။

     ‘‘ဘာဖြစ်လို့ ရုတ်တရက်ကြီး တန်ဖိုးမြင့်သွားရတာလဲ’’ လို့ လူတစ်ယောက်က အော်မေးပါတယ်။

     ‘‘ဆရာသမားလက်ထဲရောက်မှတော့ ကျောက်ခဲကိုညွှန်ရင်တောင် ရွှေဖြစ်တယ်ဗျို့’’ လို့ လူတစ်ယောက်က အသံကျယ်ကျယ်နဲ့ ပြန်ဖြေလိုက်ပါတယ်။

သဘောတရား။     ။ ။လူ့ဘ၀မှာ သံစဉ်တွေလွဲကုန်တဲ့အခါ ကျွန်တော်တို့တွေဟာ မသိလိုက်မသိဖာသာပဲ ကိုယ့်ကိုယ်ကို အထင်သေးမိတတ်ကြပါတယ်။ ဒါ့အပြင် ဈေးချပြီးတော့လည်း ကိုယ့်ကိုယ်ကိုရောင်းကြပါတယ်။ ဒါပေမယ့် တတ်ကျွမ်းတဲ့ဆရာသမားတွေက ကျွန်တော်တို့ကို ထိတွေ့လိုက်ပြီးတာနဲ့ ဒီ စိတ်ဝိညာဉ်နဲ့တန်ဖိုးတွေကပဲ ချက်ချင်းဆိုသလို တန်ဖိုးအဆတရာ တက်သွားနိုင်ပါတယ်။ ဒီလိုဆိုကြရင်ဖြင့် ကျွန်တော်တို့တွေ ဘာဖြစ်လို့ မိမိကိုယ်တိုင်ရဲ့ ဆရာသမားကောင်း မလုပ်နိုင်ကြရမှာလဲဆိုတာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 拍卖旧提琴 ဆိုတာပဲဖြစ်ပါတယ်။

မူရင်း စကားပုံလေးက ‘‘大师经手, 点石成金’’ ပါ။

ပျော်ရွှင်ကြပါစေ

ဦးမောင်

၂၈.၀၂.၂၀၁၀ ညနေ ၀၅း၀၄

အောင်မြင်မှုဆိုတာ...

     အလှူရှင်တွေအတွက် သီးသန့်လုပ်ပေးတဲ့ ကပွဲတစ်ခုမှာဖြစ်ပါတယ်။ လာရောက်ကြသူအားလုံးကတော့ ငွေကြေးပမာဏအမြောက်အမြား လှူဒါန်းဖူးတဲ့ အောင်မြင်တဲ့ပုဂ္ဂိုလ်ကျော်တွေပဲဖြစ်ပါတယ်။ ပြောစကားအရဆိုရင် သူတို့ထဲမှာ အနည်းဆုံးလှူဖူးတဲ့သူတောင် အလှူငွေ သန်းဂဏန်းအထက်မှာရှိပါတယ်။

     မီးရောင်တွေထိန်ထိန်လင်းနေတဲ့ကြားမှာ ကဋေကြွယ်သူဌေးတစ်ယောက်ဟာ အသစ်ရင်းနှီးတဲ့ မိတ်ဆွေတွေနဲ့ ပြောဆိုရယ်မောနေပါတယ်။ ရုတ်တရက် အခန်းထောင့်မှာ ဘာစကားမှမပြောတဲ့ ဘယ်သူမှလဲအဖော်မလုပ်တဲ့ လူတစ်ယောက်ထိုင်နေတာကို သူရိပ်ကနဲတွေ့လိုက်ပါတယ်။ ဒါနဲ့ပဲ သူဟာ အရက်ခွက်ကလေးကိုင်ပြီး လျှောက်သွားလိုက်ပါတယ်။

     ‘‘ဟိုင်း၊ မင်္ဂလာပါ၊ မိတ်ဆွေ။’’ သူဌေးကြီးက အဲဒီလူကို နှုတ်ဆက်လိုက်ပါတယ်။ ခင်ဗျားလည်း ဒီကပွဲလာတဲ့ ဧည့်သည်ပဲလား။’’

     ‘‘’ဟုတ်ပါတယ်။’’ အဲဒီလူက သူ့ကို တစ်ချက်ကြည့်ပြီး ယဉ်ကျေးစွာနဲ့ ပြုံးရယ်ပြီး ပြန်ဖြေပါတယ်။

     ‘‘ဒါဆို ကျွန်တော်တို့ချင်း မိတ်ဆက်ရအောင်လားဗျာ။ ခင်ဗျားက ဘာလုပ်သလဲ။’’ သူဌေးကြီးက ထပ်မေးပါတယ်။

     ‘‘ကျွန်တော်က သတင်းဌာနက ကော်လံအပိုင်စားသတင်းရေးဆရာပါ။’’ အဲဒီလူက ပြန်ဖြေပါတယ်။

     ‘‘ဪ...’’ သူဌေးကြီးက အံ့အားသင့်ပြီး မျက်လုံးပြူးသွားတယ်။ ‘‘ဒါဆိုရင်တော့ ခင်ဗျားက အောင်မြင်တဲ့သူ သေချာပေါက်ဖြစ်ရမယ်။ ဒီညကပွဲကိုလာနိုင်တယ်ဆိုတော့ လှူဒါန်းငွေက တစ်သန်းထက်တော့ မနည်းဘူးပေါ့။’’

     ‘‘ကျွန်တော်ကတော့ ချွင်းချက်ပါ။’’ ကော်လံစားသတင်းရေးဆရာက အသာအယာပြုံးရင်းနဲ့ ‘‘ကျွန်တော်က ၅သောင်းပဲ လှူခဲ့တာပါ။’’

     ‘‘ဘာ...’’ သူဌေးကြီးက ပထမ မှင်သက်သွားတယ်။ နောက်တော့ အထင်သေးတဲ့အကြည့်တွေနဲ့ တဟားဟားရယ်ပါတော့တယ်။ ‘‘ကျုပ်က ခင်ဗျားကို အောင်မြင်တဲ့သူတစ်ယောက်လို့ထင်နေတာ။ လတ်စသတ်တော့ ခင်ဗျားက ငွေလေး ၅သောင်းပဲလှူဖူးတာကိုး။’’

     ‘‘ကျွန်တော်က အောင်မြင်တဲ့သူတစ်ယောက်ပါပဲ၊ မစ္စတာ။’’ ကော်လံစားသတင်းရေးဆရာက အောက်လဲမကျို့ မာနလည်းကင်းကင်းနဲ့ မတ်တပ်ရပ်လိုက်ပြီး တည်ကြည်လေးနက်စွာပြောပါတယ်။ ‘‘ကျွန်တော်က ငွေ၅သောင်းပဲလှူတယ်ဆိုပေမယ့် ဒါက ကျွန်တော်ပိုင်ဆိုင်သမျှဥစ္စာရဲ့ နှစ်ပုံပုံရင် တစ်ပုံပါပဲ။ ခင်ဗျားကျတော့ရော။ ငွေတစ်သန်းလှူတယ်ဆိုပေမယ့် ခင်ဗျားပိုင်ဆိုင်သမျှဥစ္စာရဲ့ အပုံတစ်ရာပုံတစ်ပုံပဲရှိပါတယ်။ နှိုင်းယှဉ်လိုက်မယ်ဆိုရင် ဘယ်သူက ပိုပြီးအောင်မြင်တဲ့လူဖြစ်မလဲ။ ဘယ်သူက ဒီနေရာမှာရပ်နေနိုင်တဲ့ အရည်အချင်းနဲ့ ပိုပြီးပြည့်မီပါသလဲ။’’

