မိမိကိုယ်ကို ထိန်းသိမ်းခြင်း

     

     ဒီနေရာကတော့ အမေရိကန်က တက္ကသိုလ်တစ်ခုရဲ့ အလုပ်ချိန်ပြင်ပ ဂျပန်စာသင်တန်းလေးမှာ ဖြစ်ပါတယ်။ ဂျပန်စာကို လိုအပ်နေတဲ့လူတွေ၊ နှစ်သက်တဲ့လူတွေနဲ့ အကြောင်းအမျိုးမျိုးကြောင့် စနစ်တကျ မလေ့လာဖြစ်တဲ့လူတွေအတွက် ရည်ရွယ်ပြီး ဖွင့်လှစ်ထားတဲ့ သင်တန်းလေးပါ။ 

     တစ်နေ့တော့ အတန်းထဲမှာ ရုတ်တရက် လူတစ်ယောက် တိုးလာပါတယ်။ အသက် ၅၀ ကျော်လောက်ရှိတဲ့ အဖွားကြီးပါ။  စစချင်းတော့ အားလုံးက ထူးဆန်းတယ်လို့မခံစားမိပါဘူး။ ဘာဖြစ်လို့လဲဆိုတော့ အမေရိကားမှာ လူတိုင်းက ကိုယ်စိတ်ပျော်ရွှင်ရာကို ရွေးချယ်လုပ်တတ်ကြလို့ပါ။ အငြိမ်းစားယူပြီးတဲ့နောက်မှာ အားလပ်ပြီး လုပ်စရာမယ်မယ်ရရမရှိကြလို့ အသစ်အဆန်းလေးတွေကို လေ့လာသင်ယူတတ်တဲ့ လူကြီးတွေကို အမြဲတွေ့နေရတာဟာ ထူးဆန်းတဲ့ကိစ္စမဟုတ်တော့ပါဘူး။

     ဒါပေမယ့် ဒီအဖွားကြီးဟာ အငြိမ်းစားယူလိုက်လို့ ဟာတာတာဖြစ်နေတာကိုပြန်ဖြည့်ဖို့ လာနေတာမဟုတ်ဘူးဆိုတာ အချိန်ကာလတခုလောက်ကြာတော့မှပဲ လူငယ်ကျောင်းသားတွေ တဖြည်းဖြည်းနဲ့ သတိထားမိသွားပါတယ်။ ကြည့်လေ။ နေ့တိုင်း မနက်အစောကြီး စာသင်ခန်းကိုလာတယ်။ စာတွေပြန်နွှေးတယ်။ သင်ရတော့မယ့် စာစီစာကုံး(ဆောင်းပါး)အသစ်တွေကို သေသေချာချာနဲ့ အပြန်ပြန်အလှန်လှန် ရွတ်ဖတ်တယ်။  အတန်းထဲမှာ ဆရာကစာမေးရင်တော့ သူ့မှာ တစ်ခေါင်းလုံး ချွေးတလုံးလုံးနဲ့ပေါ့။ ပြီးတော့ မှတ်စုဆိုရင်လည်း ရေးထားတာ ညီညီညာညာ သပ်သပ်ရပ်ရပ်နဲ့။ လူငယ်အတော်များများကတောင် သူ့မှတ်စုတွေကို ပြန်ကိုးကားနိုင်အောင် ငှားဖို့တန်းစီကြရတယ်။ ဒါ့အပြင် စာမေးပွဲဖြေခါနီးတိုင်းလည်း စိတ်လှုပ်တရှားနဲ့ ပြန်လှန်လေ့ကျင့်ခန်းတွေလုပ်တယ်။ လိုအပ်တာတွေသိအောင်လုပ်ပြီး ပြန်ဖြည့်စွက်တယ်။

     အချိန်သိပ်မကြာခင်မှာပဲ ဒီအဖွားကြီးကို  ‘‘ဘယ်သူများပါလိမ့်’’ ဆိုပြီး အများက တော်တော်လေး သတိထားမိလာတဲ့ ပြောစမှတ်တွင်လောက်တဲ့ လူတစ်ဦးဖြစ်လာတယ်။ တစ်နေ့မှာတော့ ပရော်ဖက်ဆာဟောင်းတစ်ဦးက လူငယ်တွေအတွက် ဒီပဟေဠိရဲ့အဖြေကို ဖော်ထုတ်ပေးလိုက်ပါတယ်။ ပရော်ဖက်ဆာကြီးက ‘‘မိဘလုပ်တဲ့သူတွေက ကိုယ်ပိုင်စည်းကမ်းရှိမှ  ကလေးတွေကို ဆုံးမသွန်သင်လို့ရမယ်။ အများကလေးစားရတဲ့ ဒီအမျိုးသမီးကြီးကို မင်းတို့တွေမေးလို့ရပါတယ်။ သူ့မှာ စည်းကမ်းသေ၀ပ်တဲ့ ကလေးတစ်အုပ် ရှိကိုရှိရမယ်’’ လို့ပြောလိုက်ပါတယ်။

