အဘိုးအိုတစ်ယောက်နဲ့ လူငယ်တစ်ယောက်တို့ဟာ ပင်လယ်ကမ်းစပ်မှာ ခရုလာကောက်ကြပါတယ်။ ပင်လယ်ခရုတွေကို ဈေးထဲမှာ ပြန်ရောင်းဖို့ပါ။
လူငယ်ဖြစ်သူက ခြေထောက်တွေကလဲသွက်လက်၊ မျက်စိကလည်းလျင်တော့ သူကောက်လို့ရတဲ့ ပင်လယ်ခရုတွေဟာ အဘိုးအိုကောက်လို့ရတာထက် ပိုလည်းကြီး ပိုလည်းများမယ်လို့ သေချာပေါက်ကို တွက်ထားပါတယ်။ ဒါကြောင့်မို့ သူမျက်လုံးတွေက ကြီးပေ့ကောင်းပေ့ဆိုတဲ့ ခရုတွေကိုပဲ တလျှောက်လုံး လိုက်ကြည့်နေတော့တာပေါ့။
နာရီဝက်လောက်ကြာတဲ့အထိ လူငယ်ဟာ အဘိုးအိုရှေ့ကနေလျှောက်နေပေမယ့် ခါးကိုင်းပြီး (ခရု)လှမ်းကောက်လိုက်တဲ့အကြိမ်အရေအတွက်က သိပ်မများလှဘူး။ သူ့နောက်ဘက်မှာတော့ ခရုအရွယ်စုံတွေက နေရာအနှံ့ရှိနေတာပေါ့။ အဘိုးအိုကျတော့ လူငယ်နဲ့ပြောင်းပြန်။ နောက်ကောက်ကျကျန်နေပေမယ့် ခရုဆိုရင် ကြီးကြီးသေးသေး အဖိုးတန်ရတနာတွေရသလို ခါးကိုင်းကာကိုင်းကာနဲ့ ကောက်ပစ်လိုက်တာပါပဲ။
တစ်နာရီတောင် မပြည့်သေးပေမယ့် အဘိုးအိုအိတ်ထဲမှာတော့ ပင်လယ်ခရုတွေ အများကြီးဖြစ်နေပြီး လူငယ်ရဲ့ အိတ်ထဲမှာတော့ လာခါစတုန်းကလိုပဲ ဗလာဟင်းလင်းနဲ့ပေါ့။
‘‘ကောင်လေး၊ ဒီမှာ ဒီလောက်များတဲ့ခရုတွေကို မင်းမမြင်လို့လား၊ သိပ်လည်းဂျီးများမနေနဲ့တော့၊ မဟုတ်ရင် ခရုတစ်ကောင်မှကို ရမှာ မဟုတ်ဘူး’’ လို့ အဘိုးအိုက လူငယ်ကို ပြောလိုက်တယ်။
လူငယ်ကတော့ မဲ့ကာရွဲ့ကာနဲ့ ‘‘ကျွန်တော် လိုချင်တာက ကောင်းပေ့ကြီးပေ့ဆိုတဲ့ ခရုကြီးတွေ၊ ဒါမှဈေးကောင်းကောင်းနဲ့ရောင်းလို့ရမှာ’’ လို့ ပြန်ဖြေလိုက်တယ်။
အချိန်တွေမသိမသာနဲ့ကုန်လွန်သွားပြီး နေ၀င်ချိန်ရောက်ကာနီးပေမယ့် လူငယ်ကောက်ထားတဲ့ ခရုတွေကတော့ သိပ်မများလှပါဘူး။ သူမျှော်လင့်ထားတဲ့ ခပ်ကြီးကြီးခရုကောင်တွေက အတွေ့ရနည်းတာကိုး။ အဘိုးအိုအိတ်ထဲမှာတော့ (ခရုတွေနဲ့) ပြည့်ကြပ်နေတော့တာပေါ့။ ထည့်လို့တောင် မဆန့်တော့ပါဘူး။
|
-------------------------------------------------------------------------------------------------------------------------------
ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事,大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 捡海螺 ဆိုတာပဲဖြစ်ပါတယ်။
ပျော်ရွှင်ကြပါစေ...
မောင်မောင်
၀၁.၀၁.၂၀၁၀ ည ၀၉း၁၄
No comments:
Post a Comment