     ဒီစကားတွေကြားလိုက်ရတော့ ကုဋေကြွယ်သူဌေးကြီးလည်း ရုတ်တရက် ဆွံ့အသွားပါတော့တယ်။

     ဒါတွေပြောမိလို့ ဟိုင်အော်(Haier)အမှုဆောင်ချုပ် ကျန်းရွေ့မင်ရဲ့ စကားတစ်ခွန်းကို ရုတ်တရက်သွားပြီး သတိရမိပါတယ်။ ‘‘သေးတာဟာ အလှတရားမဟုတ်ဘူး။ ကြီးတာလည်း အလှတရားမဟုတ်ဘူး။ သေးရာကနေပြီးကြီးလာတာကမှ အလှတရားပါ။’’ ပကတိ အလှတရားဆိုတာမရှိပါဘူး။ နှိုင်းယှဉ်လို့ပဲရပါတယ်။ နှိုင်းယှဉ်မှုတွေလုပ်လိုက်ပြီးတော့မှသာ တကယ့်အလှတရားက ဘာလဲဆိုတာ ကျွန်တော်တို့ ခွဲခြားလို့ရမှာပါ။ ဒီလို လူတိုင်းသိထားတဲ့ ကြောင်းကျိုးသဘောတရားနဲ့ ဒီပုံပြင်ထဲက ကုဋေကြွယ်သူဌေးကြီးနဲ့ ကော်လံစားသတင်းရေးဆရာတို့ကို ခွဲခြမ်းစိတ်ဖြာကြည့်လိုက်ရင် ဒုတိယဖြစ်တဲ့ ကော်လံစားသတင်းရေးဆရာကပဲ ပိုပြီးအောင်မြင်တဲ့သူပါ။ ဒီကပွဲကိုတက်ရောက်ဖို့ အရည်အချင်းနဲ့ ပိုပြည့်စုံတဲ့သူပါ။

သဘောတရား။     ။ ။အောင်မြင်မှုနဲ့ ငွေကြေးကြွယ်ဝချင်းဟာ ဆန့်ကျင်ဘက်ပါ။ ပုံသေသတ်မှတ်ထားတဲ့ စံနဲ့လာပြီးတိုင်းတာလို့မရစကောင်းပါဘူး။ ဒါ့အပြင် အောင်မြင်မှုသင်္ကေတရဲ့ တကယ့်အဓိပ္ပါယ်အစစ်က မိမိကိုယ်ကို တစ်ကြိမ်ပြီးတစ်ကြိမ် ကျော်လွန်ဖောက်ထွက်နိုင်မှုပါ။ မိမိပိုင်ဆိုင်သမျှစည်းစိမ်ဥစ္စာနဲ့ လုံးဝတိုင်းတာလို့မရနိုင်ပါဘူး။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 谁更成功 ဆိုတာပဲဖြစ်ပါတယ်။

လေ့လာချင်သူများအတွက် Haier Company အကြောင်းပါ။ http://www.haier.com/abouthaier/corporateprofile/index.asp

ပျော်ရွှင်ကြပါစေ

ဦးမောင်

၂၈.၀၂.၂၀၁၀ နေ့လည် ၀၃း၁၅

ဆရာဝန်နဲ့လူနာ (၂)

အရေးကြီးတဲ့မေးခွန်း...

လူနာ။     ။ ‘‘ဆရာ၊ ဆရာ လူနာတွေကို ညနေစာဘာစားလဲလို့ အမြဲမေးတတ်တာ ကျွန်တော် သိထားပါတယ်။’’

ဆရာဝန်။     ။ဆရာဝန်က ပြန်ဖြေလိုက်တယ်။ ‘‘ဟုတ်ပါတယ်။ အဲဒါက လူနာတွေကို ဘယ်လိုပိုက်ဆံတောင်းရမယ်ဆိုတာ အရိပ်အမြွက်သိရတယ်လေ။’’

တကယ်အကုခံချင်တယ်ဆိုရင်...

ဆရာဝန်။   ‘‘သာမန်အအေးမိရုံပါ။ ကုစရာမလိုပါဘူး။ သူ့ဖာသာပျောက်သွားတဲ့ အထိနေပေးလိုက်ရုံပါပဲ။’’

လူနာ။     ။ညီးညူလိုက်ရင်း ‘‘ဒါပေမယ့်၊ ဆရာ။ ဒီဟာကြောင့် ကျွန်တော့်မှာ နေရထိုင်ရတာ တော်တော် မအီမသာဖြစ်နေတယ်။’’

ဆရာဝန်။     ။မျက်နှာကျက်ပေါ် မျက်လုံးကလည်ကလည်နဲ့ကြည့်ပြီး ပြောလိုက်တယ်။ ‘‘ဒီလိုလုပ်ပါ။ အိမ်ပြန်ပြီး ရေပူပူလေးနဲ့ရေချိုးလိုက်။ ပြီးရင် ရေချိုးဝတ်စုံလေးဝတ်ပြီး အိမ်ယာ(တိုက်ဘလောက်)ကိုပတ်ပြီး ၃၊၄ခေါက်လောက်ပြေးလိုက်ပါလား။’’

လူနာ။     ။‘‘ဘာဗျ။ ကျွန်တော် အဆုတ်ရောင်ရောဂါရသွားမှာပေါ့။’’

ဆရာဝန်။     ။‘‘အဆုတ်ရောင်ရောဂါကို ကျွန်တော်တို့ကုသလို့ရပါတယ်။’’

ကျော်ကြားတဲ့ပန်းချီဆရာ...

ပန်းချီဆရာတစ်ယောက်က ပြပွဲနေ့က သူ့ပန်းချီကားတွေအပေါ် လူတွေစိတ်ဝင်စားမှုရှိမရှိ ပြခန်းပိုင်ရှင်ကိုမေးပါတယ်။

ပြခန်းပိုင်ရှင်က ပြန်ဖြေပါတယ်။ ‘‘ကျွန်တော့်မှာ သတင်းကောင်းနဲ့ သတင်းဆိုး နှစ်ခုရှိပါတယ်။ သတင်းကောင်းကတော့ လူကြီးလူကောင်းတစ်ယောက် ခင်ဗျားပန်းချီကားတွေအကြောင်း လာစုံစမ်းပါတယ်။ ပြီးတော့ သူက ခင်ဗျားသေသွားပြီးရင် ဒီပန်းချီကားတွေ တန်ဖိုးတက်လာနိုင်မလားဆိုတာ သိချင်နေပါတယ်။ ဒါနဲ့ ကျွန်တော်က တန်ဖိုးတက်လာနိုင်တယ်လို့ ပြန်ဖြေလိုက်တော့ ခင်ဗျားရဲ့ ပန်းချီကား ၁၅ ချပ်လုံးကို သူအကုန်ဝယ်သွားတော့တာပါပဲ။’’

ပန်းချီဆရာက ပြောတယ်။ ‘‘အံ့ဩစရာပဲဗျို့။ ဒါနဲ့ သတင်းဆိုးက ဘာများလဲဗျ။’’

‘‘အဲဒီလူက ခင်ဗျားရဲ့ ဆရာဝန်ပါပဲ။’’

အကူအညီလိုတယ်...

သွားဆရာဝန်။     ။ ‘‘ကျွန်တော့်ကို တဆိတ်လောက်ကူညီပေးပါလား။ ခင်ဗျားရဲ့ အကျယ်ဆုံးနဲ့ အနာကြင်ဆုံး အသံလေး ၃၊၄ ချက်လောက် အော်ပေးလို့ရမလား။’’

လူနာ။     ။‘‘ဘာဖြစ်လို့လဲ၊ ဆရာ။ အဲဒီလောက်မှ တကယ် အခံရမခက်တဲ့ဟာ။’’

သွားဆရာဝန်။     ။‘‘အခု လူနာစောင့်ခန်းထဲမှာ လူနာတွေအများကြီးပဲဗျ။ ကျွန်တော်ရဲ့ ၅ နာရီတိတိ အလုပ်သိမ်းချိန်လေး ကျော်မသွားအောင်လို့ပါဗျာ။’’

မင်းကအကောင်းကြီးပဲ...