     အဲဒီအချိန်ကျတော့မှပဲ လူတွေက ဒီအဖွားကြီးဘယ်သူဆိုတာကို သိရပါတော့တယ်။ သူ့ကို ကျူးမုလန်လို့ခေါ်ပါတယ်။ အမေရိကန်ရဲ့ ပထမဆုံးသော တရုတ်နွယ်ဖွား အမျိုးသမီးဝန်ကြီး ကျောက်ရှောင်လန် ရဲ့ မိခင်ကြီးပါ။

     မိခင်က ဘယ်လိုလူမျိုးလဲ၊ ဘယ်လိုအရည်အသွေးတွေရှိလဲဆိုတာတွေက ကလေးတွေရဲ့ အနာဂါတ်မှာဖြစ်လာမယ့် စိတ်ဓါတ်နဲ့အရည်အသွေးကို ပမာဏအတိုင်းအတာကြီးကြီးမားမားအထိ အဆုံးအဖြတ်ပေးနေတယ်လို့ ပြောရပါမယ်။ ပြီးတော့ ဒီအချက်တွေကနေ တစ်ဆင့်တက်ပြီး  လူတစ်ယောက်ရဲ့ အနာဂါတ်ကိုလည်း အဆုံးအဖြတ်ပေးနေပါတယ်။ ဒါကြောင့်မို့လို့ ကလေးတွေကို ကောင်းကောင်းထိန်းကျောင်းချင်တယ်ဆိုရင် မိဘဖြစ်တဲ့ကျွန်တော်တို့ကိုယ်တိုင်က ကိုယ့်ကိုယ်ကို အရင်ထိန်းကျောင်းရပါမယ်။ အဲဒီလိုမှမဟုတ်ရင် ကလေးတွေက ကျွန်တော်တို့ရဲ့ အားနည်း ချွတ်ယွင်းချက်တွေကို အမွေဆက်ခံဖို့ အလားအလာ ရှိနိုင်ပါတယ်။ အလားတူပါပဲ၊ မိမိကိုယ်ကို ကောင်းကောင်းမွန်မွန် ထိန်းကျောင်းခဲ့ပြီးပြီဆိုရင်တော့ ကျွန်တော်တို့ရဲ့ ကောင်းကွက် အားသာချက်တွေကို ကလေးတွေက မျက်စိထဲမြင်ပြီး  အတုမြင်အတတ်သင် လုပ်ကြမှာပါ။

      ၀န်ကြီးဖြစ်သူ ကျောက်ရှောင်လန်ရဲ့ ပြန်ပြောင်းပြောပြချက်အရဆိုရင် သူ့အမေနှုတ်ဖျားမှာ အမြဲပြောတတ်တဲ့ စကားတစ်ခွန်းကတော့ ‘‘လူတစ်ယောက်ဟာ ကိုယ့်ကိုယ်ကိုတောင် မထိန်းသိမ်းတတ်ဘူးဆိုရင်၊ ဘာကိစ္စတွေများ လုပ်နိုင်တော့ဦးမှာလဲ’’ ဆိုတာပါပဲ။ 

သဘောတရား။     ။ မိဘဆိုတာ ကလေးတွေရဲ့ လက်ဦးဆရာပါ။ မိဘတွေကိုယ်၌ရဲ့ အရည်အသွေးက ကလေးတွေရဲ့ အရည်အသွေးနဲ့အနာဂါတ်ကို အတိုင်းအတာ ကြီးကြီးမားမားအထိ ဆုံးဖြတ်ပေးပါတယ်။ ဒါကြောင့် ကိုယ့်ကိုယ်ကို ထိန်းသိမ်းမှုမှာတော်တဲ့ မိခင်တစ်ဦးဟာ ကိုယ်ကိုယ်ကို ထိန်းကွပ်မှုတော်တဲ့ သားသမီးတစ်ယောက်ကို သွန်သင်ညွှန်ပြ မွေးထုတ်ပေးနိုင်မယ်ဆိုတာ သေချာလှပါတယ်။

-------------------------------------------------------------------------------------------------------------------------------

ဒီဘာသာပြန်ရဲ့ မူရင်းကတော့ SMALL STORY, BIG PRINCIPLE လို့ နာမည်ပေးထားတဲ့ 小故事，大道理 စာအုပ်ထဲကပါ။ ဒီပုံပြင်ရဲ့ မူရင်း ခေါင်းစဉ်ကတော့ 自律 ဆိုတာပဲဖြစ်ပါတယ်။

ပျော်ရွှင်ကြပါစေ...

မောင်မောင်

၀၆.၀၁.၂၀၁၀ ည ၁၁း၅၃