သတင်းထောက်တစ်ယောက်က လူတစ်ယောက်ကို သူ့ရဲ့၉၉နှစ်ပြည့်မွေးနေ့ပွဲမှာ အင်တာဗျူးတယ်။ အင်တာဗျူးအပြီးမှာ သတင်းထောက်က ပြောလိုက်တယ် ‘‘ခင်ဗျားရဲ့ နှစ်၁၀၀ပြည့်မွေးနေ့အတွက် နောက်နှစ်မှာပြန်လာတွေ့နိုင်ဖို့ မျှော်လင့်ပါတယ်။’’ 

အဲဒါကို အဘိုးကြီးပြန်ဖြေလိုက်တာက ‘‘မလာနိုင်မယ့်အကြောင်း ကျုပ်မမြင်မိပါလား။ မောင်ရင်က ကျန်းမာရေး ဒေါင်ဒေါင်မြည်နေတာပဲဟာ။’’

ဒါမျိုးလည်းရှိတတ်ပါလား...

စိုးရိမ်ပူပန်နေတဲ့ ခင်ပွန်းသည်တစ်ယောက်က မနက် ၃ နာရီကြီးမှာ ဆရာဝန်ကို ဖုန်းဆက်လာပါတယ်။

‘‘ဒေါက်တာရယ်...ကျွန်တော့်အိမ်ကို အမြန်လာပေးပါဗျာ။ ကျွန်တော့်မိန်းမ အူအတက်ရောင်နေလို့ပါ။’’

‘‘မဖြစ်နိုင်ဘူး၊ သူ့ကို ကာဘွန်နိတ်ဆိုဒါ နည်းနည်းတိုက်လိုက်ပါ။ ပြန်အိပ်ပျော်သွားပါလိမ့်မယ်။’’

‘‘ဒါပေမယ့်၊ ဒေါက်တာ၊ ဒီမှာ အရမ်းအသည်းအသန်ဖြစ်နေလို့ပါ။ ချက်ချင်းလာပေးပါဗျာ။’’

‘‘ဒီမှာ...လွန်ခဲ့တဲ့ ၃နှစ်ကပဲ ကျုပ် သူ့ကို အူအတက်ရောင်အတွက် ခွဲပေးခဲ့ရသေးတယ်။ ခင်ဗျား ဒုတိယ အူအတက်ဆိုတာ ကြားဖူးလို့လားဗျ။’’

‘‘ဒီမှာ...ဒေါက်တာ...ဒုတိယ မိန်းမဆိုတာတော့ ကြားဖူးမယ်ထင်ပါတယ်။’’

အညွှန်း...

လူနာတစ်ယောက်က ကျော်ကြားတဲ့အထူးကုဆရာဝန်တစ်ယောက်ရဲ့ ရောဂါစမ်းသပ်ခန်းထဲမှာ စိတ်လှုပ်ရှားစွာနဲ့ စောင့်ဆိုင်းနေပါတယ်။

အထူးကု။     ။‘‘ကျုပ်ဆီမလာခင် ဘယ်သူနဲ့အရင်ပြခဲ့သေးလဲ။’’

လူနာ။     ။‘‘ဒေသခံအထွေထွေရောဂါကုဆရာဝန်နဲ့ပါ။’’

အထူးကု။     ။‘‘အထွေထွေရောဂါကုနဲ့..ဟုတ်လား။ သက်သက်မဲ့အချိန်ဖြုန်းတာပဲ။ ပြောစမ်းပါဦး။ ဘယ်လိုအသုံးမကျတဲ့ အကြံတွေများ ခင်ဗျားကိုပေးလိုက်လဲ။’’

လူနာ။     ။‘‘အထူးကုကြီးဆီကို လာတွေ့ဖို့ပြောလိုက်ပါတယ်။’’

သေချာအောင်တော့ပြောပေးပါ...

ပီတာက သူ့ဆရာဝန်ရဲ့ ဆေးခန်းကို လာတွေ့ဖို့အချိန်အတွက် ဖုန်းခေါ်ပါတယ်။

ဖုန်းဖြေကြားသူ ၀န်ထမ်းက ပြောပါတယ်။ ‘‘စိတ်မကောင်းပါဘူးရှင်၊ ရှင့်ကို လာမယ့်နှစ်ပတ်အတွင်းဘယ်လိုမှ အချိန်မပေးနိုင်ပါဘူး။’’

‘‘ဗျာ...အဲဒီအချိန်လောက်ဆို ကျုပ်ကသေနေလောက်ပြီဗျ။’’

‘‘ကိစ္စမရှိပါဘူးရှင်။ ရှင့်မိန်းမကသာ ကျွန်မတို့ကို အကြောင်းကြားရင် ချိန်းထားတဲ့အချိန်ကို  ပြန်ဖျက်ပေးပါ့မယ်။’’

အရေးပေါ်...

ပင်ပန်းနေတဲ့ဆရာဝန်က ညလယ်ခေါင်ကြီးကြမှ လာတဲ့ဖုန်းကြောင့် လန့်နိုးသွားပါတယ်။

စိတ်ကယောက်ကယက်ဖြစ်နေတဲ့ ငယ်ရွယ်တဲ့မိခင်တစ်ယောက်က အသနားခံတောင်းပန်နေပါတယ်။ ‘‘ကျေးဇူးပြုပြီးချက်ချင်းလာပေးပါ ဒေါက်တာ။ ကျွန်မကလေးက သန္ဓေတားဆေးကို မျိုချလိုက်လို့ပါရှင်။’’

ဆရာဝန်လည်း အ၀တ်အစားမြန်မြန်လဲလိုက်တယ်။ ဒါပေမယ့် သူအိမ်အပေါက်ဝကနေတောင် မထွက်ရသေးဘူး ဖုန်းတစ်ခါ ထပ်မြည်လာတယ်။

‘‘ဆရာလာစရာမလိုတော့ပါဘူး’’ အမျိုးသမီးက စိတ်သက်သာရာရတဲ့ သက်ပြင်းချသံနဲ့ ပြောလိုက်ပါတယ်။ ‘‘ကျွန်မယောက်ျား နောက်ဆေးတစ်လုံး အခုပဲရှာလို့တွေ့သွားလို့ပါ။’’

---------------------------------------------------------------------------------------------------------------------------

ဒီဟာသတွေကိုတော့ Rewa Mirpuri စုစည်းထားတဲ့ Best of Humor စာအုပ်ထဲက ပြန်ကောက်နှုတ်ပြီး ဘာသာပြန်ထားတာပါ။

ပျော်ရွှင်ကြပါစေ...

ဦးမောင်

၂၈-၀၂-၂၀၁၀ နေ့လည် ၀၁း၁၀

စိတ်ကိုမြှင့်၍မြင့်ကြစေ

     ဟားဗတ်တက္ကသိုယ် စိတ်ပညာပါမောက္ခ ရိုဇန်သယ်ဟာ ကြွက်ဖြူကလေးတွေကိုအသုံးချပြီး စိတ်ဝင်စားစရာကောင်းတဲ့ ၀င်္ကဘာလျှောက် စမ်းသပ်ချက်တစ်ခုကို လုပ်ခဲ့ဖူးပါတယ်။

     စမ်းသပ်ချက်မတိုင်ခင်မှာ ကြွက်ဖြူကလေးတွေကို အုပ်စု ၃စုခွဲလိုက်ပြီး စပ်းသပ်ချက်လုပ်မယ့်လူအဖွဲ့ အေ၊ ဘီ၊ စီ ၃ဖွဲ့ကို ခွဲပေးလိုက်ပါတယ်။ ပြီးတော့ အေအဖွဲ့ကို ပြောပါတယ်။ ‘‘မင်းတို့တွေ အရမ်းကံကောင်းတယ်။ မင်းတို့ကိုပေးတဲ့ ကြွက်ဖြူလေးတွေက ပါမောက္ခတွေ အထူးတလည်ရွေးချယ်ပေးထားပြီး အကြံကုန်ဥာဏ်ကုန်လေ့ကျင့်ပေးထားတဲ့ ကြွက်ကလေးတွေပဲ။ သူတို့ကမျိုးရိုးကောင်းပြီး ဥာဏ်လည်းအရမ်းထက်ကြတယ်။ ဥာဏ်ရည်ဥာဏ်သွေးက လူ့ဦးနှောက်နီးနီးပဲ။ ဒါကြောင့် မင်းတို့ ဒီကြွက်လေးတွေကို ကောင်းကောင်းပြုမူဆက်ဆံရမယ်။ သူတို့ရဲ့စွမ်းရည်ကို အကောင်းဆုံးအဆင့်ဖြစ်လာအောင် မင်းတို့ကအစွမ်းကုန်ကြိုးစားပြီး မြှင့်တင်ပေးရမယ်။’’

     ဘီအဖွဲ့ကိုတော့ ဒီလိုပြောပါတယ်။ ‘‘မင်းတို့ရဲ့ကံကတော့ သာမန်ပါပဲ။ ဒီကြွက်ဖြူလေးတွေက  ရိုးရိုးကြွက်လေးတွေပဲ။ မျိုးရိုးလည်းသာမန်ဖြစ်သလို ဥာဏ်ရည်လည်းသာမန်ပါပဲ။ မင်းတို့က သူတို့ကို သုံးနေကြနည်းလမ်းတွေအတိုင်း လေ့ကျင့်ပေးရင်ရပါပြီ။’’

     စီအဖွဲ့ကိုကျတော့ ဒီလိုပြောပါတယ်။ ‘‘မင်းတို့ကတော့ အလွန့်အလွန်ကို ကံဆိုးတယ်။ ဒီကြွက်ဖြူလေးတွေဟာ တကယ့်ကိုကံခေကြပါတယ်။ သူတို့က မျိုးရိုးလည်းညံ့ပြီး ဥာဏ်ရည်လည်းအရမ်းနိမ့်တယ်။ တကယ့် ကြွက်ငတုံးလေးတွေပါပဲ။ မင်းတို့ ဒီကြွက်တွေကို ဘာနည်းလမ်းပဲသုံးပြီး လေ့ကျင့်ပေးပါစေ ရပါတယ်။ သူတို့ရဲ့ဗီဇကိုက သတ်မှတ်ပြီးသားဖြစ်နေပြီပဲ။’’

     အဖွဲ့သုံးဖွဲ့က စမ်းသပ်ချက်လုပ်တဲ့သူတွေဟာ ပြောထားတဲ့ညွှန်ကြားထားချက်အတိုင်း ကြွက်ဖြူလေးတွေကို အသီးသီးလေ့ကျင့်ပေးပြီးလို့ တစ်လအကြာမှာ ပါမောက္ခက အုပ်စုသုံးစုခွဲထားတဲ့ ကြွက်ဖြူလေးတွေနဲ့ စမ်းသပ်ချက်တွေပြုလုပ်ပါတော့တယ်။ နောက်ဆုံးရလဒ်တွေကတော့ အေအဖွဲ့ရဲ့ ကြွက်ဖြူလေးတွေဟာ ထင်ထားတဲ့အတိုင်း ဥာဏ်ရည်အထက်ဆုံးဖြစ်နေကြပါတယ်။ ၀င်္ကဘာကို ထွက်နိုင်တဲ့အပြင် ကြာချိန်က ကျွမ်းကျင်သူတွေကြိုတင်မျှော်လင့်ထားတဲ့အချိန်ထက်တောင် နည်းနေပါသေးတယ်။ ဘီအဖွဲ့ရဲ့ ကြွက်ဖြူလေးတွေကတော့ စွမ်းဆောင်ရည်သာမန်ပဲ ဖြစ်နေပြီး သူတို့ထဲကတစ်ဝက်လောက်သာ ၀င်္ကဘာထဲက ထွက်နိုင်ကြပါတယ်။ ကြာချိန်ကလည်း ကျွမ်းကျင်သူတွေ ကြိုတင်မျှော်လင့်ထားတာထက် အနည်းငယ်ပိုပါတယ်။ စီအဖွဲ့ရဲ့ကြွက်ဖြူလေးတွေကတော့ ကံအဆိုးဆုံးပါ။ ၂ကောင်သာ ၀င်္ကဘာထဲကထွက်နိုင်ခဲ့ပြီး ကြာချိန်ကလည်း သည်းမခံနိုင်လောက်အောင် ရှည်လျားလှပါတယ်။

     စမ်းသပ်မှုပြီးသွားတဲ့အခါမှာတော့ ပါမောက္ခရိုဇန်သယ်က အဖွဲ့အသီးသီးကို အေးဆေးစွာနဲ့ပြောပြလိုက်ပါတယ်။ ‘‘အမှန်တော့ ဒီကြွက်ဖြူလေးတွေဟာ မျိုးရိုးတို့ဥာဏ်ရည်တို့ ဘာဆိုဘာမှ မကွဲပြားကြပါဘူး။ သူတို့က သာမန်ကြွက်ဖြူလေးတွေပါပဲ။ ငါက သူတို့ကို အဖွဲ့ ၃ဖွဲ့ခွဲလိုက်တာ သက်သက်ပါပဲ။’’

     စမ်းသပ်ချက်လုပ်တဲ့လူတွေဟာ မျက်လုံးမျက်ဆန်ပြူးလို့ ပါးစပ်အဟောင်းသားဖြစ်ကုန်ပြီး တစ်လအတွင်း ကြွက်ဖြူလေးတွေအပေါ် သူတို့ပြုမူဆက်ဆံပုံများကို ပြန်တွေးမိကုန်ကြပါတော့တယ်။ အေအဖွဲ့ကလူတွေက သူတို့ရဲ့ကြွက်ဖြူလေးတွေကို အရမ်းတန်ဖိုးထားကြပါတယ်။ သူတို့က ကြွက်လေးတွေကို အစွမ်းကုန် ပြုစုစောင့်ရှောက်ကြပါတယ်။ ပြီးတော့ အတက်ကြွဆုံးနဲ့ ခက်ခဲပေ့ဆိုတဲ့နည်းလမ်းတွေနဲ့ ဒီ‘စူပါကြွက်’လေးတွေကို လေ့ကျင့်ပေးခဲ့ကြပါတယ်။ ဒါ့အပြင် ဒီကြွက်ကလေးတွေနဲ့ အချိန်မှန်သတ်မှတ်ပြီး ‘ဘာသာစကားဖလှယ်’တာမျိုးတွေကိုလည်း လုပ်ခဲ့ကြပါသေးတယ်။ ဘီအဖွဲ့ကလူတွေကတော့ သူတို့ရဲ့ စမ်းသပ်ခံကြွက်ကလေးတွေကို သာမန်အိမ်မွေးတိရိစ္ဆာန်လေးတွေလို ပြုမူဆက်ဆံခဲ့ကြပြီး သာမန်နည်းလမ်းတွေနဲ့သာ လေ့ကျင့်သင်ကြားပေးခဲ့ကြပါတယ်။ စီအဖွဲ့က လူတွေကတော့ သူတို့ကံမကောင်းတာကိုပဲ သက်ပြင်းချနေခဲ့ကြပါတယ်။ မမျှော်လင့်ပဲ တုံးအလွန်းတဲ့ကြွက်ကလေးတွေနဲ့ကြုံရပြီး လေ့ကျင့်ပေးစဉ်အခါမှာလည်း မူမမှန်တဲ့လက္ခဏာရပ်တွေက ဒီကြွက်ကလေးတွေဟာ ‘အတုံးတကာ့အတုံး’ လေးတွေဆိုတာ တိုက်တိုက်ဆိုင်ဆိုင် ကြုံတွေ့ခဲ့ကြရလို့ပါ။ ဥပမာအားဖြင့် ညွှန်ကြားမှုကိုနားမထောင်ခြင်း နဲ့ အမှတ်အသားမရှိခြင်း စတာတွေဖြစ်ပါတယ်။ ဒါကြောင့်ပဲ ဒီသနားစရာကြွက်ကလေးတွေကို သူတို့မကြာခဏဆိုသလို ဆဲဆိုငြူစူခဲ့ကြပါတယ်။ တခါတလေမှာ မေ့ချင်ယောင်ဆောင်ပြီး အစာမကြွေးမိတဲ့ နည်းလမ်းနဲ့ ကြွက်ကလေးတွေကို ဒဏ်ပေးခဲ့ကြပါတယ်။

     ပါမောက္ခရိုဇန်သယ်ဟာ ဒီစမ်းသပ်မှုကလေးကနေတဆင့် လူတွေကို တခုခုပြောပြချင်တယ်ဆိုတာ ထင်ရှားလှပါတယ်။ ဥာဏ်ရည်ဥာဏ်သွေး မကွာခြားသော်ငြားလည်း ပြုမူပြောဆိုဆက်ဆံခံရပုံ မတူတဲ့အခါမှာတော့ (လူတွေ၊ တိရစ္ဆာန်တွေရဲ့ အရည်အသွေး) အနိမ့်အမြင့်ဆိုတာ နောက်ဆုံးမှာ ကွဲပြားကုန်နိုင်ပါတယ်။ ဒီလိုဆိုရင်ဖြင့် ကျွန်တော်တို့လည်း  (မိမိနဲ့သူတစ်ပါးအပေါ်) ဘယ်လိုသဘောထားတွေနဲ့ ပြုမူဆက်ဆံသင့်သလဲဆိုတာ စဉ်းစားသင့်ကြကြောင်းပါ။

သဘောတရား။     ။ ။မိမိကိုယ်၌အပါအ၀င် လောကလူသားတခုလုံးကို  မိမိရဲ့ကြိုးပမ်းအားထုတ်မှုဖြင့် (ကောင်းမွန်လာအောင်) ပြောင်းလဲသင့်ကြပါတယ်။ ဒါကြောင့် ထက်မြက်တဲ့လူတစ်ယောက် ဖြစ်ချင်တယ်ဆိုရင် ထက်မြက်တဲ့လူတွေရဲ့ စံချိန်စံညွှန်းတွေအတိုင်း မိမိကိုယ်ကို တောင်းဆိုကြဖို့ပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 罗森塔尔效应 (Pygmalion effect, or Rosenthal effect) ဆိုတာပဲဖြစ်ပါတယ်။

ပါမောက္ခရိုဇန်သယ်ရဲ့ စမ်းသပ်မှုအကြမ်းဖျင်းလေးကို ပိုမိုလေ့လာချင်သူများအနေနဲ့ အောက်ပါလင့်ခ်ကို သွားရောက်နိုင်ကြောင်းပါ။ http://www.answers.com/topic/pygmalion-effect

ပျော်ရွှင်ကြပါစေ

ဦးမောင်

၂၁.၀၂.၂၀၁၀ ညနေ ၀၅း၀၈

စွန့်လွှတ်ခြင်းနဲ့ရွေးချယ်ခြင်း

     အမေရိကန်က မိုက်ကယ်လို့ခေါ်တဲ့လူငယ်တစ်ယောက်ဟာ တရုတ်ပြည်ကို လာရောက်လည်ပတ်စဉ်မှာ တရုတ်မလေး ဟွမ်လိကို မြင်မြင်ချင်း ချစ်ခင်သွားပါတယ်။

     ၂နှစ်လောက်ပိုးပန်းပြီးတဲ့နောက် နောက်ဆုံးမှာ ဟွမ်လိက  သဘောကျသွားပြီး  သက်သောင့်သက်သာလုပ်နေရတဲ့ သူမရဲ့အလုပ်ကိုထွက်လို့ မိုက်ကယ်နဲ့ အမေရိကားကို လိုက်သွားပါတော့တယ်။

     မထင်မှတ်ထားမိတာက ပျားရည်စမ်းကာလကျော်ကာစပဲရှိသေးတယ်၊ မိုက်ကယ်က သူမကို အလုပ်ထွက်လုပ်ဖို့ တောင်းဆိုပါတယ်။ ‘‘ဒါလင်ရယ်၊ ကျွန်မရှင့်အတွက် အလုပ်ကလည်းထွက်ခဲ့တယ်။ ပြီးတော့ မွေးရပ်မြေကိုစွန့်ပြီး အမေရိကန်ကို လိုက်လာခဲ့တယ်။ ကျွန်မရှင့်အတွက် စွန့်လွှတ်ခဲ့တာတွေကို နားလည်ခံစားပြီး ကျွန်မကို ၃၊၄နှစ်လောက် ရှာကျွေးပါဦးလား’’ လို့ ဟွမ်လိက ချွဲလိုက်ပါတယ်။ 

     ‘‘ဘာပြောတယ်။’’ မိုက်ကယ် အရမ်းအံ့အားသင့်သွားတယ်။ ‘‘ဒါကို ‘စွန့်လွှတ်’ တယ်လို့ ဘယ်ပြောလို့ဖြစ်မလဲ။ ဒါ မင်းရဲ့ ရွေးချယ်မှုကွ။ အာလုံးကို မင်းလိုလိုချင်ချင်နဲ့ လုပ်ခဲ့တာမဟုတ်ဘူးလား။’’

     ဒီစကားလည်းကြားရော ဟွမ်လိဟာ မူးမေ့မတတ်ဖြစ်သွားပါတယ်။ သူတော့ လူကဲခတ်မှားပြီလို့ ထင်လိုက်မိတာပေါ့။ နေရာစိမ်းလူစိမ်းတွေနဲ့ အမေရိကားမှာ အလုပ်မလုပ်နိုင်ဘူးလို့ ခေါင်းမာမာနဲ့ စိတ်ပိုင်းဖြတ်ထားတဲ့အတွက်ကြောင့်  နောက်၃၊၄လအကြာမှာ မိုက်ကယ်က ကွာရှင်းပြတ်စဲဖို့ ပြောပါတော့တယ်။

     ကွာရှင်းပြတ်စဲပြီးနောက်မှာ ဟွမ်လိဟာ အချိန်တော်တော်ကြာအောင် စိတ်ဓါတ်တွေကျဆင်းခဲ့ပါတယ်။ မိုက်ကယ် သူမအတွက် ခွဲပေးခဲ့တဲ့ပစ္စည်းတွေ သုံးလို့ကုန်သွားတဲ့အခါမှာတော့ ကိုယ့်ဝမ်းကိုယ်ကျောင်းဖို့ သူများအလုပ်ကို မလုပ်လို့မရတော့ပါဘူး။ မမျှော်လင့်ထားမိတာက တဖြည်းဖြည်းနဲ့ ကိုယ့်ခြေထောက်ပေါ်ကိုယ် ကောင်းကောင်းရပ်တည်လာနိုင်တာကိုပါ။ ငွေလည်းတဖြည်းဖြည်းနဲ့ ပြန်စုမိလာပါတော့တယ်။ 

     အဲဒီဒေသရဲ့ ဓလေ့စရိုက်နဲ့လူတွေအကြောင်းနားလည်လာတော့မှာပဲ အမေရိကန်လူမျိုးတွေစိတ်ထဲမှာ တစ်ဖက်သားရဲ့ရွေးချယ်မှုကိုလေးစားတယ်ဆိုတဲ့ အပြောပဲရှိပြီး တစ်ဖက်သားရဲ့စွန့်လွှတ်မှုကို ကျေးဇူးတင်တယ်ဆိုတဲ့ အပြောမျိုး မရှိဘူးဆိုတာကို သူမသဘောပေါက်လာပါတယ်။

     ဒါကြောင့် ရွေးချယ်မှုတွေပြုလုပ်တဲ့အခါ ကိုယ့်ရဲ့စိတ်ထဲကစစ်မှန်တဲ့ဆန္ဒအတိုင်း လုပ်ဖို့လိုပါတယ်။ တစ်ဖက်သူက ကိုယ့်ကိုကျေးဇူးတင်လွန်းတဲ့အတွက် ကိုယ့်ရွေးချယ်မှုရဲ့ နောက်ဆက်တွဲရလဒ်တွေကို လုံးဝ တာဝန်ယူမှာ မဟုတ်ပါဘူး။

     ကျွန်တော်တို့အတွက်ပြောရရင်လည်း သဘောတရားက အတူတူပဲမဟုတ်ပါလား။

သဘောတရား။     ။ မိမိရွေးချယ်မှုအတွက် တခြားလူကို တာဝန်မခံခိုင်းဖို့ပါ။  မဟုတ်ရင်လည်း တခြားလူကို ကိုယ့်အပေါ်တာဝန်မယူဘူးလို့ သွားပြီးအပြစ်မတင်ဖို့ပါ။ ဒါ့အပြင် မိမိဖာသာရွေးချယ်နိုင်မှုနဲ့ လွတ်လပ်မှုကို ဘယ်တော့မှ မစွန့်လွှတ်ဖို့ပါ။ သို့မှသာ ချမ်းသာခြင်းအစစ်ကို လက်ပိုင်ရရ ဆုပ်ကိုင်နိုင်ကြမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 牺牲与选择 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၈.၀၂.၂၀၁၀ ည ၁၁း၃၁

စွန့်ဖို့လိုနေတာက

     ၅နှစ်ပြည့်မွေးနေ့မှာ ညိုညိုလေးဟာ ပုလဲတုဆွဲကြိုးလေးတစ်ကုံးကို လက်ဆောင်ရခဲ့ပါတယ်။ ဒီဆွဲကြိုးလေးကို ကြိုက်လွန်းလို့ သူ့မှာလက်ကမချနိုင်ပါဘူး။ ဘာအင်္ကျီပဲဝတ်ဝတ် သူကတော့ အဲဒီဆွဲကြိုးလေးကို လည်ပင်းမှာအမြဲဆွဲထားတတ်ပါတယ်။ ညဘက်အိပ်ရင်လည်း ဆွဲကြိုးလေးကို ခေါင်းအုံးဘေးမှာ ထားပြီးအိပ်ပါတယ်။ ၆နှစ်ပြည့်မွေးနေ့ရောက်တဲ့အထိ ဆွဲကြိုးလေးအပေါ် သူ့နှစ်သက်မှုက လျော့မသွားပဲ တိုးလို့သာလာပါတယ်။

     ‘‘မေမေ၊ ဒီနေ့သမီးကို ဘာလက်ဆောင်ပေးမှာလဲဟင်။’’ ညိုညိုလေးက သူ့အမေကို မေးလိုက်ပါတယ်။

     မအေက ခါးလေးကိုင်းပြီး သူ့ရဲ့ချစ်စရာကောင်းတဲ့မျက်နှာလေးပေါ်မှာ နဖူးလေးအပ်လို့ ‘‘သမီးလေးရယ်၊ မေမေက သမီးလေးကို အရမ်းလှတဲ့ လက်ဆောင်လေးတစ်ခုပေးရမှာပေါ့။ ဒါပေမယ့် သမီးရဲ့ ပုလဲဆွဲကြိုးလေးနဲ့တော့ အလဲအလှယ်လုပ်မှရမယ်။’’

     ဒါကိုလည်းကြားရော ညိုညိုလေးရဲ့ မျက်လုံးအိမ်ထဲမှာ တမုဟုတ်ချင်းပဲ မျက်ရည်လေးတွေဝေ့လာတာပေါ့။ ‘‘မဖြစ်ဘူး၊ မေမေရဲ့။ သမီးဒီဆွဲကြိုးလေးကို အရမ်းကြိုက်တာမေမေလည်းသိတာပဲ။ သမီး တခြားဟာနဲ့ အလဲအလှယ်လုပ်မယ်လေ၊ ရမလား။’’

     ‘‘မရဘူးကွယ်။’’ မအေရဲ့လေသံက အရမ်းနူုးညံ့ပေမယ့် ခိုင်မာပြတ်သားလှပါတယ်။

     ‘‘သမီးရဲ့ ဆင်ဖြူရုပ်ကလေး မေမေ့ကို ပေးမယ်လေ။ အဲဒါလေးက သမီးအရမ်းကြိုက်တဲ့ ကစားစရာလေး။ ဟို မင်းသမီးဂါဝန်လှလှလေးကိုလည်း မေ့မေ့ကိုပေးလို့ရတယ်.......’’ ညိုညိုလေးက ပူပန်စိတ်ကလေးနဲ့ ပြောနေရှာပါတယ်။

     ‘‘မရဘူးကွယ်၊ မေမေက သမီးရဲ့ ဆွဲကြိုးကိုပဲလိုချင်တာ။’’ မအေက ခေါင်းခါပြီး ထပ်ပြောလိုက်ပါတယ်။

     ညိုညိုလေး အသံတိတ်သွားတယ်။ တောက်ပတဲ့ မျက်ရည်လုံးလေးတွေက မျက်နှာပေါ်မှာ တလုံးပြီးတလုံး လိမ့်ဆင်းလာပါတော့တယ်။ ခဏလောက် အသံတိတ်နေပြီးမှ နောက်ဆုံးမှာ ညိုညိုလေးက လည်ပင်းကပုလဲဆွဲကြိုးလေးကို ဖြည်းဖြည်းချင်း ဖြုတ်လိုက်ပြီးတော့ လက်လေးနှစ်ဖက်နဲ့ သူ့အမေကို ပေးလိုက်ပါတယ်။

     ‘‘သမီးလေး..ရော့၊ ဒါကမေမေ သမီးကို ပေးတဲ့ လက်ဆောင်။’’ မအေရဲ့ အသံက အနည်းငယ် ဆို့နင့်နေပါတယ်။

     ညိုညိုလေးက ဖြေးဖြေးခြင်းခေါင်းမော့လိုက်ပါတယ်။ သူ့အငိုမျက်လုံးလေးထဲမှာ လှပသေသပ်တဲ့ ဗူးလေးတခု ပေါ်လာပါတယ်။ အထဲမှာတော့ ညက်ညောစင်ကြယ်ပြီး ပြိုင်ဘက်ကင်းအောင်လှတဲ့ ပုလဲဆွဲကြိုးလေးတစ်ကုံး။ ဒါကတော့ ပုလဲအစစ်ပါ။

     လတ်စသတ်တော့ မအေက သမီးဖြစ်သူ ပုလဲတုဆွဲကြိုးလေးကို စွန့်လွှတ်ရဲတဲ့အချိန်အထိ တမင်စောင့်ပြီးတော့မှ ပုလဲအစစ်ဆွဲကြိုးလေးကို ပေးခဲ့တာကိုး။

သဘောတရား။     ။ ရတနာအတုကိုစွန့်မှ ရတနာအစစ်ကိုရမှာပါ။ တန်ဖိုး စစ်စစ်မှန်မှန်မရှိတဲ့အရာတွေကို ကိုယ့်ဘ၀ထဲမှာထားမယ်ဆိုရင် တကယ်တန်ဖိုးစစ်မှန်တဲ့အရာတွေက ရောက်လာနိုင်တော့မှာမဟုတ်ပါဘူး။ (စွဲလမ်းမှုတွေနဲ့လိုချင်နေတဲ့ မစစ်မှန်တဲ့အရာတွေကို) နာကြင်မှုကိုမြိုသိပ်ပြီး ဖြတ်နိုင်မှ (စစ်မှန်တာတွေကို) ပိုပြီးရလာနိုင်ကြမှာပါ။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 妞妞的项链 ဆိုတာပဲဖြစ်ပါတယ်။

ပျော်ရွှင်ကြပါစေ

ဦးမောင်

၁၈.၀၂.၂၀၁၀ ည ၁၀း၁၃

ဘာသာပြန်ခြင်း

     [ကျွန်တော်သည် ဘာသာအနည်းငယ်မျှသာပြန်ဖူးပါသည်။ ဘာသာပြန်ကျွမ်းကျင်သူလည်းမဟုတ်ပါ။ ဘာသာကောင်းမွန်စွာပြန်တတ်ရန် ကြိုးပမ်းနေသူတစ်ဦးသာဖြစ်ပါသည်။ မိမိ ခံစားခဲ့ရ ကြုံခဲ့ရသည်များကို ပြန်လည်ဖောက်သည်ချခြင်းသာဖြစ်ပါသည်။ အရေးမတော်၍ ဆရာကြီးပုံပေါက်ခဲ့သော် နားလည်မှုဖြင့် ခွင့်လွှတ်ပေးကြစေလိုပါသည်။]

     ဘာကိစ္စမဆို လွယ်တယ်လို့တွေးရင်လွယ်ပါတယ်။ ခက်တယ်လို့တွေးရင်လည်း ခက်နေနိုင်ပါတယ်။ ဘာပဲဖြစ်ဖြစ်တကယ် လုပ်ကြည့်တဲ့အခါ အခက်အခဲကတော့ အနည်းနဲ့အများဆိုသလို တွေ့လာနိုင်ပါတယ်။

     အဲဒီတော့ ဘာသာပြန်ခြင်းအပေါ် ဘယ်လိုသဘောထားကြပါမလဲ။ ဘာသာပြန်တာဟာ လွယ်ကူပါသလား? ဒီမေးခွန်းကို ကျွန်တော်တို့ကြိုးစားပြီး ဖြေကြည့်ကြရအောင်လားဗျာ။

     ကျွန်တော် ဘာသာပြန်မလုပ်ခင်တုန်းက ဟိုစာအုပ်ဘာသာပြန်ချင်သလိုလို၊ ဒီစာအုပ်ဘာသာပြန်ချင်သလိုလိုနဲ့ ဘယ်ဟာမှ ဟုတ်တိပတ်တိ မစဖြစ်ခဲ့ပါဘူး။ စဖို့ကြိုးစားခဲ့တိုင်း ဟိုဟာမသိ ဒီဟာမသိနဲ့ တိုးလိုးတန်းလန်းရပ်သွားခဲ့တာချည်းပါပဲ။ အကြောင်းပြချက်ကလည်း စုံမှစုံ။ အဘိဓါန်လှန်ရမှာပျင်းတာရယ်။ တခြားစာကြီးပေကြီးတွေကို များများဖတ်မှ ဘာသာပြန်ရတာ ပိုကောင်းမယ်ဆိုတာတွေ။ ခါးနာတာနဲ့။ ခေါင်းကိုက်တာနဲ့။ ဒီထက်အရေးကြီးတာတွေ လုပ်နေရတာနဲ့။  ပေးလည်းပေးနိုင်လွန်းတဲ့ ဆင်ခြေတွေ။ (ဒီနေ့အထိလည်း ကိုယ်မလုပ်ချင်တာတွေကို ဆင်ခြေမျိုးစုံပေးတုန်းပါပဲ။)

     တကယ့်တကယ် အနောက်ကတွန်းအားနဲ့ အလုပ်သဘောလည်းဆန်လာရော အဲဒါတွေကို အကုန်ဘေးပုံရတော့တာပဲ။ ပျင်းပျင်းမပျင်းပျင်း အဘိဓါန်လှန်။ ရောချလို့မှမရတာ။ တခြားစာတွေလည်းမဖတ်အားပါဘူး။ ကိုယ်ဘာသာပြန်ရမယ့်ဟာကိုပဲ ထပ်ပြန်တလဲလဲ ကြည့်နေရတာ။ ခါးနာလည်းလုပ်၊ ခေါင်းကိုက်လည်းလုပ်။ ဒီထက်အရေးကြီးတာမရှိ။ ဒါကအရေးအကြီးဆုံးပဲ။  အဲဒီလိုအခါမျိုးကြမှ ဆရာတော်ကြီးတစ်ပါးမိန့်ခဲ့ဖူးတဲ့စကားလေးနဲ့ ကိုယ့်ကိုယ်ကို တွန်းရတာပေါ့။ ‘‘လုပ်ချင်ချင်မလုပ်ချင်ချင် ပေလုပ်’’ ဆိုတာ။ (တရားကျင့်တဲ့နေရာမှာအသုံးချဖို့ မိန့်ခဲ့ပုံရပါတယ်။)

    လူတိုင်းသိကြပါတယ်။ ဘာသာပြန်လုပ်ငန်းရဲ့ ပထမဆုံးအခက်အခဲက ကိုယ်ကိုင်တွယ်ရတဲ့ ဘာသာစကားကို ဝေါဟာရ မကျွမ်းကျင်တာပါ။ ဒါကတော့ ဘာသာရပ်ဆိုင်ရာစာအုပ်တွေ၊ အဘိဓါန်တွေကို အားကိုးရင် ပြေလည်နိုင်ပါတယ်။ ကိုယ်နဲ့စိမ်းတဲ့နယ်ပယ်အကြောင်း ဘာသာပြန်တုန်းကဆို ငိုတောင်ငိုချင်တယ်။ တစ်လုံးမှ ကိုယ်နဲ့မရင်းနှီးဘူး။ နောက်ဆုံး သူငယ်ချင်းဆီက ဘာသာရပ်ဆိုင်ရာအဘိဓါန် ၂အုပ်၃အုပ်လောက် ငှားလို့ရတော့မှပဲ စိတ်ထဲ နည်းနည်းပေါ့သွားတော့တယ်။ ဒါတောင်မှ အဘိဓါန်ထဲမှာ ကိုယ်ရှာချင်တာ အကုန်မရှိပါဘူး။

     ဒုတိယကတော့ ဘာသာစကားအခက်အခဲမရှိဘူးထားဦး၊ ဆီလျော်တဲ့ဝေါဟာရနဲ့ ဖလှယ်နိုင်ရေးကခက်ပြန်ရော။ အခြေအနေနဲ့ လိုက်လျောညီထွေဖြစ်အောင်  ဝေါဟာရတွေ ပြောင်းသုံးရပါတယ်။ ခပ်တည်တည် ခပ်ခန့်ခန့် ပြန်ရမှာလား။ ဟာသသံလေးနှောပြီးပြန်ရမှာလား။ လေသံအနေအထား၊ ဇာတ်ကောင်စရိုက်၊ ဇတ်လမ်းအခြေအနေ၊ ခေတ်အခါကာလ၊ နောက်ခံဆင်း(Scene) စတာတွေနဲ့ကိုက်ညီအောင် ဝေါဟာရတစ်လုံးထဲကိုပဲ အသုံးအနှုံးအမျိုးမျိုးနဲ့ အလိုက်သင့်ပြောင်းလဲသုံးနှုံးပေးရပါတယ်။ 

     တတိယကတော့ ပြေပြစ်တဲ့ဝါကျလေးတွေ၊ စာပိုဒ်လေးတွေ၊ စကားလေးတွေရလာဖို့ပါ။ သဒ္ဒါပိုင်းလို့ပြောနိုင်ပါတယ်။ စာတွေစကားတွေက ထောင့်ထောင့်ကြီးတွေဖြစ်နေရင် အရမ်းသိသာပါတယ်။ အဲဒီမှာ ဘေးလူအကူအညီ ယူရတော့တာပါပဲ။ ကိုယ်ပြန်ထားတဲကဟာကို ကိုယ့်ဖာသာပြန်ဖတ်ရင်တော့ ဟုတ်နေသလိုလို။ သူများကို အကူအညီတောင်းပြီး ပြန်ဖတ်ခိုင်းတော့မှ တမျိုးကြီးဖြစ်နေတတ်ပါတယ်။ ဒါကိုတော့ ကိုယ်ကိုယ်တိုင် စာများများဖတ်ရင် ဖြေရှင်းလို့ ရနိုင်ပါတယ်။

     စတ္တုထ္ထကတော့ လူမျိုးတွေရဲ့ ယဉ်ကျေးမှုနဲ့ သူတို့ရဲ့ ကိစ္စရပ်တွေအပေါ်မြင်ကြပုံပါ။ အထူးသဖြင့် ဟာသဘာသာပြန် တချို့ကိုဖတ်ပြီး မရယ်ရတဲ့အခါ တခုခုသိဖို့လိုနေကြောင်း သတိထားမိကြမှာပါ။ ဟာသက ရယ်စရာမကောင်းလို့ မဟုတ်ပါဘူး။ ကိုယ်က သိထားရမယ့် ယဉ်ကျေးမှုထုံးတမ်းတွေကို မသိထားတာကြောင့်လည်း ဖြစ်နိုင်ပါတယ်။

     ပဉ္စမကတော့ ကျင်လည်းကျက်စားရာ နယ်ပယ်အသိုင်းအ၀ိုင်းပါ။ ရှေ့နေလောက၊ စီးပွားရေးလောက၊ ဆရာဝန်လောက စသဖြင့် သူတို့တွေရဲ့လောကမှာ အသုံးများ လူသိများတဲ့ ဝေါဟာရနဲ့ အကြောင်းအရာတွေပါ။ ဒါတွေကတော့ စာစုံဖတ်၊ လူစုံပေါင်းမှ ရလာနိုင်မယ့် ဗဟုသုတတွေပါ။

     ဆဌမကတော့ ဘာသာစကားကိုယ်၌ပါ။ ဒါကတော့ ပိုပြီးခက်ခဲတဲ့အပိုင်းပါ။ စာပေမတူတဲ့အတွက် ဖြစ်လာတဲ့အချက်ပါ။ ဒါတွေကိုတော့ နီးနီးစပ်စပ် ကိုယ့်စာပေအသုံးအနှုံးမျိုးရအောင်ပဲ ပြန်နိုင်ပါတယ်။ ဥပမာ စကားပုံလိုဟာမျိုးတွေပါ။ တခါတလေမှာ ဖလှယ်စရာမရှိလောက်အောင် ကွဲပြားလှပါတယ်။

     သတ္တမကတော့ ဝေါဟာရအကျစ်အဖောင်းပါ။ တခါတလေမှာ ဘာသာပြန်ရင် ကိုယ့်ဘာသာစကားကိုယ် ဖလှယ်လိုက်ပြီးတဲ့အခါ သူက စာတစ်ကြောင်း ကိုယ်က စာနှစ်ကြောင်း၊ သူကစာတစ်မျက်နှာ ကိုယ်က စာနှစ်မျက်နှာလောက်ဖြစ်နေတတ်ပါတယ်။ သူက စကားတစ်ခွန်း ကိုယ်က သုံးလေးခွန်းဖြစ်နေတတ်ပါတယ်။ သူက တစ်သံထဲထွက်ပြီး ကိုယ့်ကျမှ အသံသုံးလေးသံလောက်ထွက်နေတာပါ။

     အဋ္ဌမကတော့ သူတိုမှာ ဒီလိုသုံးပေမယ့် မိမိဘာသားစကားမှာ ဘယ်လိုသုံးသလဲဆိုတာ လေ့လာရတာပါ။ ဒီအချက်ဟာ တော်တော် ဒွိဟပွားစရာပါပဲ။ ကျွန်တော် သူများဘာသာပြန်လေးတွေကို စဖတ်တုန်းက စာထဲမှာရေးထားတဲ့ ဝေါဟာရကိုကျတော့မပြန်ဘဲနဲ့ မပါတဲ့ဝေါဟာရကိုတော့ ထည့်သုံးထားတာ သတိထားမိပါတယ်။ ကိုယ်က အထင်တောင်တစ်မျိုးရောက်ခဲ့မိသေးတယ်။ တိုက်ရိုက်ဖလှယ်လိုက်ရင် ပြေပြေပြစ်ပြစ်တော့ ရလာနိုင်ကောင်းပေမယ့် ကိုယ့်အသုံး ကိုယ့်အပြောမဟုတ်တဲ့အတွက် ထောင့်ထောင့်ကြီးဖြစ်နေတယ်ဆိုတဲ့ ခံစားချက်ကြီးက အပိုပါနေတော့မှာပါ။ ဒါပေမယ့် ဆီလျော်အောင်၊ အာဘော်မိအောင်၊ ပြေပြစ်အောင် စတာတွေအတွက် free ရမ်းလုပ်လို့လည်းမရနိုင်ပါဘူး။ ချိန်ဆမှုအများကြီးလိုအပ်လာပါတယ်။ ဒီအချက်ကိုတော့ ဘာသာပြန်သက်ရင့်နေတဲ့ ဆရာသမားကြီးများရဲ့ ဘာသာပြန်တွေကို ပြန်လေ့လာတာရယ် ၊ မိမိကိုယ်တိုင် ဘာသာပြန်သက်ရင့်လာတာရယ်ကလွဲလို့ တခြားဖြတ်လမ်းမရှိနိုင်ဘူးလို့ထင်မိပါတယ်။

     ဒီအခက်အခဲတွေအကြောင်းကို ကျွန်တော်ပြောနေရခြင်းမှာ ရည်ရွယ်ချက်ရှိပါတယ်။ ဘာသာပြန်တာဟာ လွယ်ကူသလားဆိုတဲ့အချက်ပါ။ ပထမဆုံးက နိဒါန်းကိုပြန်ကောက်ကြည့်ဖို့ပါ။ 

     

     ဘာသာပြန်နဲ့ နှိုင်းယှဉ်ရရင် ကိုယ့်စိတ်ထဲ ကိုယ့်ခေါင်းထဲမှာ ရှိနေတဲ့ ခံစားချက်တွေ အတွေးတွေကို သိပ်မနက်နဲရင် အလွယ်တကူရေးချလို့ရနိုင်မှာပါ။ ဘာသာပြန်ကတော့ အဲဒီလောက် မလွယ်ဘူးလို့ ထင်မိပါတယ်။ ဘာသာစကားပေါင်းကူးတံတားကို အဆင်ပြေပြေခင်းပေးဖို့ တာဝန်တစ်ရပ် အပိုရှိလာပါတယ်။ မူရင်းစာရေးသူရဲ့ အာဘော်နဲ့ ဆိုလိုရင်းကို မတိမ်းမစောင်းပဲ ထပ်တူပြုပေးနိုင်ဖို့ တာဝန်ကိုလည်း ယူထားရပါတယ်။ အပျော်ဖတ်စာပေတွေ၊ ပုံတိုပတ်စတွေကို ဘာသာပြန်ရင် ဒီလောက် ဒုက္ခခံဖို့လိုချင်မှလိုမှာပါ။ ဒါပေမယ့် သမိုင်းဘာသာပြန်၊ သတင်းဘာသာပြန်၊ ဆောင်းပါးဘာသာပြန်၊ အက်ဆေးဘာသာပြန် စတဲ့ နက်နဲတဲ့အပိုင်းတွေကို ဘာသာပြန်ရင်တော့ အထက်ပါအချက်တွေကို ဂရုပြုဖို့လိုအပ်လာပါလိမ့်မယ်။

     ဘာသာပြန်တတ်ကြပါစေ။

ပျော်ရွှင်ကြပါစေ

ဦးမောင်

၁၁-၀၂-၂၀၁၀ ည ၁၂း၄၉